1963−ᒥ, ᐅᔭᕋᓐᓂᐊᕐᕕᖓᑦ ᓴᕕᑦᓴᑦᑎᐊᕙᑦᓯᐅᕐᕕᒃ ᑲᖏᖅᖠᓂᕐᒥ ᒪᑐᔭᐅᓯᒪᓕᖅᑎᓪᓗᒍ, ᑲᓇᑕᐅᑉ ᒐᕙᒪᒃᑯᖏᑦ ᐃᖃᓇᐃᔭᖅᑎᑦᑎᓚᐅᖅᑐᑦ ᒪᕋᕐᒥᒃ ᓴᓇᔨᐅᓂᕐᒥᓄᑦ ᐊᔪᕈᓐᓂᖅᓴᐃᔨᒥᒃ ᓴᓇᔭᐅᔪᓐᓇᖅᑐᓂᒃ ᑕᐃᔅᓱᒥᖓ ᒃᓛᐅᑦ ᒍᕆᓐᓂᔩᒥᒃ. ᑕᐃᓐᓇ ᐊᑐᕆᐅᖅᓴᑎᑦᑎᓚᐅᖅᑐᖅ ᓄᓇᓕᖕᓂᖔᖅᑐᓂᒃ ᐊᒻᒪᓗ ᑎᑭᓴᖅᑕᐅᓯᒪᔪᓂᒃ ᒪᕋᒃᓴᔭᕐᓂᒃ; ᑕᒫᓂ 1964-65-ᖑᓕᖅᑎᓪᓗᒍ, ᐅᖓᑕᓃᓕᓚᐅᖅᑐᑦ 12-ᓂᒃ ᓴᓇᔪᓇᖅᓯᔪᑦ, ᐃᓚᖏᓪᓗᑕᐅᖅ ᓴᓇᖑᐊᖅᑎᐅᕙᒃᑭᓪᓗᑎᒃ, ᓴᓇᓯᒪᔪᓂᒃ ᐊᑑᑎᒃᓴᓕᐅᖅᐸᓚᐅᖅᑐᑦ. ᑕᐃᒃᑯᐊ ᐱᓕᕆᕕᐅᓂᖏᑦ ᒪᑐᔭᐅᓕᓚᐅᖅᑐᑦ 1977−ᖑᑎᓪᓗᒍ, ᐊᒻᒪᓗ ᑭᖑᓂᑲᓪᓛᒍᑦ ᑕᒫᓂ 1980−ᖏᓐᓂ, ᐱᒋᐊᖅᑎᑕᐅᒃᑲᓐᓂᓚᐅᖅᑐᑦ ᑕᐃᑦᓱᒧᖓ ᔨᒻ ᓲᕐᓕᒧᑦ. ᐸᐃ ᖁᒃᓴᐅᑦ ᓴᓇᕙᓚᐅᖅᑐᖅ ᐃᓚᖏᓂᒃ ᐱᐅᓂᖅᐹᑦᓯᐊᓂᒃ ᓴᓇᔭᐅᓚᐅᖅᓯᒪᖏᑦᑐᓂᒃ ᐊᒻᒪᓗ ᐊᔾᔨᖃᖏᑦᑐᓂᒃ−ᑕᐅᕗᖓ ᐱᖓᓱᐃᓕᖃᖓᔪᓂᒃ ᑕᑯᔭᐅᔪᓐᓇᖅᑐᓂᒃ ᖁᓛᒍᑦ, ᓴᓂᒧᑦ, ᐊᑖᒍᓪᓗ ᓴᓇᔪᓐᓇᖅᓯᑦᓯᐊᖅᑕᐅᓘᓚᐅᖅᑐᓂᒃ.