Kingwatsiak, Mikigak
Kinngait (Cape Dorset)
(b. 1943)
Kingwatsiak, Mikigak
(b. 1943)
ᒥᑭᒐᖅ ᑭᖑᕚᑦᓯᐊᖅ, ᓴᓇᙳᐊᖅᑎ ᐊᒻᒪᓗ ᑎᑎᖅᑐᒐᖅᑎ ᑭᖓᐃᑦ, ᓄᓇᕗᑦ, ᖃᐅᔨᒪᔭᐅᑦᑎᐊᖅᑐᖅ ᐅᔭᕋᓂᑦ ᐊᒻᒪᓗ ᐊᕿᑦᑐᓂᑦ ᐅᔭᕋᓂᑦ ᓴᓇᙳᐊᒐᖏᓐᓄᑦ ᐃᓄᐃᑦ ᐊᔾᔨᒌᙱᑦᑐᑦ ᐊᒻᒪᓗ ᐅᑭᐅᖅᑕᖅᑐᒥ ᐆᒪᔪᓄᑦ ᐆᑦᑑᑎᒋᓗᒍ ᓇᓄᐃᑦ, ᑎᒻᒥᐊᑦ ᐊᒻᒪᓗ ᓇᑦᑏᑦ. ᐃᓄᐃᑦ ᐅᓂᒃᑳᓕᐊᑦ ᐊᔾᔨᒌᙱᑦᑐᑦ, ᐆᑦᑑᑎᒋᓗᒍ ᐅᑭᐅᖅᑕᖅᑐᒥ ᑕᕆᐅᕐᒥᐅᑕᖅ ᑕᓖᓚᔪᖅ, ᑕᑯᔅᓴᐅᒐᔪᒃᓯᒪᔪᑦ ᓴᓇᙳᐊᖅᑕᖏᓐᓂᑦ. ᐊᒥᓱᑦ ᑭᖑᕚᑦᓯᐊᑉ ᓴᓇᙳᐊᒐᖏᑦ – ᐊᒻᒪᓗ ᐱᓗᐊᖅᑐᒍ, ᑎᑎᖅᑐᒐᖏᑦ – ᐱᔾᔪᑎᒋᔭᖃᖅᑐᑦ ᑕᐅᑐᕐᕉᕐᓇᖅᑐᓂᑦ ᐆᒪᔪᓂᑦ. ᐊᑖᑕᖓ ᐊᖓᒃᑰᓚᐅᖅᑐᖅ, ᐊᒻᒪᓗ ᑭᖑᕚᑦᓯᐊᖅ ᐱᕈᖅᐸᓪᓕᐊᓯᒪᔪᖅ ᑐᓵᓪᓗᓂ ᐊᒥᓱᓂᑦ ᐅᓂᒃᑳᓕᐊᖏᓐᓂᑦ ᐃᓅᓯᕆᓚᐅᖅᑕᖓᓂᑦ. ᓴᓇᙳᐊᒐᖏᑦ ᐱᔾᔪᑎᖃᖃᑕᐅᔪᑦ ᑭᖑᕚᑦᓯᐊᑉ ᐃᓚᖏᓐᓄᑦ. ᐊᓂᖓ, ᐃᔪᓚ ᑭᖑᕚᑦᓯᐊᖅ, ᖃᐅᔨᒪᔭᐅᔪᖅ ᓴᓇᙳᐊᖅᑎ ᐊᒻᒪᓗ ᑎᑎᖅᑐᒐᖅᑎ. ᐱᖓᓱᑦ ᓇᔭᖏᑦ, ᐋᓇ ᑭᖑᕚᑦᓯᐊᖅ, ᑮᓖᒦᐅᒥ ᓴᒧᐊᓕ ᐊᒻᒪᓗ ᑕᐃ ᐊᑦᓚ, ᐊᔪᙱᑦᑐᒻᒪᕆᐊᓗᐃᑦ ᓴᓇᙳᐊᖅᑎᑦ. ᑭᖑᕚᑦᓯᐊᑉ ᓴᓇᙳᐊᒐᖏᑦ ᑕᑯᔅᓴᐅᓯᒪᔪᑦ ᐊᔾᔨᒌᙱᑦᑐᓂ ᑕᑯᒐᓐᓈᖅᑎᑦᑎᓪᓗᑎᒃ ᓴᓇᙳᐊᐸᐃᑦ ᓂᐅᕕᕐᕕᖏᓐᓂ ᐊᒻᒪᓗ ᑕᑯᒐᓐᓈᒐᖃᕐᕕᓐᓂ ᑲᓇᑕᓕᒫᒥ, ᐊᒻᒪᓗ ᓯᓚᕐᔪᐊᒥ ᐃᖕᓚᓐ, ᔪᒪᓂ ᐊᒻᒪᓗ ᐊᒥᐊᓕᑲᓂ. ᒪᕐᕈᐃᖅᑐᒍ ᐃᓚᒋᔭᐅᓚᐅᖅᑐᖅ ᐅᑭᐅᑕᒫᑦ ᑭᖓᐃᑦ ᑎᑎᖅᑐᒐᐃᖅ ᑲᑎᖅᓱᖅᑕᐅᔪᑦ ᑕᑯᒐᓐᓈᖅᑎᑦᑎᓪᓗᒋᑦ (1960, 1961). ᑭᖑᕚᑦᓯᐊᖅ ᓴᓇᙳᐊᒐᖏᑦ ᐱᓯᒪᔭᐅᔪᑦ ᐊᒥᓱᑲᓪᓚᓂ ᑭᒃᑯᑐᐃᓐᓇᐃᑦ ᑲᑎᖅᓱᖅᑕᐅᔪᓄᑦ ᐃᓚᒋᓗᒍ ᑲᓇᑕᒥ ᑕᑯᒐᓐᓈᒐᖃᕐᕕᒃ ᑲᓇᑕ ᐊᑐᕙ, ᐋᓐᑎᐅᕆᔪ, ᑕᑯᒐᓐᓈᒐᖃᕐᕕᒃ ᐃᓕᖅᑯᓯᓕᕆᓂᕐᒧᑦ ᓯᓚᑦᑐᖅᓴᕐᕕᒃ ᐳᕆᑎᔅ ᑲᓚᒻᐱᐊ ᕚᓐᑯᕗ ᐊᒻᒪᓗ ᑎᓅᔅ ᑕᑯᒐᓐᓈᒐᖃᕕᒃ ᑕᕗᔅ ᓄᓇᓕᐸᐅᔭᖓ, ᒥᓯᒐᓐᒥ.