ᐅᖃᐅᑎᖃᒃᑐᖅ (about)
ᐃᓐᓇᖓᓪᓗᓂ ᐊᖑᑎ ᐅᖃᓕᒫᖑᐊᖅᑐᖅ ᐅᖃᓕᒫᒐᕐᓂᒃ
ᐃᓐᓇᖓᓪᓗᓂ ᐊᖑᑎ ᐅᖃᓕᒫᖑᐊᖅᑐᖅ ᐅᖃᓕᒫᒐᕐᓂᒃ
ᑕᒪᓐᓇᐅᑎᓪᓗᒍ ᖃᐅᑕᒫᑦ ᐃᓅᓯᐅᕙᒃᑐᖅ ᐊᑐᖅᑕᐅᓪᓗᐊᑕᓱᖑᒪᑦ ᑐᑭᓯᓇᕈᑕᐅᓪᓗᓂ ᐃᓄᓐᓂᒃ ᑕᐅᑦᑐᖃᑎᓪᓗᐊᓕᐊᖑᔪᓂᒃ, ᑕᐃᒫᖑᓕᑐᐃᓐᓇᓱᖑᓂᖓᓄᑦ ᐊᖑᓇᓱᐊᖅᑐᖃᒃᑎᓪᓗᒍ ᐊᑐᖅᑕᐅᔪᓂᒃ, ᐅᕝᕙᓗᓂᑦ ᐊᓈᓇᐅᔪᖅ ᐱᓯᒪᒃᓯᕐᓗᑎᒃ ᕿᑐᖓᒥᓂᒃ. ᑕᐃᒪᓕ ᐅᓂᒃᑳᖑᔪᑦ ᑕᐅᑦᑐᖃᑎᓪᓗᐊᓕᐊᖑᑎᓪᓗᒋᑦ, ᑭᒡᒐᖅᑐᐃᓲᖑᒪᑕ ᓂᕈᐊᖅᑕᖏᓐᓂᒃ ᖃᓄᐃᓘᖑᐊᓂᖏᓐᓂᒃ ᐅᓂᒃᑳᖑᓯᒪᔪᑦ, ᐃᒫᖑᓲᖑᓇᓂ ᐅᓂᒃᑳᕆᔭᐅᓂᖓᓃᖓᕐᓇᓂ ᐅᓂᒃᑳᑉ. ᐊᑐᕋᔪᐃᒻᒪᑦ ᐅᖃᓪᓚᐅᑎᒋᔭᐅᔪᖅ ᐅᓂᒃᑳᓂᑦ ᐊᒻᒪᓗ ᖃᐅᑕᒪᑦ ᐃᓅᓯᕆᔭᐅᔪᓂ ᑲᑎᓯᒪᓲᖑᖏᒻᒪᑕ ᐅᓂᒃᑳᕆᔭᐅᔪᒥ ᐊᖑᑎ ᑐᐊᕕᕋᓂ ᐅᖃᓕᒫᕐᒪᑦ ᐅᖃᓕᒫᒐᕐᒥᒃ. ᐱᖅᑯᓯᒃᑯᑦ, ᐅᓂᒃᑲᐅᓯᑦ ᐊᒻᒪᓗ ᐅᓂᒃᑳᖅᑐᐊᑦ ᐅᓂᒃᑲᐅᓯᖅᑕᖑᑎᑕᐅᖃᑦᑕᓚᐅᕐᒪᑕ ᐅᖃᓪᓚᓐᓃᓐᓇᒃᑯᑦ, ᐊᒻᒪᓗ ᐃᓄᐃᑦ ᑎᑎᕋᕈᓯᖃᓚᐅᖏᒻᒪᑕ ᐱᓕᕆᔾᔪᑎᒥᓂᒃ ᑎᑎᕋᒃᑕᐅᖃᑦᑕᕋᔭᕐᓗᑎᒃ ᐅᓂᒃᑳᕆᓲᖏᓐᓂᒃ. ᑕᐃᔅᓱᒪᓂ ᐊᔪᕆᖅᓯᐅᔨᑦ ᑎᑭᑎᓪᓗᒋᑦ, ᐃᓕᓴᑎᑦᑎᓕᓚᐅᕐᒪᑕ ᐃᓄᓐᓂᒃ ᑎᑎᕋᕈᓯᖅᑖᖅᑎᑦᑎᓪᓗᑎᒃ ᐅᖃᓕᒫᕈᓐᓇᖅᓯᖁᓪᓗᒋᑦ ᓴᓐᓂᖓᔪᓕᐅᖅᑎᒃᑯᑦ ᐊᒻᒪᓗ ᐋᓐᓕᑲᒃᑯᑦ ᑐᒃᓯᐅᑎᖏᓐᓂᒃ ᐅᖃᓕᒫᒐᕐᓂᒃ. ᑎᑎᕿᕆᓂᖅ ᐊᑐᖅᑕᐅᓂᖅᓴᐅᓕᓚᐅᕐᒪᑦ ᕿᓚᒥᐋᓗᒃ ᐅᑭᐅᖅᑕᖅᑐᕐᒥ, ᓯᐊᒻᒪᖅᐸᓪᓕᐊᖃᑕᐅᓗᓂ ᑲᓚᐃᑦᑑᓯᒥᐅᑕᐅᓕᕐᓂᕐᒧᑦ.
