ᐅᑎᕐᕕᒋᓗᒍ ᑕᑯᒋᐊᕐᓗᒍ ᓴᓇᙳᐊᒐᖅ
Kingwatsiak, Mikigak

Kingwatsiak, Mikigak

Kinngait

(b. 1943)

Click Here to read more about the artist

Kingwatsiak, Mikigak

(b. 1943)

ᒥᑭᒐᖅ ᑭᖑᐊᑦᓯᐊᖅ (1943-2002) ᓴᓇᖑᐊᖅᑎ ᑭᓐᖓᓂᑦ, ᓄᓇᕗᑦ. ᐊᔪᕈᓐᓃᕐᓂᑯ ᐊᔪᕈᓐᓃᖅᓯᒪᔪᖅ ᓴᓇᖑᐊᖅᑎᒻᒪᕆᖕᓂᒃ ᐃᓚᖃᕋᒥ, ᐅᑯᐊᓗ ᓄᑲᖓ, ᐃᔪᓚ ᑭᖑᐊᑦᓯᐊᖅ (1933-2000), ᖃᐅᔨᒪᔭᐅᑦᑎᐊᖅᑐᖅ ᓴᓇᖑᐊᖅᑎ ᐊᒻᒪᓗ ᑎᑎᖅᑐᒐᖅᑎ, ᐊᒻᒪᓗ ᐱᖓᓱᓂᒃ ᓇᔭᖃᖅᑐᖅ, ᐋᓇ ᑭᖑᐊᑦᓯᐊᖅ (1911-1971), ᑮᓕᒥᐅᒥ ᓴᒧᐊᓕ (1919-1983) ᐊᒻᒪᓗ ᑕᐃᓕ ᐊᑦᓚ (1936-1990), ᐅᑯᐊ ᑕᒪᕐᒥᒃ ᐊᔪᖏᑦᑎᐊᖅᑐᑦ ᓴᓇᖑᐊᖅᑎᒻᒪᕆᐅᓚᐅᖅᑐᑦ [1]. ᑭᖑᐊᑦᓯᐊᖅ ᓴᓇᓯᒪᔪᖅ ᐅᒃᑯᓯᒃᓴᓕᖕᓂᒃ ᐊᒻᒪᓗ ᖃᑯᖅᑐᖅ ᑎᓯᔪᖅ ᒫᐳᓪ ᑭᓱᖑᐊᓕᐊᕆᓪᓗᒋᑦ ᐃᓄᖑᐊᑦ ᐅᕝᕙᓘᓐᓃᑦ ᓂᕐᔪᑎᖑᐊᑦ ᐅᑭᐅᖅᑕᖅᑐᖅᒥ ᓯᓚᖓᓂ, ᓲᕐᓗ ᓇᓄᐃᑦ, ᑎᖕᒥᐊᑦ ᐊᒻᒪᓗ ᓇᑦᑏᑦ. Bird (ᑎᖕᒥᐊᑦ) (ᐅᓪᓗᖃᓐᖏᑦᑐᖅ) ᓴᕿᑎᑦᑎᓲᖅ ᓴᓇᑦᑎᐊᖅᓯᒪᔪᓂᒃ ᐅᑭᐅᖅᑕᖅᑐᒥ ᓂᕐᔪᑎᑦ ᓇᔪᖅᑕᖏᓐᓂᒃ, ᑕᒪᒃᑯᐊ ᑎᖕᒥᐊᖑᐊᖅ ᑕᑭᔪᓂ ᓱᓗᓕᒃ ᐃᕿᑦᑎᓕᒑᔪᑎᑐᑦ ᐋᕿᒃᓯᒪᔪᖅ ᑐᓄᐊᓄᑦ ᐊᒻᒪᓗ ᓴᖑᐊᑦᑎᐊᖅᑐᖅ ᐋᕿᑦᑎᐊᖅᓯᒪᔪᖅ ᓯᒡᒍᐊ. ᐃᓛᓐᓂᒃᑯᑦ ᓴᓇᓲᖅ ᑕᕐᓂᕐᒥᐅᑕᖑᐊᓂᒃ, ᓲᕐᓗ ᐅᑭᐅᖅᑕᖅᑐᒥ ᑕᕆᐅᕐᒥ ᓄᓕᐊᔪᒃ. ᑭᖑᐊᑦᓯᐊᖅ ᓴᓇᔭᖏᑦ ᐃᓚᓕᐅᑎᔭᐅᓯᒪᕗᑦ ᑭᓐᖓᐃᑦ ᑎᑎᖅᑐᒐᖅᓯᒪᔭᖏᓐᓂᒃ ᓄᐊᑕᐅᔪᓂ. ᓴᓇᔭᖏᑦ ᓴᕿᔮᖅᑎᑕᐅᖃᑦᑕᖅᓯᒪᔪᑦ ᐊᔾᔨᒌᓐᖏᑦᑐᓂ ᑕᑯᒐᖃᕐᕕᖕᓂ ᐊᕙᑖᓂᑦ 1967 ᐊᒻᒪᓗ 2004 ᑕᐃᑲᓂ ᓴᓇᖑᐊᖅᓯᒪᔪᓂᒃ ᑕᑯᔭᒐᖃᕐᕕᑦ ᐊᒻᒪᓗ ᓱᓇᑐᐃᓐᓇᓂᒃ ᑕᑯᔭᒐᖃᕐᕕᑦ ᓄᓇᓕᖅᐸᐅᔭᓂ ᑕᒪᐃᓐᓂ ᑲᓇᑕᒥ, ᓲᕐᓗ ᑖᒃᑯᐊ ᕕᓂᐲᒃ ᓴᓇᖑᐊᖅᓯᒪᔪᓂ ᑕᑯᔭᒐᖃᕐᕕᒃ ᕕᓂᐲᒃᒥ, ᒫᓂᑑᐸ, ᓴᓇᖑᐊᖅᓯᒪᔪᓂᒃ ᑕᑯᔭᒐᖃᕐᕕᒃ ᕼᐊᒻᑕᓐ ᑕᐃᑲᓂ ᕼᐊᒻᑕᓐ, ᐋᓐᑎᐅᕆᐅ, ᑲᓇᑕᒥ ᒍᐃᑦ ᒥᖅᓱᒐᕐᓂᒃ ᑯᐸᐃᒃ ᒪᓐᑐᕆᐊᒥ, ᑯᐸᐃᒃ ᐊᒻᒪᓗ ᓯᓅ ᒎᔅ ᑕᑯᔭᒐᖃᕐᕕᒃ ᐋᑐᕚᒥ, ᐋᓐᑎᐅᕆᐅ, ᐊᒻᒪᓗ ᖃᐅᔨᒪᔭᐅᑦᑎᐊᖅᑐᑦ ᑕᑯᔭᐅᖃᑦᑕᖅᑐᑦ ᓯᓚᕐᔪᐊᒥ ᑕᐃᑲᓂ ᐃᖕᓕᓐᑦ, ᔮᒪᓂ ᐊᒻᒪᓗ ᔪᓇᐃᑎᑦ ᓯᑕᐃᑦᔅ. ᑭᖑᐊᑦᓯᐊᖅ ᓴᓇᔭᖏᑦ ᐃᓚᓕᐅᑎᔭᐅᓯᒪᖕᒥᔪᑦ ᑭᒃᑯᑐᐃᓐᓇᐃᑦ ᓄᐊᓯᒪᔭᖏᓐᓂ ᑕᒪᐃᓐᓂ ᑲᓇᕼᒥ, ᓲᕐᓗ ᑲᓇᑕ ᑕᑯᔭᒐᖃᕐᕕᒃ ᐃᑦᑕᕐᓂᑕᓂᒃ ᑳᑦᑎᓄ, ᑯᐸᐃᒃ, ᑲᓇᑕ ᑕᑯᔭᒐᖃᕐᕕᖓᓂ, ᐋᑐᕚᒥ, ᐋᓐᑎᐅᕆᐅ, ᐊᒻᒪᓗ ᑕᑯᔭᒐᖃᕐᕕᒃ ᐃᓅᓯᑐᖃᓕᕆᓂᕐᒥᒃ ᐃᓕᓐᓂᐊᕐᕕᒃᔪᐊᖓ ᐳᑎᓯ ᑲᓚᑉᐱᐊ ᕚᓐᑰᕙ, ᐳᑎᓯ ᑲᓚᑉᐱᐊ.

Kingwatsiak, Mikigak

ᐊᓂᕐᓂᖅ

1960–1965
ᐅᔭᕋᒃ (ᓴᓇᙳᐊᒐᒃᓴᖅ ᐅᔭᕋᖅ)
16.2 x 26.9 x 6.5 cm

Collection of the Winnipeg Art Gallery, Twomey Collection, with appreciation to the Province of Manitoba and Government of Canada
1020.71

  • ᑭᖑᐊᑦᓯᐊᖅ, ᒥᑭᒐᖅ, ᑕᕐᓂᓕᒃ

    ᐅᖃᐅᑎᖃᒃᑐᖅ (about)

    ᑭᖑᐊᑦᓯᐊᖅ, ᒥᑭᒐᖅ, ᑕᕐᓂᓕᒃ

    ᑭᖑᐊᑦᓯᐊᖅ, ᒥᑭᒐᖅ, ᑕᕐᓂᓕᒃ

    ᒥᑭᒐᐅᑉ ᐊᑖᑕᒋᓚᐅᖅᑕᖓ, ᑭᖑᐊᑦᓯᐊᖅ, ᐊᖓᒃᑰᓚᐅᖅᐳᖅ, ᐊᒥᓱᐃᖅᓱᓂ ᐅᓂᒃᑳᖅᑐᐊᓂᒃ ᐅᓂᒃᑳᖅᐸᓚᐅᖅᑐᖅ ᒪᒃᑯᖕᓂᕐᒥᒃ ᐊᖓᔪᖃᖅᐸᓚᐅᖅᑎᓪᓗᒍ. ᒥᑭᒐᐅᑉ ᖁᕕᐊᒋᔭᖏᑦ ᑕᑯᔭᐅᕙᖏᑦᑐᓂᒃ ᐆᒪᔪᖑᐊᓕᖕᓂᒃ ᐃᓄᖑᐊᓕᖕᓂᓗᓐᓃᑦ ᑕᐃᓐᓇᑑᖏᓚᖅ. ᐱᒋᐊᓕᓵᕐᓂᖏᓐᓂ 1960−ᖏᓐᓂ, ᑭᖓᐃᑦ ᑎᑎᖅᑐᒐᖏᑦ, ᐊᔾᔨᖑᐊᓕᐊᖏᑦ, ᓴᓇᔭᐅᒐᖏᓪᓗ ᐊᒥᓱᓂᒃ ᐊᔾᔨᒌᓐᓂᖃᖅᐳᑦ ᑕᒡᕘᓇ. ᐃᒻᒪᖄ ᐊᕐᕌᒍᒐᓵᓘᓚᐅᖅᓯᒪᔪᓂᒃ ᑯᕋᐃᔅᑑᓯᓕᕆᓂᕐᒥᒃ ᒪᓕᖁᔭᐅᓕᕋᒥᒃ, ᐊᑐᕈᓐᓃᖅᑎᑕᐅᓪᓗᑎᒃ ᐊᖓᑯᖏᓐᓂᒃ, ᐅᒃᐱᕆᔭᐅᕙᓚᐅᖅᑐᓂ’ᓗ ᑕᕐᓂᓕᖕᓂᒃ ᑑᕐᖓᓕᖕᓂᒡᓗ, ᓴᓇᖑᐊᕈᓐᓇᖅᑐᑦ ᐃᓱᒪᒋᔭᒥᓂᒃ ᓴᓇᖑᐊᕈᓐᓇᖅᓯᓕᓚᐅᕐᒪᑕ, ᐃᑲᔪᖅᓱᖅᑕᐅᖃᑦᑕᖅᓱᑎᒃ ᐃᓱᒪᒋᔭᖏᓐᓂᒃ ᓴᓇᖑᐊᖃᑕᕈᓐᓇᕐᓂᖅ, ᓲᕐᓗ ᑕᐃᒃᑯᓄᖓ ᔭᐃᒥᓯ ᕼᐃᐅᔅᑕᓐᒧᑦ ᐊᒻᒪᓗ ᑎᐅᕆ ᕋᐃᔭᓐᒧᑦ.


  • ᔨᐅᕆ ᑐᕘᒥ ᓄᐊᓯᒪᔭᖏᑦ ᐃᓄᐃᑦ ᓴᓇᐅᒐᖏᑦ (Twomey)

    ᐅᖃᐅᑎᖃᒃᑐᖅ (about)

    ᔨᐅᕆ ᑐᕘᒥ ᓄᐊᓯᒪᔭᖏᑦ ᐃᓄᐃᑦ ᓴᓇᐅᒐᖏᑦ (Twomey)

    ᔨᐅᕆ ᑐᕘᒥ ᓄᐊᓯᒪᔭᖏᑦ ᐃᓄᐃᑦ ᓴᓇᐅᒐᖏᑦ (Twomey)

    1971-ᒥ, ᐊᖏᔪᒻᒪᕇᑦ ᔨᐅᕆ ᑐᕘᒥ ᓄᐊᓯᒪᔭᖏᑦ 4,000 ᐃᓄᐃᑦ ᓴᓇᖑᐊᒐᖏᑦ ᓂᐅᕕᖅᑕᐅᓚᐅᖅᑐᑦ ᕕᓂᐲᒃ ᓴᓇᙳᐊᒐᐃᑦ ᑕᑯᒐᓐᓈᒐᖃᕐᕕᒧᑦ. ᑐᕘᒥ ᐊᐅᖏᑎᒎᖅᑐᓂ ᓘᑦᑖᖑᓚᐅᖅᑐᖅ ᐊᒻᒪ ᓇᒥᓯᖃᑕᐅᓯᒪᔪᖅ ᕗᐃᓂᒐᐃᒡ T&T Seeds. ᐱᒋᐊᖅᑐᓂ 1952 ᐊᒻᒪ 1950-ᖏᓐᓂ ᐊᒻᒪ 1960-ᖏᓐᓂ, ᓄᐊᑦᑎᓚᐅᖅᑐᖅ ᓴᓇᔭᐅᓯᒪᔪᑦ ᓴᓇᖑᐊᒐᓕᐅᖅᑐᓕᒫᓂᑦ ᐃᓄᐃᑦ ᓄᓇᖏᓐᓂ. ᐱᐅᒋᔭᖃᒻᒪᕆᓚᐅᖅᑐᖅ ᑐᓂᐅᖅᑲᖅᑕᐅᓂᖏᓐᓄᑦ ᓴᓇᖑᐊᕈᓐᓇᑎᐊᖅᑐᓂᑦ ᐃᓚᒌᓐᓂᑦ ᐊᒻᒪ ᑭᖑᕚᕇᖃᑦᑕᐅᑎᔪᓂᑦ ᐊᒻᒪ ᓄᐊᑦᑎᓚᐅᖅᑐᖅ ᐃᒻᒥᑰᖅᑐᓂᑦ ᓴᓇᖑᐊᖅᑎᓂᑦ.
    1969-ᒥ, ᑐᕘᒥ ᓄᖅᑲᕕᓚᐅᖅᑐᖅ ᐱᕈᕈᓐᓇᖅᑐᓂᑦ ᐱᓕᕆᓂᕐᒥᑦ ᐊᒻᒪ ᓅᑦᑐᓂ ᑲᓕᐴᓐᔨᐊᒧᑦ ᐱᕈᖅᓯᐊᓕᐅᖃᑦᑕᖅᑐᓂ. ᐃᓕᔭᐅᓂᖏᑦ ᓄᐊᓯᒪᔭᖏᑦ ᐋᔩᖃᑎᒌᔾᔪᑕᐅᒻᒪᕆᓚᐅᖅᑐᑦ ᐊᒥᓱᒐᒪᓐᓄᑦ ᑕᑯᔭᒐᖃᕐᕕᓐᓄᑦ ᐊᒻᒪ ᓄᐊᑦᑎᖃᑦᑕᖅᑐᓄᑦ. ᔪᐊᔾ ᓱᕕᓐᑕᓐ ᐊᔭᐅᕆᐊᓚᐅᖅᑕᖓ ᐳᕇᒥᐅᖑᓚᐅᖅᑐᖅ ᐃᐊᑦᕗᑦ ᓱᕋᐃᔪ ᓄᐊᑕᐅᓯᒪᔪᓂᑦ ᐱᒻᒪᕆᐅᓂᖓᓄᑦ ᐊᒻᒪ ᐋᒡᒌᓯ 1971 ᓱᕋᐃᔪ ᐊᑎᓕᐅᑦᑕᐅᑎᒋᓚᐅᖅᑕᖓ ᑲᑎᒪᔨᓄᑦ ᑮᓇᐅᓂ ᐱᕈᖅᑎᑦᑎᓗᓂ $185,000, ᐅᕝᕙᓘᓐᓃᑦ ᒪᕐᕉᒃ−ᐱᖓᓱᓂᑦ ᑮᓇᐅᔭᐃᑦ ᐱᑕᖃᕆᐊᖃᖅᑎᑕᐅᔪᑦ ᓂᐅᕕᕐᓗᒋᑦ ᓄᐊᑕᐅᓯᒪᔪᑦ ᕕᓂᐲᒃ ᓴᓇᙳᐊᒐᐃᑦ ᑕᑯᒐᓐᓈᒐᖃᕐᕕᒻᒧᑦ. ᔫᓂ 1972-ᒥ, ᔭᐃᒻᔅ ᕆᑦᓱᑦᓐ, ᑕᐃᔅᓱᒪᓂ ᒐᕙᒪᑐᖃᒃᑯᓐᓄᑦ ᒥᓂᔅᑕ ᓱᓇᒃᑯᑖᖃᖅᑎᑦᑎᓂᕐᒧᑦ ᐊᒻᒪ ᐱᔨᑦᑎᖅᑕᓄᑦ, ᑐᓂᓯᓚᐅᖅᑐᖅ ᓯᒃᑭᒥᑦ ᐊᒥᐊᒃᑯᖓᓂ $75,000 ᑯᕕᐊᓱᒍᑎᖃᖅᑎᓪᓗᒋᑦ ᑕᑯᔭᒐᖃᕐᕕᒻᒥ. ᖁᕕᐊᓱᒍᑎᒋᓗᒋ ᑕᒪᒃᑭ ᒪᑐᐃᖅᑕᐅᓂᖓ ᓄᑖᖅ ᑕᑯᔭᒐᖃᕐᕕᒃ ᐃᓪᓗᖅ ᒥᐊᒨᕆᐅ ᐳᓕᕗᐊᑦ ᐊᒻᒪ ᓂᐅᕕᖅᑕᐅᓂᖏᑦ ᑐᕘᒥ ᓄᐊᓯᒪᔭᖏᑦ, ᒥᑭᔪᒥᑦ ᑕᑯᕋᓐᓈᖅᑕᐅᓂᐊᖅᑐᓂᑦ ᐋᖅᑭᑦᑕᐅᓚᐅᖅᑐᖅ 1972-ᒥ. 2003-ᒥ, ᐊᑕᖐᓂᖃᖅᑐᒥᑦ ᕕᓂᐲᒃ ᓴᓇᙳᐊᒐᐃᑦ ᑕᑯᒐᓐᓈᒐᖃᕐᕕᒃ ᑕᑯᔅᓴᐅᑎᑦᑎᓂᖓ ᐊᒻᒪ ᑎᑎᕋᖅᑕᐅᓂᖏᑦ ᓴᖅᑭᑎᑦᑎᓚᐅᖅᑐᑦ ᐊᔾᔨᒌᓐᖑᐊᖅᑎᒐᔅᓴᐅᖏᑦᑐᑦ ᐱᕙᓪᓕᐊᑎᑕᐅᓂᖏᑦ ᐃᓄᐃᑦ ᓴᓇᐅᒐᖏᑦ 1950-ᖏᓐᓂ ᐊᒻᒪ 1960-ᖏᓐᓂ ᐱᑕᖃᖅᑎᑕᐅᔪᑦ ᑐᕘᒥ ᓄᐊᓯᒪᔭᖏᓐᓂ.


  • Mikigak Kingwatsiak, ᐊᓂᕐᓂᖅ

    ᐊᔾᔨᖑᐊᖅ (photo)

    Mikigak Kingwatsiak, ᐊᓂᕐᓂᖅ

    Mikigak Kingwatsiak, ᐊᓂᕐᓂᖅ