Kigusiuq, Hannah

(1931–c. 1991)

ᕼᐋᓇ ᑭᒍᓯᐊᖅ ᑎᑎᕋᐅᔭᖅᑎ ᐊᒻᒪᓗ ᑎᑎᖅᑐᒐᖅᑎ ᕼᐊᓐᓂᖓᔪᒃ, ᓄᓇᕗᑦ, ᓄᓇᑐᐃᓐᓇᒥ ᓄᓇᖃᕐᓂᑯ ᑭᓯᐊᓂ ᕿᑎᐊᓂ 1950-ᓂ ᓅᑕᐅᒐᒥᒃ ᖃᒪᓂᑦᑐᐊᕐᒧᑦ, ᓄᓇᕗᑦ, ᑕᐃᒪᓗ ᑎᑎᕋᐅᔭᖃᑦᑕᓕᓚᐅᖅᓯᒪᕗᖅ. ᐊᔪᖏᑉᐸᒌᓚᐅᖅᓯᒪᔪᖅ ᓴᓇᖑᐊᖃᑦᑕᖅᓯᒪᓪᓗᓂ ᓅᓚᐅᕋᓂ ᓱᓕ ᖃᒪᓂᑦᑐᐊᕐᒧᑦ, ᑭᒍᓯᐊᖅ ᓇᖕᒥᓂ ᐊᔪᕈᓐᓃᖅᑎᓯᒪᔪᖅ ᐱᐅᒋᔭᒥᓂᒃ ᓴᓇᔭᖏᑦ ᐊᒻᒪᓗ ᓴᓇᔾᔪᓯᖓ ᐊᒥᓱᓄᑦ ᐊᕐᕌᒍᓄᑦ ᐃᑲᔪᖅᑕᐅᖃᑦᑕᖅᖢᓂ ᓄᓇᓕᖕᓂᑦ. ᑭᒍᓯᐊᖅ ᖃᐅᔨᒪᔭᐅᔪᖅ ᑎᑎᕋᐅᔭᖃᑦᑕᕐᒪᑦ ᑎᑎᕋᐅᑎᓪᓚᑖᑎᒍᑦ, ᐅᓇ ᐃᓄᖑᐊᓕᐅᑦᑎᐊᓲᖅ ᐊᒻᒪᓗ ᓂᕐᔪᑎᖑᐊᓂᒃ ᐃᓚᒌᒍᓯᖏᑦ ᐃᒻᒥᖕᓄᑦ ᐊᑐᓂ. ᑭᒍᓯᐊᖅ ᓴᓇᖃᑦᑕᖅᓯᒪᔪᖅ ᑎᑎᕋᐅᔭᖃᑦᑕᖅᖢᑎᒃ ᐊᒻᒪᓗ ᑎᑎᖅᑐᒐᖅᑎᐅᓪᓗᓂ. ᐅᓇ ᓴᕿᑎᓪᖢᒋᑦ ᐅᖃᐅᓯᑦ ᕿᓂᖅᖢᓂ ᖃᓄᖅ ᐊᑐᖅᓯᒪᔭᒥᓂᒃ ᐱᕈᖅᐸᓪᓕᐊᓗᓂ, ᓴᕿᑎᑦᑎᖃᑦᑕᖅᑐᖅ ᐃᓅᓯᖑᐊᕐᒥᒃ ᓄᓇᒥ ᐊᒻᒪᓗ ᓄᓇᓕᕋᓛᓂ ᐊᑐᖅᖢᒋᑦ ᓄᓇᖃᑎᒌᖑᐊᑦ. ᑎᑎᕋᐅᔭᖅᑕᖏᑦ ᐃᓚᖃᖅᑐᑦ ᐅᑭᐅᒃᑯᑦ ᓄᓇᓕᕋᓛᑦ, ᑭᒧᒃᓯᖅᑐᑦ, ᕿᓚᐅᔾᔭᖅᑐᑦ ᐊᒻᒪᓗ ᖃᐅᑕᒫᑦ ᖃᓄᐃᓕᐅᖅᑕᐅᕙᒃᑐᑦ, ᑕᒪᕐᒥᒃ ᓴᕿᑎᓪᖢᒋᑦ ᐊᒡᒐᒥᓄᑦ ᓴᓇᓪᓗᒋᑦ ᐱᓐᖑᐊᕆᓪᓗᒋᓪᓗ. ᑭᒍᓯᐊᖅ ᓴᓇᔭᖏᑦ ᑕᒪᕐᒥᒃ ᕿᓂᖅᑕᑦ ᐊᒻᒪᓗ ᖃᑯᖅᑕᑦ. ᐊᒥᓱᑦ ᐃᓄᖑᐊᑦ ᖃᓄᑐᐃᓐᓇᖅ ᐋᕿᒃᓯᒪᓪᓗᑎᒃ ᓴᕿᑎᓪᖢᒋᑦ, ᐅᕝᕙᓘᓐᓃᑦ ᐊᒥᓱᑦ ᐃᓄᒋᐊᑦ ᑕᑯᓐᓇᖅᑐᑦ ᕿᒥᕐᕈᐊᖅᑐᒥᒃ ᑮᓇᖏᑦ ᖃᓄᐃᓕᖓᔪᑦ ᐊᑐᓂ, ᑕᑯᔪᓐᓇᖅᑎᑦᑎᔪᖅ ᑕᒪᕐᒥᒃ ᕿᒥᕐᕕᐊᑦᑎᐊᕐᓗᒍ ᖃᓄᐃᓕᐅᖅᑐᑦ ᑖᒃᑯᐊ ᐃᓄᖑᐊᑦ. ᓴᓇᖃᑦᑕᖅᑐᖅ ᑎᑎᕋᐅᔭᖅᖢᓂ ᐊᒻᒪᓗ ᑎᑎᖅᑐᒐᓕᐊᖑᓪᓗᑎᒃ ᑕᐃᒪᖓᓂᑦ 1970, ᑭᒍᓯᐊᖅ ᓴᓇᔭᖏᑦ ᐃᓚᓕᐅᑎᓯᒪᔪᑦ ᓴᕿᔮᖅᑎᑕᐅᖃᑦᑕᖅᖢᑎᒃ ᑕᑯᔭᒐᖃᕐᕕᖕᓂ ᑕᒪᐃᓐᓂ ᓄᐊᑦ ᐊᒥᐊᓕᒐᑦ, ᐃᓚᒋᔭᐅᓪᓗᑎᒃ ᕕᓂᐲᒃ ᓴᓇᖑᐊᖅᓯᒪᔪᓂ ᑕᑯᔭᒐᖃᕐᕕᒃ ᕕᓂᐲᒃ, ᒫᓂᑑᐸ ᐊᒻᒪᓗ ᐃᓄᐃᑦ ᑕᑯᔭᒐᖃᕐᕕᖓ ᕚᓐᑰᕙᒥ, ᕚᓐᑰᕙ, ᐳᑎᓯ ᑲᓚᑉᐱᐊ. ᓴᓇᔭᖏᑦ ᐱᔭᐅᓯᔪᑦ ᓄᐊᑕᐅᓯᒪᔪᑦ ᐊᒥᓱᓂ ᓴᓇᖑᐊᖅᓯᒪᔪᓄᑦ ᑎᒥᖁᑎᒋᔭᐅᔪᓂ ᐃᓚᒋᔭᐅᓪᓗᑎᒃ ᑲᓇᑕ ᑕᑯᔭᒐᖃᕐᕕᒃ ᐃᑦᑕᕐᓂᑕᓂᒃ, ᑳᑦᑎᓄ, ᑯᐸᐃᒃ, ᕕᓂᐲᒃ ᓴᓇᖑᐊᖅᓯᒪᔪᓂ ᑕᑯᔭᒐᖃᕐᕕᒃ ᕕᓂᐲᒃ, ᒫᓂᑑᐸ ᐊᒻᒪᓗ ᓴᓇᖑᐊᖅᓯᒪᔪᓂᒃ ᑕᑯᔭᒐᖃᕐᕕᒃ ᒍᐃᕝ ᑕᐃᑲᓂ ᒍᐃᕝ, ᐋᓐᑎᐅᕆᐅ, ᐊᓯᖏᓪᓗ. ᑕᑯᔭᐅᔪᓐᓇᖅᑐᑦ ᓴᓇᔭᖏᑦ ᖃᒪᓂᑦᑐᐊᖅ ᐊᕐᕌᒍᑕᒫᑦ ᑎᑎᖅᑐᒐᖅᓯᒪᔪᓂᒃ ᓄᐊᑦᑎᕕᖓ ᑎᑭᓵᒃᓴᑦ 1970-ᒥᑦ 1990-ᒧᑦ.

ᓴᓇᙳᐊᖅᑎᑦ ᑭᓇᐅᓂᖏᓐᓄᑦ ᑎᑎᕋᖅᓯᒪᔪᑦ ᑐᓂᔭᐅᓯᒪᔪᑦ ᐊᖏᖅᑕᐅᓯᒪᓪᓗᑎᒃ ᐃᓄᐃᑦ ᓴᓇᙳᐊᖅᑎᓕᕆᔨᒃᑯᑦ ᑐᙵᕝᕕᒃ. ᑕᒪᕐᒥᒃ ᐱᔪᓐᓇᐅᑎᑦ ᒪᓕᒐᖅᑎᒍᑦ.

Kigusiuq, Hannah

ᕿᒻᒥᖅ

c. 1963

ᐅᔭᕋᒃ

6.8 x 19.7 x 4.7 cm

Collection of the Winnipeg Art Gallery, Twomey Collection, with appreciation to the Province of Manitoba and Government of Canada

642.71