Peter, Eyeetsiak

ᐃᔨᑦᓯᐊᖅ ᐲᑕ ᑭᓐᖓᕐᒥᐅᑕᖅ (ᑭᑉ ᑐᐊᓯᑦ), ᓄᓇᕗᑦ-ᓄᓇᖃᖅᑐᖅ ᓴᓇᖑᐊᖅᑎ ᐊᒻᒪᓗ ᑎᑎᖅᑐᒐᖅᑎ. ᓄᑲᖓ, ᔮᓕ ᐊᓐᓂᕐᒥᐅᖅ (1954-2000) ᑖᓐᓇᑦᑕᐅᖅ ᓴᓇᖑᐊᖅᑎᐅᓚᐅᖅᑐᖅ. ᐲᑕ ᓴᓇᖑᐊᖃᑦᑕᓕᓚᐅᖅᑐᖅ ᒪᒃᑯᑑᓪᓗᓂ ᑕᐃᑲᓂ 1950-ᓂ ᐊᒻᒪᓗ ᐃᑲᔪᖅᓯᒪᔪᖅ ᑭᓐᖓᐃᑦ ᑎᑎᖅᑐᒐᕐᕕᖓᓂᒃ ᐊᕐᕌᒍᑕᒫᑦ ᑎᑎᖅᑐᒐᑦᑕᐅᓯᒪᔪᑦ ᓄᐊᑕᐅᖃᑦᑕᖅᑐᑦ ᑕᐃᑲᓂ 1961. ᐲᑕ ᓴᓇᖑᐊᖏᓐᓇᖃᑦᑕᓚᐅᖅᑐᖅ ᐆᔭᐅᔭᖅ ᐊᒻᒪᓗ ᕿᓂᖅᑐᖅ ᓴᓇᖑᐊᒐᒃᓴᖅ. ᓴᓇᔭᖏᑦ ᐃᓄᖑᐊᑦ ᐊᒻᒪᓗ ᓂᕐᔪᑎᖑᐊᑦ ᐅᑭᐅᖅᑕᖅᑐᒥᐅᑦ, ᓲᕐᓗ ᓇᓄᓐᖑᐊᑦ. Prowling Bear (ᑎᕐᓕᐊᖅᓵᕆᔪᖅ ᓇᓄᖅ) (2002) ᓴᓇᔭᖏᑦ ᐲᑕᐅᑉ ᑭᒡᒐᖅᑐᐃᖑᐊᖅᑐᑦ ᓂᕐᔪᑎᓂᒃ ᐅᑭᐅᖅᑕᖅᑐᒥ. ᖃᐅᓪᓗᕐᓂᖅᓴᖅ ᐆᔭᐅᔭᖅ, ᕿᓂᖅᑐᖅ ᓴᓇᖑᐊᒐᒃᓴᖅ ᓇᓄᖑᐊᖅ ᓲᕐᓗ ᖁᐊᖅ ᐊᖏᔪᐋᓗᐃᑦ ᐃᓯᒐᔮᖏᑦ ᓲᕐᓗ ᐱᓱᒃᑐᖅ. ᑎᕐᓂᐊᖅᓵᕆᔪᖅ ᓇᓄᑦ ᐅᓇᑦᑕᐅᖅ ᑕᖅᓴᑯᑖᖃᑦᑕᖅᑐᖅ ᐊᒻᒪᓗ ᕿᓪᓕᖅᑑᓪᓗᓂ, ᕿᓕᖅᓴᖅᓯᒪᔪᖅ ᓯᓚᑖ. ᐲᑕ ᓴᓇᖑᐊᓲᖅ ᓇᓄᖑᐊᓂᒃ ᖃᓄᐃᓕᖓᖑᐊᖅᑎᓪᖢᒋᑦ, ᓲᕐᓗ ᓇᖏᖅᑐᖅ ᐅᕝᕙᓘᓐᓃᑦ ᒧᒥᖅᑐᖅ, ᐊᒻᒪᓗ ᐃᓄᖑᐊᓂᒃ, ᓲᕐᓗ ᐊᕐᓇᖅ ᐅᓗᓕᔭᖅᑐᖅ ᐅᕝᕙᓘᓐᓃᑦ ᐃᓄᖑᐊᑦ ᐊᒻᒪᓗ ᓂᕐᔪᑎᖑᐊᑦ. ᐱᑕᐅᑉ ᓴᓇᖑᐊᒻᓴᖏᖅ ᓴᕿᔮᖅᑎᑕᐅᖃᑦᑕᖅᓯᒪᔪᑦ ᑲᓇᑕᒥ ᐊᒻᒪᓗ ᓯᓚᕐᔪᐊᒥ ᑕᐃᑲᖓᑦ 1961 ᑎᑭᓪᓗᒍ 2013 ᓴᓇᖑᐊᖅᓯᒪᔪᓂ ᑕᑯᔭᒐᖃᕐᕕᖕᓂ ᓲᕐᓗ ᒥᐅᓕᐊᓐ ᓯᑳᑦ ᑕᑯᔭᒐᖃᕐᕕᖓᓂ ᕚᓐᑰᕙ, ᐳᑎᓯ ᑲᓚᑉᐱᐊ, ᕕᓂᐲᒃ ᓴᓇᖑᐊᖅᓯᒪᔪᓂᒃ ᑕᑯᔭᒐᖃᕐᕕᖓ ᕕᓂᐲᒃᒥ, ᒫᓂᑑᐸ, ᑳᓪᑕᓐ ᐃᓕᓐᓂᐊᕐᕕᒃᔪᐊᖓ ᓴᓇᖑᐊᖅᓯᒪᔪᓂᒃ ᑕᑯᔭᒐᖃᕐᕕᒃ ᐋᑐᕚ, ᐋᓐᑎᐅᕆᐅ ᐊᒻᒪᓗ ᐊᐃᐳᔅ ᑕᑯᔭᒐᖃᕐᕕ ᓵᓐ ᕗᓛᓐᓯᔅᑯ, ᑲᓕᕗᓂᐊ. ᓴᓇᔭᖏᑦᑕᐅᖅ ᓴᕿᔮᖅᑎᑕᐅᓯᒪᓲᑦ ᐳᓚᕋᑎᓄᑦ ᑕᑯᔭᒐᖃᕐᕕᖕᓂ, La déesse inuite de la mer/The Inuit Sea Goddess (ᐃᓄᐃᑦ ᓄᓕᐊᔪᒃ), ᑕᐃᑲᓂ ᑕᑯᔭᒐᖃᕐᕕᒃ ᓴᓇᖑᐊᑦᑎᐊᖅᓯᒪᔪᓂᒃ ᒪᓐᑐᕆᐊ, ᒪᓐᑐᕆᐊᒥ, ᑯᐸᐃᒃ ᑕᐃᑲᓂ 1980-ᓂ. ᐲᑕᐅᑉ ᓴᓇᖑᐊᖅᑕᖏᑦ ᐃᓚᖃᖅᑐᑦ ᐊᒥᓱᓂ ᑭᒃᑯᑐᐃᓐᓇᐃᑦ ᓄᐊᓯᒪᔭᖏᑦ, ᓲᕐᓗ ᑲᓇᑕ ᑕᑯᔭᒐᖃᕐᕕᒃ ᐃᑦᑕᕐᓂᑕᓂᒃ ᑳᑦᑎᓄ, ᑯᐸᐃᒃ, ᒥᒃᒫᓯᑐ ᑕᑯᔭᒐᖃᕐᕕᒃ ᓴᓇᖑᐊᖅᓯᒪᔪᓂ ᕼᐊᒻᒪᑕᓐ, ᐋᓐᑎᐅᕆᐅ ᐊᒻᒪᓗ ᐳᓕᔅ ᒍᐃᔪᔅ ᐃᑦᑕᕐᓂᑕᖃᕐᕕᒃ ᔭᓗᓇᐃᕝᒥ, ᓄᓇᑦᓯᐊᖅ. ᑕᐃᑲᓂ 1970, ᓵᓚᖃᓚᐅᖅᑐᖅ ᓯᕗᓪᓕᖅᐹᒥᒃ ᓄᓇᑦᓯᐊᕐᒥ 100 ᐊᕐᕌᒍᓄᑦ ᓴᓇᖑᐊᖅᑐᑦ ᓵᓚᒃᑕᕋᓱᒃᑐᑦ ᓴᓇᖑᐊᖅᑕᒥᓄᑦ Taloolayook and Man (ᑕᓘᓚᔫᒃ ᐊᒻᒪᓗ ᐊᖑᑎ) (1970) ᑐᓂᔭᐅᓪᓗᓂ ᑯᐃᓐ ᐃᓕᓴᐱ II. ᐲᑕ ᐅᓇᑦᑕᐅᖅ ᐃᓚᐅᓯᒪᔪᖅ ᐊᒻᒪᓗ ᓴᕿᔮᖅᑎᑦᑎᓪᓗᓂ ᓴᓇᔭᒥᓂᒃ “Art in the Park” (ᓴᓇᖑᐊᖅᓯᒪᔪᑦ ᒥᕐᖑᐃᖅᓯᕐᕕᖕᒥ) ᑕᐃᑲᓂ ᓴᓇᖑᐊᖅᓯᒪᔪᓂᒃ ᑕᑯᔭᒐᖃᕐᕕᒃ ᒍᐃᓐᓱ ᑕᐃᑲᓂ ᒍᐃᓐᓱ, ᐋᓐᑎᐅᕆᐅ 1974-ᒥ.