Kolola, Mosesie

(1930–1985)

ᐃᓱᒪᒃᓴᖅᓯᐅᖅᑎ ᓴᓇᙳᐊᖅᑎ ᐅᔭᕋᖕᓂᑦ ᐊᒻᒪᓗ ᑑᒑᓂᑦ, ᒧᓯᓯ ᑯᓘᓚ ᖃᐅᔨᒪᔭᐅᓚᐅᖅᑐᖅ ᑎᑎᖅᑐᒐᑦᑎᐊᖅᓯᒪᓂᖏᓐᓄᑦ ᐊᒻᒪᓗ ᑎᑎᖅᑐᒐᖅᓯᒪᓂᖏᑦ ᐃᓅᓯᖅ ᓄᓇᒥ ᐱᔾᔪᑎᒋᔭᖃᖅᑐᑦ ᐃᒻᒥᓄᑦ ᐃᓱᒪᒃᓴᖅᓯᐅᕐᓂᕐᒧᑦ. ᓴᓇᙳᐊᒐᖏᑦ ᑕᑯᔅᓴᐅᓯᒪᔪᑦ ᒪᓕᒃᑐᓂᑦ ᑕᑯᒐᓐᓈᖅᑎᑦᑎᓂᕐᒧᑦ ᑲᓇᑕᓕᒫᒥ, ᐃᓚᒋᓗᒍ ᑎᒍᒥᐊᕐᓂᖅ ᓴᙱᓂᒃᑯᑦ ᖃᖓᓂᑕᕐᓂᑦ: ᓂᕈᐊᖅᑕᐅᓯᒪᔪᑦ ᒃᓚᒧᕐ ᐃᓚᒌᑦ ᑲᑎᖅᓱᖅᑕᐅᓯᒪᔪᑦ ᐃᓄᐃᑦ ᓴᓇᙳᐊᒐᖏᓐᓂᑦ ᓴᓇᙳᐊᒐᐃᑦ ᑕᑯᒐᓐᓈᒐᖃᕐᕕᒃ ᐋᓐᑎᐅᕆᔫᒥ 1983−ᖑᑎᓪᓗᒍ ᐃᖏᕐᕋᓚᐅᖅᑐᑦ ᑲᓇᑕᓕᒫᒥ ᒪᕐᕉᒃ ᐅᑭᐅᓄᑦ. ᓴᓇᙳᐊᒐᖏᑦ ᐅᔭᕋᖕᓂᑦ ᐆᑦᑑᑎᒋᓗᒍ ᐅᑭᐅᒥ ᑕᒻᒫᕐᕕᒃ (ᐃᒻᒪᖄ 1960-1969) ᐃᓕᑕᕐᓇᓚᐅᖅᑐᖅ ᐊᔾᔨᐅᙱᓐᓂᖏᓐᓄᑦ ᐱᐊᒃᓯᒪᓂᖏᓐᓄᑦ ᐊᒻᒪᓗ ᒪᓐᓇᕆᐅᓂᖓᓄᑦ ᐱᐊᓂᒃᓯᒪᓂᖏᑦ, ᓯᓈᖏᑦ ᓴᓇᓯᒪᑦᑎᐊᖅᑐᑎᒃ ᐊᒻᒪᓗ ᓴᖑᖓᑦᑎᐊᕐᓂᖏᓐᓄᑦ. ᖃᐅᔨᒪᔭᐅᓚᐅᖅᑐᖅ ᐃᓗᑐᓂᖏᓐᓄᑦ ᓴᓇᓯᒪᓂᖏᑦ ᐊᐃᕕᐅᑉ ᑑᒑᖏᓐᓂᑦ ᑎᑎᖅᑐᒐᖅᓯᒪᔪᑦ ᐃᓄᐃᑦ ᐊᒻᒪᓗ ᐅᑭᐅᖅᑕᖅᑐᒥ ᐆᒪᔪᓂᑦ. ᐃᓚᒋᐊᖅᑐᒍ ᓴᓇᙳᐊᖅᑎᐅᓂᖓᓄᑦ, ᑯᓘᓚ ᐃᖅᑲᓇᐃᔭᖅᑎᐅᓚᐅᖅᑐᖅ ᓴᓇᙳᐊᕐᓂᕐᒧᑦ ᐊᐅᓚᑦᑎᔨᐅᓂᕐᒧᑦ ᐊᒻᒪᓗ ᐊᐅᓚᑦᑎᔨ ᐊᒻᒪᓗ ᓂᕈᐊᖅᑕᐅᓚᐅᖅᑐᖅ ᒪᕐᕈᐃᖅᑐᒍ ᑲᑎᒪᔨ ᑲᓇᑕ ᐅᑭᐅᖅᑕᖅᑐᒥ ᓴᖅᑭᑎᑦᑎᕙᓪᓕᐊᓂᕐᒧᑦ ᑯᐊᑉᓄᑦ, ᓯᕗᓪᓕᖅ 1974−ᖑᑎᓪᓗᒍ ᐊᒻᒪᓗ ᐊᐃᑉᐸᖓ 1978−ᖑᑎᓪᓗᒍ. ᑯᓘᓚ ᓴᓇᙳᐊᒐᖏᑦ ᑕᑯᒐᓐᓈᖅᑎᑕᐅᓯᒪᔪᑦ ᐊᒥᓱᓂᑦ, ᐃᓚᒋᓗᒍ ᑲᓇᑕᒥ ᑕᑯᒐᓐᓈᒐᖃᕐᕕᒃ ᐊᒻᒪᓗ ᑲᓇᑕᒥ ᑕᑯᒐᓐᓈᒐᖃᕐᕕᒃ ᐃᑦᑕᕐᓂᑕᐃᑦ.

ᐅᑭᐅᒥ ᑕᒻᒫᕐᕕᒃ

c. 1960–1969

ᐅᔭᕋᒃ, ᑑᒑᖅ

15 x 52.5 x 22.1 cm

Collection of the Winnipeg Art Gallery, The Hudson's Bay Company Collection, Gift of an anonymous donor

G-90-912 a-f

ᐅᖃᐅᑎᖃᒃᑐᖅ (about)

ᑯᓗᓛ, ᒨᓯᓯ, ᐅᑭᐅᒃᑯᑦ ᑕᖕᒫᖅᓯᒪᓂᖅ

ᑯᓗᓛ, ᒨᓯᓯ, ᐅᑭᐅᒃᑯᑦ ᑕᖕᒫᖅᓯᒪᓂᖅ

ᒨᓯᓯ ᑯᓗᓛᖅ, ᐊᔪᖏᓐᓂᖅᐹᖑᖃᑕᐅᑦᓯᐊᖅ ᓴᓇᖑᐊᖅᑎᓂᒃ ᐅᒃᑯᓯᑦᓴᔭᓂᒃ ᑭᒻᒥᕈᕐᒥ, ᐃᓕᓐᓂᐊᓚᐅᖅᑐᖅ ᓴᓇᖑᐊᕐᓂᕐᒥᒃ ᐊᑖᑕᒥᒃ ᑕᐅᑐᖃᑦᑕᖅᓱᓂ. ᓴᓇᔪᒪᓂᖅᓴᐅᕙᓚᐅᖅᑐᖅ ᐱᐅᓯᑐᖃᕆᔭᖏᓐᓂᒃ ᐊᑐᖅᑕᐅᕙᓚᐅᖅᑐᓂᒃ, ᓲᕐᓗ ᐃᒡᓗᕕᒐᖑᐊᓂᒃ, ᐊᒻᒪᓗ ᐊᓈᓇᐅᔪᓂᒃ ᕿᑐᖓᓕᔭᖅᑐᓂᒃ, ᐱᐅᓯᑐᖃᕐᒥᓂᒃ ᐊᑐᖅᓱᑎᒃ. ᑕᒪᓐᓇ ᓴᓇᐅᒐᖅ ᓴᕿᐅᒪᑎᑦᑎᕗᖅ ᐃᓛᒌᖕᓂᒃ ᓯᓚᑖᓂ ᐃᒡᓗᕕᒐᖓᓂᒃ. ᐃᒡᓗᐃᑦ ᐊᑐᖅᑕᐅᑲᐃᓐᓇᖃᑦᑕᓚᐅᕐᒪᑕ ᐃᓚᒌᑦᑐᓐᓄᑦ ᐊᖑᓇᓱᒋᐊᖅᓯᒪᓂᖏᓐᓂ ᐅᕝᕙᓗᓐᓃᑦ ᐃᖃᓪᓕᐊᖅᓯᒪᓂᖏᓐᓂ. ᐊᐳᑦ ᐃᓗᐹᕈᑎᑦᑎᐊᕙᐅᒐᒥ, ᐊᑑᑎᖃᖅᓱᓂ ᐃᓄᖕᓄᑦ ᓴᐳᑎᑎᑐᑦ ᐃᒃᑮᕌᓗᓕᕈᓐᓇᖅᑐᒥ ᐱᓗᐊᖅᑐᒥᒃ ᓲᕐᓗ ᐊᓂᕌᕐᔪᐊᖅᑎᓪᓗᒍ.