Kukshout, Pie

(1911–1980)

ᐱ ᑯᒃᓴᐅᑦ (1911-1980) ᓴᓇᖕᖑᐊᖅᑎᐅᓚᐅᖅᑐᖅ ᐊᒻᒪᓗ ᔭᕐᕋᓕᐅᓲᖅ ᑲᖏᖅᖠᓂᕐᒥᑦ, ᓄᓇᕗᑦ. ᐅᓇ ᐅᒃᑯᓯᒃᓴᓕᖕᓂᒃ ᓴᓇᖕᖑᐊᓲᖅ ᐃᓅᓯᓕᒫᒥᓂ, ᓴᓇᖃᑦᑕᓕᓚᐅᖅᑐᖅ ᔭᕐᕋᓂᒃ 70-ᖏᓐᓂ ᐅᑭᐅᖃᓕᖅᖢᓂ ᐃᓚᐅᓕᓚᐅᕋᒥ ᑲᖏᖅᖠᓂᕐᒥ ᔭᕐᕋᓕᐅᖃᑦᑕᖅᑐᓂᒃ ᑕᐃᒪᓗ ᓯᕗᓪᓕᐅᖃᑕᐅᓚᐅᖅᑐᖅ ᐃᓚᐅᓪᓗᓂ. ᑯᒃᓴᐅᑦ ᖃᐅᔨᒪᔭᐅᓕᑦᑎᐊᖅᓯᒪᔪᖅ ᐃᓱᒪᑐᔫᓂᖓᓂ ᒪᕋᕐᓂᒃ ᐊᑐᖅᖢᓂ ᐃᓚᓕᐅᑎᓪᓗᒍ ᐃᓱᒪᒋᔭᑐᐃᓐᓇᒥᓂᒃ ᑮᓇᖑᐊᕐᓂᒃ ᐊᒻᒪᓗ ᓂᕐᔪᑎᖑᐊᕐᓂᒃ ᐊᒻᒪᓗ ᓴᓇᖕᖑᐊᑦᑕᖅᖢᒋᑦ ᔭᕋᓕᐊᒥᓄᑦ. ᓴᓇᔭᖏᑦ ᓴᕿᔮᖅᑎᑕᐅᓯᒪᔪᑦ ᑕᑯᔭᒐᖃᕐᕕᖕᓂ ᓇᓂᑐᐃᓐᓇᖅ ᓄᐊᑦ ᐊᒥᐊᓕᒐᒥ, ᐊᒻᒪᓗ ᐃᓂᖃᖅᑐᑦ ᓄᐊᑕᐅᓯᒪᕕᖕᓂ ᓲᕐᓗ ᕕᓂᐲᒃ ᓴᓇᖕᖑᐊᖅᓯᒪᔪᓂᒃ ᑕᑯᔭᒐᖃᕐᕕᒃ ᒫᓂᑑᐸᒥ ᐊᒻᒪᓗ ᓯᒥᑦᓱᓂᐊᓐ ᑕᑯᔭᒐᖃᕐᕕᒃ ᐊᒻᒪᓗ ᓄᓇᒥᐅᑕᕐᓂᒃ ᐃᑦᑕᕐᓂᑕᓂᒃ ᒍᐊᓯᖕᑕᓐ, ᑎᓯ.

ᓴᓇᙳᐊᖅᑎᑦ ᑭᓇᐅᓂᖏᓐᓄᑦ ᑎᑎᕋᖅᓯᒪᔪᑦ ᑐᓂᔭᐅᓯᒪᔪᑦ ᐊᖏᖅᑕᐅᓯᒪᓪᓗᑎᒃ ᐃᓄᐃᑦ ᓴᓇᙳᐊᖅᑎᓕᕆᔨᒃᑯᑦ ᑐᙵᕝᕕᒃ. ᑕᒪᕐᒥᒃ ᐱᔪᓐᓇᐅᑎᑦ ᒪᓕᒐᖅᑎᒍᑦ.

ᑮᓇᐃᑦ ᐱᖓᓱᓂᑦ ᓇᑦᑎᖃᖅᑐᓂ

c. 1967

ᒪᕐᕋᖅ ᓴᓇᙳᐊᒐᔅᓴᓄᑦ

26.7 x 20.3 x 20.3 cm

Collection of the Winnipeg Art Gallery, Gift of the Women's Committee

G-68-95

ᐅᖃᐅᑎᖃᒃᑐᖅ (about)

ᖁᒃᓴᐅᑦ, ᐸᐃ, ᐱᖓᓱᑦ ᓇᑦᑏᑦ ᑮᓇᖏᑦ

ᖁᒃᓴᐅᑦ, ᐸᐃ, ᐱᖓᓱᑦ ᓇᑦᑏᑦ ᑮᓇᖏᑦ

1963−ᒥ, ᐅᔭᕋᓐᓂᐊᕐᕕᖓᑦ ᓴᕕᑦᓴᑦᑎᐊᕙᑦᓯᐅᕐᕕᒃ ᑲᖏᖅᖠᓂᕐᒥ ᒪᑐᔭᐅᓯᒪᓕᖅᑎᓪᓗᒍ, ᑲᓇᑕᐅᑉ ᒐᕙᒪᒃᑯᖏᑦ ᐃᖃᓇᐃᔭᖅᑎᑦᑎᓚᐅᖅᑐᑦ ᒪᕋᕐᒥᒃ ᓴᓇᔨᐅᓂᕐᒥᓄᑦ ᐊᔪᕈᓐᓂᖅᓴᐃᔨᒥᒃ ᓴᓇᔭᐅᔪᓐᓇᖅᑐᓂᒃ ᑕᐃᔅᓱᒥᖓ ᒃᓛᐅᑦ ᒍᕆᓐᓂᔩᒥᒃ. ᑕᐃᓐᓇ ᐊᑐᕆᐅᖅᓴᑎᑦᑎᓚᐅᖅᑐᖅ ᓄᓇᓕᖕᓂᖔᖅᑐᓂᒃ ᐊᒻᒪᓗ ᑎᑭᓴᖅᑕᐅᓯᒪᔪᓂᒃ ᒪᕋᒃᓴᔭᕐᓂᒃ; ᑕᒫᓂ 1964-65-ᖑᓕᖅᑎᓪᓗᒍ, ᐅᖓᑕᓃᓕᓚᐅᖅᑐᑦ 12-ᓂᒃ ᓴᓇᔪᓇᖅᓯᔪᑦ, ᐃᓚᖏᓪᓗᑕᐅᖅ ᓴᓇᖑᐊᖅᑎᐅᕙᒃᑭᓪᓗᑎᒃ, ᓴᓇᓯᒪᔪᓂᒃ ᐊᑑᑎᒃᓴᓕᐅᖅᐸᓚᐅᖅᑐᑦ. ᑕᐃᒃᑯᐊ ᐱᓕᕆᕕᐅᓂᖏᑦ ᒪᑐᔭᐅᓕᓚᐅᖅᑐᑦ 1977−ᖑᑎᓪᓗᒍ, ᐊᒻᒪᓗ ᑭᖑᓂᑲᓪᓛᒍᑦ ᑕᒫᓂ 1980−ᖏᓐᓂ, ᐱᒋᐊᖅᑎᑕᐅᒃᑲᓐᓂᓚᐅᖅᑐᑦ ᑕᐃᑦᓱᒧᖓ ᔨᒻ ᓲᕐᓕᒧᑦ. ᐸᐃ ᖁᒃᓴᐅᑦ ᓴᓇᕙᓚᐅᖅᑐᖅ ᐃᓚᖏᓂᒃ ᐱᐅᓂᖅᐹᑦᓯᐊᓂᒃ ᓴᓇᔭᐅᓚᐅᖅᓯᒪᖏᑦᑐᓂᒃ ᐊᒻᒪᓗ ᐊᔾᔨᖃᖏᑦᑐᓂᒃ−ᑕᐅᕗᖓ ᐱᖓᓱᐃᓕᖃᖓᔪᓂᒃ ᑕᑯᔭᐅᔪᓐᓇᖅᑐᓂᒃ ᖁᓛᒍᑦ, ᓴᓂᒧᑦ, ᐊᑖᒍᓪᓗ ᓴᓇᔪᓐᓇᖅᓯᑦᓯᐊᖅᑕᐅᓘᓚᐅᖅᑐᓂᒃ.