Manumie, Tukiki
Kinngait (Cape Dorset)
(1952–2017)
Manumie, Tukiki
(1952–2017)
ᑐᑭᕿ ᒪᓄᒥ ᐅᓇ ᓴᓇᖑᐊᖅᑎ ᑭᓐᖓᓂᑦ, ᓄᓇᕗᑦ ᓴᓇᓲᑦ ᓴᓇᖑᐊᖅᖢᒥ, ᑎᑎᕋᐅᔭᖅᖢᓂ, ᑎᑎᖅᑐᒐᑦᑕᐅᓪᓗᑎᒃ ᐊᒻᒪᓗ ᒥᑭᓕᕋᓕᐅᖅᖢᓂ ᐅᔭᒥᓕᐅᖅᖢᓂ. ᑖᒃᑯᓇᖔᕋᒥ ᐃᓚᒌᑦ ᐊᒥᓱᑦ ᓴᓇᖑᐊᖅᑎᑦ, ᒪᓄᒥ ᖃᐅᔨᓴᖅᖢᓂ ᑎᑎᕋᐅᔭᖃᑦᑕᓚᐅᖅᑐᖅ ᐊᒻᒪᓗ ᐱᐅᔪᓂᒃ ᓴᓇᖃᑦᑕᖅᖢᓂ, ᐆᒃᑑᑎᖃᑦᑎᐊᖅᖢᓂ ᑎᑎᕋᐅᔭᖅᑕᖏᑦ ᑕᐃᒪ ᖃᐅᔨᒪᔭᐅᕗᖅ ᕿᓂᖅᑐᖅ ᓴᓇᖑᐊᒐᒃᓴᓂᒃ ᓴᓇᓲᖅ. ᒪᓄᒥ ᐊᔾᔨᐅᓐᖏᑦᑐᓂᒃ, ᓴᖑᖓᐅᖅᑎᓪᖢᒋᑦ ᓴᓇᖑᐊᖃᑦᑕᓚᐅᖅᑐᖅ ᑎᖕᒥᐊᖑᐊᓂᒃ, ᐃᖃᓗᖑᐊᓂᒃ ᐊᒻᒪᓗ ᑭᓱᕈᖑᐊᓯᔪᓂᒃ ᑖᒃᑯᐊ ᐃᓱᒪᓕᕈᑎᖏᑦ ᑭᓱᐊᖑᓕᐊᕆᖃᑦ. ᐊᔪᖏᑦᑎᐊᓚᐅᖅᑐᖅ ᓴᓇᓯᒪᓂᖏᑦ ᐊᒻᒪᓗ ᓴᖑᑎᖃᑦᑕᖅᖢᒋᑦ ᐃᓱᖏᑦ ᐊᔾᔨᒋᔭᐅᓚᐅᓐᖏᑦᑐᖅ ᐊᓯᖏᓐᓂᒃ ᓴᓇᖑᐊᕈᓯᑐᖃᕐᓂᑦ ᐊᒻᒪᓗ ᓇᖕᒥᓂᖅ ᓴᓇᖃᑦᑕᕋᒥᒋᑦ, ᐅᑯᐊ ᐃᓛᓐᓂᒃᑯᑦ ᑭᒡᓕᓕᐅᖅᓯᒪᕙᒃᖢᒋᑦ, ᐃᕐᖏᓐᓇᖅ ᑖᔅᓱᒧᖓ ᓴᓇᔭᐅᓂᖏᓐᓂᒃ ᓇᓗᓇᖏᑦᑐᑦ. ᒪᓄᒥ ᓴᓇᔭᖓ Transformation (ᑭᓱᖑᐊᕈᓕᖅᑐᖅ) (ᐅᓪᓗᖃᓐᖏᑦᑐᖅ) ᓴᓇᖑᐊᖅᑕᖓ ᐊᔾᔨᐸᓗᐊ ᑎᖕᒥᐊᖑᐊᖅ ᖃᖓᑦᑕᕋᓱᖑᐊᖅᑐᖅ. ᒪᓄᒥ ᑕᑯᑎᓯᒪᔭᖏᑦ ᑕᑯᔪᒪᔪᑦ ᖃᓄᐃᓕᖓᓂᖓ ᐊᕕᒃᓯᒪᓪᓗᑎᒃ ᒪᕐᕉᒃ ᓯᓚᕐᔪᐊᒃ, ᑭᓱᒍᖅᐸᓪᓕᐊᔪᑦ ᑕᕐᓂᑦ. ᒪᓄᒥᐅᑉ ᓴᓇᔭᖏᑦ ᐊᑎᖃᖅᑐᑦ “ᐊᖏᔪᒥᒃ ᐃᑲᔫᑎᔪᑦ ᐃᓄᐃᑦ ᑲᔾᔮᕆᔭᖏᓐᓂᒃ” ᐊᒻᒪᓗ ᓇᖕᒥᓂ ᓴᓇᔾᔪᓯᓂ ᐋᕿᑦᑎᐊᖅᑐᖅ ᐱᐅᓯᑐᖃᒥᓂᒃ ᐊᒻᒪᓗ ᓄᑖᒥ ᐃᓅᓯᕆᔭᐅᓕᖅᑐᓂ ᐱᓕᕆᐊᕆᓪᓗᒋᑦ ᐃᓄᐃᑦ ᐱᓕᕆᔾᔪᓯᖏᑦ, ᑕᕐᓂᖏᑦ ᐊᒻᒪᓗ ᖃᐅᑕᒫᑦ ᐃᓅᓯᖏᑦ. ᒪᓄᒥᐅᑉ ᓴᓇᔭᖏᑦ ᓴᕿᔮᖅᑎᑕᐅᖃᑦᑕᖅᓯᒪᔪᑦ ᑕᒪᐃᓐᓂ ᑲᓇᑕᒥ, ᔪᓇᐃᑎᑦ ᓯᑕᐃᑦᔅ ᐊᒻᒪᓗ ᔫᓚᑉ ᐊᒻᒪᓗ ᐃᓚᓕᐅᑎᔭᐅᓯᒪᔪᖅ ᐊᒥᓱ ᖃᐅᔨᒪᔭᐅᑦᑎᐊᖅᑐᓂ ᑕᑯᔭᒐᖃᕐᕕᖕᓂ ᐊᒻᒪᓗ ᑭᒃᑯᑐᐃᓐᓇᐃᑦ ᓄᐊᑦᑎᓯᒪᕕᒋᔭᖏᓐᓂ ᑕᒪᐃᓐᓂ ᑲᓇᑕᒥ ᐊᒻᒪᓗ ᓯᓚᕐᔪᐊᒥ ᐅᑯᐊ ᐃᓚᒋᔭᐅᓪᓗᑎᒃ ᑲᓇᑕ ᑕᑯᔭᒐᖃᕐᕕᖓᓂ, ᐋᑐᕚᒥ, ᐋᓐᑎᐅᕆᐅ ᐊᒻᒪᓗ ᕕᓂᐲᒃ ᓴᓇᖑᐊᖅᓯᒪᔪᓂ ᑕᑯᔭᒐᖃᕐᕕᒃ ᕕᓂᐲᒃ, ᒫᓂᑑᐸ ᐊᒻᒪᓗ ᓴᓇᖑᐊᖅᓯᒪᔪᓂᒃ ᑕᑯᔭᒐᖃᕐᕕᒃ ᐋᓐᑎᐅᕆᐅ, ᑐᓛᓐᑐ ᐋᓐᑎᐅᕆᐅ.
ᓴᓇᙳᐊᖅᑎᑦ ᑭᓇᐅᓂᖏᓐᓄᑦ ᑎᑎᕋᖅᓯᒪᔪᑦ ᑐᓂᔭᐅᓯᒪᔪᑦ ᐊᖏᖅᑕᐅᓯᒪᓪᓗᑎᒃ ᐃᓄᐃᑦ ᓴᓇᙳᐊᖅᑎᓕᕆᔨᒃᑯᑦ ᑐᙵᕝᕕᒃ. ᑕᒪᕐᒥᒃ ᐱᔪᓐᓇᐅᑎᑦ ᒪᓕᒐᖅᑎᒍᑦ.