Jaw, Mialia

(1934–2006)

ᒥᐊᓕᐊ ᔮ ᓇᓪᓕᐅᕐᓂᖅᓯᐅᕈᑕᐅᓚᐅᖅᑐᖅ ᓴᓇᔭᖏᓐᓄᑦ ᓴᓇᖑᐊᑦᑕᖏᓐᓄᑦ ᐊᒻᒪᓗ ᑎᑎᕋᐅᔭᖅᑕᖏᓐᓄᑦ. ᓴᓇᖑᐊᖅᑕᖏᑦ ᐅᒃᑯᓯᒃᓴᓕᑦ, ᓴᓇᖃᑦᑕᖅᑐᖅ ᓂᕐᔪᑎᖑᐊᓂᒃ ᐊᒻᒪᓗ ᐃᓄᖑᐊᓂᒃ. ᐊᐅᓪᓗᑎᓪᓗᒋᑦ ᓴᓇᖃᑦᑕᖅᑕᖏᑦ ᑎᑎᕋᐅᔭᖅᑕᓂ ᐃᓅᔪᓐᓃᕆᐊᒃᓯᓪᓗᓂ, ᔮ ᓴᓇᖃᑦᑕᖅᑐᖅ ᑕᖅᓴᖃᑦᑎᐊᖅᑐᓂᒃ ᐃᒻᒥᓂᒃ ᓇᖕᒥᓂᖅ ᐊᑐᖅᓯᒪᔭᒥᓂᒃ, ᐃᓄᐃᑦ ᐅᓂᒃᑳᖅᑐᐊᖏᓐᓂᒃ. ᐃᓅᓂᑯ 1934 ᕿᒻᒥᖅᑐᖅ ᖃᓂᒋᔭᖓᓂ ᑭᒻᒥᕈᑦ, ᔮ ᓄᑕᖃᐅᓚᐅᖅᑐᖅ ᐱᕈᖅᓴᓪᓗᓂ ᓄᓇᑐᐃᓐᓇᒥ. ᖃᐅᔨᒪᔭᐅᔪᖅ ᐅᓂᒃᑳᖅᑐᐊᓲᖑᓂᖓ, ᔮ ᓴᕿᑦᑎᖃᑦᑕᖅᑕᖏᑦ ᐃᓄᐃᑦ ᖃᐅᔨᒪᔭᑐᖃᖏᑦ ᑎᒍᔭᒃᓴᐅᓕᖅᖢᒋᑦ ᓴᓇᓪᓗᒋᑦ. ᒥᐊᓕᐊ ᑲᑎᑎᑕᐅᓚᐅᖅᑐᖅ ᔫ ᔮ-ᒧᑦ, ᐃᒃᐱᒋᔭᐅᑦᑎᐊᖅᑐᖅ ᐃᓄᒃ ᓴᓇᖑᐊᖅᑎ; ᐱᖓᓱᓂᒃ ᓄᑕᕋᖃᖅᑐᑦ ᐊᒻᒪᓗ ᑖᒃᑯᐊ ᓴᓇᖑᐊᖅᑎᐅᒋᓪᓗᑎᒃ. ᔮ ᓱᓕ ᐱᓕᕆᑦᑎᐊᖏᓐᓇᖅᑐᖅ ᐃᓅᓯᕐᒥᓂ ᓴᖕᖏᔪᒥᒃ ᑲᑎᖓᔪᖅ ᓄᓇᒥᓄᑦ ᐊᒻᒪᓗ ᓄᓇᒋᖃᑦᑕᖅᓯᒪᔭᒥᓄᑦ ᐃᓄᒃᑐᑦ ᑕᐅᓇᓂ ᓯᒡᔭᖓᓕ, ᖃᓂᒋᔭᖓᓂ ᑭᓐᖓᐃᑦ. ᔮ ᐊᑐᖅᓯᓲᖅ ᐊᒥᓱᓂᑦ ᑭᓱᖑᐊᓕᐅᕈᑎᒋᓪᓗᒋᑦ. ᖃᐅᔨᓴᖃᑦᑕᓚᐅᖅᑐᖅ ᐃᒪᒃᓴᖏᓐᓂᒃ ᑎᑎᖅᑐᒐᖅᑕᐅᓂᐊᖅᑐᑦ, ᐃᑎᓯᑎᑦᑎᖃᑦᑕᖅᖢᓂ, ᐅᒃᑯᓯᒃᓴᓕᒃ ᓇᑲᓪᖢᒍ, ᐊᓕᓚᔪᕐᒧᑦ ᐸᑎᒃᑎᓪᖢᒍ ᐊᒻᒪᓗ ᐃᒫᓕᖕᓂᒃ ᑕᖅᓴᖅᖢᒋᑦ. ᔮ ᓴᓇᖃᑦᑕᓕᕋᖢᐊᖅᖢᓂ ᐃᓅᔪᓐᓃᓚᐅᖅᑐᖅ ᐊᒻᒪᓗ ᑎᑎᖅᑐᒐᖃᑦᑕᓕᖅᖢᓂ ᒍᐃᔅ ᐸᕙᓐ ᐃᔅᑭᒨ ᑯᐊᑉ ᑎᑎᖅᑐᒐᖃᕐᕕᖓᓂ ᑎᑭᐅᑎᓪᓗᒍ 1996. ᑕᐃᑲᓂ ᖁᓕᑦ ᐊᕐᕌᒍᓂ, ᓴᓇᓯᒪᔪᖅ ᖁᓕᓂᒃ, ᐱᕙᓪᓕᐊᑎᐊᕐᓂᖓ ᐊᒻᒪᓗ ᐱᔭᕇᖅᓯᑦᑎᐊᖃᑦᑕᕐᓂᖓ ᑎᑎᕋᖅᓯᒪᓐᖏᑦᑐᑦ ᐊᒻᒪᓗ ᖃᐅᔨᒪᓇᓐᖏᑦᑐᑦ. ᑕᐃᒃᑯᐊ ᖃᐅᔨᒪᔭᐅᑦᑎᐊᖅᑐᑦ ᓴᓇᔭᖏᑦ Stung (ᐹᔭᖅ) (2005) ᐊᒻᒪᓗ Owl and Hare (ᐅᒃᐱᒃ ᐊᒻᒪᓗ ᐅᑲᓕᖅ) (2004), ᑕᑯᑎᑦᑎᔪᖅ ᐅᑭᐅᖅᑕᖅᑐᖅ ᓂᕐᔪᑎᖏᓐᓂᒃ ᐊᒻᒪᓗ ᑕᖅᓴᖃᑦᑎᐊᖅᖢᑎᒃ ᓯᓚᑎᑐᑦ. ᔮ ᖃᐅᔨᒪᑦᓯᐊᓚᐅᖅᑐᖅ ᓄᓇᒥᒃ ᓯᓚᑖᓃᑦᑐᒥᒃ ᑭᓐᖓᐃᑦ ᑕᐃᒪᓗ ᓴᓇᖑᐊᖃᑦᑕᓕᕈᑎᒋᓚᐅᖅᑕᖏᑦ. ᑎᑎᖅᑐᒐᖅᑕᖏᑦ ᑕᑯᑎᑦᑎᔪᑦ ᓄᓇᒥ ᓯᓚᕐᔪᐊᒥᓂᒃ ᑕᑯᔭᒥᓂᒃ ᐊᒻᒪᓗ ᓴᕿᑎᓪᖢᒋᑦ ᐃᓅᓯᕆᓚᐅᖅᑕᒥᓂᒃ. ᑕᐃᑲᓂ Titalittaq Returns (ᑎᒃᑕᓕᒃᑕᖅ ᐅᑎᖅᑐᖅ), ᔮ ᓴᕿᑎᑦᑎᔪᖅ ᐃᓄᐃᑦ ᐅᓂᒃᑳᖅᑐᐊᖓᓂ ᐅᓇᓗ ᐊᔪᓕᖅᓯᒪᔪᖅ ᐃᓄᖃᓐᖏᑦᑐᒥ ᕿᑭᖅᑕᒥ. ᐊᔾᔨᖑᐊᖅ, ᑎᒃᑕᓕᒃᑕᖅ ᐊᖏᕐᕋᕋᒥ ᐊᑐᖅᖢᓂ ᕿᔪᕕᓂᕐᓂᒃ ᐳᒃᑕᔾᔪᑎᖃᖅᖢᓂ ᐊᑕᓪᓗᓂ ᐊᐃᕕᐅᑉ ᐃᕐᕋᕕᖓᓂᒃ ᑕᐃᒪᓗ ᓄᓇᓖᑦ ᖁᕕᐊᓱᓕᖅᐳᑦ ᑎᑭᒻᒪᑦ. ᐅᓇ ᐊᔾᔨᖑᐊᖅ ᐃᓚᒋᔭᐅᔪᖅ ᐱᔭᐅᔪᒪᕙᒃᑐᑦ ᐊᒻᒪᓗ ᖃᐅᔨᒪᔭᐅᓕᑦᑎᐊᖅᑐᑦ ᓴᓇᖃᑦᑕᖅᑕᖏᑦ. ᔮ ᓴᓇᔭᖓ ᓴᕿᔮᖅᑎᑕᐅᔪᖅ ᓯᐱᐅᓕᑦ ᐅᓕᔅᓗ ᑕᑯᔭᒐᖃᕐᕕᖓᓂ, ᕚᓐᑰᕙ ᐊᒻᒪᓗ ᐃᓚᓕᐅᑎᓯᒪᔪᖅ ᑭᓐᖓᐃᑦ ᑎᑎᖅᑐᒐᕐᕕᖓᓂ ᐊᕐᕌᒍᑕᒫᑦ ᑎᑎᖅᑐᒐᑦᑕᐅᓯᒪᔪᑦ ᓄᐊᑕᐅᖃᑦᑕᖅᑐᑦ 2004 ᑎᑭᓪᖢᒍ 2006, ᐱᖃᑎᒋᓪᓗᒍ ᐋᓂ ᐳᑐᒍᖅ, ᐊᒻᒪᓗ ᑲᑯᓗ ᓵᒋᐊᖅᑐᖅ. ᓴᓇᔭᖏᑦ ᐱᔭᐅᓯᒪᔪᑦ ᓄᐊᑕᐅᔪᑦ ᐊᖕᓂᔅ ᐃᑐᓕᖕᑕᓐ ᓴᓇᖑᐊᕐᕕᒃ ᑭᖕᓯᑕᓐ. ᒥᐊᓕᐊ ᔮ ᐃᓅᔪᓃᓚᐅᖅᑐᖅ 2006-ᒥ.

ᓴᓇᙳᐊᖅᑎᑦ ᑭᓇᐅᓂᖏᓐᓄᑦ ᑎᑎᕋᖅᓯᒪᔪᑦ ᑐᓂᔭᐅᓯᒪᔪᑦ ᐊᖏᖅᑕᐅᓯᒪᓪᓗᑎᒃ ᐃᓄᐃᑦ ᓴᓇᙳᐊᖅᑎᓕᕆᔨᒃᑯᑦ ᑐᙵᕝᕕᒃ. ᑕᒪᕐᒥᒃ ᐱᔪᓐᓇᐅᑎᑦ ᒪᓕᒐᖅᑎᒍᑦ.

Jaw, Mialia

ᐅᒃᐱᒃ

c. 1970

ᐅᔭᕋᒃ

12.5 x 11.2 x 11.5 cm

Collection of the Winnipeg Art Gallery, The Peter Millard Collection, Gift of Peter Millard

G-89-191