Toonoo

(1920–1969)

ᑑᓅ ᐃᓅᓂᑯ ᓄᓇᑐᐃᓐᓇᒥ ᓂᒋᐊᓂ ᕿᑭᖅᑖᓗᒃ ᑕᐃᑲᓂ 1920. ᑕᐃᑲᓂ ᐱᒋᐊᓕᓵᖅᑎᓪᓗᒍ 1940-ᓂ ᓄᓕᐊᓂᓚᐅᖅᑐᖅ ᓯᐅᕐᔪᒃ ᑑᓅ ᐊᒻᒪᓗ ᕿᑐᕐᖓᖃᐅᓕᖅᖢᑎᒃ ᓄᓇᖃᖅᖢᑎᒃ ᑲᖏᐊᓂ, ᓄᓇᑐᖃᑎᒃ. ᑑᓅ ᐊᔪᖏᑦᑐᒻᒪᕆᐋᓗᒃ ᓴᓇᖑᐊᕆᐊᒃᓴᖅ ᐊᒻᒪᓗ ᓇᖕᒥᓂᖅ ᓴᓇᕐᕈᑎᓕᐅᖃᑦᑕᖅᓯᒪᔪᖅ ᐊᖑᓇᓱᒋᑎᒃᓴᒥᖕᓂᒃ ᐊᒻᒪᓗ ᐃᖃᓗᒐᓱᒍᑎᒃᓴᒥᓂᒃ ᓴᓂᐊᓂ ᓴᓇᖑᐊᖃᑦᑕᕆᓪᓗᓂ, ᐊᒻᒪᓗ ᓄᓕᐊᖓ ᓯᐅᕐᔪᒃ ᓴᓇᖑᐊᖅᑎᐅᓚᐅᕐᒥᔪᖅ ᐅᓇᓗ ᑎᑎᕋᐅᔭᖅᐸᒃᖢᓂ, ᑎᑎᖅᑐᒐᖅᑕᐅᓂᐊᖅᑐᓂᒃ, ᓴᓇᖑᐊᑦᐸᒃᖢᓂ ᐊᒻᒪᓗ ᐊᓐᓄᕌᓕᐅᖅᐸᒃᖢᓂ. ᐊᑖᓂ 1940-ᓂ ᐊᒻᒪᓗ ᖁᓛᓂ 1950-ᓂ ᑑᓅᑉ ᓴᓇᖑᐊᖃᑦᑕᓯᒋᐊᓚᐅᖅᑐᖅ ᐊᒻᒪᓗ ᓂᐅᕐᕈᑎᒋᕙᒃᖢᒋᑦ ᐊᒥᕐᓂᒃ ᑕᐅᖅᓰᕙᒃᑐᓄᑦ ᐊᒻᒪᓗ ᔭᐃᒻᔅ ᕼᐃᐅᔅᑕᓐ, ᐅᓇ ᐋᕿᒃᓱᐃᓚᐅᖅᓯᒪᔪᖅ ᓴᓇᖑᐊᖅᓯᒪᔪᓂᒃ ᐊᒻᒪᓗ ᒥᖅᓱᒐᓂ ᑎᑎᖅᑐᒐᓂᒃ ᓴᓇᔭᐅᓯᒪᔪᓂᑦ ᑭᓐᖓᓂ. ᑑᓅ ᐊᔪᕈᓐᓃᓚᐅᖅᑐᖅ ᓴᓇᖑᐊᖅᑎᐅᓂᖓ ᐃᓕᓴᕆᔭᐅᓪᓗᓂ ᐊᒻᒪᓗ ᓴᓇᖑᐊᖅᑕᖏᑦ ᓴᕿᔮᖅᑎᑕᐅᖃᑦᑕᖅᓯᒪᔪᑦ ᐊᒥᓱᓂ ᑕᑯᔭᒐᖃᕐᕕᖕᒥ ᐱᒋᐊᓕᓵᖅᑎᓪᓗᒋᑦ ᓴᓇᖑᐊᖅᓯᒪᔭᖏᑦ ᑭᓐᖓᓂᑦ ᐃᓚᖃᖅᑐᑦ ᐱᒻᒪᕆᐅᔪᑦ Eskimo Carvings: Coronation Exhibition (ᐃᔅᑭᒨ ᓴᓇᖑᐊᒐᖏᑦ: ᑯᐃᖕ ᓴᕿᔮᕐᑎᑦᑎᕕᖓᓂ) ᑕᐃᑲᓂ ᒋᒻᐱᐅ ᕕᐅ ᑕᑯᔭᒐᖃᕐᕕᒃ ᓚᓐᑕᓐ, ᔪᓇᐃᑎᑦ ᑭᖕᑕᒻ. ᑑᓅ ᐅᓇ ᓯᕗᓪᓕᖅᐹᖅ ᐃᓄᖕᓂ ᓴᓇᖑᐊᖅᑎᓂ ᐱᓕᓴᕆᔭᐅᓯᒪᔪᖅ ᐊᑎᖓ ᓴᓇᖑᐊᒐᖏᓐᓄᑦ, ᑭᓯᐊᓂ ᐊᑎᓕᐅᖅᓯᒪᓐᖏᑦᑐᖅ ᓴᓇᔭᒥᓂ ᐊᒥᓱᑦ ᓱᓕ ᑭᓇᒥᑦ ᓴᓇᔭᐅᓂᕐᒪᖔᑕ ᓇᓗᓇᐃᖅᑐᑦ. ᓴᓇᔭᖓ Mother and Child (ᐊᓈᓇ ᐊᒻᒪᓗ ᕿᑐᕐᖓᖓ), ᐃᒻᒪᖄ 1960-1965 ᓴᕿᔮᖅᐳᑦ ᑑᓅᑉ ᐃᒃᐱᒋᑦᓯᐊᖃᑦᑕᖅᑕᒥᓂᖏᑦ ᓴᕿᑎᑕᓂ ᑖᓐᓇ ᓴᓇᖑᐊᖅᑕᓂ. ᐃᓱᒪᔮᖑᐊᖅᑐᖅ ᐊᓈᓇᖓ ᑕᑯᓐᓇᖅᖢᒍ ᕿᑐᕐᖓᓂ, ᐊᒫᖅᑕᓂ, ᓄᐃᑕᔪᖅ ᐊᒻᒪᓗ ᖁᒻᒧᑦ ᕿᕕᐊᖓᓪᓗᓂ ᓴᓂᒥᓄᑦ. Man Holding Animal (ᐊᖑᑎᓂ ᑎᒍᒥᐊᖅᑐᖅ ᓂᕐᔪᑎᒥᒃ), ᐃᒻᒪᖄ 1953 ᐱᓯᒪᓂᖃᖅᑐᖅ ᐳᑭᖅᑕᓕᑦ ᕿᒧᑦᓯᐅᑎᖏᓐᓂᒃ ᕿᒻᒥᖏᓐᓂᒃ ᑐᖁᕋᐃᓚᐅᖅᑐᖅ. ᑕᐃᑲᓂ ᕿᑎᐊᓂ-1950-ᓂ ᐳᑭᖅᑕᓖᑦ ᑐᖂᑦᑎᓚᐅᖅᓯᒪᔪᑦ ᐊᒥᓱᓂᒃ ᑑᓅ ᕿᒻᒥᖏᓐᓂᒃ, ᑕᐃᒪᓗ ᐊᖑᓇᓱᒍᓐᓇᐃᓪᓕᓗᓂ ᐊᒻᒪᓗ ᓂᕿᖃᖅᑎᑦᑎᔪᓐᓇᐃᓪᓕᑎᑕᐅᓪᓗᓂ ᐃᓚᒥᓂᒃ. ᑑᓅ ᑐᖁᓚᐅᖅᑐᖅ ᐊᖑᓇᓱᒋᐊᖅᓯᒪᓪᓗᓂ ᐊᓯᕙᖅᓯᒪᓪᓗᓂ 1969-ᒥ, ᑭᓯᐊᓂ ᑲᔪᖏᖅᓴᐃᓂᖓ ᓴᓇᖑᐊᕐᓂᕐᒥᒃ ᓴᓇᖑᐊᖅᓯᒪᔭᖏᑦᑎᒍᑦ ᓄᓇᓕᖕᓂᑦ ᐊᖏᔪᒥᒃ ᐃᒃᐱᒋᔭᐅᔪᖅ. ᐸᓂᖓ ᐅᕕᓗ ᑐᓂᓕ ᐅᖃᓚᐅᖅᑐᖅ ᑑᓅ ᐊᖏᔪᒥᒃ ᐃᒻᒥᓂᒃ ᐱᔭᕆᐅᖅᑎᑦᑎᓯᒪᔪᖅ ᓴᓇᖑᐊᒐᖏᓐᓄᑦ, ᐊᒻᒪᓗ ᓴᓇᓯᒪᕗᖅ ᐊᒥᓱᓂᒃ ᓴᓇᖑᐊᒐᕐᓂᒃ ᓴᕿᑎᑦᑎᔾᔪᑎᒋᓪᓗᒋᑦ ᐃᒪᖓᓂᓕᒫᖅ ᑮᓇᐅᔭᓕᐅᕈᑎᒋᖃᑦᑕᕐᓂᓕᒫᒥᓂᑦ. ᑑᓅ ᓴᓇᔭᖏᑦ ᑕᑯᔭᐅᔪᓐᓇᖅᑐᑦ ᑲᓇᑕᒥ ᑕᑯᔭᒐᖃᕐᕕᒃ, ᒥᑐᐹᓕᑕᓐ ᑕᑯᔭᒐᖃᕐᕕᖓ ᓴᓇᖑᐊᖅᓯᒪᔪᓂᒃ, ᓴᓇᖑᐊᖅᓯᒪᔪᓂᒃ ᐊᒻᒪᓗ ᕕᓂᐲᒃ ᓴᓇᖑᐊᖅᓯᒪᔪᓂᒃ ᑕᑯᔭᒐᖃᕐᕕᖓ.

Toonoo

ᐊᓈᓇ ᐊᒻᒪᓗ ᓄᑕᕋᖅ

1960–1965

ᐅᔭᕋᒃ

16.5 x 6.9 x 7.7 cm

Collection of the Winnipeg Art Gallery, Twomey Collection, with appreciation to the Province of Manitoba and Government of Canada

1110.71