Akpaliapik, Manasie

(b. 1955)

ᖃᐅᔨᒪᔭᐅᑦᑎᐊᖅᑐᖅ ᐊᖏᔪᓄᑦ ᐊᒻᒪᓗ ᓴᓇᓯᒪᑦᑎᐊᖅᑐᑦ ᑐᑭᓯᐊᓇᙱᑦᑐᑦ ᓴᓇᙳᐊᒐᓂᑦ ᐊᒻᒪᓗ ᐱᔪᓐᓇᕐᓂᖓᓄᑦ ᑲᑎᓪᓗᒋᑦ ᐊᔾᔨᒌᙱᑦᑐ ᐃᓕᖅᑯᓯᕆᔭᐅᔪᑦ ᐊᒻᒪᓗ ᐅᓪᓗᒥᐅᓕᖅᑐᖅ ᓱᓇᐃᑦ ᐊᑐᖅᑕᐅᔪᑦ ᐃᓄᐃᑦ ᐃᓕᖅᑯᓯᖏᑦ ᓴᓇᙳᐊᒐᖏᓐᓂ. ᒫᓇᓯ ᐊᒃᐸᓕᐊᐱᒃ ᐃᓅᓚᐅᖅᑐᖅ ᐃᒃᐱᐊᕐᔪᒃ, ᓄᓇᕗᑦ ᐊᒻᒪᓗ ᐃᓕᓐᓂᐊᖅᑐᓂ ᓴᓇᙳᐊᕐᓂᕐᒧᑦ ᐊᓈᓇᑦᑎᐊᖓᓂ ᐊᑖᑕᑦᑎᐊᖓᓂᑦ ᐊᒻᒪᓗ ᓂᖏᐅᖓᓂᑦ ᑕᐃᒪᐅᓚᐅᖅᑐᑦ ᓴᓇᙳᐊᖅᑎᒥᓃᑦ ᐱᔪᓐᓇᐅᑎᒥᓐᓄᑦ, ᐊᒃᐸᓕᐊᕆᕆᒃ ᐃᓕᓐᓂᐊᓚᐅᖅᑐᖅ ᕆᑦ ᕆᕗ ᓯᓚᑦᑐᖅᓴᕐᕕᒃ ᕕᓂᐲ, ᒫᓂᑐᐸᒥ, ᐃᓕᓐᓂᐊᖅᑳᖅᑎᓐᓇᒍ ᒪᓐᑐᕆᐋᓪ, ᑯᐱᒃᒥ. ᓴᓇᙳᐊᕈᒪᓂᖓ ᓴᐅᓂᓂᑦ ᐊᒻᒪᓗ ᐅᔭᕋᓂᒃ, ᐊᒃᐸᓕᐊᐱᒃ ᓴᓇᙳᐊᓲᖅ ᐊᔾᔨᒌᙱᑦᑐᓂᒃ ᐊᑦᑐᐊᓂᒃᑯᑦ ᐊᒻᒪᓗ ᑲᓚᒃᑯᑦ ᓴᓇᙳᐊᕐᓂᐊᕐᓗᓂ ᓴᓇᙳᐊᑦᑎᐊᖅᓯᒪᔪᓂᑦ, ᐆᑦᑑᑎᒋᓗᒍ ᐊᖓᒃᑯᖅ ᐊᖓᖅᑯᐊᕿᔪᖅ ᑕᓖᓚᔪᒧᑦ ᓴᖅᑭᖁᓪᓗᒋᑦ ᐆᒪᔪᑦ (1989) ᐊᒃᐸᓕᐊᐱᒃ ᑐᕌᖅᓯᒪᔭᖏᑦ ᐊᑕᐅᓯᒃᑯᑦ ᑕᑯᒐᓐᓈᖃᑦᑕᖅᑎᑦᑎᓂᕐᒧᑦ ᑲᓇᑕᒥ ᐊᒻᒪᓗ ᓯᓚᕐᔪᐊᒥ ᓴᓇᙳᐊᒐᖏᓐᓄᑦ ᐊᒥᓱᓂᑦ ᑲᑎᖅᓱᖅᑕᐅᓯᒪᔪᑦ ᐊᒥᓱᓂᑦ ᑲᑐᔾᔨᖃᑎᒌᖑᔪᓂᑦ, ᐃᓚᒋᓗᒍ ᓴᓇᙳᐊᒐᓄᑦ ᑕᑯᒐᓐᓈᒐᖃᕐᕕᒃ ᐋᓐᑎᐅᕆᔫ, ᓴᓇᙳᐊᒐᓄᑦ ᑕᑯᒐᓐᓈᒐᖃᕐᕕᒃ ᓄᕙ ᔅᑰᓴ, ᕕᓂᐲᒃ ᓴᓇᙳᐊᒐᐃᑦ ᑕᑯᒐᓐᓈᒐᖃᕐᕕᒃ ᐊᒻᒪᓗ ᑲᓇᑕᒥ ᑕᑯᒐᓐᓈᒐᖃᕐᕕᒃ. ᐊᒃᐸᓕᐊᐱᒃ ᒫᓐᓇᐅᔪᖅ ᐆᒪᔪᖅ ᐊᒻᒪᓗ ᐃᖅᑲᓇᐃᔭᖅᑐᓂ ᒪᓐᑐᕆᐋᓪ, ᑯᐱᒃ ᐊᒻᒪᓗ ᐋᑐᕙ, ᐋᓐᑎᐅᕆᔫ ᐊᑯᓐᓂᖓᓂ.

ᓴᓇᙳᐊᖅᑎᑦ ᑭᓇᐅᓂᖏᓐᓄᑦ ᑎᑎᕋᖅᓯᒪᔪᑦ ᑐᓂᔭᐅᓯᒪᔪᑦ ᐊᖏᖅᑕᐅᓯᒪᓪᓗᑎᒃ ᐃᓄᐃᑦ ᓴᓇᙳᐊᖅᑎᓕᕆᔨᒃᑯᑦ ᑐᙵᕝᕕᒃ. ᑕᒪᕐᒥᒃ ᐱᔪᓐᓇᐅᑎᑦ ᒪᓕᒐᖅᑎᒍᑦ.

ᑐᓗᒃᑲᐅᔭᖅᑐᖅ (ᑐᓗᒐᖅ ᐱᙳᐊᖅ)

1985

ᐅᔭᕋᒃ

17.5 x 11.5 x 25.5 cm

Government of Nunavut Fine Art Collection, On long-term loan to the Winnipeg Art Gallery

985.79.1

ᐅᖃᐅᑎᖃᒃᑐᖅ (about)

ᐊᒃᐸᓕᐊᐱᒃ, ᒫᓇᓯ, ᑐᓗᒃᑲᐅᔭᖅᑐᖅ

ᐊᒃᐸᓕᐊᐱᒃ, ᒫᓇᓯ, ᑐᓗᒃᑲᐅᔭᖅᑐᖅ

ᒫᓇᓯ ᐊᒃᐸᓕᐊᐱᒃ ᕿᓚᐅᔾᔭᖅᑎᓪᓚᕆᐊᓘᕙᓚᐅᖅᑐᖅ ᐊᒻᒪᓗ ᓴᓇᖑᐊᒐᖅᑎᓪᓚᕆᐊᓘᓪᓗᓂ, ᐊᒻᒪᓗ ᐱᓯᓕᐅᖃᑕᓚᐅᕐᓂᖓ ᓴᕿᐅᒪᑦᑎᐊᖃᑕᓚᐅᕐᒥᔪᖅ ᐊᒥᓱᓂ ᓴᓇᖑᐊᒐᓕᐊᕆᕙᓚᐅᖅᑕᖏᓐᓂ. ᐃᓕᓐᓂᐊᓚᐅᖅᑐᖅ ᓴᓇᖑᐊᕈᓐᓇᕐᓂᕐᒥᒃ ᐃᒃᐱᐊᕐᔪᖕᓂ ᑭᓯᐊᓂ ᐱᒋᐊᓪᓚᕆᓚᐅᖅᓯᒪᔪᖅ ᓄᒃᑎᕋᒥ ᑕᐅᕗᖓ ᒫᓐᑐᕆᔮᓪᒧᑦ 1980-ᖑᑎᓪᓗᒍ. ᐅᑎᕌᖓᒥ ᐃᒃᐱᐊᕐᔪᖕᒧᑦ ᐃᓚᒦᓄᐊᑲᐃᓐᓇᖃᑕᓚᐅᖅᑐᖅ ᐃᓄᐃᓪᓗ ᐃᓕᖅᑯᓯᑐᖃᖏᓐᓄᑦ ᐅᑎᖃᑕᓚᐅᖅᓱᓂ, ᒫᓇᓯ ᑲᓇᑕᐅᑉ ᓂᒋᐊᓂ ᓄᓇᖃᐃᓐᓇᓕᓚᐅᖅᐳᖅ ᐋᑐᕚᒥ. ᐃᓚᒋᔭᖅ ᐊᔪᖏᑦᑎᐊᖅᑐᓄᑦ ᐊᑐᖃᑦᑕᕆᐊᓕᓚᐅᖅᑐᖅ ᓯᕗᓪᓕᐅᓗᑎᒃ ᐊᕐᕖᑦ ᓴᐅᓂᖏᓐᓂᒃ ᐊᑐᖃᑕᓚᐅᕐᓂᖏᓐᓂᒃ ᑕᐃᓐᓇᓗ ᑳᕉ ᐊᓯᕙᒃ, ᒫᓂᓯᐅᑉ ᓴᓇᖑᐊᖃᑦᑕᖅᑕᖏᑦ ᓇᓗᓇᖏᑦᑎᐊᖅᑐᑦ ᓴᖏᔫᓂᖏᓐᓂᒃ, ᑭᓯᐊᓂ ᐊᔾᔨᖃᖏᒻᒥᔪᓂᒃ ᐊᒃᓱᐊᓗᒃ ᐱᐅᔪᓂᒃ ᐱᐅᓯᖃᓚᐅᕐᒪᑕ ᓴᓇᔭᕌᖓᒥᒋᑦ. ᓴᓇᓯᒪᑦᑎᐊᖅᑐᐊᓗᐃᑦ, ᑮᓇᖑᐊᖏᓪᓗ ᖃᓄᖅ ᐃᒃᐱᖕᓂᐊᔪᔮᕐᓂᖏᓐᓂᒃ ᖃᐅᔨᒪᓇᕈᑕᐅᕙᓚᐅᖅᑐᑦ ᒫᓇᓯᐅᑉ ᐱᔭᕆᐊᑐᔪᓂᒃ ᓴᓇᔪᓐᓇᕐᓂᖓᓂᒃ ᐊᒻᒪᓗ ᐃᓛᓂᑯᑦ ᐊᖏᔫᑎᐊᓘᕙᓚᐅᖅᑐᓂᒃ.

ᑕᕐᕆᔮᒃᓴᖅ (video)

Manasie Akpaliapik, An Inuit Carver Story by Shelby Lisk and Matthew Hayes

Manasie Akpaliapik, An Inuit Carver Story by Shelby Lisk and Matthew Hayes

ᐊᔾᔨᖑᐊᖅ (photo)

ᑐᓗᒃᑲᐅᔭᖅᑐᖅ (ᑐᓗᒐᖅ ᐱᙳᐊᖅ)

ᑐᓗᒃᑲᐅᔭᖅᑐᖅ (ᑐᓗᒐᖅ ᐱᙳᐊᖅ)