Kinngait
(1931–2002)
(1931–2002)
ᖃᐅᔨᒪᔭᐅᑦᑎᐊᖅᑐᖅ ᐱᒻᒪᕆᐅᔪᒃᑯᑦ ᑐᓂᕐᕈᓯᐊᖓᓄᑦ ᑎᑎᖅᑐᒐᖅᑎ ᐊᒥᓱᓄᑦ ᐅᑭᐅᑕᒫᑦ ᑭᙵᐃᑦ ᑎᑎᖅᑐᒐᐃᖅ ᑲᑎᖅᓱᖅᑕᐅᓯᒪᔪᓄᑦ, ᓴᓇᙳᐊᖅᑎ ᐃᒡᕗᑦᓗᒃ ᐳᑐᒍᖅ ᐱᐊᓂᑦᑎᐊᖅᓯᒪᖃᑕᐅᔪᖅ ᓴᓇᙳᐊᖅᑎ ᓴᖅᑭᑎᑦᑎᓪᓗᓂ ᖃᓄᐃᓪᓚᕆᒃᑐᓂᒃ ᐊᒻᒪᓗ ᐱᓪᓚᕆᐅᕗᓂᒃ ᓴᓇᙳᐊᖅᓯᒪᑦᑎᐊᖅᑐᑦ ᑐᑭᖃᑦᑎᐊᖅᑐᑎᒃ ᐱᐅᔫᑎᑦ, ᖃᐅᔨᒪᔾᔪᑎᖃᕐᓂᖅ ᐱᐅᓈᕐᓂᕐᒧᑦ ᐊᑲᐅᓈᕐᓂᕐᒧᑦ ᑎᑎᖅᑐᒐᐅᑎᓪᓗᒍ. ᐳᑐᒍᖅ ᓴᓇᙳᐊᖅᐸᓪᓕᐊᓚᐅᖅᑐᖅ ᓂᐅᕕᐊᔅᓴᕆᓪᓗᒋᑦ ᒥᑭᔪᓂᒃ ᓴᓇᙳᐊᒐᓂᒃ ᐅᑭᐅᔪᓄᑦ ᓂᐅᕕᕐᕕᐅᑉ ᐅᒥᐊᕐᔪᐊᖅ RMS Nascopie. 1960−ᖑᑎᓪᓗᒍ, ᓅᓚᐅᖅᑐᖅ ᐃᓚᖏᓪᓗ ᑕᒻᒫᕐᕕᒋᔭᖅ ᖃᓂᐊᓂ ᑭᙵᐃᑦ ᓄᓇᕗᒻᒥ, ᑎᓕᔭᐅᓯᒪᓂᒃᑯᑦ ᐊᓂᖓᓂᑦ ᑲᓇᖏᓇᖅ ᐳᑐᒍᖅ ᐃᖅᑲᓇᐃᔭᖁᔭᐅᓪᓗᓂ ᑎᑎᖅᑐᒐᕐᕕᒃ ᓴᓇᙳᐊᕐᕕᖓᓂ ᓄᑖᖅ ᓴᖅᑭᑎᑕᐅᓯᒪᔪᖅ ᐅᐊᓐᓇᖅ ᕿᑭᖅᑕᖅ ᐃᓄᐃᑦ ᑯᐊᐸᒃᑯᓐᓂ. ᐳᑐᒍᖅ ᑎᓴᒪᒋᔭᐅᔪᖅ ᐅᔭᕋᓄᑦ ᑎᑎᖅᑐᒐᐃᑦ ᒥᙳᐊᑦᑎ ᓴᓇᕝᕕᒻᒥ ᐃᓕᓐᓂᐊᖅᑐᓂ ᑎᑎᖅᑐᒐᕐᓂᕐᒧᑦ ᐊᑐᖅᑕᐅᔪᓂᒃ ᔭᐸᓃᔅ ᐃᓕᓴᐃᔨᒻᒪᕆᐊᓂᑦ ᓴᓇᙳᐊᖅᑎ ᐅ’ᓐᐃᑦᓯ ᕼᐃᕌᑦᓱᑲ 1958-ᖑᑎᓪᓗᒍ. ᐊᑯᓂᐅᔪᒃᑯᑦ ᓴᓇᙳᐊᖅᑎᓪᓗᒍ, ᐳᑐᒍᖅ ᓴᓇᙳᐊᖅᓯᒪᔪᖅ 170 ᑎᑎᖅᑐᒐᖅᓯᒪᔪᓂᒃ ᐊᒻᒪᓗ ᑐᓂᕐᕈᓯᐊᖅᓯᒪᓪᓗᓂ 21-ᒋᔭᖓᓂᑦ ᐅᑭᐅᑕᒫᑦ ᑭᙵᐃᑦ ᑎᑎᖅᑐᒐᐃᑦ ᑲᑎᖅᓱᖅᑕᐅᓯᒪᔪᓄᑦ. ᓴᓇᙳᐊᖅᓯᒪᔭᖏᑦ ᑲᑎᖅᓱᖅᑕᐅᓯᒪᔪᑦ ᐱᒻᒪᕆᐅᔪᑦ ᑕᑯᒐᓐᓈᒐᖃᕐᕕᓐᓂ ᓯᓚᕐᔪᐊᒥ, ᐃᓚᒋᓗᒋᑦ, ᓴᓇᙳᐊᒐᐃᑦ ᑕᑯᒐᓐᓈᒐᖃᕐᕕᒃ ᐋᓐᑎᐅᕆᔫ, ᑐᕌᓐᑐᒥ, ᑲᓇᑕᒥ ᑕᑯᒐᓐᓈᒐᖃᕐᕕᒃ ᐃᑦᑕᕐᓂᑕᐃᑦ ᒐᑎᓅ, ᑯᐱᒃ, ᑲᓇᑕᒥ ᑕᑯᒐᓐᓈᒐᖃᕐᕕᒃ ᐋᑐᕙ, ᐋᓐᑎᐅᕆᔫ, ᑏᑦ ᑕᑯᒐᓐᓈᒐᖃᕐᕕᒃ ᓚᓐᑕᓐ, ᔪᓇᐃᑎᑦ ᑭᖕᑕᒻ, ᐊᒻᒪᓗ ᕕᓂᐲᒃ ᓴᓇᙳᐊᒐᐃᑦ ᑕᑯᒐᓐᓈᒐᖃᕐᕕᒃ ᒫᓂᑐᐸᒥ.
ᐅᖃᐅᑎᖃᒃᑐᖅ (about)
ᐄᔨᕙᑦᓗᒃ ᐴᑑᒎᒃ ᖃᐅᔨᒪᔭᐅᒻᒪᑦ ᐃᓱᒪᓪᓗᐊᓱᖑᓂᖓᓄᑦ ᐊᖏᓂᖅᓴᓂᒃ ᓴᓇᙳᐊᖅᐸᒃᑕᖏᓐᓂ. ᓴᓇᓪᓗᐋᑕᓱᖑᒪᑦ ᐆᒪᔪᖑᐋᓕᐅᕐᓗᓂ ᐊᒻᒪᓗ ᓂᕐᔪᑎᖑᐊᓂᒃ ᑕᐅᑦᑐᖃᑎᓪᓗᐊᖃᑎᓕᐅᓂᖓᓂᒃ. ᓴᓇᓕᕌᖓᒥ ᐊᓂᕐᓂᐅᔪᓂᒃ ᓂᕆᐅᓇᖏᑦᑑᖏᓚᖅ ᓂᕈᐊᖅᐸᒻᒪᑦ ᓴᓇᔭᒥᓂᒃ ᐊᔾᔨᖃᓕᖅᑎᓪᓗᓂᒋᑦ ᐆᒪᔪᓂᒃ ᑕᑯᔭᐅᓲᓂᒃ ᐅᑭᐅᖅᑕᖅᑐᕐᒥ. ᐆᒪᔪᐃᑦ ᐴᑑᒎᑉ ᓴᓇᓚᐅᕐᒪᑦ ᑕᐅᑦᑐᓕᒻᒥᒃ ᐃᒪᐃᑦᑑᖁᔨᓗᓂ ᐃᓚᒋᓗᓂᐅᒃ ᐸᒥᐅᑯᑖᓕᒡᔪᐊᖅ, ᐃᓚᖓᓗ ᓇᑦᑎᐅᓪᓗᓂ, ᐊᒻᒪᓗ ᑕᐃᒪᐃᑐᖅ ᑲᑎᒍᒥᓇᖏᒻᒪ ᐹᒃᓯᔨᒋᓂᐊᕐᓗᒍ.
ᐅᖃᐅᑎᖃᒃᑐᖅ (about)
1971-ᒥ, ᐊᖏᔪᒻᒪᕇᑦ ᔨᐅᕆ ᑐᕘᒥ ᓄᐊᓯᒪᔭᖏᑦ 4,000 ᐃᓄᐃᑦ ᓴᓇᖑᐊᒐᖏᑦ ᓂᐅᕕᖅᑕᐅᓚᐅᖅᑐᑦ ᕕᓂᐲᒃ ᓴᓇᙳᐊᒐᐃᑦ ᑕᑯᒐᓐᓈᒐᖃᕐᕕᒧᑦ. ᑐᕘᒥ ᐊᐅᖏᑎᒎᖅᑐᓂ ᓘᑦᑖᖑᓚᐅᖅᑐᖅ ᐊᒻᒪ ᓇᒥᓯᖃᑕᐅᓯᒪᔪᖅ ᕗᐃᓂᒐᐃᒡ T&T Seeds. ᐱᒋᐊᖅᑐᓂ 1952 ᐊᒻᒪ 1950-ᖏᓐᓂ ᐊᒻᒪ 1960-ᖏᓐᓂ, ᓄᐊᑦᑎᓚᐅᖅᑐᖅ ᓴᓇᔭᐅᓯᒪᔪᑦ ᓴᓇᖑᐊᒐᓕᐅᖅᑐᓕᒫᓂᑦ ᐃᓄᐃᑦ ᓄᓇᖏᓐᓂ. ᐱᐅᒋᔭᖃᒻᒪᕆᓚᐅᖅᑐᖅ ᑐᓂᐅᖅᑲᖅᑕᐅᓂᖏᓐᓄᑦ ᓴᓇᖑᐊᕈᓐᓇᑎᐊᖅᑐᓂᑦ ᐃᓚᒌᓐᓂᑦ ᐊᒻᒪ ᑭᖑᕚᕇᖃᑦᑕᐅᑎᔪᓂᑦ ᐊᒻᒪ ᓄᐊᑦᑎᓚᐅᖅᑐᖅ ᐃᒻᒥᑰᖅᑐᓂᑦ ᓴᓇᖑᐊᖅᑎᓂᑦ.
1969-ᒥ, ᑐᕘᒥ ᓄᖅᑲᕕᓚᐅᖅᑐᖅ ᐱᕈᕈᓐᓇᖅᑐᓂᑦ ᐱᓕᕆᓂᕐᒥᑦ ᐊᒻᒪ ᓅᑦᑐᓂ ᑲᓕᐴᓐᔨᐊᒧᑦ ᐱᕈᖅᓯᐊᓕᐅᖃᑦᑕᖅᑐᓂ. ᐃᓕᔭᐅᓂᖏᑦ ᓄᐊᓯᒪᔭᖏᑦ ᐋᔩᖃᑎᒌᔾᔪᑕᐅᒻᒪᕆᓚᐅᖅᑐᑦ ᐊᒥᓱᒐᒪᓐᓄᑦ ᑕᑯᔭᒐᖃᕐᕕᓐᓄᑦ ᐊᒻᒪ ᓄᐊᑦᑎᖃᑦᑕᖅᑐᓄᑦ. ᔪᐊᔾ ᓱᕕᓐᑕᓐ ᐊᔭᐅᕆᐊᓚᐅᖅᑕᖓ ᐳᕇᒥᐅᖑᓚᐅᖅᑐᖅ ᐃᐊᑦᕗᑦ ᓱᕋᐃᔪ ᓄᐊᑕᐅᓯᒪᔪᓂᑦ ᐱᒻᒪᕆᐅᓂᖓᓄᑦ ᐊᒻᒪ ᐋᒡᒌᓯ 1971 ᓱᕋᐃᔪ ᐊᑎᓕᐅᑦᑕᐅᑎᒋᓚᐅᖅᑕᖓ ᑲᑎᒪᔨᓄᑦ ᑮᓇᐅᓂ ᐱᕈᖅᑎᑦᑎᓗᓂ $185,000, ᐅᕝᕙᓘᓐᓃᑦ ᒪᕐᕉᒃ−ᐱᖓᓱᓂᑦ ᑮᓇᐅᔭᐃᑦ ᐱᑕᖃᕆᐊᖃᖅᑎᑕᐅᔪᑦ ᓂᐅᕕᕐᓗᒋᑦ ᓄᐊᑕᐅᓯᒪᔪᑦ ᕕᓂᐲᒃ ᓴᓇᙳᐊᒐᐃᑦ ᑕᑯᒐᓐᓈᒐᖃᕐᕕᒻᒧᑦ. ᔫᓂ 1972-ᒥ, ᔭᐃᒻᔅ ᕆᑦᓱᑦᓐ, ᑕᐃᔅᓱᒪᓂ ᒐᕙᒪᑐᖃᒃᑯᓐᓄᑦ ᒥᓂᔅᑕ ᓱᓇᒃᑯᑖᖃᖅᑎᑦᑎᓂᕐᒧᑦ ᐊᒻᒪ ᐱᔨᑦᑎᖅᑕᓄᑦ, ᑐᓂᓯᓚᐅᖅᑐᖅ ᓯᒃᑭᒥᑦ ᐊᒥᐊᒃᑯᖓᓂ $75,000 ᑯᕕᐊᓱᒍᑎᖃᖅᑎᓪᓗᒋᑦ ᑕᑯᔭᒐᖃᕐᕕᒻᒥ. ᖁᕕᐊᓱᒍᑎᒋᓗᒋ ᑕᒪᒃᑭ ᒪᑐᐃᖅᑕᐅᓂᖓ ᓄᑖᖅ ᑕᑯᔭᒐᖃᕐᕕᒃ ᐃᓪᓗᖅ ᒥᐊᒨᕆᐅ ᐳᓕᕗᐊᑦ ᐊᒻᒪ ᓂᐅᕕᖅᑕᐅᓂᖏᑦ ᑐᕘᒥ ᓄᐊᓯᒪᔭᖏᑦ, ᒥᑭᔪᒥᑦ ᑕᑯᕋᓐᓈᖅᑕᐅᓂᐊᖅᑐᓂᑦ ᐋᖅᑭᑦᑕᐅᓚᐅᖅᑐᖅ 1972-ᒥ. 2003-ᒥ, ᐊᑕᖐᓂᖃᖅᑐᒥᑦ ᕕᓂᐲᒃ ᓴᓇᙳᐊᒐᐃᑦ ᑕᑯᒐᓐᓈᒐᖃᕐᕕᒃ ᑕᑯᔅᓴᐅᑎᑦᑎᓂᖓ ᐊᒻᒪ ᑎᑎᕋᖅᑕᐅᓂᖏᑦ ᓴᖅᑭᑎᑦᑎᓚᐅᖅᑐᑦ ᐊᔾᔨᒌᓐᖑᐊᖅᑎᒐᔅᓴᐅᖏᑦᑐᑦ ᐱᕙᓪᓕᐊᑎᑕᐅᓂᖏᑦ ᐃᓄᐃᑦ ᓴᓇᐅᒐᖏᑦ 1950-ᖏᓐᓂ ᐊᒻᒪ 1960-ᖏᓐᓂ ᐱᑕᖃᖅᑎᑕᐅᔪᑦ ᑐᕘᒥ ᓄᐊᓯᒪᔭᖏᓐᓂ.
