Takkiruq, Nelson

(1930–1999)

ᓂᐅᓪᓴᓐ ᑕᒃᑭᕈᖅ ᓴᓇᙳᐊᖅᑎᐅᓚᐅᖅᑐᖅ ᐅᔭᖅᑲᓂᒃ ᐊᒻᒪᓗ ᕿᓚᓗᒐᐅᑉ ᓴᓂᖏᓐᓂᒃ, ᐅᖅᓱᖅᑐᖅ, ᓄᓇᕗᒻᒥᐅᑕᖅ. ᖃᐅᔨᒪᔭᐅᑦᑎᐊᖅᑐᖅ ᐃᑉᐱᒋᓂᕐᒧᑦ ᐊᒻᒪᓗ ᐃᓱᒪᒃᓴᖅᓯᐅᕐᓂᖓ ᓴᓇᙳᐊᒐᓄᑦ, ᑕᒃᑭᕉᑉ ᓴᓇᙳᐊᒐᖏᑦ ᑕᑯᔅᓴᐅᓂᖏᑦ ᖃᐅᔨᒪᓂᖓᓄᑦ ᐃᓄᐃᑦ ᐅᓂᒃᑳᖏᓐᓂᒃ, ᐃᓕᖅᑯᓯᒥᒍᑦ ᖃᐅᔨᒪᓂᖓᓄᑦ ᐊᒻᒪᓗ ᐃᓅᓯᒥ ᓄᓇᒥ, ᐱᐊᓂᒃᓯᒪᔪᑦ ᐃᓕᑕᕐᓇᖅᑐᓂᒃ ᓴᓇᙳᐊᒐᓂᒃ ᐊᔾᔨᒌᙱᑦᑐᓂᒃ ᓴᓇᓯᒪᔪᑦ ᐊᔾᔨᑲᓯᐊᑐᑦ ᐊᓂᐊ, ᔫᑕᔅ ᐅᓪᓗᓚᖅ, ᐊᑐᖃᑦᑕᖅᑐᖅ ᐊᔾᔨᒌᙱᑦᑐᓂᓂᒃ ᐃᓗᓕᖃᖅᑐᓂᒃ ᓴᓇᓂᐊᖅᑐᓂᒃ ᑐᑭᖃᑦᑎᐊᖅᑐᓂᒃ ᑭᓇᙳᐊᓂᒃ. ᐃᑉᐱᒋᔭᐅᑦᑎᐊᓚᐅᖅᑐᖅ ᓄᓇᓕᒥᐅᑕᓄᑦ ᐊᒻᒪᓗ ᐊᓯᕙᖅᑎᐅᓂᖓᓄᑦ, ᐊᒻᒪᓗ ᐃᓚᒋᔭᐅᖏᓐᓇᖃᑦᑕᓚᐅᖅᑐᖅ ᓄᓇᓕᒥ ᓴᓇᙳᐊᓕᕆᓂᕐᒧᑦ ᐱᔾᔪᑎᖃᖅᑐᓂᒃ. ᓴᓇᙳᐊᒐᖏᑦ ᐃᓚᒋᔭᐅᓯᒪᔪᑦ 40 ᐅᖓᑖᓂ ᑕᑯᒐᓐᓈᖅᑎᑦᑎᓂᕐᒧᑦ ᐊᒻᒪᓗ ᓴᓇᙳᐊᒐᖏᑦ ᐃᓚᖏᑦ ᐱᓯᒪᔭᐅᔪᑦ ᑲᑎᖅᓱᖅᑕᐅᔪᓂᑦ ᑲᓇᑕᒥ ᑕᑯᒐᓐᓈᒐᖃᕐᕕᒃ ᐃᑦᑕᒃᓂᑕᐃᑦ ᒐᑎᓅ, ᑯᐱᒃᒥ, ᕕᓂᐲᒃ ᓴᓇᙳᐊᒐᐃᑦ ᑕᑯᒐᓐᓈᒐᖃᕐᕕᒃ ᒫᓂᑐᐸᒥ ᐊᒻᒪᓗ ᐊᓯᖏᓐᓂ.

ᓴᓇᙳᐊᖅᑎᑦ ᑭᓇᐅᓂᖏᓐᓄᑦ ᑎᑎᕋᖅᓯᒪᔪᑦ ᑐᓂᔭᐅᓯᒪᔪᑦ ᐊᖏᖅᑕᐅᓯᒪᓪᓗᑎᒃ ᐃᓄᐃᑦ ᓴᓇᙳᐊᖅᑎᓕᕆᔨᒃᑯᑦ ᑐᙵᕝᕕᒃ. ᑕᒪᕐᒥᒃ ᐱᔪᓐᓇᐅᑎᑦ ᒪᓕᒐᖅᑎᒍᑦ.

ᓄᓕᐊᔪᒃ

c. 1981

ᐅᔭᕋᒃ, ᖃᑯᖅᑐᖅ ᐃᓗᑐᔪᖅ

12 x 33.5 x 11.5 cm

Collection of the Winnipeg Art Gallery, Acquired with funds from Dr. Norman Epstein

G-84-291

ᐅᖃᐅᑎᖃᒃᑐᖅ (about)

ᓄᓕᐊᔪᒃ

ᓄᓕᐊᔪᒃ

ᓴᓇᙳᐊᖅᑎ ᑐᑭᓯᓇᖅᓯᑎᑦᑎᓚᐅᕐᒪᑦ ᖃᓄᐃᓘᕋᓱᐊᕐᒪᖔᕐᒥ ᑕᐅᑦᑐᖃᑎᓗᐊᓕᐅᕐᓂᕐᒥᓐᓂ ᐊᐱᖅᓱᖅᑕᐅᑎᓪᓗᒍ:
“ᐃᒪᕕᒻᒥ ᐊᓂᕐᓂᖅ, ᓄᓕᐊᔪᖅ, ᑎᒍᒥᐊᖑᐊᕐᒪᑦ ᓂᐊᖁᖓᓂᒃ ᐃᓅᑉ. ᐊᒥᓱᐋᓗᓐᓂᒃ ᐃᓄᓐᓂᒃ ᓴᓇᙳᐊᖅᑕᐅᓱᖑᒪᑦ ᓄᓕᐊᔪᖅ ᐱᔾᔪᑎᒋᓪᓗᒍ ᐊᒥᓱᐋᓗᒻᒪᑕ ᐅᓂᒃᑲᐅᓯᐅᔪᑦ ᑖᔅᓱᒥᖓ. ᐃᓛᓐᓂᒃᑯᑦ ᑎᒍᒥᐊᓲᖑᓪᓗᓂ ᖁᓪᓕᕐᒥᒃ [ᖁᓪᓕᒃᓴᔭ ᖁᓪᓕᕐᒥᒃ] ᐅᕝᕙᓗᓂᑦ ᐊᓯᐊᓂᒃ ᑭᓱᒥᑭᐊᖅ ᐊᕐᓇᒧᑦ ᐱᒋᔭᐅᓱᒥᒃ. ᓴᓇᙳᐊᕈᒪᓲᖑᒐᒪᑦ ᐊᔾᔨᒋᔭᐅᖏᑦᑐᒥᒃ ᐊᓯᓐᓂᑦ ᐃᓄᓐᓂᑦ. ᐃᓚᖏᓐᓂ ᓴᓇᙳᐊᒐᕐᓂ, ᓄᓕᐊᔪᖅ ᓇᑦᑎᕐᒥᒃ ᑎᒥᖃᕐᒪᑦ ᐅᕝᕙᓗᓂᑦ ᓴᖅᐱᐅᔮᖃᕐᓗᓂ ᐃᖃᓗᒻᒧᑦ. ᑭᓯᐊᓂ ᑖᓐᓇ ᓴᓇᙳᐊᒐᖅ, ᓄᓕᐊᔪᖅ ᐊᕐᓇᐅᒻᒪᑦ. ᐊᕐᓇᖅ ᐃᓅᖃᑎᒋᔭᐅᓚᐅᖅᓯᒪᒐᓗᐊᕐᒪᑦ ᐃᒫᓄᓚᐅᖏᓐᓂᖓᓂ, ᐊᓱᐃᓪᓚᒃ ᐃᓄᒻᒥᒃ ᑎᒥᖃᒃᐳᖅ ᓄᔭᖃᕐᓗᓂᓗ ᐊᒻᒪᓗ ᐆᒪᔫᓪᓗᓂ ᐃᓚᖓ, ᓇᑦᑎᐅᖁᔨᓪᓗᓂ ᐅᕝᕙᓗᓂᑦ ᐃᖃᓗᒃᑎᑐᑦ ᓴᖅᐱᐅᔮᖃᕐᓗᓂ, ᑎᒥᓕᒫᖓᓗ ᐊᓯᕈᒃᑕᐅᒍᓐᓇᐃᓕᓪᓗᓂ.”
(ᐊᐱᖅᓱᖅᑕᐅᓂᖓᓂᒃ ᑕᕐᓕᓂ ᐅᐊᑦ ᑕᓗᕐᔪᐊᕐᒥ, 1996)

ᐊᔾᔨᖑᐊᖅ (photo)

ᓄᓕᐊᔪᒃ

ᓄᓕᐊᔪᒃ