ᐸᐃᐹᕐᒥᒃ ᑎᑎᕋᖅᓯᒪᔪᓂᒃ ᐅᓂᒃᑳᓚᐅᖅᑐᖅ ᓴᓇᔨᒥᒃ ᑖᑦᓱᒥᖓᑦ, ᐃᓕᔭᐅᓯᒪᓚᐅᖅᑐᒥᒃ ᓴᓇᖑᐊᖅᑎᐅᑉ ᖃᑦᑕᖓᓂ: ‘ᐊᖑᑦ ᐊᐃᕕᐅᑉ ᓂᕿᐊᓂ ᓂᕆᓐᓂᕋᒥ, ᑭᖑᓂᐊᒍᓪᓗ ᓂᐊᖁᐊ ᐊᐃᕕᐅᑉ ᓂᐊᖁᕆᓕᓚᐅᖅᑖ. ᑕᐃᒪᖓᓂᒃ, ᓂᕆᕙᓕᓚᐅᖅᐳᖅ ᐊᐃᕕᖅᑎᑐᑦ, ᐊᖅᑲᐅᒪᕙᓕᖅᓱᓂ ᓂᕿᒃᓴᑦᓯᐅᖅᓱᓂ. ᐊᐃᕕᓪᓚᕆᐅᖏᓂᕐᒥᓄᑦ, ᓱᑲᐃᓂᖅᓴᐅᕙᓚᐅᖅᑐᖅ ᐊᐃᕕᕐᓂᒃ ᐊᓯᖏᓐᓂᒃ, ᐊᖃᖅᐸᓚᐅᖅᑐᖅ ᑭᓯᐊᓂ ᐊᓕᓯᒫᖏᑦ ᐊᐃᕖᑦ ᓂᕆᐊᓂᑦᓯᒪᓕᖅᑎᓗᒋᑦ. ᐅᓐᓂᕐᓘᑎᖃᓚᐅᖅᑐᖅ ᑕᐃᒪᐃᓂᖓᓂᒃ ᐅᖃᐅᑎᔭᐅᓕᖅᐳᖅ ᐃᑎᒻᒥᖃᑕᖁᔭᐅᓂᖅ ᓯᓚᒦᓐᓂᒥᓂᒃ, ᐊᖃᖃᑦᑕᕐᓗᓂᓗ, ᓱᒃᑲᓕᓂᖅᓴᐅᓂᐊᕐᒪᑦ. ᑕᒪᓐᓇ ᐃᑲᔪᕐᓂᖃᓕᓚᐅᖅᑐᖅ ᓱᑲᓕᓂᖅᓴᐅᓕᕐᓂᒥᓄᑦ, ᐊᖃᓵᕈᓐᓇᖅᓯᓪᓗᓂᓗ ᑕᕆᐅᑉ ᓇᑎᖓᓄᑦ ᓯᕗᓂᐊᒍᑦ ᐊᓯᒥᓂᒃ.

2006-ᒥ, ᐊᖏᔪᑦ ᓄᐊᑕᐅᓯᒪᔪᑦ 246 ᓴᓇᔭᐅᓯᒪᔪᑦ ᑐᓂᔭᐅᑐᐃᓐᓇᓚᐅᖅᑐᑦ ᑕᑯᔭᒐᖃᕐᕕᒻᒧᑦ ᕚᓐᑰᕗᒥ ᓄᐊᑦᑎᖃᑦᑕᖅᑐᒧᑦ ᓘᑦᑖᖅ ᕼᐃᐅᕆ ᕗᐃᓐᕌᑉ. ᕗᐃᓂᐸᐃᒡᒥᐅᑕᓪᓚᕆᒃ, ᕗᐃᓐᕌᑉ ᓂᐅᕕᖃᑦᑕᕐᓂᑰᒻᒪᑦ ᐃᓄᐃᑦ ᓴᓇᖑᐊᒐᖏᓐᓂᑦ ᐱᒋᐊᖅᑐᓂ 1968. ᐱᔪᒪᓂᖃᒻᒪᕆᓕᓚᐅᖅᑐᖅ ᓄᐊᑦᑎᓂᕐᒥᑦ ᐃᓄᐃᑦ ᓴᓇᐅᒐᖏᓐᓂᑦ 1971-ᒥᑦ, ᐊᒻᒪ ᐱᓕᕆᓪᓗᐊᑕᖃᓕᖅᑐᓂ ᓂᐅᕕᖃᑦᑕᓂᕐᒥᑦ ᓴᓇᔭᐅᓯᒪᔪᓂᑦ ᐆᒪᔪᒥᓂᕐᒦᖔᖅᑐᓂᑦ ᐊᖑᓇᓱᑦᑕᐅᕙᑦᑐᓂᑦ (ᕿᓚᓗᒐᐃᑦ ᓴᐅᓂᖏᑦ, ᐊᐃᕖᑦ ᑑᒑᖏᑦ, ᐊᒻᒪ ᑐᑦᑐᐃᑦ ᓇᔾᔪᖏᑦ). 54 ᓴᓇᔭᐅᓯᒪᔪᑦ ᕗᐃᓐᕌᑉ ᓄᐊᓯᒪᔭᖏᑦ ᓴᓇᔭᐅᓯᒪᔪᑦ ᐆᒪᔪᒥᓂᕐᒦᖔᖅᑐᑦ, ᐊᒻᒪ 36 ᑖᒃᑯᐊᓂᖓ ᕿᓚᓗᒐᐃᑦ ᓴᐅᓂᖏᑦᓐᓂ. ᕗᐃᓐᕌᑉ ᐋᓐᓂᐊᓯᐅᖅᑎᐅᓚᐅᖅᓯᒪᔪᖅ ᐱᔾᔪᑎᒋᔭᖓ ᐱᔪᒪᓂᖃᕐᓂᖓ ᑖᒃᑯᓂᖓ ᐆᒪᔪᒥᓂᕐᒦᖔᖅᑐᓂᑦ. ᑭᓯᐊᓂᓕ, ᐱᔪᒪᓂᕆᓂᖅᓴᖓ ᐱᐅᔫᑎᓅᓚᐅᖅᑐᖅ. ᐱᔪᒪᓂᖃᓗᐊᓚᐅᖅᑐᖅ ᓴᓇᖑᐊᒐᑦᑎᐊᕙᓐᓂᑦ ᓴᓇᔭᐅᓯᒪᔪᑦ ᓇᑦᑎᓕᖕᒥᐅᑦ (ᓇᑦᓯᓕᒃ) ᓴᓇᖑᐊᖅᑏᑦ ᐅᕙᓐᖓᑦ ᑕᓗᕐᔪᐊᖅ, ᐅᖅᓱᖅᑑᖅ, ᐊᒻᒪ ᑰᒑᕐᔪᒃ. ᓴᓇᔭᐅᓯᒪᔪᑦ ᐊᖓᒃᑯᖃᓂᕐᒥᑦ ᐃᓗᓕᓕᓐᓂᑦ ᐱᔪᒪᓂᖁᓗᐊᓪᖑᐊᓚᐅᖅᑐᖅ, ᐱᓗᐊᖅᑐᒥᑦ ᐆᒪᔪᐃᑦ/ᐃᓄᐃᑦ ᐊᓯᔾᔨᖅᑐᓂᑦ. ᓇᓗᓇᐃᖅᓯᓚᐅᖅᑐᖅ ᐅᓴᐅᓚᐅᖏᑦᑐᖅ “ᐱᑕᖃᒐᔪᑦᑐᑦ” ᑭᓯᐊᓂ ᐊᔾᔨᐅᖏᑦᑐᑦ, ᐊᒻᒪᓘᓐᓃᑦ ᖃᓄᐃᓕᖓᕈᓘᔭᖅᑐᒥᑦ ᓴᖏᔪᒥᑦ ᐱᔪᒪᓂᕆᔭᖓᓄᑦ. ᒫᑦᓯᒥ 2008, ᕼᐃᐅᕆ ᕗᐃᓐᕌᑉ ᓄᐊᓯᒪᔭᖏᑦ ᐅᖃᐅᓯᐅᓚᐅᖅᑐᑦ ᕕᓂᐲᒃ ᓴᓇᙳᐊᒐᐃᑦ ᑕᑯᒐᓐᓈᒐᖃᕐᕕᒻᒥ ᑕᑯᔅᓴᐅᑎᑕᐅᔪᓂᑦ ᐊᒻᒪ ᑎᑎᕋᖅᑕᐅᓯᒪᔪᓂᑦ.