Ullulaq, Judas

(1937–1999)

ᔫᑕᔅ ᐅᓪᓗᓚᖅ ᓴᓇᙳᐊᖅᑎᐅᓚᐅᖅᑐᖅ ᐅᔭᖅᑲᓄᑦ ᐱᓗᐊᖅᑐᒋᑦ ᐊᑐᖅᑐᓂ ᐊᔾᔨᒌᙱᑦᑐᓂᒃ ᑲᑎᙵᔪᓂᒃ ᐆᑦᑑᑎᒋᓗᒍ ᕿᓚᓗᒐᐅᑉ ᓴᐅᓂᖓ, ᑑᒑᖅ, ᓇᒡᔪᒃ, ᓴᐅᓂᖅ, ᐃᕙᓗᒃᓴᖅ ᐊᒻᒪᓗ ᐅᒥᒻᒪᐅᑉ ᓇᒡᔪᖓᓂᒃ. ᓄᓇᖃᖅᑐᓂ ᑕᓗᕐᔪᐊᖅ, ᓄᓇᕗᒻᒥᐅᑕᖅ, ᐅᕙᑦᑎᐊᕈ ᓅᓪᓗᓂ ᐅᖅᓱᖅᑑᖅ, ᓄᓇᕗᒻᒧᑦ. ᐅᓪᓗᓚᖅ ᓴᖅᑭᑎᑦᑎᓚᐅᖅᑐᖅ ᓴᓇᙳᐊᒐᓂᒃ ᐱᔾᔪᑎᖃᖅᑐᑦ ᑮᓇᐃᑦ ᐃᔨᒋᔪᓂᑦ, ᐊᔾᔨᒌᙱᑦᑐᑦ ᐃᔩᑦ ᐅᕝᕙᓘᓐᓃᑦ ᒪᑐᐃᖅᓯᒪᔪᑦ ᕿᖓᐃᑦ ᐊᒻᒪᓗ ᐊᖏᔪᑦ ᖃᓂᖏᑦ, ᓴᓇᙳᐊᒐᖅ ᐃᓚᖃᖅᑐᓂ ᐅᔪᕈᐊ ᑲᕉ ᐋᓯᕙᒃ. ᑖᒃᑯᐊ ᐊᑐᖅᑕᐅᔪᑦ ᑐᓂᓯᔪᑦ ᐅᓪᓗᓚᐅᑉ ᓴᓇᙳᐊᒐᖏᑦ ᓴᙱᓂᖃᖅᑐᓂᒃ ᐃᑉᐱᒋᓂᕐᒧᑦ ᐊᒻᒪᓗ ᐃᑉᐱᓐᓇᖅᑐᓂᒃ ᑕᐃᒪᐅᔪᓂᒃ. ᓴᓇᙳᐊᒐᖏᑦ ᑕᑯᒐᓐᓈᖅᑎᑕᐅᓯᒪᔪᑦ ᑲᓇᑕᒥ ᐊᒻᒪᓗ ᓯᓚᕐᔪᐊᒥ 90 ᐅᖓᑖᓂ ᐃᒻᒥᒃᑯᑦ ᐊᒻᒪᓗ ᑲᑎᙵᔪᒃᑯᑦ ᑕᑯᒐᓐᓈᖅᑎᑦᑎᓂᕐᒧᑦ ᐊᒻᒪᓗ ᑕᐃᒪᐅᔪᑦ ᐊᒥᓱᓂᑦ ᑲᑎᖅᓱᖅᑕᐅᓯᒪᔪᓂᑦ ᐃᓚᒋᓗᒍ ᕕᓂᐲᒃ ᓴᓇᙳᐊᒐᐃᑦ ᑕᑯᒐᓐᓈᒐᖃᕐᕕᒃ ᒫᓂᑐᐸᒥ, ᑲᓇᑕᒥ ᑕᑯᒐᓐᓈᒐᖃᕐᕕᒃ ᐃᑦᑕᕐᓂᑕᐃᑦ ᒐᑎᓅ, ᑯᐱᒃᒥ, ᑲᓇᑕᒥ ᑕᑯᒐᓐᓈᒐᖃᕐᕕᒃ ᐋᑐᕙ, ᐋᓐᑎᐅᕆᔫ, ᐊᒻᒪᓗ ᑕᑯᒐᓐᓈᒐᖃᕐᕕᒃ ᐃᓕᖅᑯᓯᓕᕆᓂᕐᒧᑦ ᕚᓐᑐᕗ, ᐳᕆᑎᔅ ᑲᓚᒻᐱᐊᒥ.

ᓴᓇᙳᐊᖅᑎᑦ ᑭᓇᐅᓂᖏᓐᓄᑦ ᑎᑎᕋᖅᓯᒪᔪᑦ ᑐᓂᔭᐅᓯᒪᔪᑦ ᐊᖏᖅᑕᐅᓯᒪᓪᓗᑎᒃ ᐃᓄᐃᑦ ᓴᓇᙳᐊᖅᑎᓕᕆᔨᒃᑯᑦ ᑐᙵᕝᕕᒃ. ᑕᒪᕐᒥᒃ ᐱᔪᓐᓇᐅᑎᑦ ᒪᓕᒐᖅᑎᒍᑦ.

ᐊᓯᕙᖅᑎ ᓂᖓᖅᑐᖅ ᕿᒻᒦᑦ ᐃᖃᓗᓐᓂᒃ ᑎᓪᓕᒃᑐᓂᒃ

1982

ᐅᔭᕋᒃ, ᓄᕕᖅᓵᖅᓴᖅ, ᑑᒑᖅ, ᓇᒡᔪᒃ, ᓇᒡᔪᒃ (ᐅᒥᒻᒪᒃ)

33 x 53 x 17 cm

Government of Nunavut Fine Art Collection, On long-term loan to the Winnipeg Art Gallery

1.83.20 abc

ᐅᖃᐅᑎᖃᒃᑐᖅ (about)

ᐊᓯᕙᖅᑎ ᓂᖓᖅᑐᖅ ᕿᒻᒦᑦ ᐃᖃᓗᓐᓂᒃ ᑎᓪᓕᒃᑐᓂᒃ

ᐊᓯᕙᖅᑎ ᓂᖓᖅᑐᖅ ᕿᒻᒦᑦ ᐃᖃᓗᓐᓂᒃ ᑎᓪᓕᒃᑐᓂᒃ

ᔫᑕᔅ ᐅᓪᓗᓚᖅ ᐃᓅᓚᐅᕐᒪᑦ ᑖᒻ ᕙᐃᒥ, ᐅᐊᓐᓇᐸᓯᐊᑕ ᑲᓇᓐᓇᖓᓂ ᑕᓗᕐᔪᐊᑉ, ᐊᒻᒪᓗ ᐊᐅᓪᓛᓚᐅᖅᓱᓂ ᑕᓗᕐᔪᐊᕐᒧᑦ 1960-ᖏᓐᓂ ᕿᑐᖓᖏᑦ ᐃᓕᓐᓂᐊᕆᐊᕈᓐᓇᖁᓪᓗᒋᑦ. ᑭᖑᓂᖓᒍᓪᓗ ᐊᐅᓪᓛᓕᓚᐅᕆᓪᓗᓂ ᐅᖅᓱᖅᑑᕐᒧᑦ. ᐅᓪᓗᓚᖅ ᐅᐱᒋᑦᑎᐋᓚᐅᕐᒪᑦ ᐃᒻᒥᓂᒃ ᐋᖅᑭᒃᓱᑦᑎᐊᖅᓯᒪᓂᖏᓐᓄᑦ ᐊᒻᒪᓗ ᐊᔾᔨᖃᖏᑦᑑᓂᖏᓐᓄᑦ. ᓴᓇᓪᓗᐊᑕᓱᖑᓪᓗᓂᓗ ᐅᔭᕋᓐᓂᒃ, ᐊᑐᕐᓗᓂ ᑲᑎᓯᒪᔪᓂᒃ ᓴᓇᔭᒃᓴᓂᒃ ᑐᑭᓯᓇᖅᓯᒍᑎᓂᒃ ᓲᕐᓗ ᓴᖅᐱᓕᓐᓄᑦ ᓴᐅᓂᕐᓂᒃ, ᑑᒐᕐᓂᒃ, ᓇᒡᔪᓐᓂᒃ, ᓴᐅᓂᕐᓂᒃ, ᓄᑭᓐᓂᒃ ᐊᒻᒪᓗ ᐅᒥᒻᒪᐅᑉ ᓇᒡᔪᖏᓐᓂᒃ. ᐱᒋᐊᕈᑎᖃᓚᐅᕐᒪᑦ, ᐅᓪᓗᓚᖅ ᓴᓇᙳᐊᒐᔪᓐᓂᖅᓴᐅᓗᓂ ᑑᒐᕐᓂᒃ ᒥᑭᔫᑎᓂᒃ, ᑭᓯᐊᓂ ᐊᕐᕌᒍᑦ ᐊᓂᒍᖅᐸᓪᓕᐊᑎᓪᓗᒋᑦ ᐱᐅᓂᖅᓴᐅᓕᖅᑎᑦᑎᓚᐅᕐᒪᑦ ᓴᓇᕙᒃᑕᒥᓂᒃ, ᐅᓪᓗᓚᖅ ᓴᓇᖃᑦᑕᓕᓚᐅᕐᒪᑦ ᐊᖏᓂᖅᓴᓂᒃ ᑕᐅᑦᑐᖃᑎᓪᓗᐋᓕᐅᓂᕐᒥᒃ ᓴᖅᐱᓕᑦ ᓴᐅᓂᖏᓐᓂᒃ ᐊᒻᒪᓗ ᐅᔭᕋᓐᓂᒃ.