ᐅᔭᕋᓐᓂᒃ ᓴᓇᙳᐊᕐᓂᖅ ᓴᓇᖃᑦᑕᕐᓂᖅ ᐱᒋᐊᓚᐅᖅᓯᒪᒻᒪᑦ ᓴᓪᓗᓂᑦ (ᓴᒡᓗᒃ) 1952-ᒥ. ᓄᓇᓕᓐᓂ ᓂᐅᕕᕝᕕᒋᔭᐅᔪᒧᑦ ᐊᐅᓚᑦᑎᔨ ᑲᔪᖏᖅᓴᐃᓚᐅᕐᒪᑦ ᑕᐅᑦᑐᖃᑎᓪᓗᐊᓕᕐᓂᕐᒥᒃ ᓴᓇᖃᑦᑕᖁᓪᓗᒋᑦ ᑲᔪᓯᑦᑎᐋᖅᑐᐊᓗᓂᖓᓄᑦ ᐊᑐᖅᑎᓪᓗᒋᑦ ᐱᖓᓱᑦ ᐊᕐᕌᖑᑦ ᑲᒪᐃᕿᓇᒪᕆᒃᑐᖅ 70% ᐳᓴᓐᑎᖏᑦ ᐃᓐᓇᐃᑦ ᓴᓇᙳᐊᖃᑦᑕᐃᓐᓇᓕᓚᐅᕐᒪᑕ. ᐊᕝᕙᓪᓗᐊᖏᑦ ᑕᐅᑦᑐᖃᑎᓪᓗᐊᓕᖅᑎᑦ ᐊᕐᓇᐅᓚᐅᖅᐳᑦ, ᐊᒻᒪᓗ ᖁᐊᖅᓵᕐᓇᕋᓂ, ᐊᒥᓱᑦ ᓴᓪᓗᐃᑦ ᑕᐅᑦᑐᖃᑎᓪᓗᐊᓕᖅᑎᖏᑦ ᐱᓕᕆᐊᖃᓪᓗᐊᑕᓚᐅᕐᒪᑕ ᐊᓈᓇᐅᓂᐅᖂᔨᔪᓂᒃ ᐊᒻᒪᓗ ᑕᒫᓂᒥᐅᑕᐅᔪᓅᖓᔪᓂᒃ ᑐᑭᓯᓇᕈᑎᖃᕐᓗᑎᒃ, ᓴᓇᑦᑎᐊᕋᓱᐊᖅᓯᒪᒻᒪᕆᓪᓗᑎᒃ ᓴᖅᑭᔮᕐᓂᖏᑦ ᑮᓇᐃᑦ ᐊᒻᒪᓗ ᓇᓗᓇᖏᑦᑎᐊᓕᖅᓯᒪᓗᑎᒃ ᓲᕐᓗ ᓄᔭᖏᑦ. ᓄᒫᓇᖅᑐᒐᓗᐊᖅ, ᓴᓇᙳᐊᕐᓂᖅ ᑲᑕᓚᐅᕐᒪᑦ ᕿᓚᒥᐋᓗᒃ ᑕᐃᒪᓪᓗᐊᖅᑕᐅᖅ ᖁᕝᕙᑲᓪᓚᓚᐅᕐᓂᖓᑎᑐᑦ, ᓄᖃᕈᑕᐅᓚᕿᓗᓂ ᐃᓚᖓᒍᑦ ᐃᖃᓇᐃᔭᖅᑖᕋᓱᐊᕐᕕᒃᓴᐅᓕᕐᓂᖓᓄᑦ ᖃᓂᑦᑐᒥᑦᑐᒥ ᓴᕕᕋᔭᒃᓴᒥᒃ ᐅᔭᕋᓐᓂᐊᕐᕕᒻᒥᒃ ᓇᓂᓯᕕᒻᒥᒃ 1960-ᖏᓐᓂ.

1971-ᒥ, ᐊᖏᔪᒻᒪᕇᑦ ᔨᐅᕆ ᑐᕘᒥ ᓄᐊᓯᒪᔭᖏᑦ 4,000 ᐃᓄᐃᑦ ᓴᓇᖑᐊᒐᖏᑦ ᓂᐅᕕᖅᑕᐅᓚᐅᖅᑐᑦ ᕕᓂᐲᒃ ᓴᓇᙳᐊᒐᐃᑦ ᑕᑯᒐᓐᓈᒐᖃᕐᕕᒧᑦ. ᑐᕘᒥ ᐊᐅᖏᑎᒎᖅᑐᓂ ᓘᑦᑖᖑᓚᐅᖅᑐᖅ ᐊᒻᒪ ᓇᒥᓯᖃᑕᐅᓯᒪᔪᖅ ᕗᐃᓂᒐᐃᒡ T&T Seeds. ᐱᒋᐊᖅᑐᓂ 1952 ᐊᒻᒪ 1950-ᖏᓐᓂ ᐊᒻᒪ 1960-ᖏᓐᓂ, ᓄᐊᑦᑎᓚᐅᖅᑐᖅ ᓴᓇᔭᐅᓯᒪᔪᑦ ᓴᓇᖑᐊᒐᓕᐅᖅᑐᓕᒫᓂᑦ ᐃᓄᐃᑦ ᓄᓇᖏᓐᓂ. ᐱᐅᒋᔭᖃᒻᒪᕆᓚᐅᖅᑐᖅ ᑐᓂᐅᖅᑲᖅᑕᐅᓂᖏᓐᓄᑦ ᓴᓇᖑᐊᕈᓐᓇᑎᐊᖅᑐᓂᑦ ᐃᓚᒌᓐᓂᑦ ᐊᒻᒪ ᑭᖑᕚᕇᖃᑦᑕᐅᑎᔪᓂᑦ ᐊᒻᒪ ᓄᐊᑦᑎᓚᐅᖅᑐᖅ ᐃᒻᒥᑰᖅᑐᓂᑦ ᓴᓇᖑᐊᖅᑎᓂᑦ.
1969-ᒥ, ᑐᕘᒥ ᓄᖅᑲᕕᓚᐅᖅᑐᖅ ᐱᕈᕈᓐᓇᖅᑐᓂᑦ ᐱᓕᕆᓂᕐᒥᑦ ᐊᒻᒪ ᓅᑦᑐᓂ ᑲᓕᐴᓐᔨᐊᒧᑦ ᐱᕈᖅᓯᐊᓕᐅᖃᑦᑕᖅᑐᓂ. ᐃᓕᔭᐅᓂᖏᑦ ᓄᐊᓯᒪᔭᖏᑦ ᐋᔩᖃᑎᒌᔾᔪᑕᐅᒻᒪᕆᓚᐅᖅᑐᑦ ᐊᒥᓱᒐᒪᓐᓄᑦ ᑕᑯᔭᒐᖃᕐᕕᓐᓄᑦ ᐊᒻᒪ ᓄᐊᑦᑎᖃᑦᑕᖅᑐᓄᑦ. ᔪᐊᔾ ᓱᕕᓐᑕᓐ ᐊᔭᐅᕆᐊᓚᐅᖅᑕᖓ ᐳᕇᒥᐅᖑᓚᐅᖅᑐᖅ ᐃᐊᑦᕗᑦ ᓱᕋᐃᔪ ᓄᐊᑕᐅᓯᒪᔪᓂᑦ ᐱᒻᒪᕆᐅᓂᖓᓄᑦ ᐊᒻᒪ ᐋᒡᒌᓯ 1971 ᓱᕋᐃᔪ ᐊᑎᓕᐅᑦᑕᐅᑎᒋᓚᐅᖅᑕᖓ ᑲᑎᒪᔨᓄᑦ ᑮᓇᐅᓂ ᐱᕈᖅᑎᑦᑎᓗᓂ $185,000, ᐅᕝᕙᓘᓐᓃᑦ ᒪᕐᕉᒃ−ᐱᖓᓱᓂᑦ ᑮᓇᐅᔭᐃᑦ ᐱᑕᖃᕆᐊᖃᖅᑎᑕᐅᔪᑦ ᓂᐅᕕᕐᓗᒋᑦ ᓄᐊᑕᐅᓯᒪᔪᑦ ᕕᓂᐲᒃ ᓴᓇᙳᐊᒐᐃᑦ ᑕᑯᒐᓐᓈᒐᖃᕐᕕᒻᒧᑦ. ᔫᓂ 1972-ᒥ, ᔭᐃᒻᔅ ᕆᑦᓱᑦᓐ, ᑕᐃᔅᓱᒪᓂ ᒐᕙᒪᑐᖃᒃᑯᓐᓄᑦ ᒥᓂᔅᑕ ᓱᓇᒃᑯᑖᖃᖅᑎᑦᑎᓂᕐᒧᑦ ᐊᒻᒪ ᐱᔨᑦᑎᖅᑕᓄᑦ, ᑐᓂᓯᓚᐅᖅᑐᖅ ᓯᒃᑭᒥᑦ ᐊᒥᐊᒃᑯᖓᓂ $75,000 ᑯᕕᐊᓱᒍᑎᖃᖅᑎᓪᓗᒋᑦ ᑕᑯᔭᒐᖃᕐᕕᒻᒥ. ᖁᕕᐊᓱᒍᑎᒋᓗᒋ ᑕᒪᒃᑭ ᒪᑐᐃᖅᑕᐅᓂᖓ ᓄᑖᖅ ᑕᑯᔭᒐᖃᕐᕕᒃ ᐃᓪᓗᖅ ᒥᐊᒨᕆᐅ ᐳᓕᕗᐊᑦ ᐊᒻᒪ ᓂᐅᕕᖅᑕᐅᓂᖏᑦ ᑐᕘᒥ ᓄᐊᓯᒪᔭᖏᑦ, ᒥᑭᔪᒥᑦ ᑕᑯᕋᓐᓈᖅᑕᐅᓂᐊᖅᑐᓂᑦ ᐋᖅᑭᑦᑕᐅᓚᐅᖅᑐᖅ 1972-ᒥ. 2003-ᒥ, ᐊᑕᖐᓂᖃᖅᑐᒥᑦ ᕕᓂᐲᒃ ᓴᓇᙳᐊᒐᐃᑦ ᑕᑯᒐᓐᓈᒐᖃᕐᕕᒃ ᑕᑯᔅᓴᐅᑎᑦᑎᓂᖓ ᐊᒻᒪ ᑎᑎᕋᖅᑕᐅᓂᖏᑦ ᓴᖅᑭᑎᑦᑎᓚᐅᖅᑐᑦ ᐊᔾᔨᒌᓐᖑᐊᖅᑎᒐᔅᓴᐅᖏᑦᑐᑦ ᐱᕙᓪᓕᐊᑎᑕᐅᓂᖏᑦ ᐃᓄᐃᑦ ᓴᓇᐅᒐᖏᑦ 1950-ᖏᓐᓂ ᐊᒻᒪ 1960-ᖏᓐᓂ ᐱᑕᖃᖅᑎᑕᐅᔪᑦ ᑐᕘᒥ ᓄᐊᓯᒪᔭᖏᓐᓂ.