Qamani'tuaq (Baker Lake)
(1934–2010)
(1934–2010)
ᓴᐃᒪᓐ ᑐᑯᒥ (1934-2010) ᐃᓅᓂᑯ ᑕᕆᐅᓐᓄᐊᖅ, ᓄᓇᕗᑦ ᐊᒻᒪᓗ ᓄᓇᖃᖅᓯᒪᔪᖅ ᐃᓚᓂᓗ ᓄᓇᑐᐃᓐᓇᒥ, ᑕᐃᒪᓐᓇᐅᒐᓗᐊᖅᑎᓪᓗᒍ ᓴᓇᖃᑦᑕᖅᑐᖅ ᖃᒪᓂᑦᑐᐊᕐᒥ, ᓄᓇᕗᑦ. ᖃᖓᓕᒫᖅ ᐃᓅᓯᕐᒥᓂ ᑐᑯᒥ ᐃᖃᓗᒐᓱᒃᑎᐅᔪᖅ, ᐃᒡᓗᓕᐅᖅᑎ, ᐃᓕᓴᐃᔨ, ᓇᒡᒍᐊᕐᒥᓕᐅᖅᑎ, ᑎᑎᖅᑐᒐᐅᔭᓲᖅ ᐊᒻᒪᓗ ᓴᓇᖕᖑᐊᓲᖅ ᐅᒃᑯᓯᒃᓴᓕᖕᓂᒃ, ᑕᒪᕐᒥᒃ ᑮᓇᐅᔭᓕᐅᕈᑎᖏᑦ ᐃᓚᓕᐅᑎᓯᒪᖃᑦᑕᖅᑕᖏᑦ ᐃᓄᐃᑦ ᖃᐅᔨᒪᔭᑐᖃᖏᓐᓂᒃ. ᑐᑯᒥ ᓴᓇᖑᐊᖃᑦᑕᓕᓚᐅᑦᓯᒪᔪᖅ ᓴᐅᓂᕐᓂᒃ ᐊᒻᒪᓗ ᐅᒃᑯᓯᒃᓴᓕᖕᓂᒃ ᑕᐃᑲᓂ 1960ᓂ, ᑭᓯᐊᓂ ᑎᑎᕋᐅᔭᕈᒪᓂᖅᓴᐅᓚᐅᖅᑐᖅ ᑕᐃᒪᓗ ᓴᓇᑐᔫᓂᓂ ᐃᓱᒪᖅᓲᑎᒋᓂᐊᕋᒥᐅᒃ. ᑎᑎᕋᐅᔭᕈᓯᖓ ᓴᕿᑎᑦᑎᖃᑦᑕᖅᑐᖅ ᓄᑕᖃᐅᔾᔪᓯᕐᒥᓂᒃ, ᐱᐳᖅᓴᓪᓗᓂ ᓄᓇᑐᐃᓐᓇᒥ ᐊᒻᒪᓗ ᑐᓵᖃᑦᑕᖅᖢᓂ ᐅᓂᒃᑳᖅᑐᓂᒃ ᐃᓚᒥᓂᑦ, ᑐᑯᒥᐅᑉ ᐱᐅᓯᑎᖃᑦᑕᖅᑕᖏᑦ ᓂᕐᔪᑎᖑᐊᑦ ᐊᒻᒪᓗ ᐊᖓᒃᑯᖑᐊᑦ, ᐊᒻᒪᓗ ᐊᑐᖅᓯᖃᑦᑕᖅᑐᖅ ᓯᓕᒃᑑᓪᓗᒋᑦ ᑭᒡᓕᖏᑦ, ᐊᒻᒪᓗ ᑕᑕᑎᖅᐸᒃᖢᒋᑦ ᐊᑕᐅᓯᕐᒥᒃ ᑕᖅᓴᓂᒃ.
ᓴᓇᙳᐊᖅᑎᑦ ᑭᓇᐅᓂᖏᓐᓄᑦ ᑎᑎᕋᖅᓯᒪᔪᑦ ᑐᓂᔭᐅᓯᒪᔪᑦ ᐊᖏᖅᑕᐅᓯᒪᓪᓗᑎᒃ ᐃᓄᐃᑦ ᓴᓇᙳᐊᖅᑎᓕᕆᔨᒃᑯᑦ ᑐᙵᕝᕕᒃ. ᑕᒪᕐᒥᒃ ᐱᔪᓐᓇᐅᑎᑦ ᒪᓕᒐᖅᑎᒍᑦ.
ᐅᖃᐅᑎᖃᒃᑐᖅ (about)
ᑖᓐᓇ ᑕᐅᑦᑐᓪᓗᐊᖃᑎᓕᐅᕐᓂᖅ ᑲᑎᑕᐸᐅᒻᒪᑦ ᓯᓐᓇᒃᑐᕐᓂᐅᔪᓂᒃ ᐊᒻᒪᓗ ᐅᓂᒃᑲᐅᓯᕐᓂᒃ. ᑕᐃᔅᓱᒪᓂ ᐃᓅᓱᒃᑑᑎᓪᓗᒍ ᓄᑲᑉᐱᐊᖑᓪᓗᓂ, ᑑᑰᒥ ᐊᒃᓱᐋᓗᒃ ᖃᓂᒻᒪᓚᐅᖅᓯᒪᒻᒪᑦ. ᐃᓄᒻᒧᑦ ᐅᖃᐅᑎᔭᐅᓚᐅᖅᓯᒪᒻᒪᑦ ᐊᓈᓇᖓ ᓴᐃᒪᓐᒎᖅ ᑕᑯᒃᐸᑦ ᐊᕿᒡᒋᕐᒥᒃ ᐊᑲᐅᓯᒐᔭᕐᓂᕋᒃᑕᐅᓪᓗᓂ. ᑕᐃᒫᖑᓕᓚᐅᖅᓯᒪᓪᓗᓂᓗ ᐊᑲᐅᓯᓚᐅᖅᓯᒪᔪᖅ ᑕᑯᒐᒥ ᐊᕿᒡᒋᕐᒥᒃ ᐊᖑᓇᓱᒋᐊᖅᓯᒪᑎᓪᓗᒍ. ᑕᐃᒪᖓᓂᑦ, ᑐᖁᑦᑎᓚᐅᖅᓯᒪᒍᓐᓃᖅᑐᒥᓂᖅ ᐊᕿᒡᒋᕐᒥᒃ.
