Kukshout, Pie

(1911–1980)

ᐸᐃ ᖂᖅᓲᑦ ᓴᓇᖑᐊᖅᑎ ᐊᒻᒪ ᒪᕋᕐᒥᒃ ᐊᑐᕐᓗᓐᓂ ᓴᓇᖑᐊᖅᑎ ᑲᖏᖅᖠᓂᕐᒥᐅᑕᖅ, ᓄᓇᕗᒻᒥ. ᐅᔭᕋᖕᓂ ᓴᓇᖑᐊᖅᑎ ᐃᓅᓯᓗᒃᑖᒻᒥᓂ, ᐱᒋᐊᓚᐅᖅᑐᖅ ᒪᕋᕐᓂᒃ ᓴᓇᖑᐊᖅᐸᒃᖢᓐᓂ ‘70 ᐊᑐᓕᖅᑎᓪᓗᒋᑦ ᐃᓚᐅᓕᓚᐅᕐᒪᑦ ᑲᖏᖠᓂᐅᑉ ᒪᕋᕐᓂᒃ ᓴᓇᖑᐊᖅᑎᖏᓐᓄᑦ ᐃᓚᐅᖃᑕᐅᑉᓗᓐᓂ ᓴᓇᖑᐊᖅᐸᒃᖢᓐᓂ. ᖂᖅᓲᑦ ᖃᐅᔨᒪᔭᐅᔪᖅ ᐃᓱᒪᒥᐊᒥᓐᓂᒃ ᓴᓇᖑᐊᖅᐸᖕᓂᖓᓐᓂᒃ ᒪᕋᕐᒥᒃ ᐊᑐᖅᖢᓐᓂ ᐊᒥᓱᓂᒃᓗ ᑮᓇᖑᐊᓕᖕᓂᒃ ᓴᓇᕙᒃᖢᓐᓂ ᐊᒻᒪ ᓂᕐᔪᑎᖑᐊᕐᓂᒃ ᒪᕋᕐᒥᒃ ᐊᑐᖅᖢᓐᓂ. ᐱᓕᕆᐊᖏᑦ ᑕᑯᓐᓈᒐᐅᓯᒪᔪᑦ ᐊᒥᓱᓐᓂᒃ ᑕᑯᓈᕐᕕᖕᓂ ᓄᐊᑦ ᐊᒥᐊᕆᑲᒻᒥ ᐊᒻᒪ ᐃᓄᖕᓄᑦ ᑕᑯᔭᒃᓴᐅᑉᓗᑎᒃ ᕕᓂᐱᖕᒥ ᓴᓇᖑᐊᒐᕐᓂᒃ ᑕᑯᓈᒐᖃᕐᕕᖕᒥ ᒪᓂᑐᕙᒻᒥ ᐊᒻᒪ ᔅᒥᓲᓂᐊᒻᒥ ᑕᑯᓐᓈᒐᖃᕐᕕᖕᒥ ᓄᑕᐅᖏᑐᓐᓂᒃ ᕚᓯᖕᑕᓐᒥ, ᐊᒥᐊᕆᑲᓐ ᓄᓇᖓᓐᓂ.

ᓴᓇᙳᐊᖅᑎᑦ ᑭᓇᐅᓂᖏᓐᓄᑦ ᑎᑎᕋᖅᓯᒪᔪᑦ ᑐᓂᔭᐅᓯᒪᔪᑦ ᐊᖏᖅᑕᐅᓯᒪᓪᓗᑎᒃ ᐃᓄᐃᑦ ᓴᓇᙳᐊᖅᑎᓕᕆᔨᒃᑯᑦ ᑐᙵᕝᕕᒃ. ᑕᒪᕐᒥᒃ ᐱᔪᓐᓇᐅᑎᑦ ᒪᓕᒐᖅᑎᒍᑦ.

ᑮᓇᐃᑦ ᐱᖓᓱᓂᑦ ᓇᑦᑎᖃᖅᑐᓂ

c. 1967

ᒪᕐᕋᖅ ᓴᓇᙳᐊᒐᔅᓴᓄᑦ

26.7 x 20.3 x 20.3 cm

Collection of the Winnipeg Art Gallery, Gift of the Women's Committee

G-68-95

ᐅᖃᐅᑎᖃᒃᑐᖅ (about)

ᖁᒃᓴᐅᑦ, ᐸᐃ, ᐱᖓᓱᑦ ᓇᑦᑏᑦ ᑮᓇᖏᑦ

ᖁᒃᓴᐅᑦ, ᐸᐃ, ᐱᖓᓱᑦ ᓇᑦᑏᑦ ᑮᓇᖏᑦ

1963−ᒥ, ᐅᔭᕋᓐᓂᐊᕐᕕᖓᑦ ᓴᕕᑦᓴᑦᑎᐊᕙᑦᓯᐅᕐᕕᒃ ᑲᖏᖅᖠᓂᕐᒥ ᒪᑐᔭᐅᓯᒪᓕᖅᑎᓪᓗᒍ, ᑲᓇᑕᐅᑉ ᒐᕙᒪᒃᑯᖏᑦ ᐃᖃᓇᐃᔭᖅᑎᑦᑎᓚᐅᖅᑐᑦ ᒪᕋᕐᒥᒃ ᓴᓇᔨᐅᓂᕐᒥᓄᑦ ᐊᔪᕈᓐᓂᖅᓴᐃᔨᒥᒃ ᓴᓇᔭᐅᔪᓐᓇᖅᑐᓂᒃ ᑕᐃᔅᓱᒥᖓ ᒃᓛᐅᑦ ᒍᕆᓐᓂᔩᒥᒃ. ᑕᐃᓐᓇ ᐊᑐᕆᐅᖅᓴᑎᑦᑎᓚᐅᖅᑐᖅ ᓄᓇᓕᖕᓂᖔᖅᑐᓂᒃ ᐊᒻᒪᓗ ᑎᑭᓴᖅᑕᐅᓯᒪᔪᓂᒃ ᒪᕋᒃᓴᔭᕐᓂᒃ; ᑕᒫᓂ 1964-65-ᖑᓕᖅᑎᓪᓗᒍ, ᐅᖓᑕᓃᓕᓚᐅᖅᑐᑦ 12-ᓂᒃ ᓴᓇᔪᓇᖅᓯᔪᑦ, ᐃᓚᖏᓪᓗᑕᐅᖅ ᓴᓇᖑᐊᖅᑎᐅᕙᒃᑭᓪᓗᑎᒃ, ᓴᓇᓯᒪᔪᓂᒃ ᐊᑑᑎᒃᓴᓕᐅᖅᐸᓚᐅᖅᑐᑦ. ᑕᐃᒃᑯᐊ ᐱᓕᕆᕕᐅᓂᖏᑦ ᒪᑐᔭᐅᓕᓚᐅᖅᑐᑦ 1977−ᖑᑎᓪᓗᒍ, ᐊᒻᒪᓗ ᑭᖑᓂᑲᓪᓛᒍᑦ ᑕᒫᓂ 1980−ᖏᓐᓂ, ᐱᒋᐊᖅᑎᑕᐅᒃᑲᓐᓂᓚᐅᖅᑐᑦ ᑕᐃᑦᓱᒧᖓ ᔨᒻ ᓲᕐᓕᒧᑦ. ᐸᐃ ᖁᒃᓴᐅᑦ ᓴᓇᕙᓚᐅᖅᑐᖅ ᐃᓚᖏᓂᒃ ᐱᐅᓂᖅᐹᑦᓯᐊᓂᒃ ᓴᓇᔭᐅᓚᐅᖅᓯᒪᖏᑦᑐᓂᒃ ᐊᒻᒪᓗ ᐊᔾᔨᖃᖏᑦᑐᓂᒃ−ᑕᐅᕗᖓ ᐱᖓᓱᐃᓕᖃᖓᔪᓂᒃ ᑕᑯᔭᐅᔪᓐᓇᖅᑐᓂᒃ ᖁᓛᒍᑦ, ᓴᓂᒧᑦ, ᐊᑖᒍᓪᓗ ᓴᓇᔪᓐᓇᖅᓯᑦᓯᐊᖅᑕᐅᓘᓚᐅᖅᑐᓂᒃ.