ᐅᑎᕐᕕᒋᓗᒍ ᑕᑯᒋᐊᕐᓗᒍ ᓴᓇᙳᐊᒐᖅ
Akeeaktashuk

Akeeaktashuk

Inukjuak

(1898–1954)

Click Here to read more about the artist

Akeeaktashuk

(1898–1954)

ᐊᑭᐊᒃᑕᓱᒃ ᓴᓇᙳᐊᖅᑎᐅᓚᐅᖅᑐᖅ ᐃᓄᒡᔪᐊᖅ, ᓄᓇᕕᒃ, ᑯᐱᒃᒥᐅᑕᖅ. ᐊᒥᓲᓂᖅᓴᐃᑦ ᐊᑭᐊᒃᑕᓱᒃ ᓴᓇᙳᐊᒐᖏᑦ ᑐᕌᖓᓗᐊᖅᓯᒪᔪᑦ ᐃᓄᐃᑦ ᐊᒻᒪᓗ ᓂᕐᔪᑎᓄᑦ, ᐃᓚᒋᔭᐅᓗᐊᖃᑦᑕᖅᑐᑎᒃ ᒥᑭᔪᓂᑦ ᑕᑯᔪᒥᓇᖅᑐᓂᒃ ᐆᑦᑑᑎᒋᓗᒍ ᓴᐸᖓᐃᑦ ᐃᔨᙳᐊᓄᑦ ᐊᑐᖅᑐᒋᑦ. ᐊᒥᓱᒃᑯᑦ, ᐊᑭᐊᒃᑕᓱᒃ ᓴᓇᙳᐊᒐᖏᑦ ᓴᖑᖓᓂᖏᑦ ᐃᓄᐃᑦ ᐊᒻᒪᓗ ᓂᕐᔪᑏᑦ ᒥᖑᐊᖅᑐᒋᑦ ᐅᔭᕋᐃᑦ ᓴᓇᙳᐊᒐᖏᑦ ᐊᒻᒪᓗ ᑑᒑᖏᑦ. ᐊᒥᓲᓂᖅᓴᐃᑦ ᓴᓇᙳᐊᒐᖏᑦ ᐊᕐᓇᐃᑦ ᐊᒻᒪᓗ ᐊᓈᓇᐃᑦ ᐊᒻᒪᓗ ᓱᕈᓰᑦ ᐆᑦᑑᑎᒋᓗᒍ ᐊᓈᓇ ᐊᒻᒪᓗ ᓱᕈᓯᖅ (1953), ᓴᓇᙳᐊᕌᓂᒃᓯᒪᔭᖏᑦ ᐱᐊᓂᒃᓯᒪᒐᔪᖕᓂᖅᓴᐃᑦ ᓱᓇᒥᑦ ᐃᓕᕝᕕᔅᓴᖃᖅᑐᒥᑦ. ᓄᓇᒥᐅᑕᐅᓪᓗᓂ, ᐊᑭᐊᒃᑕᓱᒃ ᓴᓇᙳᐊᖅᐸᓪᓕᐊᓚᐅᖅᑐᖅ ᒪᒃᑯᒃᑎᓪᓗᒍ ᐊᒻᒪᓗ ᖃᐅᔨᒪᔭᐅᔪᖅ ᐱᐅᓂᖅᐹᓂᑦ ᓴᓇᙳᐊᖅᑎᐅᓪᓗᓂ ᓄᓇᓕᒥ ᐃᓅᑎᓪᓗᒍ, ᑐᑭᓕᐊᖅᓯᒪᖃᖅᑐᑎᒃ ᐊᒻᒪᓗ ᓴᖑᖓᑦᑎᐊᒐᓚᒃᑐᑎᒃ. ᐊᑭᐊᒃᑕᓱᒃ ᓴᓇᙳᐊᒐᖏᑦ ᑕᑯᒐᓐᓈᖅᑎᑕᐅᓯᒪᔪᑦ ᑲᓇᑕᒥ, ᐊᒥᐊᓕᑲᒥ ᐊᒻᒪᓗ ᓯᓚᕐᔪᐊᒥ, ᐊᒻᒪᓗ ᐃᓚᒋᔭᐅᓚᐅᖅᑐᖅ ᐱᒻᒪᕆᐅᔪᓄᑦ ᑭᒃᑯᑐᐃᓐᓇᓄᑦ ᑲᑎᓱᖅᑕᐅᔪᑦ ᐆᑦᑑᑎᒋᓗᒍ ᒥᑦᑐᐸᓚᑎᓐ ᑕᑯᒐᓐᓈᒐᖃᕐᕕᒃ ᓴᓇᙳᐊᖅᑕᐅᓯᒪᔪᑦ ᓂᐅ ᔪᐊᒃᒥ.

Akeeaktashuk

ᐊᖓᒃᑯᖅ ᐃᑭᒪᔪᖅ ᓇᓄᕐᒥ ᐃᑲᔪᖅᑎᒥᓂᒃ ᑑᙵᖓᓂ

c. 1952
ᐅᔭᕋᒃ, ᑑᒑᖅ, ᓄᕕᖅᓵᖅᓴᖅ, ᐃᓴᕈᖅ
11.4 x 9.2 x 23.5 cm

Collection of the Winnipeg Art Gallery, The Swinton Collection, Gift of the Women's Committee
G-60-135 ab

  • ᐊᕿᐊᑦᑐᓱᒃ, ᐊᖓᒃᑯᖅ ᐃᑭᒪᔪᖅ ᓇᓄᕐᒥᒃ ᐃᑲᔪᖅᑎᒥᓂᒃ ᑑᕐᖓᖓᓂᒃ

    ᐅᖃᐅᑎᖃᒃᑐᖅ (about)

    ᐊᕿᐊᑦᑐᓱᒃ, ᐊᖓᒃᑯᖅ ᐃᑭᒪᔪᖅ ᓇᓄᕐᒥᒃ ᐃᑲᔪᖅᑎᒥᓂᒃ ᑑᕐᖓᖓᓂᒃ

    ᐊᕿᐊᑦᑐᓱᒃ, ᐊᖓᒃᑯᖅ ᐃᑭᒪᔪᖅ ᓇᓄᕐᒥᒃ ᐃᑲᔪᖅᑎᒥᓂᒃ ᑑᕐᖓᖓᓂᒃ

    ᐊᕿᐊᑐᓱᒃ ᓴᓇᖑᐊᖃᑕᕆᐊᓕᓚᐅᖅᑐᖅ ᑕᒫᓂ 1949−ᒥ, ᐃᓚᐅᖁᔭᐅᒐᒥ ᓴᓇᖑᐊᖅᑎᒧᑦ, ᔭᐃᒥᓯ ᕼᐃᐅᔅᑕᓐᒧᑦ, ᐊᕿᐊᑐᓱᒃ ᐊᔪᖏᓐᓂᖅᐹᖑᖃᑕᐅᓕᓚᐅᖅᑐᖅ ᐃᓄᖕᓂ ᓴᓇᖑᐊᖅᑎᐅᔪᓂ ᑎᑭᓪᓗᒍ ᐃᓅᔪᓐᓃᕕᒋᓚᐅᖅᑕᖓᓄᑦ 1954-ᒥ. ᓴᓇᒐᔪᒃᐸᓚᐅᖅᑐᖅ ᐊᖑᓇᓱᒃᑎᓂᒃ ᐊᖑᓇᓱᒍᑎᓕᔭᖅᑐᓂᒃ ᐊᑕᐅᓯᕐᒧᑦ ᐊᒡᒑᒍᑦ ᑎᒍᒥᐊᖅᑐᒥᒃ ᐅᕝᕙᓗᓐᓃᑦ ᑕᒪᐃᓐᓂᒃ ᐊᒡᒐᖕᒥᒍᑦ ᑎᒍᒥᐊᖅᑐᓂᒃ, ᐅᕝᕙᓗᓐᓃᑦ ᐊᓈᓇᐅᔪᒥᒃ−ᓄᑕᕋᖓᓂᓪᓗ ᑕᑯᒥᓇᕐᔪᐊᖅᑐᖅ ᑖᓐᓇ ᐊᖓᒃᑯᖅ ᐃᑭᒪᔪᖅ ᓇᓄᕐᒥ ᐃᑲᔪᖅᑎᒥᓂᒃ ᑑᕐᖓᕐᒥᒃ ᐊᐅᓪᓛᕐᓂᖓᓂᒃ ᐃᑭᐊᖅᑭᕕᒃᑯᑦ ᐱᔾᔪᔾᔨᓗᓂ ᐃᓄᖕᓂᒃ ᓄᓇᒥᓂ ᐊᒃᓱᕈᕐᓇᖅᑐᒃᑰᖅᑐᓂᒃ. ᓇᓄᖑᐊᑦ ᑕᑯᒃᓴᐅᓂᖏᑦ ᓴᓇᓯᒪᒋᕗᖅ ᐊᔾᔨᖏᓐᓂᒃ ᓴᓇᔭᐅᕙᓚᐅᕐᓂᖏᓐᓂᒃ ᒪᓕᒃᑐᓂᒃ ᑕᐃᔅᓱᒪᓂᐊᓗᒃ ᖃᓪᓗᓈᓄᑦ ᓱᓕ ᑎᑭᑕᐅᓚᐅᖏᓂᖏᓐᓂ ᓴᓇᖑᐊᖅᑕᐅᕙᓚᐅᖅᑐᓂᒃ.


  • NFB, Shaman

    ᑕᕐᕆᔮᒃᓴᖅ (video)

    NFB, Shaman

    NFB, Shaman


  • ᔪᐊᔾ ᓱᕕᓐᑕᓐ ᓄᐊᓯᒪᔭᖏᑦ

    ᐅᖃᐅᑎᖃᒃᑐᖅ (about)

    ᔪᐊᔾ ᓱᕕᓐᑕᓐ ᓄᐊᓯᒪᔭᖏᑦ

    ᔪᐊᔾ ᓱᕕᓐᑕᓐ ᓄᐊᓯᒪᔭᖏᑦ

    ᔪᐊᔾ ᓱᕕᓐᑕᓐ ᓅᓚᐅᖅᓯᒪᔪᖅ ᕗᐃᓂᐸᐃᒡᒧᑦ 1954 ᐃᓕᓐᓂᐊᑎᑦᑎᔨᐅᖃᑕᐅᓪᓗᓂ ᐃᓕᓐᓂᐊᕐᕕᒃ ᓴᓇᔭᐅᓯᒪᔪᓂᑦ ᓯᓚᑦᑐᖅᓴᕐᕕᒃᔪᐊᒥᑦ ᒫᓂᑑᐸ. ᑲᓇᑕᒨᓚᐅᖅᓯᒪᔪᖅ ᕕᐊᓇᒥ 1937-ᒥᑦ; ᐃᓕᓐᓂᐊᓚᐅᖅᑐᖅ ᓴᓇᔭᐅᓯᒪᔪᓂᑦ ᐃᓕᓐᓂᐊᖅᑏᑦ ᑎᒥᖓᑦ ᓂᐅ ᔪᐊᒃᒥ; ᓴᓇᖑᐊᖅᑎᐅᓚᐅᖅᑐᖅ ᑯᐃᓐ ᓯᓚᑦᑐᖅᓴᕐᕕᒃᔪᐊᖓ ᑭᖕᔅᑕᓐᒥ, ᐋᓐᑎᐅᕆᔪ; ᐊᒻᒪ ᑲᒪᔨᐅᓚᐅᖅᑐᖅ ᑲᓇᑕᒥ ᑕᑯᔭᒐᖃᕐᕕᒃ ᑲᓇᑕ ᐊᒻᒪ ᓴᔅᓯᖃᑑᓐ ᓴᓇᔭᐅᓯᒪᔪᓂᑦ ᐱᓕᕆᑯᒃ. ᓯᕗᓪᓕᖅᐹᒥᑦ ᓂᐅᕕᓚᐅᖅᓯᒪᔭᖓ ᐃᓄᐃᑦ ᓴᓇᖑᐊᒐᖅ ᒫᓐᑐᕆᐊᒥ 1950-ᒥ, ᐊᒻᒪ ᑕᒪᑐᒥᖓ ᐱᔪᒪᓂᕆᔭᖓ ᐃᑲᔪᖃᑦᑕᓕᓚᐅᖅᑐᖅ ᓂᐅᕕᕐᕕᒃᑯᓐᓂᑦ ᖃᐅᔨᓴᖅᑐᓂ ᓴᓇᖑᐊᒐᕐᓂᑦ ᑎᑭᓯᒪᓕᕋᐃᒻᒪᑕ ᕗᐃᓂᐸᐃᒡᒧᑦ ᐴᖅᑕᐅᓯᒪᔪᓂᑦ ᓂᐅᕕᕐᕕᒃᑯᑦ ᐅᑭᐅᑕᖅᑐᒥ ᓂᐅᕕᕐᕕᖏᓐᓂ. ᐱᔪᒪᓂᖃᕐᓂᖓ ᐃᓄᐃᑦ ᓴᓇᐅᒐᖏᓐᓂ ᐊᔭᐅᖅᑕᐅᒋᐊᓚᐅᖅᑐᖅ ᓯᕗᓪᓕᖅᐹᒥ ᐅᑭᐅᑕᖅᑐᒨᖅᑐᓂ, ᐃᓄᒃᔪᐊᖅ, 1957-ᒥᑦ. ᑎᑎᕋᒪᐅᖅᑐᖅ ᒪᕐᕉᓐᓂᒃ ᐅᖃᓕᒫᒐᕐᓂᑦ ᖃᐅᔨᒪᔭᐅᓕᓚᐅᖅᑐᑦ ᐃᓕᓐᓂᐊᖅᑎᓕᒫᓄᑦ ᐊᒻᒪ ᓄᐊᑦᑎᖃᑦᑕᖅᑐᓄᑦ ᐃᓄᐃᑦ ᓴᓇᐅᒐᖏᓐᓂ: ᐃᓄᓐᓄᑦ ᓴᓇᔭᐅᓯᒪᔪᑦ/Eskimo Sculpture/Sculptureesquimaude) (1965) ᐊᒻᒪ ᓴᓇᔭᐅᓯᒪᔪᑦ ᐃᓄᓐᓄᑦ/Sculpture of the Eskimo (1972).

    1960-ᖏᓐᓂ ᑕᑯᔭᒐᖃᕐᕕᒃ ᐱᒻᒪᕆᐅᔪᒥᑦ ᑲᔪᖏᖅᓯᓚᐅᖅᑐᑦ ᓄᐊᑦᑎᓗᑎ ᐃᓄᐃᑦ ᓴᓇᐅᒐᖏᓐᓂ ᓂᐅᕕᕐᖓᑕ 139 ᐱᒻᒪᕆᐅᔪᓂ ᓴᓇᔭᐅᓯᒪᔪᑦ ᓱᕕᓐᑕᓐᒥᑦ. 1976-ᒥᑦ ᕕᓂᐲᒃ ᓴᓇᙳᐊᒐᐃᑦ ᑕᑯᒐᓐᓈᒐᖃᕐᕕᒻᒥ ᓂᐅᕕᕐᖓᑕ ᐱᖃᑖ ᓄᐊᑕᐅᓯᒪᔪᓂᑦ ᔪᐊᔾ ᓱᕕᓐᑕᓐᒥᑦ ᐅᖓᑖᓃᑦᑐᑦ 900 ᓴᓇᔭᐅᓯᒪᔪᑦ, ᐊᒥᐊᖅᑕᐅᓯᒪᔪᑦ, ᐊᒻᒪ ᑎᑎᖅᑐᒐᐃᑦ. ᑕᑯᔅᓴᐅᑎᑕᐅᑎᓂᖏᑦ ᓱᕕᓐᑕᓐ ᓄᐊᓯᒪᔭᖏᑦ ᐊᒥᓱᒐᒪᓐᓄᑦ ᐊᕐᕌᒍᓅᓚᐅᖅᑐᖅ, 1987-ᒥ, ᐱᖃᓯᐅᑎᓯᒪᓪᓗᑎ ᐅᑯᓂᖓ ᑎᑎᕋᖅᑕᐅᓯᒪᔪᑦ. 1989-ᒥ, ᓄᐊᑕᐅᓯᒪᒃᑲᓂᖅᑐᑦ 85 ᓴᓇᐅᒐᐃᑦ ᑐᓂᔭᐅᑐᐃᓐᓇᓚᐅᖅᑐᑦ ᑕᑯᔭᒐᖃᕐᕕᒻᒧᑦ.