Anowtalik, Luke

ᓘᒃ ᐊᓇᐅᑕᓕᒃ ᖁᕕᐊᓲᑕᐅᖃᑦᑕᓚᐅᖅᐳᖅ ᓴᓇᖑᐊᖅᑎᐅᓂᖓᓄᑦ ᑕᐅᕙᓂᕐᒥᐅᑕᐅᓪᓗᓂ ᐃᕼᓪᒥᐅᑦ ᖃᓂᒋᔭᖓᓂ ᐃᓇᑕᐃ ᑕᓯᖅ, ᓄᓇᕗᑦ. ᐊᓇᐅᑕᓕᒃ ᖃᐅᔨᒪᔭᐅᑦᑎᐊᖅᑐᖅ ᒥᑭᔪᓂᒃ ᓴᓇᖑᐊᖃᑦᑕᖅᑐᖅ ᑐᒃᑐ ᓇᒡᔪᖏᓐᓂᒃ, ᐅᒃᑯᓯᒃᓴᓕᒃ ᐃᓚᒌᖑᐊᑦ ᐊᒻᒪᓗ ᑕᖅᓴᓖᑦ ᑎᑎᕋᐅᑎᓪᓚᑦᑖᕐᒧᑦ ᑎᑎᕋᐅᔭᖅᓯᒪᔪᑦ. ᓴᓇᔭᖏᑦ ᑕᑯᓪᓗᒋᑦ ᒥᑭᔫᑎᑦ ᓴᓇᓯᒪᔪᑦ ᐊᒻᒪᓗ ᑭᓱᖑᐊᑦ. ᐊᓇᐅᑕᓕᒃ ᓴᓇᖑᐊᖃᑦᑕᓕᓚᐅᖅᓯᒪᔪᖅ ᒥᑭᑑᑕᐅᓪᓗᑎᒃ ᑐᒃᑐ ᓇᒡᔪᐊᓂᒃ ᑭᓱᖑᐊᓂᒃ ᕿᓪᓕᖅᓴᖅᓯᒪᓪᓗᒋᑦ ᐊᒻᒪᓗ ᐃᓗᖔᖓ ᓴᕿᔮᖅᖢᓂ ᓴᐅᓂᖅ. ᐊᓇᐅᑕᓕᒃ ᐲᔭᖅᖢᒋᑦ ᓯᓚᑖ ᖄᖓ ᓴᕿᑎᓪᖢᒍ ᐃᑭᐊᖓ ᖃᑯᖅᑐᖅ ᐊᑐᖅᓯᓪᓗᓂ ᕿᓂᖅᑕᓂᒃ ᓴᕿᑎᑦᑎᐊᒃᑲᓐᓂᖅᖢᒋᑦ ᑭᓱᖑᐊᓕᐊᖏᑦ ᐊᒻᒪᓗ ᑎᕆᖁᖏᑦ. ᑮᓇᖑᐊᑦ ᐃᑎᖅᑎᓯᒪᓪᓗᑎᒃ ᑐᑭᓕᕇᒃᓯᑎᑦᑎᔾᔪᑎᖃᖅᖢᓂ ᐳᑑᕋᖅᖢᒋᑦ ᐃᔨᖑᐊᖏᑦ ᐊᒻᒪᓗ ᖃᓂᖑᐊᖏᑦ ᐊᒻᒪᓗ ᒥᑭᔪᑦ ᐳᑐᖏᑦ ᕿᖓᖏᑦ, ᑕᒪᕐᒥᒃ ᐊᓯᕈᑦᑎᓗᐊᕐᓇᒋᑦ ᓇᒡᔪᐃᑦ. ᐊᔾᔨᒌᑦ ᐲᔭᖅᓯᒪᔪᑦ ᐊᖕᒪᓗᖅᑑᓪᓗᑎᒃ ᓴᐅᓂᕐᓂᑦ ᐊᒻᒪᓗ ᖃᖓᑕᖑᐊᖅᖢᑎᒃ. ᐊᑕᐅᓯᖅ ᐊᖏᔪᖅ ᓴᓇᔭᖏᑦ, Acrobats (ᓂᐱᖓᔪᑦ ᐱᓐᖑᐊᖅᑐᑦ) (ᐊᑖᓂ 1990-ᓂ), ᓴᕿᔮᖅᑐᑦ ᐃᓄᖑᐊᑦ ᓂᕕᖓᔪᑦ ᑕᖁᑎᓂᑦ, ᐃᒻᒪᖄ ᑕᑯᓇᓱᒃᑐᑦ ᑭᓇ ᐊᑯᓂᐅᓛᖑᓂᐊᖅᐸ ᑕᐃᒪᐃᓕᖓᓗᓂ. ᓴᕿᔮᖅᑐᑦ ᑭᓱᖑᐊᓕᐊᖏᑦ ᓇᒡᔪᐃᑦ ᓴᓇᔭᖏᑦ ᐊᓇᐅᑕᓕᒃ ᐅᒃᑯᓯᒃᓴᐃᑦ ᐃᓄᖑᐊᑦ ᑐᑭᓕᐅᕆᓯᒪᓲᖅ ᐃᓚᒌᖑᐊᓂᒃ, ᓄᓇᓕᖑᐊᓂᒃ, ᐊᒻᒪᓗ ᐃᓚᖃᖑᐊᓲᑦ ᐃᓄᐃᑦ ᐃᓅᓐᖏᑦᑐᓂᒃ. ᑕᑯᓪᓗᒍ ᐊᔾᔨᖃᓐᖏᑦᑐᑦ ᑎᓯᓂᖅᐹᑦ ᐅᔭᖃᑦ ᐊᕐᕕᐊᕐᒥᐅᑕᖅ ᐊᓇᐅᑕᓕᒃ ᓴᓇᖑᐊᓲᖏᑦ ᐊᒃᓱᕉᑎᓯᒪᔪᑦ ᓴᓇᓯᒪᔪᑦ ᐊᒻᒪᓗ ᐃᑎᖅᓯᓕᖅᓯᔪᑦ ᓴᓇᖑᐊᒐᖏᑦ. ᑕᐃᑲᓂ 1970 ᐊᓇᐅᑕᓕᒃ ᓴᓇᖃᑦᑕᓚᐅᖅᑐᖅ ᐃᓚᖏᑦ ᓴᓇᑦᑎᐊᖅᓯᒪᔪᒻᒪᕆᐋᓗᐃᑦ ᓴᓂᓕᕆᓪᓗᒍ ᓄᓕᐊᓂ ᓴᓇᔭᖏᑦ ᑭᓱᖑᐊᖑᓂᖓ ᓇᓗᓇᖏᑦᑐᑦ ᐋᕿᑐᐃᓐᓇᖅᓯᒪᔪᑦ ᐊᒥᓱᑦ ᓂᐊᖁᖑᐊᑦ ᐊᒻᒪᓗ ᑮᓇᖏᑦ ᐊᑐᓂ ᐊᔾᔨᒌᓐᖏᑦᑐᓂᒃ ᓴᓇᖑᐊᖅᓯᒪᔪᑦ ᐊᑦᑕᑎᖃᖅᖢᑎᒃ ᐅᒃᑯᓯᒃᓴᓕᖕᒥᒃ. ᐃᓚᖏᑦ ᐅᒃᑯᓯᒃᓴᓕᑦ ᓴᕿᔮᖅᑐᑦ ᓇᓗᓇᐃᑦᑎᐊᖅᓯᒪᓗᑎᒃ, ᓲᕐᓗ Mother and Child (ᐊᓈᓇ ᐊᒻᒪᓗ ᐱᐊᕋᖓ) (ᐊᑖᓂ 1960-ᓂ) ᑐᒃᑐᓐᓇᓱᖑᐊᖅᑐᑦ ᑕᑯᒃᓴᐅᓪᓗᑎᒃ ᑕᓕᖅᐱᐊᓂ ᑖᔅᓱᒪ ᐊᑎᖓᑕ. ᐃᓅᔪᓐᓃᕆᐊᒃᓯᓪᓗᓂ ᐊᓇᐅᑕᓕᒃ ᓴᓇᓚᐅᖅᓯᒪᔪᖅ, ᑕᖅᓴᖃᑦᑎᐊᖅᑐᒥᒃ ᐊᔾᔨᖑᐊᖅ ᐃᓕᓴᕐᓇᖅᑐᑦ ᑭᓱᖑᐊᖑᒫᖔᑕ ᑐᒃᑐᖑᐊᕐᓂᒃ ᐊᒻᒪᓗ ᖃᓄᐃᓕᖓᓂᕐᒥᖕᓂᒃ ᖃᐅᑕᒫᑦ ᐃᓅᓯᕐᒥᖕᓂᒃ. ᓴᓇᔭᖏᑦ ᐱᔭᐅᓯᒪᔪᑦ ᑲᓇᑕ ᑕᑯᔭᒐᖃᕐᕕᒃ ᐃᑦᑕᕐᓂᑕᓂᒃ ᑳᑦᑎᓄ, ᑯᐸᐃᒃ, ᕕᓂᐲᒃ ᓴᓇᖑᐊᖅᓯᒪᔪᓂᒃ ᑕᑯᔭᒐᖃᕐᕕᒃ ᐊᒻᒪᓗ ᑲᓇᑕ ᑕᑯᔭᒐᖃᕐᕕᖓ, ᐋᑐᕚ, ᐋᓐᑎᐅᕆᐅ.