ᐃᓄᐃᑦ ᓴᓇᙳᐊᒐᖏᑦ ᐊᔾᔨᖃᐸᓗᒻᒪᑕ ᐅᐊᓐᓇᖅᐸᓯᖓᓂᒃ ᐱᖓᓐᓇᐅᑉ ᓯᒡᔭᖏᓐᓂᒃ ᓴᓇᙳᐊᖅᓯᒪᓗᑎᒃ ᓇᐸᔪᐊᓗᐃᑦ ᖃᐅᔨᒍᒥᓇᕐᒪᑕ ᑐᕌᖓᒻᒪᖔᑕ ᐃᓄᒡᔪᐊᕐᒧᑦ (ᐳᐊᑦ ᕼᕐᕆᓴᓐ) ᓇᔪᒐᖓᓂ ᑕᐅᕙᓂ ᐱᒋᐊᓕᕋᑖᖅᑎᓪᓗᒋᑦ 1950-ᑦ. ᑕᒪᒃᑯᐊ ᑲᔪᖏᓕᕈᑕᐅᓯᒪᓂᖏᑦ ᓱᓕ ᓇᓗᓇᐃᖅᑕᐅᓯᒪᖏᒻᒪᑕ. ᐃᒫᑎᒋ ᖃᐅᔨᒪᒐᓗᐋᖅᑐᒍᑦ: ᔭᐃᒻᔅ ᕼᐅᔅᑕᓐ ᐊᐅᓪᓚᖃᑦᑕᓚᐅᕐᒪᑦ ᑕᒃᑯᓄᖓ ᐊᒥᓱᐃᖅᓱᕐᓗᓂ ᐱᒋᐊᕐᓗᓂ 1948-ᖏᓐᓂ ᐊᒻᒪᓗ 1950-ᒥ. 1951-ᒥ ᐅᖃᓕᒫᒐᓕᐅᓚᐅᕐᒪᑦ ᐊᔪᕆᒃᓯᐅᔾᔨᓯᒪᔪᓂᒃ ᐅᖃᓕᒫᒐᕐᒥᒃ, ᓴᓇᔭᖅᓴᖅ (ᐃᔅᓯᑭᒧᑦ ᓴᓇᐅᒐᖏᑦ), ᐃᓄᐃᑦ ᓴᓇᙳᐊᖅᑎᓄᑦ, ᑖᓐᓇᓗ ᐱᖃᓯᐅᔾᔨᓪᓗᓂ ᐃᓚᒃᑲᓐᓂᖓᓂᒃ ᑎᑎᕋᐅᔭᖅᓯᒪᔪᒥᒃ ᐃᒪᐃᑦᑑᓪᓗᓂ “ᐃᓄᒻᒧᑦ-ᓴᓇᔭᐅᓂᑰᓪᓗᓂ” ᓴᓇᙳᐊᕐᕕᒋᓯᒪᔪᖅ ᓇᐸᔪᐋᓗᒃ. ᐃᒫᖑᑐᐃᓐᓇᕆᐊᖃᕐᒪᑦ ᕼᐅᔅᑕᓐ ᑕᑯᓐᓂᕐᒪᑦ ᐃᓄᐃᑦ ᓴᓇᙳᐊᕐᕕᒋᓯᒪᔪᖅ-ᓇᐸᔪᐋᓗᖅᑯᔨᔪᖅ ᑲᑎᑦᑎᕕᐅᓯᒪᓪᓗᓂ, ᐱᒋᐊᕈᒪᓕᕈᑎᒋᓐᓂᕐᓗᓂᐅᒃ ᑎᑎᕋᐅᔭᕐᓗᓂ ᐅᐊᓐᓇᖅᐸᓯ ᐱᖓᓐᓇᕐᒥ ᓯᒡᔭᖏᓐᓂᒥᐅᑕᑎᑑᖓᔪᒥᒃ ᓇᐸᔪᐋᓗᒻᒥᒃ, ᑕᐃᒪᖑᓂᖓᓄᑦ ᓴᓇᙳᐊᖅᑕᐅᑎᑦᑎᓕᓚᐅᖅᐳᖅ ᓴᓇᙳᐊᖅᑎᒧᑦ ᓲᕐᓗ ᐊᐃᓴ ᐆᒪᔪᐊᓘᒃ ᓴᓇᖁᓪᓗᒍ ᓴᓇᓯᒪᔪᒥᒃ ᑲᑎᑕᐸᐅᖅᑰᔨᓗᓂ ᓴᓇᓯᒪᓂᖓ ᐊᕐᕌᒍᒐᓴᓐᓄᑦ.