Sivuarapik, Charlie

(1911–1968)

ᓵᓕ ᓯᕗᐊᕌᐱᒃ (1911-1968) ᓴᓇᖑᐊᖅᑎ ᐳᕕᖕᓂᖅᑐᕐᒥᑦ, ᓄᓇᕕᒃ, ᑯᐸᐃᒃ, ᐅᓇᓗ ᓴᓇᖒᐊᓲᖅ ᐅᒃᑯᓯᒃᓴᓕᖕᓂᒃ. ᓄᓇᖃᖅᑐᖅ ᐳᕕᖕᓂᖅᑐᖅ ᑕᐃᒪᖓᓂᑦ ᐱᒋᐊᓕᓵᖅᑎᓪᓗᒍ 1950ᓂ, ᑐᑭᓕᐅᕈᑎᒋᓚᐅᖅᑕᖏᑦ ᓯᕗᓪᓕᖅᐹᒥᒃ ᑲᔪᖏᖅᓴᔭᐅᒐᒥ ᓴᓇᖕᖑᐊᖃᑦᑕᕐᓗᓂ ᑖᔅᓱᒪ ᓴᐃᒻᔅ ᕼᐃᐅᔅᑕᓐ ᑕᐃᑲᓂ 1948 ᐳᕕᖕᓂᖅᑐᒧᐊᕋᒥ ᐳᓛᕆᐊᖅᖢᓂ. ᓯᕗᐊᕌᐱᒃ ᖃᐅᔨᒪᔭᐅᑦᑎᐊᖅᑐᖅ ᐊᔾᔨᓕᐅᕆᓲᖅ ᐃᓄᖑᐊᓂᒃ, ᑕᒪᐃᓐᓂᒃ ᐊᓐᓄᕌᖅᖢᒋᑦ ᐊᒻᒪᓗ ᐊᓐᓄᐃᖔᖅᖢᑎᒃ, ᐊᒻᒪᓗ ᓴᓇᖕᖑᐊᖅᑕᖏᑦ ᓯᓐᓇᓲᒪᖑᐊᑦ. ᐱᒋᐊᖅᑎᑦᑎᓂᑯ ᓴᓇᖕᖑᐊᖅᑎᑦ ᑲᑐᔾᔨᖃᑎᒌᑦ ᐳᕕᖕᓂᖅᑐᕐᒥ ᐊᒻᒪᓗ ᐊᖓᔪᖅᑳᖑᓪᓗᓂ ᐳᕕᖕᓂᖅᑐᖅ ᑯᐊᑉ ᑲᑐᔾᔨᖃᑎᒌᑦ, ᓯᕗᐊᕌᐱᒃ ᓯᕗᓪᓕᖅᐹᖑᓯᒪᔪᖅ ᐃᓄᖕᓂ ᐱᓇᓱᐊᖅᑎᐅᓪᓗᓂ ᓴᓇᖕᖑᐊᖅᑎᑦ ᑲᑐᔾᔨᖃᑎᒌᑦ ᑲᓇᑕᒥ. ᓴᓇᔭᖏᑦ ᐱᔭᐅᓯᒪᔪᑦ ᓄᐊᑕᐅᓯᒪᔪᑦ ᑕᒪᐃᓐᓂ ᑲᓇᑕᒥ, ᐃᓚᒋᔭᐅᕗᑦ ᕕᓂᐲᒃ ᓴᓇᖕᖑᐊᖅᓯᒪᔪᓂᒃ ᑕᑯᔭᒐᖃᕐᕕᒃ ᒫᓂᑑᐸᒥ ᐊᒻᒪᓗ ᑲᓇᑕᒥ ᑕᑯᔭᒐᖃᕐᕕᒃ ᐋᑐᕚᒥ, ᐋᓐᑎᐅᕆᐅ.

ᐃᓄᐃᑦ ᐊᓯᕙᖅᑎ ᑐᒃᑐ ᐊᒻᒪᓗ ᕿᒻᒥᖅ

1959

ᐅᔭᕋᒃ

21.3 x 18.3 x 26.1 cm

Collection of the Winnipeg Art Gallery, The Hudson's Bay Company Collection, Gift of an anonymous donor

G-90-913

ᐅᖃᐅᑎᖃᒃᑐᖅ (about)

ᐃᓄᐃᑦ ᐊᓯᕙᖅᑎ ᑐᒃᑐ ᐊᒻᒪᓗ ᕿᒻᒥᖅ

ᐃᓄᐃᑦ ᐊᓯᕙᖅᑎ ᑐᒃᑐ ᐊᒻᒪᓗ ᕿᒻᒥᖅ

ᐱᒋᐊᖅᑎᑦᑎᓯᒪᓪᓗᓂ ᐃᓚᒋᔭᐅᓂᕐᒥᒃ ᐊᒻᒪᓗ ᓯᕗᓪᓕᖅᐸᐅᓪᓗᓂ ᐊᖓᔪᖃᖑᓂᕐᒥ ᐳᕕᓐᓂᑐᖅ ᑯᐊᐸᒃᑯᖏᑕ ᑲᑐᔾᔨᖃᑎᒌᖏᓐᓂᒃ ᐱᒋᐊᓕᕋᑖᕐᓂᖏᓐᓂ 1960-ᑦ, ᓵᓕ ᓯᕗᐊᕋᐱᒃ ᐃᒫᖑᑐᐃᓐᓇᕆᐊᖃᕐᒪᑦ ᓴᓇᑐᓛᖑᓪᓗᓂ ᐊᒻᒪᓗ ᐊᔪᖏᑦᑐᖁᑎᒋᔭᐅᓪᓗᓂ ᐳᕕᕐᓂᑐᕐᒥ ᑕᐅᑦᑐᖃᑎᓪᓗᐋᓕᐅᕐᓂᕐᒥ ᐃᓱᓕᓕᖅᑎᓪᓗᒋᑦ 1950-ᑦ ᐊᒻᒪᓗ ᐱᒋᐊᓕᕋᑖᕐᓂᖏᓐᓂ 1960-ᑦ. ᓯᕗᐊᕋᐱᐅᑉ ᑕᐃᒫᓚᕆᖑᐊᖑᑎᑦᑎᓂᖓ, ᐱᑦᑎᐊᖅᓯᒪᓪᓗᑎᒃ ᓴᓇᑎᐊᖅᓯᒪᓂᖏᑦ, ᐊᒻᒪᓗ ᐱᐅᓯᑎᓯᒪᓪᓗᑎᒃ ᐱᔭᕇᒃᓯᒪᓂᖏᑦ ᐅᔭᕋᐅᑉ ᓴᓇᙳᐊᒐᐅᑉ ᐋᖅᑭᒃᓯᓯᒪᒻᒪᑦ ᐱᓕᕆᔪᓯᐅᓱᒥᒃ ᐱᐅᓈᖅᓯᒪᓂᖓᓂᒃ ᓄᓇᓕᓐᓂ. ᑐᓂᕐᕈᓯᐊᖅᓯᒪᓪᓚᕆᓚᐅᕆᓪᓗᓂᓗ ᑑᒐᕋᔭᓂᒃ ᓴᓇᙳᐊᖅᑎᐅᓂᕐᒥᒃ. 1960-ᒥ, ᓯᕗᓪᓕᖅᐹᖑᓚᐅᖅᓯᒪᒻᒪᑦ ᐃᓄᓐᓂ ᓂᕈᐊᖅᑕᐅᔪᓂ ᑕᐅᑦᑐᖃᑎᓗᐊᓕᐅᕐᓂᕐᒥ ᑲᑐᔾᔨᖃᑎᒋᓂᒃ ᑲᓇᑕᒥ. ᓯᕗᐊᕋᐱᐅᑉ ᐊᖏᓛᒥᒃ ᑐᓂᕈᓯᐊᖃᓚᐅᕐᒪᑦ ᐊᔪᖏᓐᓂᖓᓂᒃ ᓴᕿᑎᑦᓯᒋᐊᒃᓴᖅ ᐃᓅᓐᓂᒃ ᐊᒻᒪᓗ ᐱᓗᐊᙳᐊᖅᑐᒥᒃ ᐆᒪᔪᖑᐊᓂᒃ ᓴᓇᙳᐊᕐᓂᕐᒥᓂ ᐅᒪᖂᔨᓕᑐᐃᓐᓇᕋᑎᒃ ᑕᐃᒫᓚᕆᐅᔭᓕᕐᓗᑎᓪᓕ ᑭᓯᐊᓂ ᐊᑐᓪᓚᕆᓗᓂ ᐃᒃᐱᓐᓂᐊᒋᔭᖃᕐᓂᕐᒥᒃ ᐊᒻᒪᓗ ᖃᐅᔨᒪᓂᖃᑦᑎᐊᕐᓗᓂ ᐆᒪᔪᐃᑦ ᖃᓄᐃᓘᕈᓯᕆᓲᖏᓐᓂᒃ.