Talurjuaq (Taloyoak)
(1933–c. 1990)
(1933–c. 1990)
ᑕᓗᕐᔪᐊᖅ, ᓄᓇᕗᑦ−ᑐᙵᕝᕕᒃ ᓴᓇᙳᐊᖅᑎ ᐃᑉᕋᕼᐋᒻ ᑭᖕᒥᐊᖅᑐᖅ ᖃᐅᔨᒪᔭᐅᔪᖅ ᑐᑭᖃᑦᑎᐊᖅᑐᓂᒃ ᓴᓇᓯᒪᔪᓂᒃ ᓄᓇᓕᒥ ᕿᕐᓂᖅᑐᖅ ᐅᔭᖅᑲᓂᑦ ᐊᒻᒪᓗ ᕿᓚᓗᒐᐅᑉ ᓴᐅᓂᐊᓂᒃ ᐊᒻᒪᓗ ᑑᒑᕐᓂᑦ. ᓴᓇᙳᐊᒐᐃᑦ ᑲᓪᓘᑉ ᐊᓂᕐᓂᖓ (1987) ᑕᑯᔅᓴᐅᔪᑦ ᐃᓚᖏᑦ ᓴᓇᙳᐊᖅᑎᐅᑉ ᐃᓱᒪᒃᓴᖅᓯᐅᕐᓂᖓ ᑎᑎᖅᑐᒐᖅ ᐊᓂᕐᓃᑦ ᐊᒻᒪᓗ ᐊᓯᙳᖅᐸᓪᓕᐊᔪᓂᒃ ᑎᑎᖅᑐᒐᖅᓯᒪᑦᑎᐊᖅᑐᒋᑦ. ᐃᖅᑲᓇᐃᔮᒥᓄᑦ ᐱᔾᔪᑎᒋᓪᓗᒋᑦ ᐃᓚᒋᓪᓗᒍ ᑭᖕᒥᐊᖅᑐᑉ ᐃᓚᒋᔭᐅᓂᖓ ᑲᓇᑕᒥ ᑎᑎᖅᑲᓕᕆᕝᕕᐅᑉ ᐸᐃᑉᐹᕋᓛᑦ ᐊᐅᓪᓚᐃᔾᔪᑎᔅᓴᖏᓐᓄᑦ ᓴᖅᑭᑎᑕᐅᓚᐅᖅᑐᑦ 1978−ᖑᑎᓪᓗᒍ ᑐᕌᖅᓯᒪᔪᑦ ᐃᖏᕐᕋᓂᕐᒧᑦ. ᓴᓇᙳᐊᖅᑎᐅᑉ ᑑᒑᑦ ᓴᓇᙳᐊᒐᖏᑦ ᕿᒧᒃᓯᐅᑎ ᐊᒻᒪᓗ ᕿᒧᒃᓰᑦ (ᐃᒻᒻᒪᖄ 1978) ᐃᓚᒋᔭᐅᓚᐅᖅᑐᖅ ᓴᓇᙳᐊᒐᓄᑦ ᐳᑦᓗ ᐳᑦᓛᑦ, ᐱᑦᓯᐅᓛ ᐊᓲᓇ ᐊᒻᒪᓗ ᔫ ᑕᓕᕈᓂᓕᒃ ᑖᒃᑯᓄᖓ ᐃᓚᒋᔭᐅᓂᐊᖅᑐᓄᑦ ᐊᕕᒃᓯᒪᔪᒃᑯᑦ. ᑭᒻᒥᐊᖅᑐᖅ ᑕᑯᔅᓴᐅᑎᑕᐅᓚᐅᖅᑐᖅ ᐋᒻᕖ ᐊᕙᑎᓕᕆᓂᕐᒧᑦ ᑲᑐᔾᔨᖃᑎᒌᖏᑦ 1991 ᓴᓇᙳᐊᒐᖏᓐᓂ ᐱᔨᒻᒪᕇᑦ ᐅᑭᐅᖅᑕᖅᑐᒥ – ᓴᓇᙳᐊᒐᐃᑦ ᐱᔨᑦᑎᕋᐅᑎᑦ ᓯᓚᕐᔪᐊᒧᑦ ᐃᓕᑕᕆᔭᐅᓚᐅᖅᑐᖅ ᑐᓂᕐᕈᓯᐊᒃᑯᑦ 100 ᐅᖓᑖᓂ ᐅᑭᐅᖅᑕᖅᑐᒥ ᓄᓇᖃᖅᑳᖅᓯᒪᔪᑦ ᓴᓇᙳᐊᖅᑎᓄᑦ. ᓴᓇᙳᐊᒐᖏᑦ ᓇᓂᔭᐅᔪᓐᓇᖅᑐᑦ ᑲᑎᖅᓱᖅᑕᐅᓯᒪᔪᒃᑯᑦ ᕕᓂᐲᒃ ᓴᓇᙳᐊᒐᐃᑦ ᑕᑯᒐᓐᓈᒐᖃᕐᕕᒃ ᐊᒻᒪᓗ ᑲᓇᑕᒥ ᑕᑯᒐᓐᓈᒐᖃᕐᕕᒃ.
ᐅᖃᐅᑎᖃᒃᑐᖅ (about)
ᑲᓪᓗᒃᑎᓪᓗᒍ ᐊᓂᕐᓂᕆᔭᐅᕗᖅ ᑕᕐᓂᕆᔭᐅᓗᓂ ᐃᑦᑐᓛᖅᑎᓪᓗᒍ ᓇᑦᓯᓕᖕᒥᐅᑦ ᐃᓕᖅᑯᓯᖏᓐᓂ. ᑲᓪᓗᒃ ᒪᕐᕉᖕᓂᒃ ᓵᑐᔮᕐᓂᒃ ᐅᔭᕌᖕᓂᒃ ᑲᓲᑎᕙᓚᐅᖅᑐᖅ ᖃᐅᒪᑲᓚᒻᒥᒃ ᓴᕿᑎᑦᑎᓂᕐᒧᑦ. ᑕᓐᓇ ᓴᓇᖑᐊᒐᖅ ᐊᑭᓕᐅᓯᐊᖅᑖᕈᑕᐅᓚᐅᖅᑐᖅ ᑕᐃᒃᑯᓇᖓᑦ ᐅᐃᓂᐹᐃᒡᒥ ᓴᓇᔭᐅᓯᒪᔪᓂᒃ ᑕᑯᔭᒐᖃᕐᕕᖕᒥ ᑕᒫᓂ 1987-ᖑᑎᓪᓗᒍ. ᐊᔾᔨᓕᐅᖅᑕᐅᒐᒥ ᑕᐃᓐᓇ ᓴᓇᔨᖓ ᑖᔅᓱᒥᖓ, ᖁᕕᐊᓱᒃᓱᓂ ᑕᑯᑎᑦᑎᓚᐅᖅᑐᖅ ᐊᔾᔨᒌᓂᖏᓐᓂᒃ ᑕᕐᓂᓕᐅᑉ ᑮᓇᖓᓂᒃ ᐊᔾᔨᖓᓂᒃ ᑮᓇᖓᓂᒃ.
