Etidloie, Isaci

(1972–2014)

ᓴᓇᙳᐊᖅᑎ ᐃᓴᑭ ᐃᑎᓪᓗᐃ ᓯᕗᓪᓕᖅᐹᒥᒃ ᓴᓇᙳᐊᕐᓂᕐᒧᑦ ᓴᓇᕐᕈᑎᓂᒃ ᑎᒍᓯᓚᐅᖅᑐᖅ ᐊᕐᕕᓂᓖᑦ ᒪᕐᕉᓐᓂᒃ ᐅᑭᐅᖃᖅᑐᓂ, ᓴᓇᙳᐊᖅᑐᓂ ᐃᓅᓯᒋᔭᐅᔪᓂᑦ ᐅᓪᓗᑕᒫᑦ ᑭᖑᕚᕗᑦ ᐃᓄᐃᑦ ᐃᓅᓯᖏᓐᓂᑦ. ᑭᙵᓂ (ᑮᑉ ᑐᐊᓯᑦ), ᓄᓇᕗᑦ, ᐃᑎᓪᓗᐃ ᕿᒥᕐᕈᐊᓚᐅᖅᑐᖅ ᓂᐱᓂᒃ, ᐆᑦᑑᑎᒋᓗᒍ ᕿᓚᐅᑎᓅᖅᑐᑦ, ᐊᖓᒃᑯᐃᑦ ᐅᓂᒃᑳᖏᑦ ᐊᒻᒪᓗ ᐊᓂᕐᓂᖃᖅᑐᓂᒃ ᐊᓯᙳᖅᑐᓂᒃ, ᑎᑎᖅᑐᒐᖅᑐᓂ ᐃᓕᕙᓪᓕᐊᓂᖓᓂᑦ ᐊᑖᑕᒥᓂᑦ, ᐃᑐᓗ ᐃᑎᓪᓗᐃ, ᐃᙱᖅᑎᒻᒪᕆᐊᓗᒃ ᐊᒻᒪᓗ ᑐᖁᓚᙱᑦᑐᖅ ᓴᓇᙳᐊᒐᖓᓂ 2002 ᐊᔾᔨᙳᐊᖅ ᐊᑖᑕᒐ, ᑕᑯᔅᓴᐅᓂᖓ ᓴᓇᙳᐊᖅᓯᒪᑦᑎᐊᖅᓯᒪᔪᖅ ᐊᕙᓗᖃᖅᑐᓂ. ᐃᑎᓪᓗᐃ ᓴᓇᙳᐊᖏᑦ ᐃᓚᒋᔭᐅᓪᓗᑎᒃ ᐱᙳᐊᕐᓂᕐᒧᑦ ᐊᒻᒪᓗ ᐃᓱᒪᒃᓴᖅᓯᐅᕐᓂᕐᒧᑦ, ᑎᑎᖅᑐᒐᕐᓂᖏᑦ ᑕᒪᒃᑭᒃ ᐃᓕᖅᑯᓯᕆᔭᐅᔪᓄᑦ ᐱᙳᐊᕐᓂᖅ ᐆᑦᑑᑎᒋᓗᒍ ᐊᓯᕙᕐᓂᖅ, ᐃᖃᓪᓕᐊᕐᓂᖅ ᐊᒻᒪᓗ ᕿᓚᐅᑎᒨᖅᑐᑦ, ᐊᒻᒪᓗ ᐱᙳᐊᖅᑐᑦ ᑕᑯᔪᒥᓇᙱᑦᑐᑦ ᐃᓄᐃᑦ ᓴᓇᙳᐊᒐᓂ, ᐆᑦᑑᑎᒋᓗᒍ ᐱᖃᐃᓕᓴᖅᑎᒻᒪᕆᒃ (2018) ᑐᑭᓕᐊᙳᐊᕐᓗᒍ ᖃᖓᑦᑕᖓᔫᔮᖅᑐᓂᒃ. ᐃᑎᓪᓗᐃ ᓴᓇᙳᐊᖏᑦ ᐃᓚᒋᔭᐅᔪᑦ ᑲᓇᑕᒥ ᑕᑯᒐᓐᓈᒐᖃᕐᕕᒃ ᑕᑯᒐᓐᓈᒐᖃᕐᕕᐊᓂ ᐃᓄᐃᑦ ᓴᓇᙳᐊᒐᖏᑦ ᒫᓐᓇ (2007) ᐃᓚᒋᓪᓗᒋᑦ 15 ᐱᖃᓐᓈᖏᑦ ᐃᓄᐃᑦ ᓄᓇᖓᓂᙶᖅᑐᓂᒃ ᐊᒻᒪᓗ ᓇᓂᔭᐅᔪᓐᓇᖅᑐᑦ ᐅᓪᓗᒥ ᐊᒥᓱᓂ ᑭᒃᑯᑐᐃᓐᓇᓂ ᑲᑎᖅᓱᖅᑕᐅᓯᒪᔪᑦ ᐃᓚᒋᓗᒋᑦ ᑲᓇᑕ ᑲᑎᒪᔨᑦ ᓴᓇᙳᐊᕐᓂᕐᒧᑦ ᑮᓇᐅᔭᒃᑯᕝᕕᒃ, ᓴᓇᙳᐊᒐᐃᑦ ᑕᑯᒐᓐᓈᒐᖃᕐᕕᒃ ᐋᓐᑎᐅᕆᔫ ᐊᒻᒪᓗ ᕕᓂᐲᒃ ᓴᓇᙳᐊᒐᐃᑦ ᑕᑯᒐᓐᓈᒐᖃᕐᕕᒃ.

ᓴᓇᙳᐊᖅᑎᑦ ᑭᓇᐅᓂᖏᓐᓄᑦ ᑎᑎᕋᖅᓯᒪᔪᑦ ᑐᓂᔭᐅᓯᒪᔪᑦ ᐊᖏᖅᑕᐅᓯᒪᓪᓗᑎᒃ ᐃᓄᐃᑦ ᓴᓇᙳᐊᖅᑎᓕᕆᔨᒃᑯᑦ ᑐᙵᕝᕕᒃ. ᑕᒪᕐᒥᒃ ᐱᔪᓐᓇᐅᑎᑦ ᒪᓕᒐᖅᑎᒍᑦ.

ᐱᖃᐃᓕᓴᖅᑎᒻᒪᕆᒃ

2011

ᐅᔭᕋᒃ, ᓇᒡᔪᒃ

(1) man: 16.5 x 14 x 6.6 cm; (2) pommel horse: 6.7 x 12.3 x 1.7 cm; (3) base: .9 x 10.4 x 8.4 cm

Collection of the Winnipeg Art Gallery, Acquired with funds donated by Marnie Schreiber

2019-14.1 to 3

ᐅᖃᐅᑎᖃᒃᑐᖅ (about)

ᐃᑦᑎᓗᐃᑦ, ᐊᐃᓴᒃ, ᐃᓄᒃ ᐊᔭᐅᑦᑕᖅᑐᖅ

ᐃᑦᑎᓗᐃᑦ, ᐊᐃᓴᒃ, ᐃᓄᒃ ᐊᔭᐅᑦᑕᖅᑐᖅ

ᐊᐃᓴᒃ ᐃᑎᓪᓗᐃ ᖃᐅᔨᒪᔭᐅᑦᑎᐊᖅᐳᖅ ᐳᑦᑕᓛᖅᑐᔮᒻᒪᕆᓕᖅᑐᓂᒃ ᓴᓇᖑᐊᒐᓕᐅᖅᐸᓚᐅᕐᓂᖓᓄᑦ ᑎᒥᒃᑯᑦ ᐊᔪᕈᓐᓃᖅᓴᐅᑕᐅᕙᒃᑐᓂᒃ ᐊᑐᕐᓂᖏᓐᓂ. ᑕᒫᓂ 2009-ᒥ, ᐃᖕᒥᓃᓐᓇᖅ ᑕᑯᔭᒐᖃᖅᑎᑦᑎᓚᐅᕐᒪᑦ ᕙᓐᑰᕗᒥ ᑕᐃᔭᐅᔪᒥᒃ ᐊᑏ ᐱᖑᐊᓕᖅᑕ! ᓴᓇᔭᐅᓯᒪᔪᑦ ᐊᐃᓴᒃ ᐃᑎᓪᓗᐃᒧᑦ. ᑕᐃᒃᑯᐊ ᓴᓇᖑᐊᖅᓯᒪᔪᑦ ᓴᕿᐅᒪᑎᑦᑎᓚᐅᕐᒪᑕ ᑕᒪᐃᓐᓂᒃ ᖃᓪᓗᓈᓄᑦ ᐃᓄᖕᓄᓪᓗ ᐱᖑᐊᕈᓯᕆᔭᐅᕙᖕᓂᖏᑦ, ᐊᒥᓱᒐᓴᐃᓪᓗ ᑭᖑᓂᐊᒍᑦ ᑕᑯᔭᒃᓴᓕᐊᕆᔭᐅᓚᐅᖅᓱᑎᒃ ᑲᓇᑕᒥ ᐅᑭᐅᖅᑕᖅᑐᒥᐅᑕᓂᒃ ᐱᔾᔪᑎᖃᖅᑐᓂᒃ ᑕᑯᓂᐊᕐᕕᖓᓂ 2010-ᒥ ᐅᑭᐅᒃᑯᑦ ᐱᖑᐊᕕᒡᔪᐊᕐᓂᖏᓐᓂ ᓄᓇᕐᔪᐊᕐᒥ. ᐃᑎᓪᓗᐃᓕ ᐃᖕᒥᓂᒃ ᓴᓇᖑᐊᖅᐸᓚᐅᖏᒻᒪᑦ ᖃᐅᑕᒫᖅᓯᐅᑎᓂᒃ ᐃᓅᓯᓕᕆᔪᓂᒃ; ᓴᓇᔪᒻᒪᐅᓚᐅᖅᑐᖅ ᐃᓄᐃᑦ ᑎᒥᒃᑯᑦ ᐊᔪᖏᓐᓂᕆᔭᐅᕙᒃᑐᐊᓗᖕᓂᒃ. ᐅᓂᑳᓚᐅᖅᑐᖅ ᑕᐃᒪᐃᓂᕐᒥᓂᒃ ᐃᒫᒃ: “ᑕᑯᒥᓇᖅᑐᓂᒃ ᓴᓇᖑᐊᕈᒫᓲᖑᒐᒪ.”