ᐅᑎᕐᕕᒋᓗᒍ ᑕᑯᒋᐊᕐᓗᒍ ᓴᓇᙳᐊᒐᖅ
Akeeaktashuk

Akeeaktashuk

Inukjuak

(1898–1954)

Click Here to read more about the artist

Akeeaktashuk

(1898–1954)

ᐊᑭᐊᒃᑕᓱᒃ ᓴᓇᙳᐊᖅᑎᐅᓚᐅᖅᑐᖅ ᐃᓄᒡᔪᐊᖅ, ᓄᓇᕕᒃ, ᑯᐱᒃᒥᐅᑕᖅ. ᐊᒥᓲᓂᖅᓴᐃᑦ ᐊᑭᐊᒃᑕᓱᒃ ᓴᓇᙳᐊᒐᖏᑦ ᑐᕌᖓᓗᐊᖅᓯᒪᔪᑦ ᐃᓄᐃᑦ ᐊᒻᒪᓗ ᓂᕐᔪᑎᓄᑦ, ᐃᓚᒋᔭᐅᓗᐊᖃᑦᑕᖅᑐᑎᒃ ᒥᑭᔪᓂᑦ ᑕᑯᔪᒥᓇᖅᑐᓂᒃ ᐆᑦᑑᑎᒋᓗᒍ ᓴᐸᖓᐃᑦ ᐃᔨᙳᐊᓄᑦ ᐊᑐᖅᑐᒋᑦ. ᐊᒥᓱᒃᑯᑦ, ᐊᑭᐊᒃᑕᓱᒃ ᓴᓇᙳᐊᒐᖏᑦ ᓴᖑᖓᓂᖏᑦ ᐃᓄᐃᑦ ᐊᒻᒪᓗ ᓂᕐᔪᑏᑦ ᒥᖑᐊᖅᑐᒋᑦ ᐅᔭᕋᐃᑦ ᓴᓇᙳᐊᒐᖏᑦ ᐊᒻᒪᓗ ᑑᒑᖏᑦ. ᐊᒥᓲᓂᖅᓴᐃᑦ ᓴᓇᙳᐊᒐᖏᑦ ᐊᕐᓇᐃᑦ ᐊᒻᒪᓗ ᐊᓈᓇᐃᑦ ᐊᒻᒪᓗ ᓱᕈᓰᑦ ᐆᑦᑑᑎᒋᓗᒍ ᐊᓈᓇ ᐊᒻᒪᓗ ᓱᕈᓯᖅ (1953), ᓴᓇᙳᐊᕌᓂᒃᓯᒪᔭᖏᑦ ᐱᐊᓂᒃᓯᒪᒐᔪᖕᓂᖅᓴᐃᑦ ᓱᓇᒥᑦ ᐃᓕᕝᕕᔅᓴᖃᖅᑐᒥᑦ. ᓄᓇᒥᐅᑕᐅᓪᓗᓂ, ᐊᑭᐊᒃᑕᓱᒃ ᓴᓇᙳᐊᖅᐸᓪᓕᐊᓚᐅᖅᑐᖅ ᒪᒃᑯᒃᑎᓪᓗᒍ ᐊᒻᒪᓗ ᖃᐅᔨᒪᔭᐅᔪᖅ ᐱᐅᓂᖅᐹᓂᑦ ᓴᓇᙳᐊᖅᑎᐅᓪᓗᓂ ᓄᓇᓕᒥ ᐃᓅᑎᓪᓗᒍ, ᑐᑭᓕᐊᖅᓯᒪᖃᖅᑐᑎᒃ ᐊᒻᒪᓗ ᓴᖑᖓᑦᑎᐊᒐᓚᒃᑐᑎᒃ. ᐊᑭᐊᒃᑕᓱᒃ ᓴᓇᙳᐊᒐᖏᑦ ᑕᑯᒐᓐᓈᖅᑎᑕᐅᓯᒪᔪᑦ ᑲᓇᑕᒥ, ᐊᒥᐊᓕᑲᒥ ᐊᒻᒪᓗ ᓯᓚᕐᔪᐊᒥ, ᐊᒻᒪᓗ ᐃᓚᒋᔭᐅᓚᐅᖅᑐᖅ ᐱᒻᒪᕆᐅᔪᓄᑦ ᑭᒃᑯᑐᐃᓐᓇᓄᑦ ᑲᑎᓱᖅᑕᐅᔪᑦ ᐆᑦᑑᑎᒋᓗᒍ ᒥᑦᑐᐸᓚᑎᓐ ᑕᑯᒐᓐᓈᒐᖃᕐᕕᒃ ᓴᓇᙳᐊᖅᑕᐅᓯᒪᔪᑦ ᓂᐅ ᔪᐊᒃᒥ.

Akeeaktashuk

ᐊᓈᓇ ᐊᒻᒪᓗ ᓄᑕᕋᖅ

c. 1953
ᐅᔭᕋᒃ, ᑑᒑᖅ, ᐃᕐᒥᐅᑦ ᐃᓗᑐᔪᖅ
24.2 x 28 x 21.6 cm

Collection of the Winnipeg Art Gallery, The Swinton Collection, Gift of the Women's Committee
G-60-69

  • ᐊᕿᐊᑦᑐᓱᒃ, ᐊᓈᓇᒋᔭᖅ−ᓄᑕᕋᖓᓗ

    ᐅᖃᐅᑎᖃᒃᑐᖅ (about)

    ᐊᕿᐊᑦᑐᓱᒃ, ᐊᓈᓇᒋᔭᖅ−ᓄᑕᕋᖓᓗ

    ᐊᕿᐊᑦᑐᓱᒃ, ᐊᓈᓇᒋᔭᖅ−ᓄᑕᕋᖓᓗ

    ᓴᓇᖑᐊᖅᓯᒪᔪᑦ ᓱᖓᐅᔭᐃᑦ ᓂᕕᖓᔪᑦ ᐊᒪᐅᑎᐊᓂᒃ ᓴᓇᔭᐅᒐᔪᖕᓂᑰᕗᑦ ᐃᓄᒡᔪᐊᕐᒥᐅᓄᑦ, ᐊᕿᐊᑐᓲᑉ ᓄᓇᑐᖃᖓᓂ. ᑕᒫᓂ ᐱᒋᐊᓕᓵᕐᓂᖏᓐᓂ 1950-ᖏᓐᓂ, ᐊᕿᐊᑐᓱᒃ ᖃᐅᔨᒪᔭᐅᓕᓚᐅᖅᑐᖅ ᐊᔾᔨᐅᖏᑦᑐᒥᒃ ᐊᔪᖏᓐᓂᖃᕐᓂᖓᓄᑦ. ᓯᕗᓪᓕᐅᖃᑕᐅᓚᐅᖅᐳᖅ ᓴᓇᐅᒐᓕᐅᖅᑎᓂ ᐊᖏᔫᑎᐊᓗᖕᓂᒃ ᓴᓇᖃᑦᑕᓕᓚᐅᕐᒪᑦ ᐅᒃᑯᓯᒃᓴᔭᕐᓂᒃ ᐃᓚᒋᔭᐅᖃᑕᓚᐅᖅᑐᓂᒃ ᑐᒑᕐᓂᒃ ᓴᓇᓯᒪᕙᒃᑐ. ᑖᓐᓇ ᓴᓇᒐᔪᒃᐸᓚᐅᖅᑐᖅ− ᐊᖑᓇᓱᒃᑎᖑᐊᕐᓂᒃ ᐊᒻᒪᓗ ᐊᓈᓇᓂᒃ ᕿᑐᖓᓕᖕᓂᒃ−ᐃᓕᑕᕐᓇᕈᑕᐅᕗᑦ ᐃᓄᐃᑦ ᐃᓅᓯᖏᓐᓂᒃ. ᐊᕿᐊᑐᓱᒃ ᐊᓯᖏᓪᓗ ᐃᓚᒋᔭᐅᓕᓚᐅᖅᑐᑦ “ᖁᑦᑎᒃᑐᕐᒥᐅᑕᓄᑦ ᓅᑕᐅᓚᐅᖅᓯᒪᔪᓄᑦ” 1963-ᒥ, ᓯᓚᐃᕐᕆᐊᕆᔭᐅᓪᓗᑎᒃ ᓄᒃᑎᖅᑕᐅᓂᖏᓐᓄᑦ ᐊᐅᓱᐃᑦᑑᑉ ᕿᑭᖅᑖᓗᐊᓄᑦ, ᐊᔭᐅᖅᑕᐅᓪᓗᑎᒃ ᑲᓇᑕᒧᑦ ᓇᓗᓇᐃᒃᑯᑕᕆᔭᐅᔪᒪᓗᑎᒃ ᑕᐅᕙᓐᓇ ᓄᓇᖁᑎᒋᔭᐅᖏᓐᓇᕐᓂᕋᐅᑕᐅᔪᓐᓇᕐᓂᖅ ᑕᒃᐹᓃᑐᖃᓪᓚᕆᒃᐸᑦ ᐃᓄᖕᓂ.ᒃ ᐅᒡᒍᐊᕐᓇᓪᓚᕆᒃᓯᒪᔪᖅ ᓴᓇᖑᐊᖅᑎᐅᔪᖅ ᐃᓅᔪᓃᓚᐅᕐᓂᖓ ᐊᖑᓇᓱᒋᐊᖅᓯᒪᓪᓗᓂ ᐱᓂᕐᓗᓚᐅᕐᓂᖓᓄᑦ ᐊᕐᕋᒍᓪᓗᐊᒥᒃ ᑕᐅᕙᓃᓕᕋᓗᐊᖅᓱᓂ.


  • ᐅᕙᖓ ᐊᕐᓇᕈᓛᑯᓘᕗᖓ

    ᑕᕐᕆᔮᒃᓴᖅ (video)

    ᐅᕙᖓ ᐊᕐᓇᕈᓛᑯᓘᕗᖓ

    ᐅᕙᖓ ᐊᕐᓇᕈᓛᑯᓘᕗᖓ

     


  • ᔪᐊᔾ ᓱᕕᓐᑕᓐ ᓄᐊᓯᒪᔭᖏᑦ

    ᐅᖃᐅᑎᖃᒃᑐᖅ (about)

    ᔪᐊᔾ ᓱᕕᓐᑕᓐ ᓄᐊᓯᒪᔭᖏᑦ

    ᔪᐊᔾ ᓱᕕᓐᑕᓐ ᓄᐊᓯᒪᔭᖏᑦ

    ᔪᐊᔾ ᓱᕕᓐᑕᓐ ᓅᓚᐅᖅᓯᒪᔪᖅ ᕗᐃᓂᐸᐃᒡᒧᑦ 1954 ᐃᓕᓐᓂᐊᑎᑦᑎᔨᐅᖃᑕᐅᓪᓗᓂ ᐃᓕᓐᓂᐊᕐᕕᒃ ᓴᓇᔭᐅᓯᒪᔪᓂᑦ ᓯᓚᑦᑐᖅᓴᕐᕕᒃᔪᐊᒥᑦ ᒫᓂᑑᐸ. ᑲᓇᑕᒨᓚᐅᖅᓯᒪᔪᖅ ᕕᐊᓇᒥ 1937-ᒥᑦ; ᐃᓕᓐᓂᐊᓚᐅᖅᑐᖅ ᓴᓇᔭᐅᓯᒪᔪᓂᑦ ᐃᓕᓐᓂᐊᖅᑏᑦ ᑎᒥᖓᑦ ᓂᐅ ᔪᐊᒃᒥ; ᓴᓇᖑᐊᖅᑎᐅᓚᐅᖅᑐᖅ ᑯᐃᓐ ᓯᓚᑦᑐᖅᓴᕐᕕᒃᔪᐊᖓ ᑭᖕᔅᑕᓐᒥ, ᐋᓐᑎᐅᕆᔪ; ᐊᒻᒪ ᑲᒪᔨᐅᓚᐅᖅᑐᖅ ᑲᓇᑕᒥ ᑕᑯᔭᒐᖃᕐᕕᒃ ᑲᓇᑕ ᐊᒻᒪ ᓴᔅᓯᖃᑑᓐ ᓴᓇᔭᐅᓯᒪᔪᓂᑦ ᐱᓕᕆᑯᒃ. ᓯᕗᓪᓕᖅᐹᒥᑦ ᓂᐅᕕᓚᐅᖅᓯᒪᔭᖓ ᐃᓄᐃᑦ ᓴᓇᖑᐊᒐᖅ ᒫᓐᑐᕆᐊᒥ 1950-ᒥ, ᐊᒻᒪ ᑕᒪᑐᒥᖓ ᐱᔪᒪᓂᕆᔭᖓ ᐃᑲᔪᖃᑦᑕᓕᓚᐅᖅᑐᖅ ᓂᐅᕕᕐᕕᒃᑯᓐᓂᑦ ᖃᐅᔨᓴᖅᑐᓂ ᓴᓇᖑᐊᒐᕐᓂᑦ ᑎᑭᓯᒪᓕᕋᐃᒻᒪᑕ ᕗᐃᓂᐸᐃᒡᒧᑦ ᐴᖅᑕᐅᓯᒪᔪᓂᑦ ᓂᐅᕕᕐᕕᒃᑯᑦ ᐅᑭᐅᑕᖅᑐᒥ ᓂᐅᕕᕐᕕᖏᓐᓂ. ᐱᔪᒪᓂᖃᕐᓂᖓ ᐃᓄᐃᑦ ᓴᓇᐅᒐᖏᓐᓂ ᐊᔭᐅᖅᑕᐅᒋᐊᓚᐅᖅᑐᖅ ᓯᕗᓪᓕᖅᐹᒥ ᐅᑭᐅᑕᖅᑐᒨᖅᑐᓂ, ᐃᓄᒃᔪᐊᖅ, 1957-ᒥᑦ. ᑎᑎᕋᒪᐅᖅᑐᖅ ᒪᕐᕉᓐᓂᒃ ᐅᖃᓕᒫᒐᕐᓂᑦ ᖃᐅᔨᒪᔭᐅᓕᓚᐅᖅᑐᑦ ᐃᓕᓐᓂᐊᖅᑎᓕᒫᓄᑦ ᐊᒻᒪ ᓄᐊᑦᑎᖃᑦᑕᖅᑐᓄᑦ ᐃᓄᐃᑦ ᓴᓇᐅᒐᖏᓐᓂ: ᐃᓄᓐᓄᑦ ᓴᓇᔭᐅᓯᒪᔪᑦ/Eskimo Sculpture/Sculptureesquimaude) (1965) ᐊᒻᒪ ᓴᓇᔭᐅᓯᒪᔪᑦ ᐃᓄᓐᓄᑦ/Sculpture of the Eskimo (1972).

    1960-ᖏᓐᓂ ᑕᑯᔭᒐᖃᕐᕕᒃ ᐱᒻᒪᕆᐅᔪᒥᑦ ᑲᔪᖏᖅᓯᓚᐅᖅᑐᑦ ᓄᐊᑦᑎᓗᑎ ᐃᓄᐃᑦ ᓴᓇᐅᒐᖏᓐᓂ ᓂᐅᕕᕐᖓᑕ 139 ᐱᒻᒪᕆᐅᔪᓂ ᓴᓇᔭᐅᓯᒪᔪᑦ ᓱᕕᓐᑕᓐᒥᑦ. 1976-ᒥᑦ ᕕᓂᐲᒃ ᓴᓇᙳᐊᒐᐃᑦ ᑕᑯᒐᓐᓈᒐᖃᕐᕕᒻᒥ ᓂᐅᕕᕐᖓᑕ ᐱᖃᑖ ᓄᐊᑕᐅᓯᒪᔪᓂᑦ ᔪᐊᔾ ᓱᕕᓐᑕᓐᒥᑦ ᐅᖓᑖᓃᑦᑐᑦ 900 ᓴᓇᔭᐅᓯᒪᔪᑦ, ᐊᒥᐊᖅᑕᐅᓯᒪᔪᑦ, ᐊᒻᒪ ᑎᑎᖅᑐᒐᐃᑦ. ᑕᑯᔅᓴᐅᑎᑕᐅᑎᓂᖏᑦ ᓱᕕᓐᑕᓐ ᓄᐊᓯᒪᔭᖏᑦ ᐊᒥᓱᒐᒪᓐᓄᑦ ᐊᕐᕌᒍᓅᓚᐅᖅᑐᖅ, 1987-ᒥ, ᐱᖃᓯᐅᑎᓯᒪᓪᓗᑎ ᐅᑯᓂᖓ ᑎᑎᕋᖅᑕᐅᓯᒪᔪᑦ. 1989-ᒥ, ᓄᐊᑕᐅᓯᒪᒃᑲᓂᖅᑐᑦ 85 ᓴᓇᐅᒐᐃᑦ ᑐᓂᔭᐅᑐᐃᓐᓇᓚᐅᖅᑐᑦ ᑕᑯᔭᒐᖃᕐᕕᒻᒧᑦ.

     


  • ᐊᓈᓇ ᐊᒻᒪᓗ ᓄᑕᕋᖅ

    ᐊᔾᔨᖑᐊᖅ (photo)

    ᐊᓈᓇ ᐊᒻᒪᓗ ᓄᑕᕋᖅ

    ᐊᓈᓇ ᐊᒻᒪᓗ ᓄᑕᕋᖅ