ᐅᑎᕐᕕᒋᓗᒍ ᑕᑯᒋᐊᕐᓗᒍ ᓴᓇᙳᐊᒐᖅ
Ashoona, Kiugak

Ashoona, Kiugak

Kinngait

(1933–2014)

Click Here to read more about the artist

Ashoona, Kiugak

(1933–2014)

ᐃᓅᓚᐅᖅᑐᖅ 1933 ᑕᕆᐅᒐᔭᒃ, ᓄᓇᕗᑦ, ᑭᐅᒐᖅ ᐊᓲᓇ ᐱᐊᓂᒃᓯᒪᔪᖅ ᓴᓇᙳᐊᖅᑎ ᐊᒻᒪᓗ ᑎᑎᖅᑐᒐᖅᑎ ᐊᒻᒪᓗ ᐃᓚᒋᔭᐅᓪᓗᓂ ᑭᙵᐃᑦ (ᑮᑉ ᑐᐊᓯᑦ), ᓄᓇᕗᑦ, ᓴᓇᙳᐊᕐᓂᕐᒧᑦ ᓴᖅᑭᑎᑦᑎᓂᕐᒧᑦ ᐱᕙᓪᓕᐊᓂᖅ. ᐊᓲᓇ ᓴᓇᙳᐊᒐᖏᑦ ᐃᓕᑕᕆᔭᐅᓯᒪᔪᑦ ᓴᓇᓂᖓᓄᑦ ᐊᒻᒪᓗ ᑕᑯᔅᓴᐅᓂᖏᑦ ᓴᓇᓯᒪᓂᖏᑦ, ᐃᓚᒋᓗᒍ ᐃᓅᑉ ᖃᓄᐃᙳᐊᕐᓂᖏᑦ, ᐃᓕᑕᕐᓇᕐᓂᖏᑦ, ᓯᒡᒍᖏᑦ ᐊᒻᒪᓗ ᑕᑯᔅᓴᐅᓂᖏᑦ ᐃᔨᖏᑦ. ᓴᓇᙳᐊᒐᖏᑦ ᓴᓇᙳᐊᑦᑎᐊᖅᓯᒪᔪᑦ, ᑕᑯᒥᓇᖅᑎᑦ ᐊᒻᒪᓗ ᖃᐅᒪᓂᖓ, ᑐᖑᔪᖅᑕᓂᑦ ᐅᔭᕋᕐᓂᒃ. ᐃᓚᒌᓐᓂᖏᑦ ᐃᓄᐃᑦ ᐊᒻᒪᓗ ᐊᖓᒃᑯᐃᑦ ᐊᒻᒪᓗ ᓄᓇᒧᑦ ᓴᓇᙳᐊᒐᖏᑦ ᑲᔪᓯᓂᖃᖅᑐᑦ ᓴᓇᙳᐊᕐᓂᕐᒧᑦ, ᑕᑯᔅᓴᐅᓂᖓᒍᑦ ᓴᓇᓂᒪᓂᖏᑦ ᐆᑦᑑᑎᒋᓗᒍ ᓇᑦᑐᕋᓕᒃ (2000) ᐊᒻᒪᓗ ᑎᒻᒥᐊᑉ ᑕᕐᓂᖓ (1960). ᐃᓕᑕᖅᓯᓂᕐᒧᑦ ᐱᒻᒪᕆᐅᓂᖓᓄᑦ ᓴᓇᙳᐊᒐᖏᓐᓄᑦ, ᐊᓲᓇ ᐃᓕᑕᕆᔭᐅᓯᒪᔪᖅ ᐊᐅᓚᑦᑎᔨ ᐃᓕᑕᕆᔭᐅᓂᕐᒧᑦ ᑲᓇᑕᒥ 2000−ᖑᑎᓪᓗᒍ ᐊᒻᒪᓗ ᓂᕈᐊᖅᑕᐅᓪᓗᓂ ᑲᑎᒪᔨᐅᓂᕐᒧᑦ ᐃᓕᑕᓕᕆᔨᒃᑯᑦ ᕈᐃᔪ ᑲᓇᑕᒥ ᐃᓕᓐᓂᐊᕐᕕᒃ ᓴᓇᙳᐊᓂᕐᒧᑦ 2003−ᖑᑎᓪᓗᒍ.

Ashoona, Kiugak

ᓴᓇᙳᐊᖅᑎᑦ ᑭᓇᐅᓂᖏᓐᓄᑦ ᑎᑎᕋᖅᓯᒪᔪᑦ ᑐᓂᔭᐅᓯᒪᔪᑦ ᐊᖏᖅᑕᐅᓯᒪᓪᓗᑎᒃ ᐃᓄᐃᑦ ᓴᓇᙳᐊᖅᑎᓕᕆᔨᒃᑯᑦ ᑐᙵᕝᕕᒃ. ᑕᒪᕐᒥᒃ ᐱᔪᓐᓇᐅᑎᑦ ᒪᓕᒐᖅᑎᒍᑦ.

ᓂᓪᓕᐊᔪᖅ ᓚᐃᔭᓐ

1965
ᐅᔭᕋᒃ (ᓴᓇᙳᐊᒐᒃᓴᖅ ᐅᔭᕋᖅ)
23.9 x 23.5 x 26 cm

Collection of the Winnipeg Art Gallery, Twomey Collection, with appreciation to the Province of Manitoba and Government of Canada
1098.71

  • ᐊᓲᓇ, ᑭᐅᒐᖅ, ᐃᖅᓯᓵᖅᑐᐊᓗᒃ ᓚᐃᔮᓗᒃ ᐆᒪᔪᐊᓗᒃ

    ᐅᖃᐅᑎᖃᒃᑐᖅ (about)

    ᐊᓲᓇ, ᑭᐅᒐᖅ, ᐃᖅᓯᓵᖅᑐᐊᓗᒃ ᓚᐃᔮᓗᒃ ᐆᒪᔪᐊᓗᒃ

    ᐊᓲᓇ, ᑭᐅᒐᖅ, ᐃᖅᓯᓵᖅᑐᐊᓗᒃ ᓚᐃᔮᓗᒃ ᐆᒪᔪᐊᓗᒃ

    ᑭᐅᒐᖅ ᐊᓲᓇ ᐅᓂᒃᑳᓚᐅᖅᓯᒪᔪᖅ ᓴᓇᖑᐊᖅᑕᐅᒐᔪᐃᑦᑐᒻᒪᕆᖕᒥᒃ ᐆᒪᔪᖑᐊᓕᐅᖅᓱᓂ. ᑕᐃᓐᓇ ᐋᑐᕙᓕᐊᓚᐅᖅᓯᒪᓐᓂᕋᒥ ᑕᑯᔭᒐᖃᕐᕕᖕᒥᒃ ᒪᑐᐃᖅᑕᐅᓂᐊᓕᖅᑐᒥᒃ, ᑕᑯᒥᓇᕆᕐᔪᐊᓚᐅᕐᒪᒍ ᓚᐃᔭᓐᖑᐊᕌᓗᒃ ᐆᒪᔪᖑᐊᕋᓗᒃ ᑕᐃᑲᓂ ᑲᓇᑕᐅᑉ ᒪᓕᒐᓕᐅᕐᕕᖓᑕ ᐃᓚᖓᓂᒃ ᐃᒡᓗᖁᑎᒋᔭᐅᔪᒥ ᑕᑯᔭᒃᓴᐅᑎᑕᐅᔪᒥᒃ. ᐃᓱᒪᓕᐅᓚᐅᖅᑐᖅ ᑕᐃᒫᑦᓴᐃᓐᓇᖅᑕᐅᖅ ᓴᓇᖑᐊᕈᓐᓇᕐᓂᕐᒥᓂᒃ ᐊᒻᒪᓗ ᓴᓇᓪᓗᓂᐅᒃ, ᐊᓯᒋᒃᑲᓐᓂᕆᓚᐅᖅᑕᖓᓂᒡᓗ ᓴᓇᒃᑲᓐᓂᓚᐅᖅᓯᒪᓪᓗᓂ. ᑭᐅᒐᖅ ᖃᐅᔨᒪᔭᐅᑦᑎᐊᖅᐳᖅ ᑲᑉᐱᐊᓇᕈᒥᓇᖅᑐᐊᓗᖕᓂᒃ ᐊᖓᒃᑯᖃᖑᐊᖅᑐᓂᒃ ᐆᒪᔪᖑᐊᓕᐅᖅᐸᓚᐅᕐᓂᖓᓂᒃ ᐅᒃᑯᓯᒃᓴᓕᖕᒥ ᓴᓇᓯᒪᔪᓂᒃ ᑕᒪᒃᑯᐊ ᐱᓕᕆᐊᕆᖃᑦᑕᖅᓯᒪᔭᖏᑦ ᓴᖏᔪᐊᓗᖕᓂᒃ ᑲᑉᐱᐊᓇᖅᑐᐊᓘᔮᖃᑦᑕᖅᑐᓂᒃ “ᑑᓐᖓᖑᐊᓕᐊᓗᖕᓂᒃ” ᓴᓇᓯᒪᔪᓂᒃ.


  • ᔨᐅᕆ ᑐᕘᒥ ᓄᐊᓯᒪᔭᖏᑦ ᐃᓄᐃᑦ ᓴᓇᐅᒐᖏᑦ (Twomey)

    ᐅᖃᐅᑎᖃᒃᑐᖅ (about)

    ᔨᐅᕆ ᑐᕘᒥ ᓄᐊᓯᒪᔭᖏᑦ ᐃᓄᐃᑦ ᓴᓇᐅᒐᖏᑦ (Twomey)

    ᔨᐅᕆ ᑐᕘᒥ ᓄᐊᓯᒪᔭᖏᑦ ᐃᓄᐃᑦ ᓴᓇᐅᒐᖏᑦ (Twomey)

    1971-ᒥ, ᐊᖏᔪᒻᒪᕇᑦ ᔨᐅᕆ ᑐᕘᒥ ᓄᐊᓯᒪᔭᖏᑦ 4,000 ᐃᓄᐃᑦ ᓴᓇᖑᐊᒐᖏᑦ ᓂᐅᕕᖅᑕᐅᓚᐅᖅᑐᑦ ᕕᓂᐲᒃ ᓴᓇᙳᐊᒐᐃᑦ ᑕᑯᒐᓐᓈᒐᖃᕐᕕᒧᑦ. ᑐᕘᒥ ᐊᐅᖏᑎᒎᖅᑐᓂ ᓘᑦᑖᖑᓚᐅᖅᑐᖅ ᐊᒻᒪ ᓇᒥᓯᖃᑕᐅᓯᒪᔪᖅ ᕗᐃᓂᒐᐃᒡ T&T Seeds. ᐱᒋᐊᖅᑐᓂ 1952 ᐊᒻᒪ 1950-ᖏᓐᓂ ᐊᒻᒪ 1960-ᖏᓐᓂ, ᓄᐊᑦᑎᓚᐅᖅᑐᖅ ᓴᓇᔭᐅᓯᒪᔪᑦ ᓴᓇᖑᐊᒐᓕᐅᖅᑐᓕᒫᓂᑦ ᐃᓄᐃᑦ ᓄᓇᖏᓐᓂ. ᐱᐅᒋᔭᖃᒻᒪᕆᓚᐅᖅᑐᖅ ᑐᓂᐅᖅᑲᖅᑕᐅᓂᖏᓐᓄᑦ ᓴᓇᖑᐊᕈᓐᓇᑎᐊᖅᑐᓂᑦ ᐃᓚᒌᓐᓂᑦ ᐊᒻᒪ ᑭᖑᕚᕇᖃᑦᑕᐅᑎᔪᓂᑦ ᐊᒻᒪ ᓄᐊᑦᑎᓚᐅᖅᑐᖅ ᐃᒻᒥᑰᖅᑐᓂᑦ ᓴᓇᖑᐊᖅᑎᓂᑦ.
    1969-ᒥ, ᑐᕘᒥ ᓄᖅᑲᕕᓚᐅᖅᑐᖅ ᐱᕈᕈᓐᓇᖅᑐᓂᑦ ᐱᓕᕆᓂᕐᒥᑦ ᐊᒻᒪ ᓅᑦᑐᓂ ᑲᓕᐴᓐᔨᐊᒧᑦ ᐱᕈᖅᓯᐊᓕᐅᖃᑦᑕᖅᑐᓂ. ᐃᓕᔭᐅᓂᖏᑦ ᓄᐊᓯᒪᔭᖏᑦ ᐋᔩᖃᑎᒌᔾᔪᑕᐅᒻᒪᕆᓚᐅᖅᑐᑦ ᐊᒥᓱᒐᒪᓐᓄᑦ ᑕᑯᔭᒐᖃᕐᕕᓐᓄᑦ ᐊᒻᒪ ᓄᐊᑦᑎᖃᑦᑕᖅᑐᓄᑦ. ᔪᐊᔾ ᓱᕕᓐᑕᓐ ᐊᔭᐅᕆᐊᓚᐅᖅᑕᖓ ᐳᕇᒥᐅᖑᓚᐅᖅᑐᖅ ᐃᐊᑦᕗᑦ ᓱᕋᐃᔪ ᓄᐊᑕᐅᓯᒪᔪᓂᑦ ᐱᒻᒪᕆᐅᓂᖓᓄᑦ ᐊᒻᒪ ᐋᒡᒌᓯ 1971 ᓱᕋᐃᔪ ᐊᑎᓕᐅᑦᑕᐅᑎᒋᓚᐅᖅᑕᖓ ᑲᑎᒪᔨᓄᑦ ᑮᓇᐅᓂ ᐱᕈᖅᑎᑦᑎᓗᓂ $185,000, ᐅᕝᕙᓘᓐᓃᑦ ᒪᕐᕉᒃ−ᐱᖓᓱᓂᑦ ᑮᓇᐅᔭᐃᑦ ᐱᑕᖃᕆᐊᖃᖅᑎᑕᐅᔪᑦ ᓂᐅᕕᕐᓗᒋᑦ ᓄᐊᑕᐅᓯᒪᔪᑦ ᕕᓂᐲᒃ ᓴᓇᙳᐊᒐᐃᑦ ᑕᑯᒐᓐᓈᒐᖃᕐᕕᒻᒧᑦ. ᔫᓂ 1972-ᒥ, ᔭᐃᒻᔅ ᕆᑦᓱᑦᓐ, ᑕᐃᔅᓱᒪᓂ ᒐᕙᒪᑐᖃᒃᑯᓐᓄᑦ ᒥᓂᔅᑕ ᓱᓇᒃᑯᑖᖃᖅᑎᑦᑎᓂᕐᒧᑦ ᐊᒻᒪ ᐱᔨᑦᑎᖅᑕᓄᑦ, ᑐᓂᓯᓚᐅᖅᑐᖅ ᓯᒃᑭᒥᑦ ᐊᒥᐊᒃᑯᖓᓂ $75,000 ᑯᕕᐊᓱᒍᑎᖃᖅᑎᓪᓗᒋᑦ ᑕᑯᔭᒐᖃᕐᕕᒻᒥ. ᖁᕕᐊᓱᒍᑎᒋᓗᒋ ᑕᒪᒃᑭ ᒪᑐᐃᖅᑕᐅᓂᖓ ᓄᑖᖅ ᑕᑯᔭᒐᖃᕐᕕᒃ ᐃᓪᓗᖅ ᒥᐊᒨᕆᐅ ᐳᓕᕗᐊᑦ ᐊᒻᒪ ᓂᐅᕕᖅᑕᐅᓂᖏᑦ ᑐᕘᒥ ᓄᐊᓯᒪᔭᖏᑦ, ᒥᑭᔪᒥᑦ ᑕᑯᕋᓐᓈᖅᑕᐅᓂᐊᖅᑐᓂᑦ ᐋᖅᑭᑦᑕᐅᓚᐅᖅᑐᖅ 1972-ᒥ. 2003-ᒥ, ᐊᑕᖐᓂᖃᖅᑐᒥᑦ ᕕᓂᐲᒃ ᓴᓇᙳᐊᒐᐃᑦ ᑕᑯᒐᓐᓈᒐᖃᕐᕕᒃ ᑕᑯᔅᓴᐅᑎᑦᑎᓂᖓ ᐊᒻᒪ ᑎᑎᕋᖅᑕᐅᓂᖏᑦ ᓴᖅᑭᑎᑦᑎᓚᐅᖅᑐᑦ ᐊᔾᔨᒌᓐᖑᐊᖅᑎᒐᔅᓴᐅᖏᑦᑐᑦ ᐱᕙᓪᓕᐊᑎᑕᐅᓂᖏᑦ ᐃᓄᐃᑦ ᓴᓇᐅᒐᖏᑦ 1950-ᖏᓐᓂ ᐊᒻᒪ 1960-ᖏᓐᓂ ᐱᑕᖃᖅᑎᑕᐅᔪᑦ ᑐᕘᒥ ᓄᐊᓯᒪᔭᖏᓐᓂ.


  • ᓂᓪᓕᐊᔪᖅ ᓚᐃᔭᓐ

    ᐊᔾᔨᖑᐊᖅ (photo)

    ᓂᓪᓕᐊᔪᖅ ᓚᐃᔭᓐ

    ᓂᓪᓕᐊᔪᖅ ᓚᐃᔭᓐ