Tunnillie, Oviloo

(1949–2014)

ᐅᕕᓗ ᑐᓂᓕ, ᕈᐃᔪ ᑲᓇᑕᒥ ᐃᓕᓐᓂᐊᕐᕕᒃ, ᑭᙵᐃᑦ (ᑮᑉ ᑐᐊᓯᑦ), ᓄᓇᕗᑦ, ᓴᓇᙳᐊᖅᑎ ᑭᒡᒐᖅᑐᐃᓚᐅᖅᑐᖅ ᒐᕙᒪᓕᕆᓂᕐᒧᑦ. ᑐᓂᓕ ᐱᔾᔪᑎᖃᓗᐊᓚᐅᖅᑐᖅ ᐊᕐᓇᓄᑦ, ᑭᓇᐅᓂᖏᓐᓄᑦ ᑎᑎᕋᖅᓯᒪᔪᓂᑦ ᓴᓇᙳᐊᒐᓄᑦ ᐊᒻᒪᓗ ᐱᖁᔭᐅᓯᒪᙱᑦᑐᓄᑦ ᐱᔾᔪᑎᖃᖅᑐᓂᒃ, ᓴᖅᑭᑎᑦᑎᓪᓗᓂ ᐊᔾᔨᖃᙱᑦᑐᒥᑦ ᐊᒻᒪᓗ ᐱᒻᒪᕆᐅᔪᓂᒃ ᑲᑎᖅᓱᐃᓂᖅ ᓴᓇᙳᐊᒐᓂᒃ. ᖃᐅᔨᒪᔭᐅᓚᐅᖅᑐᖅ ᐃᓚᒋᔭᐅᓂᖓᓄᑦ ᐊᒃᓱᕈᕐᓇᖅᑐᓂᒃ ᐱᔾᔪᑎᖃᖅᑐᓂᒃ, ᑐᕌᖓᔪᑦ ᐅᓪᓗᒥᒧᑦ ᐊᕐᓇᓄᑦ ᐅᑭᐅᖅᑕᖅᑐᒥ ᐊᒻᒪᓗ ᐊᒃᓱᕉᑎᒋᔭᖏᓐᓄᑦ. ᑐᓂᓕ ᐊᑕᐅᓯᖅ ᐊᒥᓲᓗᐊᙱᑦᑐᑦ ᐊᕐᓇᐃᑦ ᓴᓇᙳᐊᖅᑎ ᐱᐊᓂᑦᑎᐊᖅᓯᒪᔪᖅ ᓯᓚᕐᔪᐊᒥ ᐱᐊᓂᑦᑎᐊᕐᓂᕐᒧᑦ. ᐊᒥᓱᓂᑦ ᐃᒻᒥᒃᑯᑦ ᐊᒻᒪᓗ ᑲᑎᙵᔪᒃᑯᑦ ᑕᑯᒐᓐᓈᖅᑎᑦᑎᓪᓗᓂ ᐊᒥᐊᓕᑲᐅᑉ ᐊᒻᒪᓗ ᑲᓇᑕᐅᑉ ᓄᓇᖓᓂ ᐊᒻᒪᓗ ᓯᓚᕐᔪᐊᒥ. 2003−ᖑᑎᓪᓗᒍ, ᓂᕈᐊᖅᑕᐅᓚᐅᖅᑐᖅ ᕈᐃᔪ ᑲᓇᑕᒥ ᐃᓕᓐᓂᐊᕐᕕᒃ ᐊᒻᒪᓗ ᓴᓇᙳᐊᒐᖏᑦ ᑲᒪᒋᔭᐅᓚᐅᖅᑐᑦ ᑲᑎᖅᓱᖅᑕᐅᓂᕐᒧᑦ ᐆᑦᑑᑎᒋᓗᒍ ᓴᓇᙳᐊᒐᐃᑦ ᑕᑯᒐᓐᓈᒐᖃᕐᕕᒃ ᐋᓐᑎᐅᕆᔫ, ᑐᕌᓐᑐᒥ ᐊᒻᒪᓗ ᑲᓇᑕᒥ ᑲᑎᒪᔩᑦ ᓴᓇᙳᐊᕐᓂᕐᒧᑦ ᑮᓇᐅᔭᒃᑯᕝᕕᒃ ᐋᑐᕙ, ᐊᓐᑎᐅᕆᔫᒥ.

ᓴᓇᙳᐊᖅᑎᑦ ᑭᓇᐅᓂᖏᓐᓄᑦ ᑎᑎᕋᖅᓯᒪᔪᑦ ᑐᓂᔭᐅᓯᒪᔪᑦ ᐊᖏᖅᑕᐅᓯᒪᓪᓗᑎᒃ ᐃᓄᐃᑦ ᓴᓇᙳᐊᖅᑎᓕᕆᔨᒃᑯᑦ ᑐᙵᕝᕕᒃ. ᑕᒪᕐᒥᒃ ᐱᔪᓐᓇᐅᑎᑦ ᒪᓕᒐᖅᑎᒍᑦ.

ᐊᕐᓇᖅ ᕿᐊᔪᖅ

1997

ᐅᔭᕋᒃ (ᓴᓇᙳᐊᒐᒃᓴᖅ ᐅᔭᕋᖅ)

35 x 12.5 x 11.3 cm

Collection of the Winnipeg Art Gallery, Gift of the Volunteer Committee to the Winnipeg Art Gallery in commemoration of the Volunteer Committee’s 50th Anniversary, 1948-1998

1999-499

ᐅᖃᐅᑎᖃᒃᑐᖅ (about)

ᐊᕐᓇᖅ ᕿᐊᔪᖅ

ᐊᕐᓇᖅ ᕿᐊᔪᖅ

ᐅᕕᓘ ᑐᓐᓂᓖ ᐃᓚᒋᔭᐅᒻᒪᑦ ᐅᐱᒋᔭᐅᑦᑎᐊᕐᓗᓂᓗ ᐊᒻᒪᓗ ᓯᕗᓪᓕᖅᐹᖑᓯᒪᓪᓗᓂ ᐊᐃᑉᐸᖏᓐᓂ ᑭᖑᕚᕆᓐᓂ ᐃᓄᐃᑦ ᓴᓇᙳᐊᖅᑎᑦ – ᑕᐃᒃᑯᐊ ᐱᕈᓚᐅᖅᑐᑦ ᑕᑯᕙᓪᓗᑎᒃ ᓴᓇᔭᐅᓯᒪᔪᓂᒃ ᐃᓐᓇᒪᕆᖏᓐᓄᑦ 1950-ᖏᓐᓂ, ᑕᐃᔅᓱᒪᓂ ᓴᓇᙳᐊᒐᐃᑦ ᐊᒻᒪᓗ ᐊᒥᐊᖅᑎᑕᒐᐃᑦ ᖁᕕᐊᒋᔭᐅᓪᓗᑎᒃ ᓄᑖᖑᓪᓗᑎᒃ ᓴᓇᓂᐅᖃᑦᑕᓕᖅᑐᓂ. ᐅᕕᓘ ᑕᐅᑐᖃᑦᑕᓚᐅᕐᒪᑦ ᐊᑖᑕᒥᓂᑦ, ᑑᓅ, ᓴᓇᙳᐊᖅᑎᓪᓗᒍ ᐊᒻᒪᓗ ᓇᒻᒥᓂᖅ ᓴᓇᙳᐊᖃᑦᑕᕋᓱᓕᕐᓗᓂ ᐱᒋᐊᓕᕋᑖᕐᓂᖏᓐᓂ 1960 ᑦ. ᓴᓇᖃᑦᑕᓕᓚᐅᕐᒪᑦ ᓴᓇᔾᔪᓯᖃᕐᓗᓂ ᖃᐃᖅᑲᒃᓴᖅᓯᒪᖏᑦᑐᓂᒃ ᖄᖏᑦ ᐊᒻᒪᓗ ᐊᒃᓱᐋᓗᒃ ᓇᒻᒥᓂᖓᓅᖓᓪᓗᑎᒃ ᑐᑭᒋᔭᖏᑦ. ᓴᓇᙳᐊᒐᖏᑦ ᓵᙵᔾᔪᑎᒋᓚᐅᕐᒪᒋᑦ ᐊᕐᓇᐃᑦ ᖃᓄᐃᓕᖓᓂᖏᓐᓄᑦ ᐊᒻᒪᓗ ᐃᓅᓯᕐᒥ ᐊᑐᖅᓯᒪᔭᖏᓐᓄᑦ, ᐊᒻᒪᓗ ᐊᒥᓱᐃᖅᓱᕐᓂᖅᓴᐅᓪᓗᓂ ᐊᑐᖃᑦᑕᖅᓯᒪᔭᖏᓐᓂᒃ ᓇᒻᒥᓂᖅ. ᐊᕐᓇᖅ ᑐᑭᓯᓇᖅᓯᑎᑦᑎᒐᔪᓚᐅᕐᒪᑦ ᐃᒃᐱᓐᓂᐊᓂᕆᔭᒥᓂᒃ, ᑕᑯᒃᓴᐅᓕᕐᓗᑎᒃ ᑖᔅᓱᒪᓂ ᑕᐅᑦᑐᖃᑎᓪᓗᐋᓕᐊᕆᔭᖓᓂ. ᐊᓯᖏᑦ ᓴᓇᔭᖏᑦ ᑐᑭᖃᕐᒪᑕ ᐊᔪᐃᓐᓇᕈᑎᖃᕋᓱᒋᐊᖃᕐᓂᕐᒥᒃ ᐊᒻᒪᓗ ᓈᒻᒪᒃᓯᓂᕐᒥᒃ ᓴᕿᑦᑐᒥᒃ ᑕᒪᑐᒪᖓᑦ ᐱᓕᕆᓂᕐᒥᑦ ᓴᓇᙳᐊᕐᓂᒃᑯᑦ ᓴᓇᕙᒃᑕᖏᓐᓂᒃ. ᑖᓐᓇ ᓇᒻᒥᓂᒃ ᐅᓂᒃᑳᕆᓪᓗᓂ ᖃᐅᔨᒪᓇᖅᓯᑎᒍᑎᖏᑦ ᓯᕗᓕᕆᓚᐅᖅᑕᖏᓐᓃᖓᕐᒪᑕ ᐱᖓᔪᖏᓐᓂᒃ ᑭᖑᕚᕆᑦ ᓴᓇᙳᐊᖅᑎᐅᔪᑦ ᑕᐃᒃᑯᐊ ᓴᓇᓲᑦ ᐅᓪᓗᒥᐅᓕᖅᑐᒥ-ᐅᓪᓗᓂ ᐊᑐᖃᑦᑕᓕᖅᑕᖏᓐᓂᒃ ᓴᓇᙳᐊᒐᐅᓕᖅᑎᑦᑎᓗᑎᒃ.

ᐊᔾᔨᖑᐊᖅ (photo)

ᐊᕐᓇᖅ ᕿᐊᔪᖅ

ᐊᕐᓇᖅ ᕿᐊᔪᖅ