ᐃᓄᓐᓂᒃ ᐅᓂᒃᑳᖅᑐᐊᖅ ᐅᓂᒃᑲᐅᓯᓕᒃ ᓇᓄᖃᓲᒥ ᓄᓇᖃᕐᕕᐅᔪᒥ ᐱᒋᐊᓚᐅᖅᓯᒪᒻᒪᑦ ᓄᑲᑉᐱᐊᑉ ᐊᑖᑕᖓ ᐅᑎᕈᓐᓃᖅᑐᒥᓂᐅᑎᓪᓗᒍ ᐊᖏᕐᕋᒧᑦ ᑎᑭᒃᑲᓗᐋᖅᑎᓪᓗᒋᑦ ᓇᑦᑎᕋᓱᒋᐊᖅᓯᒪᖃᑎᒋᓚᐅᖅᑕᖏᑦ. ᓄᑲᑉᐱᐊᖅ ᐊᐅᓪᓚᓕᓚᐅᕐᒪᑦ ᓄᓇᓕᒻᒥᓂᒃ, ᐃᖏᕐᕋᓗᓂᓗ ᓇᓄᖃᓱᒃᑯᑦ ᓄᓇᖃᕐᕕᐅᔪᒥ ᕿᓂᕐᓗᓂᐅᒃ ᐊᑖᑕᓂ. ᐊᑐᖅᐸᓪᓕᐋᔭᖓᓂ ᑎᑭᐅᑎᓚᐅᕐᒪᑦ ᓯᓈᖓᓄᑦ ᑕᑯᓪᓗᓂᓗ ᐊᖑᑎᒥᒃ ᖃᔭᖅᑐᖅᑐᒥᒃ. ᑖᓐᓇ ᐊᖑᑎ ᐅᖃᐅᔾᔨᓕᓚᐅᕐᒪᑦ ᓄᑲᑉᐱᐊᕐᒥᒃ ᐊᖏᕐᕋᖃᑎᒋᒍᒪᓪᓗᓂᐅᒃ, ᑕᕝᕙᓃᓕᓚᐅᕐᓗᓂᓗ ᐱᖓᓱᓂᒃ ᐊᕐᕌᒍᓂᒃ. ᑕᐃᒪᓕ ᓄᑲᑉᐱᐊᖅ ᖃᐅᔨᓕᕋᒥ ᐱᖏᒐᓕᓐᓂᖓᓂᒃ ᐊᓈᓇᖓ, ᐃᓱᒪᓕᐅᓕᓚᐅᖅᐳᖅ ᐅᑎᕆᐊᖃᓕᕐᓂᕐᒥᓂᒃ ᐊᖏᕐᕋᒥᓄᑦ. ᐊᖑᑏᑦ ᓄᓇᓕᒻᒥᐅᑕᐃᑦ ᐅᖃᐅᔾᔨᓚᐅᖅᐳᑦ ᖃᒡᓕᑐᐋᖅᐸᒡᒍᖅ ᐊᖏᕐᕋᒧᑦ, ᐲᖅᓯᔭᕆᐊᖃᕐᓂᐋᕐᒪᑦ ᓇᓄᕋᕐᒥᒃ ᔭᐃᑲᒻᒥᓂᒃ ᐃᓄᓐᓂᑦ ᓇᓅᓱᕆᔭᐅᓗᓂ ᑐᖁᑕᐅᑦᑕᕐᓂᐋᕐᒪᑦ. ᓇᓗᓇᕋᓂ, ᓄᑲᑉᐱᐊᖅ ᖃᓪᓕᓕᕋᒥ ᓄᓇᓕᒧᑦ, ᐊᖑᓇᓱᐊᖅᑎᓂᑦ ᓇᓅᓱᕆᔭᐅᓚᐅᖅᐳᖅ. ᐲᕐᓗᓂᐅᒃ ᓇᓄᕋᒃ ᔭᐃᑲᓂ ᐊᒻᒪᓗ ᐃᓕᓴᕆᔭᐅᓇᓂ ᑕᕝᕙᑦᑕᐅᑎᒋ, ᓄᑲᑉᐱᐊᖅ ᑲᑎᓯᒃᑲᓂᓕᓚᐅᖅᐳᖅ ᐊᓈᓇᒥᓂᒃ.

2006-ᒥ, ᐊᖏᔪᑦ ᓄᐊᑕᐅᓯᒪᔪᑦ 246 ᓴᓇᔭᐅᓯᒪᔪᑦ ᑐᓂᔭᐅᑐᐃᓐᓇᓚᐅᖅᑐᑦ ᑕᑯᔭᒐᖃᕐᕕᒻᒧᑦ ᕚᓐᑰᕗᒥ ᓄᐊᑦᑎᖃᑦᑕᖅᑐᒧᑦ ᓘᑦᑖᖅ ᕼᐃᐅᕆ ᕗᐃᓐᕌᑉ. ᕗᐃᓂᐸᐃᒡᒥᐅᑕᓪᓚᕆᒃ, ᕗᐃᓐᕌᑉ ᓂᐅᕕᖃᑦᑕᕐᓂᑰᒻᒪᑦ ᐃᓄᐃᑦ ᓴᓇᖑᐊᒐᖏᓐᓂᑦ ᐱᒋᐊᖅᑐᓂ 1968. ᐱᔪᒪᓂᖃᒻᒪᕆᓕᓚᐅᖅᑐᖅ ᓄᐊᑦᑎᓂᕐᒥᑦ ᐃᓄᐃᑦ ᓴᓇᐅᒐᖏᓐᓂᑦ 1971-ᒥᑦ, ᐊᒻᒪ ᐱᓕᕆᓪᓗᐊᑕᖃᓕᖅᑐᓂ ᓂᐅᕕᖃᑦᑕᓂᕐᒥᑦ ᓴᓇᔭᐅᓯᒪᔪᓂᑦ ᐆᒪᔪᒥᓂᕐᒦᖔᖅᑐᓂᑦ ᐊᖑᓇᓱᑦᑕᐅᕙᑦᑐᓂᑦ (ᕿᓚᓗᒐᐃᑦ ᓴᐅᓂᖏᑦ, ᐊᐃᕖᑦ ᑑᒑᖏᑦ, ᐊᒻᒪ ᑐᑦᑐᐃᑦ ᓇᔾᔪᖏᑦ). 54 ᓴᓇᔭᐅᓯᒪᔪᑦ ᕗᐃᓐᕌᑉ ᓄᐊᓯᒪᔭᖏᑦ ᓴᓇᔭᐅᓯᒪᔪᑦ ᐆᒪᔪᒥᓂᕐᒦᖔᖅᑐᑦ, ᐊᒻᒪ 36 ᑖᒃᑯᐊᓂᖓ ᕿᓚᓗᒐᐃᑦ ᓴᐅᓂᖏᑦᓐᓂ. ᕗᐃᓐᕌᑉ ᐋᓐᓂᐊᓯᐅᖅᑎᐅᓚᐅᖅᓯᒪᔪᖅ ᐱᔾᔪᑎᒋᔭᖓ ᐱᔪᒪᓂᖃᕐᓂᖓ ᑖᒃᑯᓂᖓ ᐆᒪᔪᒥᓂᕐᒦᖔᖅᑐᓂᑦ. ᑭᓯᐊᓂᓕ, ᐱᔪᒪᓂᕆᓂᖅᓴᖓ ᐱᐅᔫᑎᓅᓚᐅᖅᑐᖅ. ᐱᔪᒪᓂᖃᓗᐊᓚᐅᖅᑐᖅ ᓴᓇᖑᐊᒐᑦᑎᐊᕙᓐᓂᑦ ᓴᓇᔭᐅᓯᒪᔪᑦ ᓇᑦᑎᓕᖕᒥᐅᑦ (ᓇᑦᓯᓕᒃ) ᓴᓇᖑᐊᖅᑏᑦ ᐅᕙᓐᖓᑦ ᑕᓗᕐᔪᐊᖅ, ᐅᖅᓱᖅᑑᖅ, ᐊᒻᒪ ᑰᒑᕐᔪᒃ. ᓴᓇᔭᐅᓯᒪᔪᑦ ᐊᖓᒃᑯᖃᓂᕐᒥᑦ ᐃᓗᓕᓕᓐᓂᑦ ᐱᔪᒪᓂᖁᓗᐊᓪᖑᐊᓚᐅᖅᑐᖅ, ᐱᓗᐊᖅᑐᒥᑦ ᐆᒪᔪᐃᑦ/ᐃᓄᐃᑦ ᐊᓯᔾᔨᖅᑐᓂᑦ. ᓇᓗᓇᐃᖅᓯᓚᐅᖅᑐᖅ ᐅᓴᐅᓚᐅᖏᑦᑐᖅ “ᐱᑕᖃᒐᔪᑦᑐᑦ” ᑭᓯᐊᓂ ᐊᔾᔨᐅᖏᑦᑐᑦ, ᐊᒻᒪᓘᓐᓃᑦ ᖃᓄᐃᓕᖓᕈᓘᔭᖅᑐᒥᑦ ᓴᖏᔪᒥᑦ ᐱᔪᒪᓂᕆᔭᖓᓄᑦ. ᒫᑦᓯᒥ 2008, ᕼᐃᐅᕆ ᕗᐃᓐᕌᑉ ᓄᐊᓯᒪᔭᖏᑦ ᐅᖃᐅᓯᐅᓚᐅᖅᑐᑦ ᕕᓂᐲᒃ ᓴᓇᙳᐊᒐᐃᑦ ᑕᑯᒐᓐᓈᒐᖃᕐᕕᒻᒥ ᑕᑯᔅᓴᐅᑎᑕᐅᔪᓂᑦ ᐊᒻᒪ ᑎᑎᕋᖅᑕᐅᓯᒪᔪᓂᑦ.