Kiakshuk

ᑭᐊᒃᓱᒃ ᑎᑎᕋᐅᔭᖅᑎᐅᓚᐅᖅᑐᖅ ᑭᓐᖓᓂ, ᓄᓇᕗᑦ, ᐊᒻᒪᓗ ᐃᓚᒋᔭᐅᔪᖅ ᐱᒋᐊᓕᓵᖅᑎᓪᓗᒋᑦ ᑎᑎᕋᐅᔭᖃᑦᑕᖅᑕᕕᓂᖏᑦ ᐊᒻᒪᓗ ᑎᑎᖅᑐᒐᖃᑦᑕᖅᑕᕕᓂᖏᑦ ᐱᓕᕆᑎᑦᑎᔾᔪᑕᐅᔪᓄᑦ ᑭᓐᖓᓂ. ᐊᓯᐊᒍᑦᑕᐅᖅ ᑎᑎᕋᐅᔭᖅᑎᐅᒐᓗᐊᕋᒥ, ᐅᓇᑦᑕᐅᖅ ᖃᐅᔨᒪᔭᐅᑦᑎᐊᓚᐅᖅᑐᖅ ᐊᒻᒪᓗ ᐃᒃᐱᒋᔭᐅᑦᑎᐊᖅᖢᓂ ᐅᓂᒃᑳᖅᑐᐊᖃᑦᑕᕐᓂᖓ ᐊᒻᒪᓗ ᐃᓐᓇᑐᖃᐅᓪᓗᓂ. ᐃᕐᓂᖓ ᓗᒃᑕ ᕿᐊᑦᓱᒃ ᑎᑎᖅᑐᒐᖅᑎ ᐊᒻᒪᓗ ᓴᓇᖑᐊᖅᑎ ᑐᑭᓕᐅᕆᖃᑦᑕᖅᑐᖅ ᐊᑖᑕᖓᑕ ᑎᑎᖅᑐᒐᖅᓯᒪᔭᖏᓐᓂᒃ ᐅᒃᑯᓯᒃᓴᓕᖕᒧᑦ ᐊᒻᒪᓗ ᑎᑎᖅᑐᒐᖅᑕᐅᓂᐊᕐᓗᓂ. ᑭᐊᒃᓱᒃ ᒪᕐᕉᖕᓂᒃ ᐸᓂᖃᖅᑐᖅ, ᐃᓱᖃᓐᖏᑦᑐᖅ ᐳᑐᒍᖅ ᐊᒻᒪᓗ ᐸᐅᓂᑦᓯᐊ ᖃᐅᔨᒪᔭᐅᔪᑦᑕᐅᖅ ᑎᑎᖅᑐᒐᖃᑦᑕᖅᑕᖏᓐᓄᑦ. ᑭᐊᒃᓱᒃ ᐃᓚᒋᔭᐅᔪᖅ ᓯᕗᓪᓕᖅᐹᖅ ᑭᓐᖓᐃᑦ, ᓄᓇᕗᑦ ᐃᓚᐅᓪᓗᓂ ᑎᑎᕋᐅᔭᖅᑐᓂ ᐊᒻᒪᓗ ᑎᑎᖅᑐᒐᖅᑕᐅᓂᐊᖅᑐᓂᒃ ᑕᐃᑲᓂ ᐊᒻᒪᓗ ᐊᕙᑖᓂ 1960 ᐊᒻᒪᓗ ᐊᓂᒍᐃᓪᓗᓂ 1966, ᓴᕿᑦᑎᓯᒪᔪᖅ ᖃᓂᒋᔮᓂ 650 ᑎᑎᕋᐅᔭᖅᓯᒪᔪᑦ ᐊᒻᒪᓗ 52 ᑎᑎᖅᑐᒐᖅᓯᒪᔪᑦ. ᑭᐊᒃᓱᒃ 70-ᖏᓐᓂ ᐅᑭᐅᖃᓚᐅᖅᑐᖅ ᐊᒻᒪᓗ ᐃᓐᓇᑐᖃᐅᓕᖅᖢᓂ ᑎᑎᖅᑐᒐᖃᑦᑕᓕᓚᐅᖅᑐᖅ ᐊᒻᒪᓗ ᐱᒻᒪᕆᐅᓪᓗᓂ ᐃᓚᐅᓂᖓ ᐱᕙᓪᓕᐊᑎᑕᐅᑎᓪᓗᒍ ᑭᓐᖓᐃᑦ ᑎᑎᖅᑐᒐᕐᕕᖓ ᑎᑎᕋᐅᔭᖅᑎᑦᑎᖃᑦᑕᓕᖅᑎᓪᓗᒋᑦ. ᑎᑎᖅᑐᒐᖅᑎᐅᒐᒥ, ᐊᑐᕈᒪᓲᖅ ᓴᓇᓗᒍ ᐃᑎᖅᓯᑎᑉᐸᓪᓕᐊᓗᒋᑦ ᓄᓇᒥᐅᑕᓂᒃ ᐱᕙᓕᐊᖑᔭᖅᖢᑎᒃ. ᑭᐊᒃᓱᒃ ᖃᐅᔨᓴᒪᔭᐅᑦᑎᐊᖅᑐᖅ ᐅᓂᒃᑳᖅᑐᐊᓲᖅ ᐊᒻᒪᓗ ᐃᒃᐱᒋᔭᐅᑦᓯᐊᖅᑐᖅ ᑐᑭᓯᓇᖅᓯᑎᑦᑎᓲᖑᓂᖓᓂᒃ ᐅᓂᒃᑳᖅᑐᐊᑎᒍᑦ ᐊᒻᒪᓗ ᐅᓂᒃᑳᓲᖅ ᐊᖑᓇᓱᖕᓂᕐᒥᒃ ᐊᓯᕙᖅᓯᒪᓂᕐᒥᒃ, ᓂᕐᔪᑎᓂᒃ, ᐃᓚᒌᓂᒃ ᐊᒻᒪᓗ ᑕᕐᓂᖑᐊᓂᒃ ᑎᑎᖅᑐᒐᖅᓯᒪᓕᕐᓂᐊᖅᑐᓂᒃ. ᓴᓇᖑᐊᖅᑎᐅᓪᓗᓂ ᓴᕿᑎᑦᑎᖃᑦᑕᓚᐅᖅᑐᖅ ᓱᓕᔪᓂᒃ ᐊᑐᖅᓯᒪᔭᒥᓂᒃ ᓴᓇᖑᖅᑕᒥᒍᑦ, ᐅᑯᐊᓗ ᐱᔭᖏᑦ ᓇᖕᒥᓂᖅ ᐊᑐᖅᓯᒪᔭᓂ ᐅᕝᕙᓘᓐᓃᑦ ᑖᒃᑯᐊ ᐃᒻᒥᓄᑦ ᐅᖃᐅᓯᐅᓯᒪᔪᑦ. ᑖᓐᓇ ᑎᑎᖅᑐᒐᖅᓯᒪᔪᖅ Strange Scene (ᐊᔾᔨᐅᓐᖏᑦᑐᑦ) (1964) ᑕᑯᑎᑦᑎᔪᖅ ᐱᖓᓱᑦ ᐃᓄᖑᐊᑦ ᑕᖃᐃᖅᓯᖅᑐᑦ ᐃᖏᕐᕋᒐᒥᒃ ᐊᕙᑖᓂᑦ ᓄᓇᓖᑦ; ᐊᑕᐅᓯᖅ ᐃᓄᒃ ᑲᒥᓪᓚᕋᓱᒃᑐᖅ, ᐊᓯᐊᓗ ᐅᑎᓵᖅᑐᖅ ᐊᓯᕙᖅᓯᒪᓚᐅᖅᖢᓂ ᐊᒻᒪᓗ ᑐᓂᐊᓃᑦᑐᑦ ᓂᕐᔪᑎᑦ ᓂᕆᔪᑦ ᓇᑦᑎᕐᒥᒃ. ᑕᐃᒪᓐᓇᐅᒐᓗᐊᖅᑎᓪᓗᖑ, ᑕᐃᒪᓗ ᑭᓱᒥᒃ ᑭᒃᑭᑎᓯᒪᖂᔨᔫᒐᓗᐊᖅ, ᑕᐃᒪᓗ ᐃᓄᐃᑦ ᑕᐅᑐᒃᖢᓂᔾᔪᒃ ᑕᐅᑐᒃᒧᒧᑦ ᑕᑯᓐᓇᖂᔨᓕᓲᑦ ᐊᒻᒪᓗ ᑮᓇᕐᓕᕿᓲᑦ ᑕᑯᔪᑦ. ᖃᓄᑐᐃᓐᓇᖅ ᑕᐃᒪᐃᑎᑦᑎᔪᑦ, ᐋᕿᒃᓯᒪᓂᖓ ᑕᐃᒪᓐᓇᑦᑕᐃᓐᓇᖅ ᑕᑯᔪᖅ, ᐊᒻᒪᓗ ᐃᓚᖓᒍᑦ ᖁᒡᓗᒃᑎᑦᑎᔪᓐᓇᖅᑐᖅ ᑕᑯᓐᓇᖅᑐᒧᑦ ᑎᑎᖅᑐᒐᖅᓯᒪᔪᒥᒃ. ᑭᐊᒃᓱᒃ ᓴᓇᖑᐊᖅᑕᖏᑦ ᐱᓯᒪᔭᐅᖏᓐᓇᖅᑐᑦ ᑭᓐᖓᐃᑦ ᑎᑎᖅᑐᒐᕐᕕᖓᓂ ᐊᕐᕌᒍᑕᒫᑦ ᑎᑎᖅᑐᒐᑦᑕᐅᓯᒪᔪᑦ ᓄᐊᑕᐅᖃᑦᑕᖅᑐᑦ 1960-ᒥᑦ 1967-ᒧᑦ. ᓴᕿᓯᒪᔪᖅ 1958 ᑲᓇᑕ ᑕᕐᕆᔭᐅᓯᐅᖅᑎᖏᓐᓂ ᐊᑎᖃᖅᑐᖅ The Living Stone (ᐃᓅᕗᖅ ᐅᒃᑯᓯᒃᓴᓕᒃ) ᑕᐃᑲᓂ ᐅᓂᒃᑳᖅᑐᐊᖅᑐᖅ ᐊᒻᒪᓗ ᐊᔮᔭᖅᑐᖅ ᓴᕿᔮᖅᑎᑕᐅᓪᓗᓂ. ᑕᐃᑲᓂ 1973 ᐃᒻᒥᓂᒃ ᐊᒻᒪᓗ ᐃᓄᒃᑕᐅᖅ ᓴᓇᖑᐊᖅᑎ ᐸᓪᓗᖅ ᑎᑎᕋᐅᔭᖅᓯᒪᔪᖅ Eskimo Songs and Stories (ᐃᔅᑭᒨ ᐃᖏᐅᓯᖏᑦ ᐊᒻᒪᓗ ᐅᓂᒃᑳᖏᑦ), ᐅᖃᓕᒫᒐᖅ ᐃᓄᐃᑦ ᐃᖏᐅᓯᑐᖃᖏᑦ ᐊᒻᒪᓗ ᐅᓂᒃᑳᖏᑦ ᓄᐊᓯᒪᔭᖏᑦ ᓇᑦ ᐅᓚᓯᒪᓯᓐ (1879-1938) ᐅᑭᐅᖅᑕᖅᑐᒥᐅᑕᐅᓱᖓᖅᖢᓂ. ᑭᐊᒃᓱᒃ ᓴᓇᔭᖏᑦ ᓴᕿᔮᖅᑎᑕᐅᓯᒪᔪᑦ ᓯᓚᕐᔪᐊᒥ ᐊᒻᒪᓗ ᓴᓇᔭᖏᑦ ᐃᓚᒋᔭᐅᕗᑦ ᓄᐊᑕᐅᓯᒪᔪᑦ ᓇᒥᑐᐃᓐᓇᖅ ᓄᐊᑦ ᐊᒥᐊᓕᒐ ᑎᒥᖁᑎᒋᔭᐅᔪᓂ ᓲᕐᓗ ᑲᓇᑕ ᑕᑯᔭᒐᖃᕐᕕᒃ ᐃᑦᑕᕐᓂᑕᓂᒃ ᑳᑦᑎᓄ, ᑯᐸᐃᒃ, ᓴᓇᖑᐊᖅᓯᒪᔪᓂᒃ ᑕᑯᔭᒐᖃᕐᕕᒃ ᐋᓐᑎᐅᕆᐅ ᑐᓛᓐᑐᒥ, ᐋᓐᑎᐅᕆᐅ, ᐳᓕᔅ ᒍᐃᔪᔅ ᐃᑦᑕᕐᓂᑕᖃᕐᕕᒃ ᔭᓗᓇᐃᕝᒥ, ᓄᓇᑦᓯᐊᖅ, ᒥᑐᐹᓕᑕᓐ ᑕᑯᔭᒐᖃᕐᕕᖓ ᓴᓇᖑᐊᖅᓯᒪᔪᓂᒃ, ᓅ ᔮᒃ ᓅ ᔮᒃ, ᔪᓇᐃᑎᑦ ᓯᑕᐃᑦᔅ, ᐊᒻᒪᓗ ᐊᒥᓱᑦ ᐊᓯᖏᓐᓂᑦ.