ᐅᓂᒃᑳᖅᓯᒪᓂᖓ ᑕᐃᔭᐅᓲᖑᕗᖅ ᐊᒪᕈᕉᖅᑐᖅ (“ᑖᓐᓇ ᐊᒪᕈᕉᓲᖅ”) ᐊᒻᒪᓗ ᐅᓂᒃᑳᖃᕐᓗᓂ ᓂᖏᐅᕌᓗᒻᒥᒃ, ᕿᓴᕈᐊᑦᓯᐊᖅ, ᐃᖃᓗᑐᐊᓂᒃ ᓂᕆᓲᖑᓚᐅᖅᑐᖅ. ᐊᕿᐊᑦᑐᕋᓱᐋᕐᓗᓂ ᑳᓐᓂᕐᒥᓂᑦ, ᑎᒡᓕᖃᑦᑕᓲᖑᒪᑦ ᐃᖃᓗᒃᑕᐅᔪᓂᒃ ᐊᓯᖏᓐᓄᑦ. ᐃᓚᒋᔭᐅᔪᓐᓃᓚᐅᕐᒪᑦ, ᐊᒻᒪᓗ ᐃᓚᖓᓐᓂ ᐅᓪᓗᐃᑦ ᐊᓯᐅᓚᐅᕐᒪᑦ ᓇᓂᔭᐅᒍᓐᓇᐃᓕᓪᓗᓂ. ᑐᔾᔭᖅᑕᐅᓚᐅᕋᓗᐊᕐᒪᑦ ᐃᓂᒋᓪᓗᐊᑕᓱᖓᓄᑦ ᐃᖃᓗᒐᓱᐊᕐᕕᓲᖓᓄᑦ ᐊᒻᒪᓗ ᑲᔪᓯᓕᓚᐅᕆᓪᓗᑎᒃ ᑕᐅᕗᖓᑐᖄᓗᒃ ᐅᖓᓯᒃᑐᒧᑦ. ᑐᒥᖏᑦ ᒥᑭᒡᓕᕙᓪᓕᐊᓯᒪᓕᓚᐅᕐᒪᑕ ᐊᒻᒪᓗ ᓇᓗᓇᖏᑦᑎᐊᓕᕐᓗᑎᒃ ᐃᓯᒐᖏᒃ ᐊᒪᕈᖑᖅᓯᒪᓕᓚᐅᕐᒪᑎᒃ. ᑕᑯᓪᓗᒋᑦ ᑕᒪᒃᑯᐊ, ᐃᓄᒃ ᑐᔾᔭᐃᔪᖅ ᐅᑎᓕᓚᐅᕐᒪᑦ ᓄᓇᓕᓐᓄᑦ. ᑭᖑᓂᖓᒍᑦ ᑕᒪᑐᒪ, ᐃᓄᐃᑦ ᐊᖑᓇᓱᒋᐊᕌᖓᒥ ᓄᓇᓇᐃᓐᓇᕐᒧᑦ, ᑕᑯᖃᑦᑕᓕᓚᐅᖅᐳᑦ ᑐᒥᖏᓐᓂᒃ. ᐲᖅᓯᓯᒪᓕᓚᐅᕐᒪᑦ ᐊᐃᑉᐹᓂᒃ ᑲᒥᖓᑕ, ᐊᒻᒪᓗ ᑕᑯᒍᓐᓇᖅᓯᓪᓗᑎᒃ ᐊᒪᕈᖑᖅᑐᒥᓂᐅᓂᖓᓂᒃ. ᖃᐅᔨᒪᓕᓚᐅᖅᑐᑦ ᑐᑦᑐᒐᓱᐋᖃᑦᑕᓕᕐᓂᖓᓂᒃ.

2006-ᒥ, ᐊᖏᔪᑦ ᓄᐊᑕᐅᓯᒪᔪᑦ 246 ᓴᓇᔭᐅᓯᒪᔪᑦ ᑐᓂᔭᐅᑐᐃᓐᓇᓚᐅᖅᑐᑦ ᑕᑯᔭᒐᖃᕐᕕᒻᒧᑦ ᕚᓐᑰᕗᒥ ᓄᐊᑦᑎᖃᑦᑕᖅᑐᒧᑦ ᓘᑦᑖᖅ ᕼᐃᐅᕆ ᕗᐃᓐᕌᑉ. ᕗᐃᓂᐸᐃᒡᒥᐅᑕᓪᓚᕆᒃ, ᕗᐃᓐᕌᑉ ᓂᐅᕕᖃᑦᑕᕐᓂᑰᒻᒪᑦ ᐃᓄᐃᑦ ᓴᓇᖑᐊᒐᖏᓐᓂᑦ ᐱᒋᐊᖅᑐᓂ 1968. ᐱᔪᒪᓂᖃᒻᒪᕆᓕᓚᐅᖅᑐᖅ ᓄᐊᑦᑎᓂᕐᒥᑦ ᐃᓄᐃᑦ ᓴᓇᐅᒐᖏᓐᓂᑦ 1971-ᒥᑦ, ᐊᒻᒪ ᐱᓕᕆᓪᓗᐊᑕᖃᓕᖅᑐᓂ ᓂᐅᕕᖃᑦᑕᓂᕐᒥᑦ ᓴᓇᔭᐅᓯᒪᔪᓂᑦ ᐆᒪᔪᒥᓂᕐᒦᖔᖅᑐᓂᑦ ᐊᖑᓇᓱᑦᑕᐅᕙᑦᑐᓂᑦ (ᕿᓚᓗᒐᐃᑦ ᓴᐅᓂᖏᑦ, ᐊᐃᕖᑦ ᑑᒑᖏᑦ, ᐊᒻᒪ ᑐᑦᑐᐃᑦ ᓇᔾᔪᖏᑦ). 54 ᓴᓇᔭᐅᓯᒪᔪᑦ ᕗᐃᓐᕌᑉ ᓄᐊᓯᒪᔭᖏᑦ ᓴᓇᔭᐅᓯᒪᔪᑦ ᐆᒪᔪᒥᓂᕐᒦᖔᖅᑐᑦ, ᐊᒻᒪ 36 ᑖᒃᑯᐊᓂᖓ ᕿᓚᓗᒐᐃᑦ ᓴᐅᓂᖏᑦᓐᓂ. ᕗᐃᓐᕌᑉ ᐋᓐᓂᐊᓯᐅᖅᑎᐅᓚᐅᖅᓯᒪᔪᖅ ᐱᔾᔪᑎᒋᔭᖓ ᐱᔪᒪᓂᖃᕐᓂᖓ ᑖᒃᑯᓂᖓ ᐆᒪᔪᒥᓂᕐᒦᖔᖅᑐᓂᑦ. ᑭᓯᐊᓂᓕ, ᐱᔪᒪᓂᕆᓂᖅᓴᖓ ᐱᐅᔫᑎᓅᓚᐅᖅᑐᖅ. ᐱᔪᒪᓂᖃᓗᐊᓚᐅᖅᑐᖅ ᓴᓇᖑᐊᒐᑦᑎᐊᕙᓐᓂᑦ ᓴᓇᔭᐅᓯᒪᔪᑦ ᓇᑦᑎᓕᖕᒥᐅᑦ (ᓇᑦᓯᓕᒃ) ᓴᓇᖑᐊᖅᑏᑦ ᐅᕙᓐᖓᑦ ᑕᓗᕐᔪᐊᖅ, ᐅᖅᓱᖅᑑᖅ, ᐊᒻᒪ ᑰᒑᕐᔪᒃ. ᓴᓇᔭᐅᓯᒪᔪᑦ ᐊᖓᒃᑯᖃᓂᕐᒥᑦ ᐃᓗᓕᓕᓐᓂᑦ ᐱᔪᒪᓂᖁᓗᐊᓪᖑᐊᓚᐅᖅᑐᖅ, ᐱᓗᐊᖅᑐᒥᑦ ᐆᒪᔪᐃᑦ/ᐃᓄᐃᑦ ᐊᓯᔾᔨᖅᑐᓂᑦ. ᓇᓗᓇᐃᖅᓯᓚᐅᖅᑐᖅ ᐅᓴᐅᓚᐅᖏᑦᑐᖅ “ᐱᑕᖃᒐᔪᑦᑐᑦ” ᑭᓯᐊᓂ ᐊᔾᔨᐅᖏᑦᑐᑦ, ᐊᒻᒪᓘᓐᓃᑦ ᖃᓄᐃᓕᖓᕈᓘᔭᖅᑐᒥᑦ ᓴᖏᔪᒥᑦ ᐱᔪᒪᓂᕆᔭᖓᓄᑦ. ᒫᑦᓯᒥ 2008, ᕼᐃᐅᕆ ᕗᐃᓐᕌᑉ ᓄᐊᓯᒪᔭᖏᑦ ᐅᖃᐅᓯᐅᓚᐅᖅᑐᑦ ᕕᓂᐲᒃ ᓴᓇᙳᐊᒐᐃᑦ ᑕᑯᒐᓐᓈᒐᖃᕐᕕᒻᒥ ᑕᑯᔅᓴᐅᑎᑕᐅᔪᓂᑦ ᐊᒻᒪ ᑎᑎᕋᖅᑕᐅᓯᒪᔪᓂᑦ.