Pudlat, Aoudla
Kinngait (Cape Dorset)
(1951–2006)
Pudlat, Aoudla
(1951–2006)
ᐊᐅᓪᓚ ᐳᓪᓚᑦ ᐊᔪᙱᑦᑐᒻᒪᕆᐅᓚᐅᖅᑐᖅ ᐊᒻᒪᓗ ᐱᓯᑎᐊᓘᓪᓗᓂ ᓴᓇᙳᐊᖅᑎᐅᓪᓗᓂ ᑭᙵᐃᑦ, ᓄᓇᕗᒻᒥ, ᖃᐅᔨᒪᔭᐅᓕᓚᐅᖅᑐᖅ ᒥᖑᐊᖅᓯᒪᔪᓂᑦ ᐊᒻᒪᓗ ᑎᑎᖅᑐᒐᕐᓂᒃᑯᑦ. ᐱᒋᐊᙵᕋᓗᐊᖅᑎᓪᓗᒍ ᓴᓇᙳᐊᖅᑎᐅᓂᕐᒥᑦ 1960−ᖏᓐᓂᒃ, ᑕᐃᑲᓂ 1970−ᖏᓐᓂᒃ ᐳᓪᓚᑦ ᑎᑎᖅᑐᒐᒋᐊᙵᓕᓚᐅᖅᑐᖅ ᐃᓕᓐᓂᐊᖅᐸᓪᓕᐊᓂᒃᑯᑦ ᑭᙵᐃᑦ ᑎᑎᖅᑐᒐᕐᕕᖓᓂ. ᓴᓇᒪᓂᖏᑦ ᐊᔾᔨᒌᙱᓐᓂᖃᖅᑐᑎᒃ ᐊᔾᔨᙳᐊᓪᓚᕆᐅᔮᖅᑐᓂᒃ ᑲᒪᓇᖅᑐᓄᑦ, ᑎᒻᒥᐊᓄᑦ ᖁᕕᐊᒋᔭᐅᓚᐅᖅᑐᑦ ᐊᒻᒪᓗ ᐅᖃᐅᓯᐅᒐᔪᑦᑐᑎᒃ ᑎᑎᖅᑐᒐᖅᑎᓄᑦ−ᐊᒥᓱᑦ ᓄᓇᓕᐅᑉ ᐊᕐᕌᒍᑕᒫᑦ ᑎᑎᖅᑐᒐᖅᓯᒪᔪᖁᑎᓃᖃᑕᐅᖃᑦᑕᓚᐅᖅᑐᑦ. ᐳᓪᓚᐅᑉ ᓴᖅᑭᔮᙵᐅᑕᐅᓚᐅᖅᑐᑦ ᑭᙵᕐᓂ ᐊᕐᕌᒍᑕᒫᑦ ᑎᑎᕋᐅᔭᖅᓯᒪᔪᓂᑦ ᓄᐊᑕᐅᓯᒪᓲᓂᑦ 1980−ᒥᑦ ᐊᒻᒪ ᑲᔪᓯᓂᖃᓚᐅᖅᑐᖅ ᓴᖅᑭᔮᒐᔪᖃᑦᑕᖅᓱᑎᒃ, ᑕᒪᒃᑯᐊᓗ ᒥᖑᐊᖅᓯᒪᔪᑦ ᓴᓇᕙᓚᐅᖅᑕᖏᓐᓂᒃ ᑎᑎᖅᑐᒐᐅᔭᖅᑏᑦ ᑎᑎᖅᑐᒐᖅᓯᒪᔭᖏᓐᓂᒃ. ᓴᓇᓯᒪᔭᖏᑦ ᑕᑯᔭᐅᒍᓐᓇᖅᑐᑦ ᓄᐊᑕᐅᓯᒪᔪᓂᑦ ᐊᔾᔨᒌᙱᑦᑐᓂᑦ ᓴᓇᙳᐊᕐᕕᖃᕐᕕᐅᔪᓂᑦ, ᑕᐃᑲᓂᓗ ᓴᓇᙳᐊᒐᖃᕐᕕᔾᔪᐊᖓᓂ ᑲᓇᑕᒥ ᐋᑐᐋ, ᐋᓐᑎᐅᕆᐆᒥ.
ᓴᓇᙳᐊᖅᑎᑦ ᑭᓇᐅᓂᖏᓐᓄᑦ ᑎᑎᕋᖅᓯᒪᔪᑦ ᑐᓂᔭᐅᓯᒪᔪᑦ ᐊᖏᖅᑕᐅᓯᒪᓪᓗᑎᒃ ᐃᓄᐃᑦ ᓴᓇᙳᐊᖅᑎᓕᕆᔨᒃᑯᑦ ᑐᙵᕝᕕᒃ. ᑕᒪᕐᒥᒃ ᐱᔪᓐᓇᐅᑎᑦ ᒪᓕᒐᖅᑎᒍᑦ.