Ipeelee, Osuitok

(1923–2005)

ᐅᓱᐃᑦᑐᖅ ᐊᐃᐱᓖ ᓴᓇᙳᐊᖅᑎ ᓃᐅᓖᐅᑕᓕᒃ ᑕᒻᒫᕐᕕᐊᓂᑦ. ᓯᕗᓪᓕᖅᐹᒥᒃ ᓴᓇᙳᐊᖅᓯᒪᔪᖅ ᑕᐅᑐᓪᓗᒍ ᐊᑖᑕᖓ ᐅᕼᐅᑐᒃ ᐊᒻᒪᓗ ᐃᓕᓐᓂᐊᕋᓱᐊᖅᑐᓂ ᒪᒃᑯᒃᑎᓪᓗᒍ ᕿᔪᖕᓂᒃ ᓴᓇᙳᐊᖅᑐᓂ ᐊᒻᒪᓗ ᓱᓇᐃᑦ ᓇᓂᔭᖓᓂᑦ. ᐅᕙᑦᑎᐊᕈᙳᖅᑎᓪᓗᒍ ᑭᖓᓄᑦ ᓅᓚᐅᖅᑐᖅ (ᑮᑉ ᑐᐊᓯᑦ), ᓄᓇᕗᑦ, ᐊᐃᐱᓖ ᐊᔪᙱᓕᓚᐅᖅᑐᖅ ᑎᑎᖅᑐᒐᖅᑐᓂ ᐊᒻᒪᓗ ᓴᓇᙳᐊᕐᓂᕐᒧᑦ ᐃᓕᓐᓂᐊᕐᓂᕐᒧᑦ ᓄᓇᓕᒥ, ᑎᑎᖅᑐᒐᖅᑐᓂ ᐅᑭᐅᖅᑕᖅᑑᑉ ᐆᒪᔪᖏᓐᓂᑦ ᐊᒻᒪᓗ ᐃᓄᐃᑦ ᐃᓕᖅᑯᓯᖏᑎᒍᑦ ᐱᙳᐊᖅᑐᓂᒃ. ᑐᒃᑐᐃᑦ ᐱᓗᐊᖅᓂᖅᓴᐅᓲᖑᔭᖏᑦ, ᓴᓇᙳᐊᖅᑐᒋᑦ ᑐᒃᑐᐃᑦ ᑎᒥᖏᑦ ᐅᔭᖅᑲᓂᑦ ᐊᒻᒪᓗ ᓇᒡᔪᓂᑦ, ᐆᑦᑑᑎᒋᓗᒍ ᓇᖏᖅᑐᖅ ᑐᒃᑐ (1985). 1955−ᖑᑎᓪᓗᒍ, ᐱᖃᑎᒋᓪᓗᒍ ᐱᑕ ᐱᑦᓯᐅᓛᖅ, ᐊᐃᐱᓖ ᐊᐅᓚᑦᑎᓚᐅᖅᑐᖅ ᓴᓇᙳᐊᖅᑎᓂᒃ ᓴᓇᙳᐊᕐᓂᐊᕐᓗᑎᒃ ᐊᓇᐅᑕᒥᒃ ᑲᑎᒪᔨᓄᑦ ᓄᓇᑦᑎᐊᒥ. 1959−ᖑᑎᓪᓗᒍ, ᐊᑭᓕᖅᑕᐅᓚᐅᖅᑐᖅ ᓴᓇᙳᐊᕐᓂᐊᕐᓗᓂ ᑯᐃᓐ ᐃᓕᓴᐱ II, ᑐᓂᔭᐅᓪᓗᓂ ᑯᐃᓐᒧᑦ ᐅᐸᖕᓂᐊᖅᑎᓪᓗᒍ ᑲᓇᑕᒧᑦ ᐅᑭᐅᖑᓂᐊᖅᑐᒥ.

ᓴᓇᙳᐊᖅᑎᑦ ᑭᓇᐅᓂᖏᓐᓄᑦ ᑎᑎᕋᖅᓯᒪᔪᑦ ᑐᓂᔭᐅᓯᒪᔪᑦ ᐊᖏᖅᑕᐅᓯᒪᓪᓗᑎᒃ ᐃᓄᐃᑦ ᓴᓇᙳᐊᖅᑎᓕᕆᔨᒃᑯᑦ ᑐᙵᕝᕕᒃ. ᑕᒪᕐᒥᒃ ᐱᔪᓐᓇᐅᑎᑦ ᒪᓕᒐᖅᑎᒍᑦ.

ᓇᖏᖅᑐᖅ ᑐᒃᑐ

1985

ᐅᔭᕋᒃ (ᓴᓇᙳᐊᒐᒃᓴᖅ ᐅᔭᕋᖅ)

28.6 x 26.7 x 7.6 cm

Collection of the Winnipeg Art Gallery, Gift of Bob and Marlene Stafford

2012-81

ᐅᖃᐅᑎᖃᒃᑐᖅ (about)

ᐊᐃᐱᓕ, ᐅᓱᐃᑦᑐᖅ, ᓂᑯᕕᖓᔪᖅ ᑐᒃᑐ

ᐊᐃᐱᓕ, ᐅᓱᐃᑦᑐᖅ, ᓂᑯᕕᖓᔪᖅ ᑐᒃᑐ

ᐃᓕᑕᕆᔭᐅᓂᖅᐹᖑᖃᑕᐅᔪᖅ ᑕᒪᐃᓐᓂ ᐃᓄᓐᓂ ᓴᓇᖑᐊᐸᒃᑐᓐ, ᐅᓱᐃᑦᑐᖅ ᐊᐃᐱᓕ ᐃᓕᑦᑎᓚᐅᖅᑐᖅ ᓴᓇᖑᐊᒐᓕᐅᓂᕐᒥᒃ ᐅᑭᐅᖃᓕᕋᒥ 13−ᓂᒃ, ᑕᐅᑐᕋᓈᖃᑦᑕᖅᓱᓂ ᐊᑖᑕᒥᓂᒃ ᓴᓇᖑᐊᖅᑎᓪᓗᒍ. ᐅᓱᐃᑦᑐᖅ ᐃᓚᒋᔭᐅᓚᐅᖅᖅᑐ ᑕᐃᔅᓱᒪᓂ ᓴᓇᖑᐊᖃᑕᓕᓵᖅᑐᓂ ᐅᔭᕋᒻᒥᒃ ᐊᐅᓪᓚᖅᑎᑕᐅᓂᐊᖅᑐᓂᒃ ᐊᕐᕋᒍᐃᑦ 1950−ᖏᓐᓂ ᐊᕐᕋᒍᐃᑦ ᐱᒋᐊᓕᓵᕐᓂᖏᓐᓂ, ᐃᓚᒋᔭᐅᓪᓚᕆᓚᐅᖅᓱᓂ ᐱᒋᐊᓕᓵᕐᓂᖏᓐᓂ ᑎᑎᖅᑐᒐᓕᐅᖃᑕᓯᒋᐊᕋᒥᒃ ᑭᓐᖓᕐᓂ. ᐅᓱᐃᑦᑑᑉ ᓴᓇᐅᒐᖏᑦ ᖃᐅᔨᒪᔭᐅᔪᖅ ᑭᒡᓕᓕᐅᖅᓯᒪᑦᑎᐊᖅᑐᐊᓘᕙᓐᓂᖏᓐᓄᑦ ᐊᒻᒪᓗ ᓴᓇᔭᖏᑦ ᑐᖓᕕᖃᓲᖑᓪᓗᑎᒃ ᓇᓕᒧᒌᑦᑎᐊᖅᑐᓂᒃ ᒥᑭᔫᒐᓗᐊᓂᒃ ᑐᖓᕕᓕᓐᓂᒃ. ᓴᓇᕙᓚᐅᖅᑐᖅ ᑖᓐᓇ ᐱᓪᓚᕆᐅᔮᖅᑐᓂᒃ ᐆᒪᔪᖑᐊᓂᒃ ᐊᒻᒪᓗ ᐊᕐᓇᖑᓂᒃ ᐊᒻᒪᓗ ᖃᓄᖅ ᐃᒃᐱᓂᐊᓂᖏᑦ ᑐᑭᓯᓇᖅᐸᓚᐅᖅᑐᑦ. ᐱᐅᔪᐊᓗᐃᑦ ᓴᓇᕙᑦᑕᖏᑦ, ᐃᔾᔪᐊᖅᑕᐅᒐᔪᑲᓗᐊᖅᓱᑎᒃ, ᐊᔾᔨᒋᔭᐅᔪᓐᓇᑦᑎᐊᖏᑦᑐᑦ.