ᓯᕗᓪᓕᒥ ᓯᑭᑑᑦ ᓴᓇᔭᐅᖄᓚᐅᖅᓯᒪᒧᑦ 1922-ᒥ ᑕᐃᔅᓱᒧᖓ ᔪᓯᐱ-ᐊᕐᒪᑦ ᐸᒻᐸᑎᐅᒧᑦ, ᑯᐸᐃᒃᒥ ᑕᒫᓂᓗ 1960-ᖏᓐᓂ ᐊᑐᖅᑕᐅᕙᓕᓚᐅᖅᑐᖅ ᓇᓂᑐᐃᓐᓇᑦᑎᐊᖅ ᑲᓇᑕᒥ. ᑕᒫᓂᓂᖏᓐᓂ ᑕᐃᔅᓱᒪᓂ ᓯᑭᑐᑖᖅᐸᓪᓕᐊᓕᓵᓚᐅᖅᐳᑦ ᐃᓄᐃᑦ. ᐊᑐᖅᑕᐅᓗᐊᕈᓐᓃᓚᐅᖅᑐᑦ ᕿᒻᒦᑦ, ᐊᓯᔾᔨᕈᑕᐅᓪᓗᑎᒡᓗ ᐃᓄᐃᑦ ᐊᖑᓇᓱᒃᐸᖕᓂᖏᓐᓂᒃ, ᒪᓕᒍᓐᓇᕐᓂᖏᓐᓂᒃ ᐅᒪᔪᓂᒃ ᐊᒻᒪᓗ ᒥᑭᒋᐊᕐᓂᐊᕈᓯᕆᕙᑦᑕᖏᓐᓂᒃ. ᔾᔪᐊᔾᔨ ᐋᕐᓗᖅ ᐃᓅᓚᐅᖅᓯᒪᔪᖅ ᐅᐃᓂᐸᐃᒡᒥ, ᐱᕈᖅᓴᓪᓗᓂᓗ ᐊᕐᕕᐊᓂ, ᐊᖏᕐᕋᕆᓂᕋᖅᑕᒥᓂ.

2006-ᒥ, ᐊᖏᔪᑦ ᓄᐊᑕᐅᓯᒪᔪᑦ 246 ᓴᓇᔭᐅᓯᒪᔪᑦ ᑐᓂᔭᐅᑐᐃᓐᓇᓚᐅᖅᑐᑦ ᑕᑯᔭᒐᖃᕐᕕᒻᒧᑦ ᕚᓐᑰᕗᒥ ᓄᐊᑦᑎᖃᑦᑕᖅᑐᒧᑦ ᓘᑦᑖᖅ ᕼᐃᐅᕆ ᕗᐃᓐᕌᑉ. ᕗᐃᓂᐸᐃᒡᒥᐅᑕᓪᓚᕆᒃ, ᕗᐃᓐᕌᑉ ᓂᐅᕕᖃᑦᑕᕐᓂᑰᒻᒪᑦ ᐃᓄᐃᑦ ᓴᓇᖑᐊᒐᖏᓐᓂᑦ ᐱᒋᐊᖅᑐᓂ 1968. ᐱᔪᒪᓂᖃᒻᒪᕆᓕᓚᐅᖅᑐᖅ ᓄᐊᑦᑎᓂᕐᒥᑦ ᐃᓄᐃᑦ ᓴᓇᐅᒐᖏᓐᓂᑦ 1971-ᒥᑦ, ᐊᒻᒪ ᐱᓕᕆᓪᓗᐊᑕᖃᓕᖅᑐᓂ ᓂᐅᕕᖃᑦᑕᓂᕐᒥᑦ ᓴᓇᔭᐅᓯᒪᔪᓂᑦ ᐆᒪᔪᒥᓂᕐᒦᖔᖅᑐᓂᑦ ᐊᖑᓇᓱᑦᑕᐅᕙᑦᑐᓂᑦ (ᕿᓚᓗᒐᐃᑦ ᓴᐅᓂᖏᑦ, ᐊᐃᕖᑦ ᑑᒑᖏᑦ, ᐊᒻᒪ ᑐᑦᑐᐃᑦ ᓇᔾᔪᖏᑦ). 54 ᓴᓇᔭᐅᓯᒪᔪᑦ ᕗᐃᓐᕌᑉ ᓄᐊᓯᒪᔭᖏᑦ ᓴᓇᔭᐅᓯᒪᔪᑦ ᐆᒪᔪᒥᓂᕐᒦᖔᖅᑐᑦ, ᐊᒻᒪ 36 ᑖᒃᑯᐊᓂᖓ ᕿᓚᓗᒐᐃᑦ ᓴᐅᓂᖏᑦᓐᓂ. ᕗᐃᓐᕌᑉ ᐋᓐᓂᐊᓯᐅᖅᑎᐅᓚᐅᖅᓯᒪᔪᖅ ᐱᔾᔪᑎᒋᔭᖓ ᐱᔪᒪᓂᖃᕐᓂᖓ ᑖᒃᑯᓂᖓ ᐆᒪᔪᒥᓂᕐᒦᖔᖅᑐᓂᑦ. ᑭᓯᐊᓂᓕ, ᐱᔪᒪᓂᕆᓂᖅᓴᖓ ᐱᐅᔫᑎᓅᓚᐅᖅᑐᖅ. ᐱᔪᒪᓂᖃᓗᐊᓚᐅᖅᑐᖅ ᓴᓇᖑᐊᒐᑦᑎᐊᕙᓐᓂᑦ ᓴᓇᔭᐅᓯᒪᔪᑦ ᓇᑦᑎᓕᖕᒥᐅᑦ (ᓇᑦᓯᓕᒃ) ᓴᓇᖑᐊᖅᑏᑦ ᐅᕙᓐᖓᑦ ᑕᓗᕐᔪᐊᖅ, ᐅᖅᓱᖅᑑᖅ, ᐊᒻᒪ ᑰᒑᕐᔪᒃ. ᓴᓇᔭᐅᓯᒪᔪᑦ ᐊᖓᒃᑯᖃᓂᕐᒥᑦ ᐃᓗᓕᓕᓐᓂᑦ ᐱᔪᒪᓂᖁᓗᐊᓪᖑᐊᓚᐅᖅᑐᖅ, ᐱᓗᐊᖅᑐᒥᑦ ᐆᒪᔪᐃᑦ/ᐃᓄᐃᑦ ᐊᓯᔾᔨᖅᑐᓂᑦ. ᓇᓗᓇᐃᖅᓯᓚᐅᖅᑐᖅ ᐅᓴᐅᓚᐅᖏᑦᑐᖅ “ᐱᑕᖃᒐᔪᑦᑐᑦ” ᑭᓯᐊᓂ ᐊᔾᔨᐅᖏᑦᑐᑦ, ᐊᒻᒪᓘᓐᓃᑦ ᖃᓄᐃᓕᖓᕈᓘᔭᖅᑐᒥᑦ ᓴᖏᔪᒥᑦ ᐱᔪᒪᓂᕆᔭᖓᓄᑦ. ᒫᑦᓯᒥ 2008, ᕼᐃᐅᕆ ᕗᐃᓐᕌᑉ ᓄᐊᓯᒪᔭᖏᑦ ᐅᖃᐅᓯᐅᓚᐅᖅᑐᑦ ᕕᓂᐲᒃ ᓴᓇᙳᐊᒐᐃᑦ ᑕᑯᒐᓐᓈᒐᖃᕐᕕᒻᒥ ᑕᑯᔅᓴᐅᑎᑕᐅᔪᓂᑦ ᐊᒻᒪ ᑎᑎᕋᖅᑕᐅᓯᒪᔪᓂᑦ.