1970-ᒥ, ᔮᓐ ᑎᒃᑕᒃ ᓯᕗᓪᓕᖅᐸᐅᓕᓚᐅᕐᒪᑦ ᐃᓄᓐᓂᒃ ᓴᓇᙳᐊᖅᑎᓂᒃ ᑭᒡᒐᖅᑐᖅᑕᐅᓕᕐᓗᓂ ᑖᓐᓇᑑᓗᓂ ᑕᑯᒃᓴᐅᑎᑦᑎᑎᓪᓗᒍ. 50-ᖏᑦ ᑕᐅᑦᑐᖃᑎᓪᓗᐊᓕᐊᕆᓯᒪᔭᖏᑦ ᑕᑯᒃᓴᐅᑎᑕᐅᓚᐅᕐᒪᑕ ᑕᑯᒃᓴᐅᑎᑦᑎᕕᒻᒥ ᑕᑯᒃᓴᐅᑎᑕᓂᐋᕐᓗᑎᒃ ᔪᐊᔨ ᓱᐃᓐᑕᓐᒧᑦ ᓯᓚᑦᑐᖅᓴᕐᕕᒡᔪᐊᖓᓂ ᒫᓂᑐᕙᐅᑉ ᑕᑯᔭᒐᖃᕐᕕᖓᓂ 1.1.1. ᐊᒥᓱᑲᓪᓚᐃᑦ ᑖᒃᑯᓇᓂ ᒫᓐᓇ ᐃᓚᒋᔭᐅᓕᕐᒪᑕ 36 ᑕᐅᑦᑐᖃᑎᓪᓗᐋᓕᐊᖑᓯᒪᔪᑦ ᑎᒃᑕᒃᒧᑦ ᑕᐃᑲᓂ ᐅᐃᓂᐱᒡᒥ ᓴᓇᐅᒐᖁᑎᓂᒃ ᑕᑯᔭᒐᖃᕐᕕᒻᒥ (WAG) ᓄᐊᑕᐅᓯᒪᔪᓂ. ᓱᐃᓐᑕᐅᑉ ᐊᔾᔨᐅᓂᖅᓯᐅᓚᐅᕐᒪᒋᑦ ᓴᓇᙳᐊᖅᑎᐅᑉ ᐊᓯᕈᒃᓴᕋᐃᑦᑐᑦ ᑕᐅᑦᑐᓕᐅᖅᓯᒪᑐᐃᓐᓇᖅᑐᑦ ᑕᐃᒃᑯᓄᖓ ᕗᑎᔅ ᑕᐅᑦᑐᖃᑎᓪᓗᐊᓕᐅᖅᑎᒧᑦ, ᕼᓄᕆ ᒨᕆᒧᑦ. ᑎᒃᑕᐅᑉ ᐊᓯᕈᒃᐸᓪᓕᐋᓕᕋᑕᕐᓂᖏᓐᓂ ᖃᓄᐃᓕᖓᓂᖏᑦ ᑕᒪᒃᑮᐸᓗᒻᒪᑕ ᐃᓚᓕᐅᑎᓯᒪᓂᖏᑦ ᐃᓄᖃᑎᒋᑦ ᑕᐅᑦᑐᖏᓐᓄᑦ ᐊᒻᒪᓗ ᐃᓕᖅᑯᓯᖃᓕᖅᑎᑕᐅᓪᓗᑎᒃ ᐊᔪᖅᓴᕐᓇᑎᒃ ᐃᓗᑦᑎᖅᓯᒪᓂᖏᑦ ᐊᒻᒪᓗ ᑭᒡᓕᓕᔮᕐᓂᖏᑦ. ᓴᓇᙳᐊᖃᑦᑕᓕᕋᑖᐸᓗᒃᑎᓪᓗᒍ, ᐱᒋᐊᓕᓚᐅᖅᓯᒪᒻᒪᑦ 1963-ᒥ, ᑕᑯᒥᓇᕐᓗᑎᒃ ᖃᐃᕋᑦᑎᐋᕐᓗᑎᒃ ᖄᖏᑦ ᐊᒻᒪᓗ ᓴᖑᐃᖅᓯᒪᐅᕐᓂᖏᑦ ᑭᒡᓕᓕᔮᕐᓗᑎᒃ ᐊᒻᒪᓗ ᐊᖏᔫᓂᖏᑦ. ᑭᖑᓂᖓᒍᑦ ᓴᓇᓯᒪᔭᖏᑦ, ᐃᒫᖑᒐᔪᓕᓚᐅᕐᒪᑕ ᑲᑎᓯᒪᓪᓗᑎᒃ ᓂᐋᖁᐃᑦ, ᖃᓂᒋᔮᖏᓪᓃᓐᓂᖅᓴᐅᓪᓗᑎᒃ ᐱᐅᒋᔭᐅᓂᖏᓐᓄᑦ ᐊᓯᐋᓄᑦ ᐊᔪᖏᓐᓂᖅᓴᒧᑦ ᑲᖏᖅᖠᓂᕐᒥ ᑕᐅᑦᑐᖃᑎᓪᓗᐋᓕᐅᖅᑎᒧᑦ, ᔮᓐ ᑲᕕᒃ, ᒪᓂᕋᑦᑑᓇᑎᒃ, ᐅᖃᐅᓯᖃᕋᓱᐊᕐᓂᖅᓴᐅᓪᓗᑎᒃ ᖃᓄᐃᓕᖓᓂᖏᑦ.

2006-ᒥ, ᐊᖏᔪᑦ ᓄᐊᑕᐅᓯᒪᔪᑦ 246 ᓴᓇᔭᐅᓯᒪᔪᑦ ᑐᓂᔭᐅᑐᐃᓐᓇᓚᐅᖅᑐᑦ ᑕᑯᔭᒐᖃᕐᕕᒻᒧᑦ ᕚᓐᑰᕗᒥ ᓄᐊᑦᑎᖃᑦᑕᖅᑐᒧᑦ ᓘᑦᑖᖅ ᕼᐃᐅᕆ ᕗᐃᓐᕌᑉ. ᕗᐃᓂᐸᐃᒡᒥᐅᑕᓪᓚᕆᒃ, ᕗᐃᓐᕌᑉ ᓂᐅᕕᖃᑦᑕᕐᓂᑰᒻᒪᑦ ᐃᓄᐃᑦ ᓴᓇᖑᐊᒐᖏᓐᓂᑦ ᐱᒋᐊᖅᑐᓂ 1968. ᐱᔪᒪᓂᖃᒻᒪᕆᓕᓚᐅᖅᑐᖅ ᓄᐊᑦᑎᓂᕐᒥᑦ ᐃᓄᐃᑦ ᓴᓇᐅᒐᖏᓐᓂᑦ 1971-ᒥᑦ, ᐊᒻᒪ ᐱᓕᕆᓪᓗᐊᑕᖃᓕᖅᑐᓂ ᓂᐅᕕᖃᑦᑕᓂᕐᒥᑦ ᓴᓇᔭᐅᓯᒪᔪᓂᑦ ᐆᒪᔪᒥᓂᕐᒦᖔᖅᑐᓂᑦ ᐊᖑᓇᓱᑦᑕᐅᕙᑦᑐᓂᑦ (ᕿᓚᓗᒐᐃᑦ ᓴᐅᓂᖏᑦ, ᐊᐃᕖᑦ ᑑᒑᖏᑦ, ᐊᒻᒪ ᑐᑦᑐᐃᑦ ᓇᔾᔪᖏᑦ). 54 ᓴᓇᔭᐅᓯᒪᔪᑦ ᕗᐃᓐᕌᑉ ᓄᐊᓯᒪᔭᖏᑦ ᓴᓇᔭᐅᓯᒪᔪᑦ ᐆᒪᔪᒥᓂᕐᒦᖔᖅᑐᑦ, ᐊᒻᒪ 36 ᑖᒃᑯᐊᓂᖓ ᕿᓚᓗᒐᐃᑦ ᓴᐅᓂᖏᑦᓐᓂ. ᕗᐃᓐᕌᑉ ᐋᓐᓂᐊᓯᐅᖅᑎᐅᓚᐅᖅᓯᒪᔪᖅ ᐱᔾᔪᑎᒋᔭᖓ ᐱᔪᒪᓂᖃᕐᓂᖓ ᑖᒃᑯᓂᖓ ᐆᒪᔪᒥᓂᕐᒦᖔᖅᑐᓂᑦ. ᑭᓯᐊᓂᓕ, ᐱᔪᒪᓂᕆᓂᖅᓴᖓ ᐱᐅᔫᑎᓅᓚᐅᖅᑐᖅ. ᐱᔪᒪᓂᖃᓗᐊᓚᐅᖅᑐᖅ ᓴᓇᖑᐊᒐᑦᑎᐊᕙᓐᓂᑦ ᓴᓇᔭᐅᓯᒪᔪᑦ ᓇᑦᑎᓕᖕᒥᐅᑦ (ᓇᑦᓯᓕᒃ) ᓴᓇᖑᐊᖅᑏᑦ ᐅᕙᓐᖓᑦ ᑕᓗᕐᔪᐊᖅ, ᐅᖅᓱᖅᑑᖅ, ᐊᒻᒪ ᑰᒑᕐᔪᒃ. ᓴᓇᔭᐅᓯᒪᔪᑦ ᐊᖓᒃᑯᖃᓂᕐᒥᑦ ᐃᓗᓕᓕᓐᓂᑦ ᐱᔪᒪᓂᖁᓗᐊᓪᖑᐊᓚᐅᖅᑐᖅ, ᐱᓗᐊᖅᑐᒥᑦ ᐆᒪᔪᐃᑦ/ᐃᓄᐃᑦ ᐊᓯᔾᔨᖅᑐᓂᑦ. ᓇᓗᓇᐃᖅᓯᓚᐅᖅᑐᖅ ᐅᓴᐅᓚᐅᖏᑦᑐᖅ “ᐱᑕᖃᒐᔪᑦᑐᑦ” ᑭᓯᐊᓂ ᐊᔾᔨᐅᖏᑦᑐᑦ, ᐊᒻᒪᓘᓐᓃᑦ ᖃᓄᐃᓕᖓᕈᓘᔭᖅᑐᒥᑦ ᓴᖏᔪᒥᑦ ᐱᔪᒪᓂᕆᔭᖓᓄᑦ. ᒫᑦᓯᒥ 2008, ᕼᐃᐅᕆ ᕗᐃᓐᕌᑉ ᓄᐊᓯᒪᔭᖏᑦ ᐅᖃᐅᓯᐅᓚᐅᖅᑐᑦ ᕕᓂᐲᒃ ᓴᓇᙳᐊᒐᐃᑦ ᑕᑯᒐᓐᓈᒐᖃᕐᕕᒻᒥ ᑕᑯᔅᓴᐅᑎᑕᐅᔪᓂᑦ ᐊᒻᒪ ᑎᑎᕋᖅᑕᐅᓯᒪᔪᓂᑦ.