-jpgd551dcd31e3c463099ed55d16dfef48d.jpg?sfvrsn=96627633_0)
Arviat
(1934–2012)
(1934–2012)
ᓘᓯ ᑕᓯᐅᕐ ᑐᑦᓱᐃᑦᑐᖅ ᖁᕕᐊᓲᑎᒋᔭᐅᓚᐅᖅᑐᖅ ᓴᓇᙳᐊᖅᑎ ᓄᓇᓪᓚ, ᒫᓂᑐᐸᒥᐅᑕᖅ, ᐊᕐᕕᐊᑦ, ᓄᓇᕗᑦ ᐊᖏᕐᕋᕆᓕᓚᐅᖅᑕᖓ ᐊᒻᒪᓗ ᓴᓇᙳᐊᖅᑎ ᓄᓇᓕᒥ. ᐱᕈᖅᐸᓪᓕᐊᑎᓪᓗᒍ ᐊᑖᑕᑦᓯᐊᖓᓂ ᐊᒻᒪ ᐋᓈᓇᑦᑎᐊᖓᓂ, ᐱᔾᔪᑎᖃᓗᐊᖅᑕᖏᑦ ᓴᓇᙳᐊᕐᓂᕐᒧᑦ, ᑐᑦᓱᐃᑦᑐᖅ ᓴᓇᙳᐊᖅᐸᓪᓕᐊᓕᓚᐅᖅᑐᖅ ᐊᕐᕕᐊᓄᑦ ᓅᑎᓪᓗᒍ 1960−ᖑᑎᓪᓗᒍ ᑭᓯᐊᓂ. ᑐᑦᓱᐃᑦᑐᖅ ᓴᓇᙳᐊᒐᖏᑦ ᐊᔾᔨᒌᙱᑦᑐᑦ ᑕᑭᓂᖏᑦ ᒥᑭᔪᓂᑦ ᐊᖏᔪᓄᑦ ᐅᔭᖅᑲᓂᒃ ᐱᔾᔪᑎᖃᖅᑐᓂᒃ ᐱᒻᒪᕆᐅᓂᖏᓐᓄᑦ ᐃᓚᖏᑦ ᐅᔭᖅᑲᐅᑉ ᓴᓇᓯᒪᙱᑦᑐᓂᑦ. ᑐᑦᓱᐃᑦᑐᖅ ᒪᕐᕉᓕᖓᔪᑦ−ᓴᓇᙳᐊᒐᐃᑦ ᐱᔾᔪᑎᖃᖅᑐᑦ ᐃᓚᒌᓐᓂᕐᒧᑦ ᐅᕝᕙᓘᓐᓃᑦ ᓯᖓᐃᔪᓄᑦ ᐊᓈᓇᐅᔪᓄᑦ ᐊᒻᒪᓗ ᓂᐱᓕᐅᖅᑐᒋᑦ ᐃᓕᑕᐅᓯᒪᔪᑦ ᐃᓄᐃᑦ ᓯᕗᕚᕆᔭᐅᔪᒃᓴᓄᑦ. ᑕᑯᔅᓴᐅᓯᒪᔪᑦ ᖄᖓᑕ ᐃᓄᐃᑦ ᓴᓇᙳᐊᒐᐃᑦ ᐅᑭᐅᑉ ᓄᙳᐊᓂ (Inuit Art Quarterly), ᐊᒻᒪᓗ ᓴᓇᙳᐊᒐᖏᑦ ᐱᓯᒪᔭᐅᔪᑦ ᐱᒻᒪᕆᐅᔪᓂ ᓯᓚᑦᑐᖅᓴᕐᕕᓐᓂ, ᐃᓚᒋᓗᒋᑦ ᓴᓇᙳᐊᒐᐃᑦ ᑕᑯᒐᓐᓈᒐᖃᕐᕕᒃ ᐋᓐᑎᐅᕆᔫ, ᑐᕌᓐᑐᒥ, ᑲᓇᑕᒥ ᑕᑯᒐᓐᓈᒐᖃᕐᕕᒃ ᐃᑦᑕᕐᓂᑕᐃᑦ, ᒐᑎᓅ, ᑯᐱᒃ, ᐊᒻᒪᓗ ᐃᓄᐃᑦ ᐃᓕᖅᑯᓯᓕᕆᕝᕕᒃ ᑲᖏᖅᖠᓂᖅ, ᓄᓇᕗᒻᒥ.
ᓴᓇᙳᐊᖅᑎᑦ ᑭᓇᐅᓂᖏᓐᓄᑦ ᑎᑎᕋᖅᓯᒪᔪᑦ ᑐᓂᔭᐅᓯᒪᔪᑦ ᐊᖏᖅᑕᐅᓯᒪᓪᓗᑎᒃ ᐃᓄᐃᑦ ᓴᓇᙳᐊᖅᑎᓕᕆᔨᒃᑯᑦ ᑐᙵᕝᕕᒃ. ᑕᒪᕐᒥᒃ ᐱᔪᓐᓇᐅᑎᑦ ᒪᓕᒐᖅᑎᒍᑦ.
ᐅᖃᐅᑎᖃᒃᑐᖅ (about)
ᐃᓅᓕᓚᐅᖅᓯᒪᓪᓗᓂ ᓄᓇᓪᓚᒥ, ᒫᓂᑐᕙᒥ, ᓘᓯ ᑕᓯᐅᕐ ᑐᑦᓱᐃᑦᑐᖅ ᓄᓇᓕᖓᓂᒥᐅᑕᐅᓕᓚᐅᕐᒪᑦ ᐊᕐᕕᐊᒥ 1960-ᖏᓐᓂ. ᑐᑭᓯᓇᖅᓯᑎᑦᑎᖏᓐᓂᖓ ᓴᓇᔾᔪᓯᖓᓂ ᐊᔾᔨᐅᓂᖅᓯᐅᖅᑕᐅᒐᔪᒻᒪᑕ ᒪᓕᓐᓂᖓᓄᑦ ᓴᓇᙳᐊᖅᑎᒥᒃ ᔮᓐ ᐸᖕᓇᖅ. ᓴᓇᔾᔪᓯᖏᑦ ᐊᑐᒐᔪᓲᖑᒪᑕ ᑕᐅᑦᑐᓕᐅᖅᓯᒪᑐᐃᓐᓇᕐᓗᑎᒃ ᑲᑎᑕᐅᓂᖏᓐᓂ ᐊᒻᒪᓗ ᓄᖃᖓᔾᔪᑎᖃᕋᑎᒃ ᖃᓄᐃᓘᖅᓯᓂᕐᒥᓂ ᐅᔭᕋᒻᒥᒃ. ᓴᓇᓯᒪᔭᖏᓐᓂ ᐊᓈᓇᐃᑦ ᐊᒻᒪᓗ ᕿᑐᙵᖏᑦ ᐅᕝᕙᓗᓂᑦ ᐃᓚᒌᒃᑐᓂ, ᑕᔅᓯᐅᕐ ᒪᓕᑐᐃᓐᓇᓱᖑᒪᑦ ᖃᓄᐃᓕᖓᓂᖓᓂᒃ ᐅᔭᕋᐅᑉ, ᐱᕕᖃᒃᑎᓪᓗᓂᒋᑦ ᓯᓇᕐᔪᖏᑦ ᐊᒻᒪᓗ ᓄᕗᖏᑦ ᖃᓄᐃᓕᖓᒋᐊᖃᑦᑎᑦᑎᓂᖏᓐᓄᑦ ᐃᓘᓐᓇᖓᓂᒃ ᖃᓄᐃᓕᖓᓂᖓᑕ ᐊᒻᒪᓗ ᓇᐅᒃᑯᑦ ᓂᐊᖁᖑᐊᖃᕐᓂᐋᕐᒪᖔᑕ ᐊᒻᒪᓗ ᑮᓇᖃᕐᓂᐊᕐᒪᖔᑕ.
