ᐅᖃᐅᓯᐅᓂᖓ ᑖᔅᓱᒪ ᑕᐅᑦᑐᖃᑎᓪᓗᐊᓕᐅᖅᓯᓂᐅᑉ ᓴᕿᑎᑕᐅᒻᒪᑦ ᐃᓄᒃᑎᑐᖓᔪᓂ ᑎᑎᕋᒃᑕᐅᓯᒪᔪᓂᒃ ᐊᑖᓂ ᑕᐅᑦᑐᖃᑎᓪᓗᐊᓕᐅᖅᑕᐅᓯᒪᔪᑉ: “ᐅᖃᐅᓯᐅᓯᒪᕗᖅ ᑕᒪᒃᑯᐊᒍᖅ ᐊᑐᖅᐸᓚᐅᕐᒪᒋᑦ, ᓂᐊᖁᖅ ᐊᒻᒪᓗ ᐃᒋᒪᖅ (ᐊᐃᕕᕐᓂᐅᑦ ᓇᐅᒃᑯᑎ), ᐃᓕᓴᕐᓇᕐᓂᖓ ᐊᑐᖃᑦᑕᕐᓂᖓᓄᑦ ᐊᖓᒃᑰᓂᕐᒥ.” ᐊᐃᕕᕐᓂᐅᑦ ᓇᐅᒃᑯᑎ ᐃᓛᓂᐅᖏᑦᑑᒐᓗᐊᖅ ᒫᓐᓇ ᐱᑕᖃᕈᓐᓃᕐᒪᑦ ᓴᓇᙳᐊᖅᑕᖏᓐᓂ. ᓴᓇᙳᐊᖅᑎ ᐱᔭᐅᑎᑦᑎᒻᒪᑦ ᑐᑭᓯᓇᖅᓯᑎᑕᖓᓂᒃ ᐃᓄᐃᑦ ᐊᖓᒃᑰᓂᒃ ᑕᐃᒃᑯᓂᖓ ᐃᓄᒃᑐᑦ ᓂᐊᖁᖃᕐᓗᑎᒃ ᐊᒻᒪᓗ ᓇᐅᒃᑯᑎᒃ ᐃᑲᔪᖅᑎᒋᓗᓂᒋᑦ ᐊᓂᕐᓂᖏᑦ. ᑕᒪᒃᑯᐊ ᐊᔾᔨᐅᖏᒻᒪᑕ ᖃᐅᔨᒪᓇᕐᓂᖏᑦ, ᐊᖓᒃᑰᐃᑦ ᐃᑲᔪᖅᑕᐅᓲᖑᓚᐅᕐᒪᑕ ᓂᕐᔪᑎᑦ ᐊᓂᕐᓂᖏᓐᓄᑦ ᑐᓴᐅᒪᖃᑎᒋᒍᑎᖃᕐᓗᑎᒃ ᐊᓂᕐᓃᑦ ᓄᓇᖓᓐᓂᒃ.

2006-ᒥ, ᐊᖏᔪᑦ ᓄᐊᑕᐅᓯᒪᔪᑦ 246 ᓴᓇᔭᐅᓯᒪᔪᑦ ᑐᓂᔭᐅᑐᐃᓐᓇᓚᐅᖅᑐᑦ ᑕᑯᔭᒐᖃᕐᕕᒻᒧᑦ ᕚᓐᑰᕗᒥ ᓄᐊᑦᑎᖃᑦᑕᖅᑐᒧᑦ ᓘᑦᑖᖅ ᕼᐃᐅᕆ ᕗᐃᓐᕌᑉ. ᕗᐃᓂᐸᐃᒡᒥᐅᑕᓪᓚᕆᒃ, ᕗᐃᓐᕌᑉ ᓂᐅᕕᖃᑦᑕᕐᓂᑰᒻᒪᑦ ᐃᓄᐃᑦ ᓴᓇᖑᐊᒐᖏᓐᓂᑦ ᐱᒋᐊᖅᑐᓂ 1968. ᐱᔪᒪᓂᖃᒻᒪᕆᓕᓚᐅᖅᑐᖅ ᓄᐊᑦᑎᓂᕐᒥᑦ ᐃᓄᐃᑦ ᓴᓇᐅᒐᖏᓐᓂᑦ 1971-ᒥᑦ, ᐊᒻᒪ ᐱᓕᕆᓪᓗᐊᑕᖃᓕᖅᑐᓂ ᓂᐅᕕᖃᑦᑕᓂᕐᒥᑦ ᓴᓇᔭᐅᓯᒪᔪᓂᑦ ᐆᒪᔪᒥᓂᕐᒦᖔᖅᑐᓂᑦ ᐊᖑᓇᓱᑦᑕᐅᕙᑦᑐᓂᑦ (ᕿᓚᓗᒐᐃᑦ ᓴᐅᓂᖏᑦ, ᐊᐃᕖᑦ ᑑᒑᖏᑦ, ᐊᒻᒪ ᑐᑦᑐᐃᑦ ᓇᔾᔪᖏᑦ). 54 ᓴᓇᔭᐅᓯᒪᔪᑦ ᕗᐃᓐᕌᑉ ᓄᐊᓯᒪᔭᖏᑦ ᓴᓇᔭᐅᓯᒪᔪᑦ ᐆᒪᔪᒥᓂᕐᒦᖔᖅᑐᑦ, ᐊᒻᒪ 36 ᑖᒃᑯᐊᓂᖓ ᕿᓚᓗᒐᐃᑦ ᓴᐅᓂᖏᑦᓐᓂ. ᕗᐃᓐᕌᑉ ᐋᓐᓂᐊᓯᐅᖅᑎᐅᓚᐅᖅᓯᒪᔪᖅ ᐱᔾᔪᑎᒋᔭᖓ ᐱᔪᒪᓂᖃᕐᓂᖓ ᑖᒃᑯᓂᖓ ᐆᒪᔪᒥᓂᕐᒦᖔᖅᑐᓂᑦ. ᑭᓯᐊᓂᓕ, ᐱᔪᒪᓂᕆᓂᖅᓴᖓ ᐱᐅᔫᑎᓅᓚᐅᖅᑐᖅ. ᐱᔪᒪᓂᖃᓗᐊᓚᐅᖅᑐᖅ ᓴᓇᖑᐊᒐᑦᑎᐊᕙᓐᓂᑦ ᓴᓇᔭᐅᓯᒪᔪᑦ ᓇᑦᑎᓕᖕᒥᐅᑦ (ᓇᑦᓯᓕᒃ) ᓴᓇᖑᐊᖅᑏᑦ ᐅᕙᓐᖓᑦ ᑕᓗᕐᔪᐊᖅ, ᐅᖅᓱᖅᑑᖅ, ᐊᒻᒪ ᑰᒑᕐᔪᒃ. ᓴᓇᔭᐅᓯᒪᔪᑦ ᐊᖓᒃᑯᖃᓂᕐᒥᑦ ᐃᓗᓕᓕᓐᓂᑦ ᐱᔪᒪᓂᖁᓗᐊᓪᖑᐊᓚᐅᖅᑐᖅ, ᐱᓗᐊᖅᑐᒥᑦ ᐆᒪᔪᐃᑦ/ᐃᓄᐃᑦ ᐊᓯᔾᔨᖅᑐᓂᑦ. ᓇᓗᓇᐃᖅᓯᓚᐅᖅᑐᖅ ᐅᓴᐅᓚᐅᖏᑦᑐᖅ “ᐱᑕᖃᒐᔪᑦᑐᑦ” ᑭᓯᐊᓂ ᐊᔾᔨᐅᖏᑦᑐᑦ, ᐊᒻᒪᓘᓐᓃᑦ ᖃᓄᐃᓕᖓᕈᓘᔭᖅᑐᒥᑦ ᓴᖏᔪᒥᑦ ᐱᔪᒪᓂᕆᔭᖓᓄᑦ. ᒫᑦᓯᒥ 2008, ᕼᐃᐅᕆ ᕗᐃᓐᕌᑉ ᓄᐊᓯᒪᔭᖏᑦ ᐅᖃᐅᓯᐅᓚᐅᖅᑐᑦ ᕕᓂᐲᒃ ᓴᓇᙳᐊᒐᐃᑦ ᑕᑯᒐᓐᓈᒐᖃᕐᕕᒻᒥ ᑕᑯᔅᓴᐅᑎᑕᐅᔪᓂᑦ ᐊᒻᒪ ᑎᑎᕋᖅᑕᐅᓯᒪᔪᓂᑦ.