Kinngait
(1911–1999)
(1911–1999)
ᐃᓅᔪᖅ ᐃᒪᔾᔪᐊᖅ, ᓄᓇᕗᑦ 1900 ᐱᒋᐊᓕᓵᖅᑎᓪᓗᒋᑦ, ᐃᑉᕋᕼᐋᒻ ᐃᑐᖓᑦ ᓄᓇᒥᐅᑕᐅᓚᐅᖅᑐᖅ ᑭᙵᓄᐊᖅᑳᖅᑎᓐᓇᒍ (ᑮᑉ ᑐᐊᓯᑦ), ᓄᓇᕗᑦ 1950−ᖑᑎᓪᓗᒍ ᑐᕌᒋᔭᖃᖅᑐᓂ ᐱᕚᓪᓕᕋᓱᐊᕐᓂᖅ ᐅᔭᖅᑲᓂᒃ ᓴᓇᙳᐊᕐᓂᕐᒧᑦ, ᓴᓇᙳᐊᖅᑎᒻᒪᕆᐅᙳᖅᑐᓂ. ᐃᑐᖓᑦ ᓴᓇᙳᐊᖏᑦ ᐃᓱᒪᙳᐊᕐᓇᖅᑐᑦ ᐊᒻᒪᓗ ᓴᓇᙳᐊᖅᓯᒪᑦᑎᐊᖅᑐᑎᒃ, ᐃᓚᒋᓪᓗᒋᑦ ᐊᒥᓲᓂᖅᓴᐃᑦ ᐆᒪᔪᑦ ᐊᒻᒪᓗ ᐃᓄᐃᑦ. ᖃᐅᔨᒪᔭᐅᑦᑎᐊᖅᑐᖅ, ᑭᓯᐊᓂ, ᑎᑎᖅᑐᒐᖏᑦ ᑎᒻᒥᐊᑦ ᖁᕝᕙᖅᓯᒪᔪᑦ ᐊᒻᒪᓗ ᐃᓴᕈᖏᑦ ᑎᒻᒥᕙᓪᓕᐊᓪᓗᓂ, ᐆᑦᑑᑎᒋᓗᒍ ᑎᒻᒥᐊᖅ ᐅᐱᕐᖔᒥ (1980). ᐊᖏᓂᖓ 14 cm ᓴᓇᙳᐊᒐᖅ, ᓴᓇᙳᐊᖓ ᐱᐊᓂᒃᓯᒪᔪᖅ ᑲᓐᓄᔭᐅᔭᕐᒥᑦ ᐊᕐᕕᓂᓖᑦ ᒪᕐᕉᒃ−ᐃᑎᒐᐃᑦ ᑕᑭᑎᒋᓪᓗᓂ ᑭᒃᑯᑐᐃᓐᓇᓄᑦ ᓴᓇᙳᐊᒐᐃᑦ ᓴᓇᙳᐊᖅᓯᒪᔪᑦ ᐊᒻᒪᓗ ᐃᓕᔭᐅᓯᒪᓪᓗᓂ ᑕᒪᒃᑭᒃ ᕚᓐᑰᕗ, ᐳᕆᑎᔅ ᑲᓚᒻᐱᐊ, ᐊᒻᒪᓗ ᑭᐊᑯᕆ, ᐃᐊᐳᑕ, ᑕᐃᒪᐅᔪᑦ ᓱᓕ ᐅᓪᓗᒥ. ᓴᓇᙳᐊᓪᓚᕆᔭᖓ ᑲᑎᖅᓱᖅᑕᐅᓯᒪᔪᖅ ᒡᓕᓐᐴ ᑕᑯᒐᓐᓈᒐᖃᕐᕕᐊᓂ. ᐃᑐᖓᑦ ᓴᓇᙳᐊᒐᖏᑦ ᐃᓚᒋᔭᐅᓚᐅᖅᑐᑦ ᐊᒥᓱᓂᑦ ᑕᑯᒐᓐᓈᒐᖃᕐᕕᓐᓄᑦ ᐊᒥᐊᓕᑲᑦ ᓄᓇᖓᓐᓂᑦ ᑲᓇᑕᒧᑦ, ᐊᒻᒪᓗ ᑲᑎᖅᓱᖅᑕᐅᓯᒪᔪᑦ ᐊᒥᓱᓂᑦ ᑲᓇᑕᒥ ᐊᒻᒪᓗ ᓯᓚᕐᔪᐊᒥ. 2005−ᖑᑎᓪᓗᒍ ᐃᑐᖓᑦ ᓂᕈᐊᖅᑕᐅᓚᐅᖅᑐᖅ ᑲᑎᒪᔨ ᕈᐃᔪ ᑲᓇᑕᒥ ᐃᓕᓐᓂᐊᕐᕕᒃ ᓴᓇᙳᐊᕐᓂᕐᒧᑦ.
ᓴᓇᙳᐊᖅᑎᑦ ᑭᓇᐅᓂᖏᓐᓄᑦ ᑎᑎᕋᖅᓯᒪᔪᑦ ᑐᓂᔭᐅᓯᒪᔪᑦ ᐊᖏᖅᑕᐅᓯᒪᓪᓗᑎᒃ ᐃᓄᐃᑦ ᓴᓇᙳᐊᖅᑎᓕᕆᔨᒃᑯᑦ ᑐᙵᕝᕕᒃ. ᑕᒪᕐᒥᒃ ᐱᔪᓐᓇᐅᑎᑦ ᒪᓕᒐᖅᑎᒍᑦ.
ᐅᖃᐅᑎᖃᒃᑐᖅ (about)
ᐄᐳᓚᕼᐊᒻ ᐃᑐᖓᑦ ᐱᕈᖅᓴᓚᐅᖅᓯᒪᔪᖅ ᓄᓇᒥᐅᑕᐅᕙᓚᐅᖅᑐᓂ, ᓄᓇᓕᖕᒥᐅᑕᕈᕐᓂᐊᓕᖅᓱᑎᒃ ᑭᓐᖓᕐᓂ ᑕᒫᓂ 1950-ᖏᓐᓂ. ᑕᒪᑐᒪᓂ ᐋᓐᓂᐊᓕᖅᐸᓕᐊᒻᒪᕆᓚᐅᕐᒪᑦ ᐃᖕᒥᓂᒡᓗ ᐊᔪᓕᓚᐅᖅᓱᓂ ᐊᖑᓇᓱᒍᓐᓇᕐᓂᕐᒥᒃ. ᑕᐃᒪᐃᓂᖓᓄᑦ ᓴᓇᖑᐊᖃᑕᕆᐊᓕᓚᐅᖅᑐᖅ ᐅᒃᑯᓯᒃᓴᔭᕐᓂᒃ ᐊᒻᒪᓗ ᖃᐅᔨᒪᔭᐅᑦᑎᐊᖅᓱᓂ ᑎᖕᒥᐊᖑᐊᓕᐅᖃᑕᕐᓂᕐᒥᓄᑦ. ᑖᓐᓇ ᓴᓇᖑᐊᖅᓯᒪᔭᖓ ᐊᔾᔨᒋᔭᐅᑲᓴᒃᑭᕗᖅ ᐊᓯᖏᓐᓄᑦ ᑎᖕᒥᐊᖑᐊᓕᖃᕆᕙᓚᐅᖅᑕᖏᓐᓄᑦ ᑕᒪᓐᓇ ᑎᖕᒥᐊᖑᐊᖅ ᐊᑖᒍᑦ ᐊᖕᒪᓘᔭᖃᑦᑕᕐᒪᑦ, ᕿᓪᓕᖅᓴᖅᓯᒪᑦᑎᐊᖅᓱᓂᓗ ᐊᒻᒪᓗ ᓱᓗᖏᒃ ᐊᑐᓂ ᐃᓗᑐᓂᖅᓯᐅᖅᓯᒪᓪᓗᑎᒃ.
ᐅᖃᐅᑎᖃᒃᑐᖅ (about)
2006-ᒥ, ᐊᖏᔪᑦ ᓄᐊᑕᐅᓯᒪᔪᑦ 246 ᓴᓇᔭᐅᓯᒪᔪᑦ ᑐᓂᔭᐅᑐᐃᓐᓇᓚᐅᖅᑐᑦ ᑕᑯᔭᒐᖃᕐᕕᒻᒧᑦ ᕚᓐᑰᕗᒥ ᓄᐊᑦᑎᖃᑦᑕᖅᑐᒧᑦ ᓘᑦᑖᖅ ᕼᐃᐅᕆ ᕗᐃᓐᕌᑉ. ᕗᐃᓂᐸᐃᒡᒥᐅᑕᓪᓚᕆᒃ, ᕗᐃᓐᕌᑉ ᓂᐅᕕᖃᑦᑕᕐᓂᑰᒻᒪᑦ ᐃᓄᐃᑦ ᓴᓇᖑᐊᒐᖏᓐᓂᑦ ᐱᒋᐊᖅᑐᓂ 1968. ᐱᔪᒪᓂᖃᒻᒪᕆᓕᓚᐅᖅᑐᖅ ᓄᐊᑦᑎᓂᕐᒥᑦ ᐃᓄᐃᑦ ᓴᓇᐅᒐᖏᓐᓂᑦ 1971-ᒥᑦ, ᐊᒻᒪ ᐱᓕᕆᓪᓗᐊᑕᖃᓕᖅᑐᓂ ᓂᐅᕕᖃᑦᑕᓂᕐᒥᑦ ᓴᓇᔭᐅᓯᒪᔪᓂᑦ ᐆᒪᔪᒥᓂᕐᒦᖔᖅᑐᓂᑦ ᐊᖑᓇᓱᑦᑕᐅᕙᑦᑐᓂᑦ (ᕿᓚᓗᒐᐃᑦ ᓴᐅᓂᖏᑦ, ᐊᐃᕖᑦ ᑑᒑᖏᑦ, ᐊᒻᒪ ᑐᑦᑐᐃᑦ ᓇᔾᔪᖏᑦ). 54 ᓴᓇᔭᐅᓯᒪᔪᑦ ᕗᐃᓐᕌᑉ ᓄᐊᓯᒪᔭᖏᑦ ᓴᓇᔭᐅᓯᒪᔪᑦ ᐆᒪᔪᒥᓂᕐᒦᖔᖅᑐᑦ, ᐊᒻᒪ 36 ᑖᒃᑯᐊᓂᖓ ᕿᓚᓗᒐᐃᑦ ᓴᐅᓂᖏᑦᓐᓂ. ᕗᐃᓐᕌᑉ ᐋᓐᓂᐊᓯᐅᖅᑎᐅᓚᐅᖅᓯᒪᔪᖅ ᐱᔾᔪᑎᒋᔭᖓ ᐱᔪᒪᓂᖃᕐᓂᖓ ᑖᒃᑯᓂᖓ ᐆᒪᔪᒥᓂᕐᒦᖔᖅᑐᓂᑦ. ᑭᓯᐊᓂᓕ, ᐱᔪᒪᓂᕆᓂᖅᓴᖓ ᐱᐅᔫᑎᓅᓚᐅᖅᑐᖅ. ᐱᔪᒪᓂᖃᓗᐊᓚᐅᖅᑐᖅ ᓴᓇᖑᐊᒐᑦᑎᐊᕙᓐᓂᑦ ᓴᓇᔭᐅᓯᒪᔪᑦ ᓇᑦᑎᓕᖕᒥᐅᑦ (ᓇᑦᓯᓕᒃ) ᓴᓇᖑᐊᖅᑏᑦ ᐅᕙᓐᖓᑦ ᑕᓗᕐᔪᐊᖅ, ᐅᖅᓱᖅᑑᖅ, ᐊᒻᒪ ᑰᒑᕐᔪᒃ. ᓴᓇᔭᐅᓯᒪᔪᑦ ᐊᖓᒃᑯᖃᓂᕐᒥᑦ ᐃᓗᓕᓕᓐᓂᑦ ᐱᔪᒪᓂᖁᓗᐊᓪᖑᐊᓚᐅᖅᑐᖅ, ᐱᓗᐊᖅᑐᒥᑦ ᐆᒪᔪᐃᑦ/ᐃᓄᐃᑦ ᐊᓯᔾᔨᖅᑐᓂᑦ. ᓇᓗᓇᐃᖅᓯᓚᐅᖅᑐᖅ ᐅᓴᐅᓚᐅᖏᑦᑐᖅ “ᐱᑕᖃᒐᔪᑦᑐᑦ” ᑭᓯᐊᓂ ᐊᔾᔨᐅᖏᑦᑐᑦ, ᐊᒻᒪᓘᓐᓃᑦ ᖃᓄᐃᓕᖓᕈᓘᔭᖅᑐᒥᑦ ᓴᖏᔪᒥᑦ ᐱᔪᒪᓂᕆᔭᖓᓄᑦ. ᒫᑦᓯᒥ 2008, ᕼᐃᐅᕆ ᕗᐃᓐᕌᑉ ᓄᐊᓯᒪᔭᖏᑦ ᐅᖃᐅᓯᐅᓚᐅᖅᑐᑦ ᕕᓂᐲᒃ ᓴᓇᙳᐊᒐᐃᑦ ᑕᑯᒐᓐᓈᒐᖃᕐᕕᒻᒥ ᑕᑯᔅᓴᐅᑎᑕᐅᔪᓂᑦ ᐊᒻᒪ ᑎᑎᕋᖅᑕᐅᓯᒪᔪᓂᑦ.
