ᐊᖓᒃᑯᐃᑦ ᐅᒃᐱᕆᔭᐅᒻᒪᑕ ᐃᓯᒐᖏᑕ ᐃᒡᓗᐊ ᐃᓅᖃᑎᒋᓄᖓᓗᓂ ᓄᓇᖓᓄᑦ, ᐊᒻᒪᓗ ᐃᒡᓗᐋ ᐃᓯᒐᖓ ᐊᓂᕐᓃᑦ ᓄᓇᖓᓂᓪᓗᓂ. ᓴᑲᓕᖅᑎᓪᓗᒋᑦ ᐊᓂᕐᓂᕐᓅᕋᓱᐊᕐᓗᑎᒃ ᐃᑭᐊᕿᑎᓪᓗᒋᑦ ᐱᒋᐊᕈᑎᖃᒃᐸᓚᐅᕐᒪᑕ ᐱᓕᕆᒋᐊᕈᑎᖃᕐᓗᑎᒃ, ᒪᑯᓂᖓᐅᒐᔪᓪᓗᑎᒃ ᑭᓱᒥᒃᑭᐊᖅ ᕿᓂᖅᑕᖏᓐᓄᑦ ᑐᕌᒃᑎᑕᐅᒍᒪᓪᓗᑎᒃ ᑕᐃᒃᑯᓄᖓ. ᐃᑭᐊᕿᓂᖏᑦ ᐱᓕᕆᐊᖑᒋᐊᖃᑉᐸᓚᐅᖅᐳᖅ ᓂᐸᐃᑦᑐᒥᓪᓗᑎᒃ ᑕᕝᕙᓂᓗ ᐊᖓᒃᑯᖅ ᐅᐃᕕᕆᔭᐅᓂᐅᓴᖏᓪᓗᓂ ᐊᒻᒪᓗ ᓴᐃᓕᑦᑎᐋᕐᓂᕐᒦᖁᓪᓗᒍ. ᐃᑭᐊᕿᓂᖓᓂ ᐃᑲᔪᓱᖑᒻᒪᑦ ᐊᖓᒃᑯᕐᒥᒃ ᓇᓂᓯᒍᓐᓇᕐᓗᓂ ᐋᖅᑭᒍᑎᓂᒃ, ᖃᐅᔨᒪᓂᕐᒥᒃ ᐅᕝᕙᓗᓂᑦ ᒪᒥᑎᑦᑎᓂᕐᒥᒃ. ᐃᑭᐊᕿᑎᓪᓗᒋᑦ ᑲᑎᓯᕙᓚᐅᕐᒪᑕ ᐊᓂᕐᓂᕐᓂᒃ, ᑭᓲᔪᓂᒃ ᑕᐃᒃᑯᐊᓗ ᐅᒃᐱᕆᔭᐅᓪᓗᑎᒃ ᓯᓚᑐᓂᖃᑐᕆᔭᐅᓪᓗᑎᒃ ᐊᒻᒪᓗ ᐱᔪᓐᓇᕐᓂᖃᒃᑐᕆᔭᐅᓪᓗᑎᒃ, ᐊᒻᒪᓗ ᑕᐃᒃᑯᐊ ᐃᖃᔪᕈᒪᓱᕆᔭᐅᓪᓗᑎᒃ ᐃᓅᖃᑎᒋᑦ ᓄᓇᕐᔪᐋᖏᓐᓃᑦᑐᓂᒃ.

1971-ᒥ, ᐊᖏᔪᒻᒪᕇᑦ ᔨᐅᕆ ᑐᕘᒥ ᓄᐊᓯᒪᔭᖏᑦ 4,000 ᐃᓄᐃᑦ ᓴᓇᖑᐊᒐᖏᑦ ᓂᐅᕕᖅᑕᐅᓚᐅᖅᑐᑦ ᕕᓂᐲᒃ ᓴᓇᙳᐊᒐᐃᑦ ᑕᑯᒐᓐᓈᒐᖃᕐᕕᒧᑦ. ᑐᕘᒥ ᐊᐅᖏᑎᒎᖅᑐᓂ ᓘᑦᑖᖑᓚᐅᖅᑐᖅ ᐊᒻᒪ ᓇᒥᓯᖃᑕᐅᓯᒪᔪᖅ ᕗᐃᓂᒐᐃᒡ T&T Seeds. ᐱᒋᐊᖅᑐᓂ 1952 ᐊᒻᒪ 1950-ᖏᓐᓂ ᐊᒻᒪ 1960-ᖏᓐᓂ, ᓄᐊᑦᑎᓚᐅᖅᑐᖅ ᓴᓇᔭᐅᓯᒪᔪᑦ ᓴᓇᖑᐊᒐᓕᐅᖅᑐᓕᒫᓂᑦ ᐃᓄᐃᑦ ᓄᓇᖏᓐᓂ. ᐱᐅᒋᔭᖃᒻᒪᕆᓚᐅᖅᑐᖅ ᑐᓂᐅᖅᑲᖅᑕᐅᓂᖏᓐᓄᑦ ᓴᓇᖑᐊᕈᓐᓇᑎᐊᖅᑐᓂᑦ ᐃᓚᒌᓐᓂᑦ ᐊᒻᒪ ᑭᖑᕚᕇᖃᑦᑕᐅᑎᔪᓂᑦ ᐊᒻᒪ ᓄᐊᑦᑎᓚᐅᖅᑐᖅ ᐃᒻᒥᑰᖅᑐᓂᑦ ᓴᓇᖑᐊᖅᑎᓂᑦ.
1969-ᒥ, ᑐᕘᒥ ᓄᖅᑲᕕᓚᐅᖅᑐᖅ ᐱᕈᕈᓐᓇᖅᑐᓂᑦ ᐱᓕᕆᓂᕐᒥᑦ ᐊᒻᒪ ᓅᑦᑐᓂ ᑲᓕᐴᓐᔨᐊᒧᑦ ᐱᕈᖅᓯᐊᓕᐅᖃᑦᑕᖅᑐᓂ. ᐃᓕᔭᐅᓂᖏᑦ ᓄᐊᓯᒪᔭᖏᑦ ᐋᔩᖃᑎᒌᔾᔪᑕᐅᒻᒪᕆᓚᐅᖅᑐᑦ ᐊᒥᓱᒐᒪᓐᓄᑦ ᑕᑯᔭᒐᖃᕐᕕᓐᓄᑦ ᐊᒻᒪ ᓄᐊᑦᑎᖃᑦᑕᖅᑐᓄᑦ. ᔪᐊᔾ ᓱᕕᓐᑕᓐ ᐊᔭᐅᕆᐊᓚᐅᖅᑕᖓ ᐳᕇᒥᐅᖑᓚᐅᖅᑐᖅ ᐃᐊᑦᕗᑦ ᓱᕋᐃᔪ ᓄᐊᑕᐅᓯᒪᔪᓂᑦ ᐱᒻᒪᕆᐅᓂᖓᓄᑦ ᐊᒻᒪ ᐋᒡᒌᓯ 1971 ᓱᕋᐃᔪ ᐊᑎᓕᐅᑦᑕᐅᑎᒋᓚᐅᖅᑕᖓ ᑲᑎᒪᔨᓄᑦ ᑮᓇᐅᓂ ᐱᕈᖅᑎᑦᑎᓗᓂ $185,000, ᐅᕝᕙᓘᓐᓃᑦ ᒪᕐᕉᒃ−ᐱᖓᓱᓂᑦ ᑮᓇᐅᔭᐃᑦ ᐱᑕᖃᕆᐊᖃᖅᑎᑕᐅᔪᑦ ᓂᐅᕕᕐᓗᒋᑦ ᓄᐊᑕᐅᓯᒪᔪᑦ ᕕᓂᐲᒃ ᓴᓇᙳᐊᒐᐃᑦ ᑕᑯᒐᓐᓈᒐᖃᕐᕕᒻᒧᑦ. ᔫᓂ 1972-ᒥ, ᔭᐃᒻᔅ ᕆᑦᓱᑦᓐ, ᑕᐃᔅᓱᒪᓂ ᒐᕙᒪᑐᖃᒃᑯᓐᓄᑦ ᒥᓂᔅᑕ ᓱᓇᒃᑯᑖᖃᖅᑎᑦᑎᓂᕐᒧᑦ ᐊᒻᒪ ᐱᔨᑦᑎᖅᑕᓄᑦ, ᑐᓂᓯᓚᐅᖅᑐᖅ ᓯᒃᑭᒥᑦ ᐊᒥᐊᒃᑯᖓᓂ $75,000 ᑯᕕᐊᓱᒍᑎᖃᖅᑎᓪᓗᒋᑦ ᑕᑯᔭᒐᖃᕐᕕᒻᒥ. ᖁᕕᐊᓱᒍᑎᒋᓗᒋ ᑕᒪᒃᑭ ᒪᑐᐃᖅᑕᐅᓂᖓ ᓄᑖᖅ ᑕᑯᔭᒐᖃᕐᕕᒃ ᐃᓪᓗᖅ ᒥᐊᒨᕆᐅ ᐳᓕᕗᐊᑦ ᐊᒻᒪ ᓂᐅᕕᖅᑕᐅᓂᖏᑦ ᑐᕘᒥ ᓄᐊᓯᒪᔭᖏᑦ, ᒥᑭᔪᒥᑦ ᑕᑯᕋᓐᓈᖅᑕᐅᓂᐊᖅᑐᓂᑦ ᐋᖅᑭᑦᑕᐅᓚᐅᖅᑐᖅ 1972-ᒥ. 2003-ᒥ, ᐊᑕᖐᓂᖃᖅᑐᒥᑦ ᕕᓂᐲᒃ ᓴᓇᙳᐊᒐᐃᑦ ᑕᑯᒐᓐᓈᒐᖃᕐᕕᒃ ᑕᑯᔅᓴᐅᑎᑦᑎᓂᖓ ᐊᒻᒪ ᑎᑎᕋᖅᑕᐅᓂᖏᑦ ᓴᖅᑭᑎᑦᑎᓚᐅᖅᑐᑦ ᐊᔾᔨᒌᓐᖑᐊᖅᑎᒐᔅᓴᐅᖏᑦᑐᑦ ᐱᕙᓪᓕᐊᑎᑕᐅᓂᖏᑦ ᐃᓄᐃᑦ ᓴᓇᐅᒐᖏᑦ 1950-ᖏᓐᓂ ᐊᒻᒪ 1960-ᖏᓐᓂ ᐱᑕᖃᖅᑎᑕᐅᔪᑦ ᑐᕘᒥ ᓄᐊᓯᒪᔭᖏᓐᓂ.