ᒥᑎᐊᕐᔪᒃ ᓇᑉᐹᓗᒃ ᐊᒃᓱᐋᓗᒃ ᐅᒃᐱᕆᔭᐅᑦᑎᐊᓚᐅᕐᒪᑦ ᐅᖃᓕᒫᒐᓕᐅᖅᑎ, ᑐᑭᓕᐅᕆᔨ, ᐊᒻᒪᓗ ᐅᓂᒃᑳᓱᖑᓪᓗᓂ. ᑎᑎᕋᓚᐅᖅᓯᒪᒻᒪᑦ ᓯᕗᓪᓕᖅᐹᒥᒃ ᐅᓂᒃᑳᖅᑐᐊᒻᒥᒃ, ᓴᓈᕐᒥᒃ, ᐅᓂᒃᑳᖅᑲᕐᓗᓂ ᐃᓅᓱᒃᑐᒥᒃ ᐊᕐᓇᒥᒃ ᐱᖅᑯᓯᒃᑯᑦ ᐃᓅᓯᖃᒃᑐᒥᒃ 1920-ᖏᓐᓂ. ᓇᑉᐹᓗᒃ ᐱᓚᐅᖅᓯᒪᒻᒪᑦ ᐃᓕᓴᕆᔭᐅᔾᔪᑎᒥᒃ ᑲᓇᑕᒥ ᐃᖃᓇᐃᔭᕆᓯᒪᔭᖓᓄᑦ ᑲᔪᓯᑎᑦᑎᓂᖓᓄᑦ ᐊᒻᒪᓗ ᓴᙱᓂᖅᓴᐅᓕᖅᑎᑦᑎᓪᓗᓂ ᐃᓄᒃᑎᑐᑦ ᐅᖃᓪᓚᒍᓯᕐᒥᒃ. ᓴᓇᒃᑳᓗᖏᒃᑲᓗᐋᕐᓗᓂ ᓴᓇᙳᐊᖅᑎᐅᓂᕐᒥᓂ ᑭᓯᐊᓂ ᑕᐅᒃᑐᖃᑎᓕᐅᕐᓂᖓ ᐱᔪᓐᓇᕈᑎᒋᓚᐅᕐᒪᒍ ᐊᓯᐋᒍᖓᖅ ᐱᔭᐅᑎᑦᑎᓗᓂ ᑲᔪᓯᑎᑦᑎᓂᖓᓄᑦ ᐱᖅᑯᓯᒃᑯᑦ ᐅᓂᒃᑳᐅᓯᓐᓂᒃ, ᐅᓂᒃᑳᖅᑐᓂᒃ, ᐊᒻᒪᓗ ᐱᓕᕆᔾᔪᓯᑐᖃᕐᓂᒃ. ᑖᓐᓇ ᐱᓕᕆᐊᖓ ᑕᑯᒃᓴᐅᑎᑦᑎᓚᐅᕐᒪᑦ ᓯᓚᕐᔪᐋᓕᒫᒥ ᕿᑲᖅᑏᓚᐃᓚᕐᓂᕐᒥᒃ: ᐱᔮᖅᓱᒃᑲᑦᑕᐅᑎᓗᑎᒃ ᐃᓪᓚᖅᑎᓐᓇᓱᐋᕐᓗᒍ ᐊᑭᓕᖅᑎᕆᔭᓂ.

2006-ᒥ, ᐊᖏᔪᑦ ᓄᐊᑕᐅᓯᒪᔪᑦ 246 ᓴᓇᔭᐅᓯᒪᔪᑦ ᑐᓂᔭᐅᑐᐃᓐᓇᓚᐅᖅᑐᑦ ᑕᑯᔭᒐᖃᕐᕕᒻᒧᑦ ᕚᓐᑰᕗᒥ ᓄᐊᑦᑎᖃᑦᑕᖅᑐᒧᑦ ᓘᑦᑖᖅ ᕼᐃᐅᕆ ᕗᐃᓐᕌᑉ. ᕗᐃᓂᐸᐃᒡᒥᐅᑕᓪᓚᕆᒃ, ᕗᐃᓐᕌᑉ ᓂᐅᕕᖃᑦᑕᕐᓂᑰᒻᒪᑦ ᐃᓄᐃᑦ ᓴᓇᖑᐊᒐᖏᓐᓂᑦ ᐱᒋᐊᖅᑐᓂ 1968. ᐱᔪᒪᓂᖃᒻᒪᕆᓕᓚᐅᖅᑐᖅ ᓄᐊᑦᑎᓂᕐᒥᑦ ᐃᓄᐃᑦ ᓴᓇᐅᒐᖏᓐᓂᑦ 1971-ᒥᑦ, ᐊᒻᒪ ᐱᓕᕆᓪᓗᐊᑕᖃᓕᖅᑐᓂ ᓂᐅᕕᖃᑦᑕᓂᕐᒥᑦ ᓴᓇᔭᐅᓯᒪᔪᓂᑦ ᐆᒪᔪᒥᓂᕐᒦᖔᖅᑐᓂᑦ ᐊᖑᓇᓱᑦᑕᐅᕙᑦᑐᓂᑦ (ᕿᓚᓗᒐᐃᑦ ᓴᐅᓂᖏᑦ, ᐊᐃᕖᑦ ᑑᒑᖏᑦ, ᐊᒻᒪ ᑐᑦᑐᐃᑦ ᓇᔾᔪᖏᑦ). 54 ᓴᓇᔭᐅᓯᒪᔪᑦ ᕗᐃᓐᕌᑉ ᓄᐊᓯᒪᔭᖏᑦ ᓴᓇᔭᐅᓯᒪᔪᑦ ᐆᒪᔪᒥᓂᕐᒦᖔᖅᑐᑦ, ᐊᒻᒪ 36 ᑖᒃᑯᐊᓂᖓ ᕿᓚᓗᒐᐃᑦ ᓴᐅᓂᖏᑦᓐᓂ. ᕗᐃᓐᕌᑉ ᐋᓐᓂᐊᓯᐅᖅᑎᐅᓚᐅᖅᓯᒪᔪᖅ ᐱᔾᔪᑎᒋᔭᖓ ᐱᔪᒪᓂᖃᕐᓂᖓ ᑖᒃᑯᓂᖓ ᐆᒪᔪᒥᓂᕐᒦᖔᖅᑐᓂᑦ. ᑭᓯᐊᓂᓕ, ᐱᔪᒪᓂᕆᓂᖅᓴᖓ ᐱᐅᔫᑎᓅᓚᐅᖅᑐᖅ. ᐱᔪᒪᓂᖃᓗᐊᓚᐅᖅᑐᖅ ᓴᓇᖑᐊᒐᑦᑎᐊᕙᓐᓂᑦ ᓴᓇᔭᐅᓯᒪᔪᑦ ᓇᑦᑎᓕᖕᒥᐅᑦ (ᓇᑦᓯᓕᒃ) ᓴᓇᖑᐊᖅᑏᑦ ᐅᕙᓐᖓᑦ ᑕᓗᕐᔪᐊᖅ, ᐅᖅᓱᖅᑑᖅ, ᐊᒻᒪ ᑰᒑᕐᔪᒃ. ᓴᓇᔭᐅᓯᒪᔪᑦ ᐊᖓᒃᑯᖃᓂᕐᒥᑦ ᐃᓗᓕᓕᓐᓂᑦ ᐱᔪᒪᓂᖁᓗᐊᓪᖑᐊᓚᐅᖅᑐᖅ, ᐱᓗᐊᖅᑐᒥᑦ ᐆᒪᔪᐃᑦ/ᐃᓄᐃᑦ ᐊᓯᔾᔨᖅᑐᓂᑦ. ᓇᓗᓇᐃᖅᓯᓚᐅᖅᑐᖅ ᐅᓴᐅᓚᐅᖏᑦᑐᖅ “ᐱᑕᖃᒐᔪᑦᑐᑦ” ᑭᓯᐊᓂ ᐊᔾᔨᐅᖏᑦᑐᑦ, ᐊᒻᒪᓘᓐᓃᑦ ᖃᓄᐃᓕᖓᕈᓘᔭᖅᑐᒥᑦ ᓴᖏᔪᒥᑦ ᐱᔪᒪᓂᕆᔭᖓᓄᑦ. ᒫᑦᓯᒥ 2008, ᕼᐃᐅᕆ ᕗᐃᓐᕌᑉ ᓄᐊᓯᒪᔭᖏᑦ ᐅᖃᐅᓯᐅᓚᐅᖅᑐᑦ ᕕᓂᐲᒃ ᓴᓇᙳᐊᒐᐃᑦ ᑕᑯᒐᓐᓈᒐᖃᕐᕕᒻᒥ ᑕᑯᔅᓴᐅᑎᑕᐅᔪᓂᑦ ᐊᒻᒪ ᑎᑎᕋᖅᑕᐅᓯᒪᔪᓂᑦ.