ᓴᓇᔭᐅᓯᒪᔪᖅ ᑯᐸᐃᒃᒥ ᓄᓇᓕᒻᒥ ᒥᑭᓂᖅᓴᒥ ᑕᐅᕙᓂ ᓄᓇᖓᓂ ᓴᓪᓗᐃᑦ, ᐱᒋᓕᓵᕐᓂᖏᓐᓂ ᐊᕐᕋᒍᐃᑦ 1950−ᖏᓐᓂ, ᑭᓯᐊᓂᓕ ᑕᒫᓂ 1952-ᒥᒃ 1957−ᒧᑦ, ᐱᐅᔫᑎᐊᓗᓐᓂᒃ ᓴᓇᕙᓚᐅᖅᑐᑦ ᑕᒪᕐᒥᒃ ᐊᖑᑏᑦ, ᐊᕐᓇᐃᓪᓗ, ᓂᐅᕐᕕᕐᕕᐅᔪᒪᓂᖏᓐᓄᑦ ᕼᐊᑦᓴᓐᐲᒃᑯᑦ ᓂᐅᕕᖅᑎᖏᓐᓄᑦ ᑕᐃᑦᓱᒪᓂ. ᑏᕕ ᐃᓕᓰᑦᑐᖅ ᐃᓚᒋᔭᐅᕗᖅ ᐊᔪᖏᓂᖅᐹᑦᓯᐊᖑᖃᑕᐅᓂᖅ ᑕᐃᑦᓱᒪᓂ, ᑕᐃᒪᖓᓐᓂᓗ ᓴᓇᖑᐊᖏᓇᖅᓯᒪᓪᓗᓂ ᐃᓐᓄᑐᖃᐅᓂᕐᒥᓄᑦ ᑎᑭᓪᓗᒍ. ᓴᓪᓕᓂ ᓴᓇᖑᐊᖅᑕᐅᕙᓚᐅᖅᑐᓂ ᐊᔾᔨᖃᖏᒻᒥᔪᖅ, ᑕᐃᒃᑯᐊ ᑏᕕ ᐃᓕᓰᑦᑑᑉ ᓴᓇᖑᐊᖅᓯᒪᔭᖏᑦ ᐊᔾᔨᒋᔭᐅᖏᓐᓂᕗᑦ ᓴᓇᓯᒪᓂᖏᓐᓂ. ᓂᐅᖁᐃᓪᓗ ᑎᒥᖏᓪᓗ ᓴᖑᖓᒻᒪᑕ, ᑕᐃᒫᑦ ᑕᑯᓇᖅᑐᖅ ᑲᐃᕕᒍᓐᓇᕐᓂᖏᑦ ᐊᒻᒪᓗᖅᑐᓂᒃ ᑕᑯᔭᐅᔪᓐᓇᕐᓂᖅ. ᐃᒧᓯᒪᓂᖏᑦ ᐊᓐᓄᕌᖏᑦ ᑕᑯᑦᓴᐅᑦᓯᐊᖅᑐᑦ, ᐊᒻᒪᓗ ᐊᐅᓚᓂᖏᑦ ᐃᓕᑕᕐᓇᖅᑐᑦ. ᐊᖏᔪᒥᒃ ᑎᒥᓕᒃ ᐊᓈᓇᖓ ᐊᒻᒪᓗ ᐊᒪᐅᑎᖓ ᐃᓱᒪᓇᖅᑐᑦ ᐱᓯᑎᐅᓂᖓᓂᒃ ᓴᖏᓂᖓᓂ ᐊᒻᒪᓗ ᐃᓱᒪᓇᖅᑐᖅ ᐱᐅᔪᒥᒃ ᓴᖏᓂᖃᕐᓂᖓᓂᒃ ᐊᒻᒪᓗ ᓴᐳᓐᓂᐊᖅᑎᐅᓂᖓᓂᒃ.

ᔪᐊᔾ ᓱᕕᓐᑕᓐ ᓅᓚᐅᖅᓯᒪᔪᖅ ᕗᐃᓂᐸᐃᒡᒧᑦ 1954 ᐃᓕᓐᓂᐊᑎᑦᑎᔨᐅᖃᑕᐅᓪᓗᓂ ᐃᓕᓐᓂᐊᕐᕕᒃ ᓴᓇᔭᐅᓯᒪᔪᓂᑦ ᓯᓚᑦᑐᖅᓴᕐᕕᒃᔪᐊᒥᑦ ᒫᓂᑑᐸ. ᑲᓇᑕᒨᓚᐅᖅᓯᒪᔪᖅ ᕕᐊᓇᒥ 1937-ᒥᑦ; ᐃᓕᓐᓂᐊᓚᐅᖅᑐᖅ ᓴᓇᔭᐅᓯᒪᔪᓂᑦ ᐃᓕᓐᓂᐊᖅᑏᑦ ᑎᒥᖓᑦ ᓂᐅ ᔪᐊᒃᒥ; ᓴᓇᖑᐊᖅᑎᐅᓚᐅᖅᑐᖅ ᑯᐃᓐ ᓯᓚᑦᑐᖅᓴᕐᕕᒃᔪᐊᖓ ᑭᖕᔅᑕᓐᒥ, ᐋᓐᑎᐅᕆᔪ; ᐊᒻᒪ ᑲᒪᔨᐅᓚᐅᖅᑐᖅ ᑲᓇᑕᒥ ᑕᑯᔭᒐᖃᕐᕕᒃ ᑲᓇᑕ ᐊᒻᒪ ᓴᔅᓯᖃᑑᓐ ᓴᓇᔭᐅᓯᒪᔪᓂᑦ ᐱᓕᕆᑯᒃ. ᓯᕗᓪᓕᖅᐹᒥᑦ ᓂᐅᕕᓚᐅᖅᓯᒪᔭᖓ ᐃᓄᐃᑦ ᓴᓇᖑᐊᒐᖅ ᒫᓐᑐᕆᐊᒥ 1950-ᒥ, ᐊᒻᒪ ᑕᒪᑐᒥᖓ ᐱᔪᒪᓂᕆᔭᖓ ᐃᑲᔪᖃᑦᑕᓕᓚᐅᖅᑐᖅ ᓂᐅᕕᕐᕕᒃᑯᓐᓂᑦ ᖃᐅᔨᓴᖅᑐᓂ ᓴᓇᖑᐊᒐᕐᓂᑦ ᑎᑭᓯᒪᓕᕋᐃᒻᒪᑕ ᕗᐃᓂᐸᐃᒡᒧᑦ ᐴᖅᑕᐅᓯᒪᔪᓂᑦ ᓂᐅᕕᕐᕕᒃᑯᑦ ᐅᑭᐅᑕᖅᑐᒥ ᓂᐅᕕᕐᕕᖏᓐᓂ. ᐱᔪᒪᓂᖃᕐᓂᖓ ᐃᓄᐃᑦ ᓴᓇᐅᒐᖏᓐᓂ ᐊᔭᐅᖅᑕᐅᒋᐊᓚᐅᖅᑐᖅ ᓯᕗᓪᓕᖅᐹᒥ ᐅᑭᐅᑕᖅᑐᒨᖅᑐᓂ, ᐃᓄᒃᔪᐊᖅ, 1957-ᒥᑦ. ᑎᑎᕋᒪᐅᖅᑐᖅ ᒪᕐᕉᓐᓂᒃ ᐅᖃᓕᒫᒐᕐᓂᑦ ᖃᐅᔨᒪᔭᐅᓕᓚᐅᖅᑐᑦ ᐃᓕᓐᓂᐊᖅᑎᓕᒫᓄᑦ ᐊᒻᒪ ᓄᐊᑦᑎᖃᑦᑕᖅᑐᓄᑦ ᐃᓄᐃᑦ ᓴᓇᐅᒐᖏᓐᓂ: ᐃᓄᓐᓄᑦ ᓴᓇᔭᐅᓯᒪᔪᑦ/Eskimo Sculpture/Sculptureesquimaude) (1965) ᐊᒻᒪ ᓴᓇᔭᐅᓯᒪᔪᑦ ᐃᓄᓐᓄᑦ/Sculpture of the Eskimo (1972).

1960-ᖏᓐᓂ ᑕᑯᔭᒐᖃᕐᕕᒃ ᐱᒻᒪᕆᐅᔪᒥᑦ ᑲᔪᖏᖅᓯᓚᐅᖅᑐᑦ ᓄᐊᑦᑎᓗᑎ ᐃᓄᐃᑦ ᓴᓇᐅᒐᖏᓐᓂ ᓂᐅᕕᕐᖓᑕ 139 ᐱᒻᒪᕆᐅᔪᓂ ᓴᓇᔭᐅᓯᒪᔪᑦ ᓱᕕᓐᑕᓐᒥᑦ. 1976-ᒥᑦ ᕕᓂᐲᒃ ᓴᓇᙳᐊᒐᐃᑦ ᑕᑯᒐᓐᓈᒐᖃᕐᕕᒻᒥ ᓂᐅᕕᕐᖓᑕ ᐱᖃᑖ ᓄᐊᑕᐅᓯᒪᔪᓂᑦ ᔪᐊᔾ ᓱᕕᓐᑕᓐᒥᑦ ᐅᖓᑖᓃᑦᑐᑦ 900 ᓴᓇᔭᐅᓯᒪᔪᑦ, ᐊᒥᐊᖅᑕᐅᓯᒪᔪᑦ, ᐊᒻᒪ ᑎᑎᖅᑐᒐᐃᑦ. ᑕᑯᔅᓴᐅᑎᑕᐅᑎᓂᖏᑦ ᓱᕕᓐᑕᓐ ᓄᐊᓯᒪᔭᖏᑦ ᐊᒥᓱᒐᒪᓐᓄᑦ ᐊᕐᕌᒍᓅᓚᐅᖅᑐᖅ, 1987-ᒥ, ᐱᖃᓯᐅᑎᓯᒪᓪᓗᑎ ᐅᑯᓂᖓ ᑎᑎᕋᖅᑕᐅᓯᒪᔪᑦ. 1989-ᒥ, ᓄᐊᑕᐅᓯᒪᒃᑲᓂᖅᑐᑦ 85 ᓴᓇᐅᒐᐃᑦ ᑐᓂᔭᐅᑐᐃᓐᓇᓚᐅᖅᑐᑦ ᑕᑯᔭᒐᖃᕐᕕᒻᒧᑦ.