Akeeaktashuk

(1898–1954)

ᐊᑭᐊᒃᑕᓱᒃ ᓴᓇᙳᐊᖅᑎᐅᓚᐅᖅᑐᖅ ᐃᓄᒡᔪᐊᖅ, ᓄᓇᕕᒃ, ᑯᐱᒃᒥᐅᑕᖅ. ᐊᒥᓲᓂᖅᓴᐃᑦ ᐊᑭᐊᒃᑕᓱᒃ ᓴᓇᙳᐊᒐᖏᑦ ᑐᕌᖓᓗᐊᖅᓯᒪᔪᑦ ᐃᓄᐃᑦ ᐊᒻᒪᓗ ᓂᕐᔪᑎᓄᑦ, ᐃᓚᒋᔭᐅᓗᐊᖃᑦᑕᖅᑐᑎᒃ ᒥᑭᔪᓂᑦ ᑕᑯᔪᒥᓇᖅᑐᓂᒃ ᐆᑦᑑᑎᒋᓗᒍ ᓴᐸᖓᐃᑦ ᐃᔨᙳᐊᓄᑦ ᐊᑐᖅᑐᒋᑦ. ᐊᒥᓱᒃᑯᑦ, ᐊᑭᐊᒃᑕᓱᒃ ᓴᓇᙳᐊᒐᖏᑦ ᓴᖑᖓᓂᖏᑦ ᐃᓄᐃᑦ ᐊᒻᒪᓗ ᓂᕐᔪᑏᑦ ᒥᖑᐊᖅᑐᒋᑦ ᐅᔭᕋᐃᑦ ᓴᓇᙳᐊᒐᖏᑦ ᐊᒻᒪᓗ ᑑᒑᖏᑦ. ᐊᒥᓲᓂᖅᓴᐃᑦ ᓴᓇᙳᐊᒐᖏᑦ ᐊᕐᓇᐃᑦ ᐊᒻᒪᓗ ᐊᓈᓇᐃᑦ ᐊᒻᒪᓗ ᓱᕈᓰᑦ ᐆᑦᑑᑎᒋᓗᒍ ᐊᓈᓇ ᐊᒻᒪᓗ ᓱᕈᓯᖅ (1953), ᓴᓇᙳᐊᕌᓂᒃᓯᒪᔭᖏᑦ ᐱᐊᓂᒃᓯᒪᒐᔪᖕᓂᖅᓴᐃᑦ ᓱᓇᒥᑦ ᐃᓕᕝᕕᔅᓴᖃᖅᑐᒥᑦ. ᓄᓇᒥᐅᑕᐅᓪᓗᓂ, ᐊᑭᐊᒃᑕᓱᒃ ᓴᓇᙳᐊᖅᐸᓪᓕᐊᓚᐅᖅᑐᖅ ᒪᒃᑯᒃᑎᓪᓗᒍ ᐊᒻᒪᓗ ᖃᐅᔨᒪᔭᐅᔪᖅ ᐱᐅᓂᖅᐹᓂᑦ ᓴᓇᙳᐊᖅᑎᐅᓪᓗᓂ ᓄᓇᓕᒥ ᐃᓅᑎᓪᓗᒍ, ᑐᑭᓕᐊᖅᓯᒪᖃᖅᑐᑎᒃ ᐊᒻᒪᓗ ᓴᖑᖓᑦᑎᐊᒐᓚᒃᑐᑎᒃ. ᐊᑭᐊᒃᑕᓱᒃ ᓴᓇᙳᐊᒐᖏᑦ ᑕᑯᒐᓐᓈᖅᑎᑕᐅᓯᒪᔪᑦ ᑲᓇᑕᒥ, ᐊᒥᐊᓕᑲᒥ ᐊᒻᒪᓗ ᓯᓚᕐᔪᐊᒥ, ᐊᒻᒪᓗ ᐃᓚᒋᔭᐅᓚᐅᖅᑐᖅ ᐱᒻᒪᕆᐅᔪᓄᑦ ᑭᒃᑯᑐᐃᓐᓇᓄᑦ ᑲᑎᓱᖅᑕᐅᔪᑦ ᐆᑦᑑᑎᒋᓗᒍ ᒥᑦᑐᐸᓚᑎᓐ ᑕᑯᒐᓐᓈᒐᖃᕐᕕᒃ ᓴᓇᙳᐊᖅᑕᐅᓯᒪᔪᑦ ᓂᐅ ᔪᐊᒃᒥ.

ᐃᓐᓇᐅᒻᒧᑦ ᑎᒍᒻᒥᕕᒃ ᓇᓄᖃᖅᑐᓂ ᐊᒻᒪᓗ ᐃᓅᑉ ᓂᐊᖁᖏᑦ

1950

ᐅᔭᕋᒃ, ᐅᔭᕋᒃ ᐃᓗᑐᔪᖅ, ᐃᕐᒥᐅᑦ ᐃᓗᑐᔪᖅ , ᕿᕐᓂᖅᑕᖅ ᑲᓚᔪᖅ

5.1 x 11 x 4.4 cm

Collection of the Winnipeg Art Gallery, The Ian Lindsay Collection, Gift of Ian Lindsay

G-85-417

ᐅᖃᐅᑎᖃᒃᑐᖅ (about)

ᐃᑭᑦᑕᖅᑐᒃᑯᕕᒃ ᓇᓄᖑᐊᓕᒃ ᐊᒻᒪᓗ ᐃᓄᐃᑦ ᓂᐊᖁᖏᓐᓂᒃ

ᐃᓐᓇᐅᒻᒧᑦ ᑎᒍᒻᒥᕕᒃ ᓇᓄᖃᖅᑐᓂ ᐊᒻᒪᓗ ᐃᓅᑉ ᓂᐊᖁᖏᑦ ᐃᑭᑦᑕᖅᑐᒃᑯᕕᒃ ᓇᓄᖑᐊᓕᒃ ᐊᒻᒪᓗ ᐃᓄᐃᑦ ᓂᐊᖁᖏᓐᓂᒃ

ᑕᒪᓐᓇ ᓴᓇᔭᐅᓯᒪᕗᖅ ᐊᕿᐊᑐᓱᖕᒧᑦ, ᐊᔾᔨᖃᕐᓂᖓᓄᑦ ᓴᓇᓯᒪᔭᖏᓐᓂᒃ ᑕᑯᔭᒃᓴᖓᓃᑦᑐᓂᒃ ᑲᓇᑕᒥ ᑲᑎᖅᓱᐃᕕᖓᓂ ᓴᓇᐅᒐᕐᓂᒃ ᑯᐸᐃᒃᒥ (ᑕᐃᑲᓂ Canadian Guild of Crafts-ᑯᓐᓂ). ᐊᕿᐊᑐᓲᑉᑕᐅᖅ ᓴᓇᖃᑦᑕᖅᓯᒪᔪᖏᑦ ᑕᑯᔭᒃᓴᐅᒋᕗᑦ ᒪᕐᕈᖕᓂᒃ ᓇᓅᑉ ᓂᐊᖁᖃᕐᓂᖏᓐᓂᒃ, ᐊᓯᖏᓐᓂ ᓲᕐᓗ ᑕᐃᑲᓂ ᑕᐃᔭᐅᔪᒥ ᐊᖓᒃᑯᖅ ᐃᑭᒪᔪᖅ ᓇᓄᕐᒥᒃ ᐃᑲᔪᖅᑎᒥᓂᒃ ᑑᕐᖓᖓᓂᒃ ᑕᑯᔭᒃᓴᐅᖃᑕᐅᖕᒥᔪᖅ ᑕᐃᑲᓂ ᐅᐃᓂᐸᐃᒡᒥ ᓴᓇᐅᒐᕐᓂᒃ ᑕᑯᔭᒐᖃᕐᕕᖕᒥ ᑲᑎᖅᓱᖅᑕᐅᓯᒪᔪᓂᒃ.