![Holly Andersen, ᑲᔪᓯᑎᑦᑎᐋᒐᒃᓴᖅ ᐊᖑᓇᓱᐋᕐᓂᕐᒧᑦ ᐊᒻᒪᓗ ᐃᖃᓗᒐᓱᐋᕐᓂᕐᒧᑦ ᐱᓇᓱᐊᕐᓂᖅ](https://wag-visible-vault.s3.ca-central-1.amazonaws.com/wp-content/uploads/2021/04/14100932/Fishing.png)
ᑕᕐᕆᔮᒃᓴᖅ (video)
Holly Andersen, ᑲᔪᓯᑎᑦᑎᐋᒐᒃᓴᖅ ᐊᖑᓇᓱᐋᕐᓂᕐᒧᑦ ᐊᒻᒪᓗ ᐃᖃᓗᒐᓱᐋᕐᓂᕐᒧᑦ ᐱᓇᓱᐊᕐᓂᖅ
![](https://wag-visible-vault.s3.ca-central-1.amazonaws.com/wp-content/uploads/2021/04/14100932/Fishing.png)
Inukjuak
(c. 1910–1958)
(c. 1910–1958)
ᑕᒻᒫᕐᕕᒻᒥᐅᑕᖅ ᓇᔪᕐᕕᖓ 40 ᑭᓚᒦᑕ ᐃᓄᒡᔪᐊᖅ ᑯᐱᒃ, ᐃᓕ ᕕᑕᓗᒃᑐᖅ ᐊᒻᒪᓗ ᒪᕐᕉᒃ ᐊᓂᖏᒃ ᓴᓇᙳᐊᖅᐸᓪᓕᐊᓚᐅᖅᑐᑦ 1950 ᐱᒋᐊᓕᓵᖅᑎᓪᓗᒍ ᓂᐅᕕᕐᕕᒃ ᓂᐅᕕᖅᐸᓪᓕᐊᓕᖅᑎᓪᓗᒋᑦ ᓴᓇᙳᐊᒐᓂᒃ ᐊᐅᓪᓚᖅᑎᑕᐅᓂᐊᖅᑐᓂᒃ ᖃᓪᓗᓈᑦ ᓄᓇᖓᓐᓄᑦ. ᐊᓯᕙᖅᑎᐅᓪᓗᓂ, ᕕᑕᓗᒃᑐᖅ ᐊᒻᒪᓗ ᐃᓚᖏᑦ ᐊᖑᓇᓱᒃᓯᒪᔪᑦ ᐊᐃᕕᕐᒥᒃ, ᐊᑐᖅᑐᒋᑦ ᑑᒐᖓ ᐃᓱᒪᒋᔭᐅᔪᖅ ᓯᕗᓪᓕᖅᐹᖑᒋᔭᐅᓪᓗᑎᒃ ᐆᑦᑑᑎᒋᔭᖅ ᑑᒑᓄᑦ ᐃᓗᑐᔪᖅ ᐃᓄᐃᑦ ᓴᓇᙳᐊᒐᖏᓐᓂ. ᑕᒪᓐᓇ ᖃᐅᔨᓴᕈᑕᐅᔪᑦ ᐅᖓᕙᕆᐊᖅᑕᐅᔪᑦ ᐊᓯᖏᓐᓄᑦ ᐃᓱᒪᒃᓴᖅᓯᐅᕈᑎᔅᓴᓄᑦ ᐊᑐᖅᑕᐅᔪᓐᓇᖅᑐᓂᒃ, ᐆᑦᑑᑎᒋᓗᒍ ᐊᐅᒃᓯᒪᔪᑦ ᑲᐃᕕᑦᑐᑦ ᓂᐱᓕᐅᕈᑎᑦ, ᐊᑐᖅᑕᐅᓯᒪᔪᖅ ᓴᓇᙳᐊᖅᑎᒧᑦ ᐱᐅᓴᖅᑐᒍ ᓴᓇᙳᐊᒐᖏᑦ ᐃᓐᓃᑦ ᐊᒻᒪᓗ ᐊᓯᖏᓐᓂᒃ ᓴᓇᙳᐊᕐᓂᓕᕆᓂᕐᒧᑦ. ᕕᑕᓗᒃᑐᖅ ᓴᓇᙳᐊᒐᖏᑦ ᐃᓚᒋᔭᐅᔪᑦ ᑲᑎᖅᓱᖅᑕᐅᓯᒪᔪᑦ ᑲᓇᑕᒥ ᑕᑯᒐᓐᓈᒐᖃᕐᕕᒃ, ᕕᓂᐲᒃ ᓴᓇᙳᐊᒐᐃᑦ ᑕᑯᒐᓐᓈᒐᖃᕐᕕᒃ ᒫᓂᑐᐸᒥ ᐊᒻᒪᓗ ᑳᕈᑕᓐ ᓯᓚᑦᑐᖅᓴᕐᕕᒃ ᓴᓇᙳᐊᒐᓄᑦ ᑕᑯᒐᓐᓈᒐᖃᕐᕕᒃ ᐋᑐᕙ, ᐋᓐᑎᐅᕆᔫᒥ, ᐊᒻᒪᓗ ᐊᒥᓱᑦ ᐊᓯᖏᓐᓂ.
ᐅᖃᐅᑎᖃᒃᑐᖅ (about)
ᔪᐊᔾ ᓱᕕᓐᑕᓐ ᓅᓚᐅᖅᓯᒪᔪᖅ ᕗᐃᓂᐸᐃᒡᒧᑦ 1954 ᐃᓕᓐᓂᐊᑎᑦᑎᔨᐅᖃᑕᐅᓪᓗᓂ ᐃᓕᓐᓂᐊᕐᕕᒃ ᓴᓇᔭᐅᓯᒪᔪᓂᑦ ᓯᓚᑦᑐᖅᓴᕐᕕᒃᔪᐊᒥᑦ ᒫᓂᑑᐸ. ᑲᓇᑕᒨᓚᐅᖅᓯᒪᔪᖅ ᕕᐊᓇᒥ 1937-ᒥᑦ; ᐃᓕᓐᓂᐊᓚᐅᖅᑐᖅ ᓴᓇᔭᐅᓯᒪᔪᓂᑦ ᐃᓕᓐᓂᐊᖅᑏᑦ ᑎᒥᖓᑦ ᓂᐅ ᔪᐊᒃᒥ; ᓴᓇᖑᐊᖅᑎᐅᓚᐅᖅᑐᖅ ᑯᐃᓐ ᓯᓚᑦᑐᖅᓴᕐᕕᒃᔪᐊᖓ ᑭᖕᔅᑕᓐᒥ, ᐋᓐᑎᐅᕆᔪ; ᐊᒻᒪ ᑲᒪᔨᐅᓚᐅᖅᑐᖅ ᑲᓇᑕᒥ ᑕᑯᔭᒐᖃᕐᕕᒃ ᑲᓇᑕ ᐊᒻᒪ ᓴᔅᓯᖃᑑᓐ ᓴᓇᔭᐅᓯᒪᔪᓂᑦ ᐱᓕᕆᑯᒃ. ᓯᕗᓪᓕᖅᐹᒥᑦ ᓂᐅᕕᓚᐅᖅᓯᒪᔭᖓ ᐃᓄᐃᑦ ᓴᓇᖑᐊᒐᖅ ᒫᓐᑐᕆᐊᒥ 1950-ᒥ, ᐊᒻᒪ ᑕᒪᑐᒥᖓ ᐱᔪᒪᓂᕆᔭᖓ ᐃᑲᔪᖃᑦᑕᓕᓚᐅᖅᑐᖅ ᓂᐅᕕᕐᕕᒃᑯᓐᓂᑦ ᖃᐅᔨᓴᖅᑐᓂ ᓴᓇᖑᐊᒐᕐᓂᑦ ᑎᑭᓯᒪᓕᕋᐃᒻᒪᑕ ᕗᐃᓂᐸᐃᒡᒧᑦ ᐴᖅᑕᐅᓯᒪᔪᓂᑦ ᓂᐅᕕᕐᕕᒃᑯᑦ ᐅᑭᐅᑕᖅᑐᒥ ᓂᐅᕕᕐᕕᖏᓐᓂ. ᐱᔪᒪᓂᖃᕐᓂᖓ ᐃᓄᐃᑦ ᓴᓇᐅᒐᖏᓐᓂ ᐊᔭᐅᖅᑕᐅᒋᐊᓚᐅᖅᑐᖅ ᓯᕗᓪᓕᖅᐹᒥ ᐅᑭᐅᑕᖅᑐᒨᖅᑐᓂ, ᐃᓄᒃᔪᐊᖅ, 1957-ᒥᑦ. ᑎᑎᕋᒪᐅᖅᑐᖅ ᒪᕐᕉᓐᓂᒃ ᐅᖃᓕᒫᒐᕐᓂᑦ ᖃᐅᔨᒪᔭᐅᓕᓚᐅᖅᑐᑦ ᐃᓕᓐᓂᐊᖅᑎᓕᒫᓄᑦ ᐊᒻᒪ ᓄᐊᑦᑎᖃᑦᑕᖅᑐᓄᑦ ᐃᓄᐃᑦ ᓴᓇᐅᒐᖏᓐᓂ: ᐃᓄᓐᓄᑦ ᓴᓇᔭᐅᓯᒪᔪᑦ/Eskimo Sculpture/Sculptureesquimaude) (1965) ᐊᒻᒪ ᓴᓇᔭᐅᓯᒪᔪᑦ ᐃᓄᓐᓄᑦ/Sculpture of the Eskimo (1972).
1960-ᖏᓐᓂ ᑕᑯᔭᒐᖃᕐᕕᒃ ᐱᒻᒪᕆᐅᔪᒥᑦ ᑲᔪᖏᖅᓯᓚᐅᖅᑐᑦ ᓄᐊᑦᑎᓗᑎ ᐃᓄᐃᑦ ᓴᓇᐅᒐᖏᓐᓂ ᓂᐅᕕᕐᖓᑕ 139 ᐱᒻᒪᕆᐅᔪᓂ ᓴᓇᔭᐅᓯᒪᔪᑦ ᓱᕕᓐᑕᓐᒥᑦ. 1976-ᒥᑦ ᕕᓂᐲᒃ ᓴᓇᙳᐊᒐᐃᑦ ᑕᑯᒐᓐᓈᒐᖃᕐᕕᒻᒥ ᓂᐅᕕᕐᖓᑕ ᐱᖃᑖ ᓄᐊᑕᐅᓯᒪᔪᓂᑦ ᔪᐊᔾ ᓱᕕᓐᑕᓐᒥᑦ ᐅᖓᑖᓃᑦᑐᑦ 900 ᓴᓇᔭᐅᓯᒪᔪᑦ, ᐊᒥᐊᖅᑕᐅᓯᒪᔪᑦ, ᐊᒻᒪ ᑎᑎᖅᑐᒐᐃᑦ. ᑕᑯᔅᓴᐅᑎᑕᐅᑎᓂᖏᑦ ᓱᕕᓐᑕᓐ ᓄᐊᓯᒪᔭᖏᑦ ᐊᒥᓱᒐᒪᓐᓄᑦ ᐊᕐᕌᒍᓅᓚᐅᖅᑐᖅ, 1987-ᒥ, ᐱᖃᓯᐅᑎᓯᒪᓪᓗᑎ ᐅᑯᓂᖓ ᑎᑎᕋᖅᑕᐅᓯᒪᔪᑦ. 1989-ᒥ, ᓄᐊᑕᐅᓯᒪᒃᑲᓂᖅᑐᑦ 85 ᓴᓇᐅᒐᐃᑦ ᑐᓂᔭᐅᑐᐃᓐᓇᓚᐅᖅᑐᑦ ᑕᑯᔭᒐᖃᕐᕕᒻᒧᑦ.
ᐅᖃᐅᑎᖃᒃᑐᖅ (about)
ᕕᑕᓗᒃᑐᐅᑉ ᑕᐅᑦᑐᖃᑎᓪᓗᐋᓕᐊᖓ ᓴᕿᑎᑦᑎᒻᒪᑦ ᐊᒥᓱᑦ ᓴᓇᓯᒪᓂᖏᓐᓂᒃ ᐃᓕᖅᑯᓯᖃᓕᖅᑎᑦᑎᓗᓂ ᐃᓄᒡᔪᐊᕐᒥ ᑕᐅᑦᑐᖃᑎᓪᓗᐋᓕᐅᕈᓯᕐᒥᒃ ᑕᐅᕙᖓᓂᒃ ᕿᑎᖏᓐᓂ-50-ᑦ ᑲᔪᓯᓪᓗᓂᓗ. ᓴᓇᙳᐋᖅᓯᒪᓪᓗᓂ ᐱᐅᔪᐋᓗᒻᒥᒃ, ᓴᐸᒐᒃᓴᔭᒥᑦ, ᐅᔭᐅᔭᐅᓪᓗᓂ-ᒎᓗᓪᓗᓂ ᓴᓇᙳᐊᒐᒃᓴᔭᒥᑦ, ᑖᓐᓇ ᑕᐅᑦᑐᖃᑎᓪᓗᐋᓕᐊᖑᓯᒪᔪᐅᑉ ᒥᑭᔫᓪᓗᓂ ᐊᑕᓪᓚᕆᒻᒪᑦ ᐊᒻᒪᓗ ᐊᑭᑐᔫᓪᓗᓂ ᓴᕿᑎᑦᑎᒻᒪᑦ ᓴᓇᓯᒪᓂᖓ ᓴᓇᓯᒪᑦᑎᐋᖅᑐᐋᓗᓂᖓᓂᑦ ᐋᖅᑭᒃᓯᒪᓂᖓ ᐊᒃᓱᑲᓚᒃ ᒥᑭᔪᒻᒪᑦ ᐊᖏᓂᖓ. ᐋᖅᑭᒃᓯᒪᓂᖏᑦ ᐊᕐᓇᐅᑉ ᑭᓱᑯᑦᑎᖏᑦ ᐊᒻᒪᓗ ᑲᖒᑉ ᑎᒥᖓ ᐊᒻᒪᓗ ᐃᓴᕈᖏᒃ ᐃᕿᒻᒥᒃᓯᓂᖏᒃ ᑲᔪᓯᑐᐃᓐᓇᖅᓯᒪᒻᒪᑦ ᓴᓇᙳᐊᒐᒃᓴᖅ, ᓯᓚᑖᓄᖅᓯᒪᙱᖔᕐᓗᓂ ᑕᕝᕙᖓᑦ, ᐊᓯᕈᒃᓯᒪᖏᒻᒪᑦ ᓴᓇᔾᔪᓯᐅᖃᑦᑕᕐᓂᖓᓂᒃ ᐃᓄᒃᔪᐊᕐᒥ ᑕᐅᑦᑐᖃᑎᓪᓗᐋᓕᐅᓯᓂᕐᒥᒃ ᐊᒡᓚᑦ ᐅᓪᓗᒥᒧᑦ.