Uqsuqtuuq (Gjoa Haven)
(1937–1999)
(1937–1999)
ᔫᑕᔅ ᐅᓪᓗᓚᖅ ᓴᓇᙳᐊᖅᑎᐅᓚᐅᖅᑐᖅ ᐅᔭᖅᑲᓄᑦ ᐱᓗᐊᖅᑐᒋᑦ ᐊᑐᖅᑐᓂ ᐊᔾᔨᒌᙱᑦᑐᓂᒃ ᑲᑎᙵᔪᓂᒃ ᐆᑦᑑᑎᒋᓗᒍ ᕿᓚᓗᒐᐅᑉ ᓴᐅᓂᖓ, ᑑᒑᖅ, ᓇᒡᔪᒃ, ᓴᐅᓂᖅ, ᐃᕙᓗᒃᓴᖅ ᐊᒻᒪᓗ ᐅᒥᒻᒪᐅᑉ ᓇᒡᔪᖓᓂᒃ. ᓄᓇᖃᖅᑐᓂ ᑕᓗᕐᔪᐊᖅ, ᓄᓇᕗᒻᒥᐅᑕᖅ, ᐅᕙᑦᑎᐊᕈ ᓅᓪᓗᓂ ᐅᖅᓱᖅᑑᖅ, ᓄᓇᕗᒻᒧᑦ. ᐅᓪᓗᓚᖅ ᓴᖅᑭᑎᑦᑎᓚᐅᖅᑐᖅ ᓴᓇᙳᐊᒐᓂᒃ ᐱᔾᔪᑎᖃᖅᑐᑦ ᑮᓇᐃᑦ ᐃᔨᒋᔪᓂᑦ, ᐊᔾᔨᒌᙱᑦᑐᑦ ᐃᔩᑦ ᐅᕝᕙᓘᓐᓃᑦ ᒪᑐᐃᖅᓯᒪᔪᑦ ᕿᖓᐃᑦ ᐊᒻᒪᓗ ᐊᖏᔪᑦ ᖃᓂᖏᑦ, ᓴᓇᙳᐊᒐᖅ ᐃᓚᖃᖅᑐᓂ ᐅᔪᕈᐊ ᑲᕉ ᐋᓯᕙᒃ. ᑖᒃᑯᐊ ᐊᑐᖅᑕᐅᔪᑦ ᑐᓂᓯᔪᑦ ᐅᓪᓗᓚᐅᑉ ᓴᓇᙳᐊᒐᖏᑦ ᓴᙱᓂᖃᖅᑐᓂᒃ ᐃᑉᐱᒋᓂᕐᒧᑦ ᐊᒻᒪᓗ ᐃᑉᐱᓐᓇᖅᑐᓂᒃ ᑕᐃᒪᐅᔪᓂᒃ. ᓴᓇᙳᐊᒐᖏᑦ ᑕᑯᒐᓐᓈᖅᑎᑕᐅᓯᒪᔪᑦ ᑲᓇᑕᒥ ᐊᒻᒪᓗ ᓯᓚᕐᔪᐊᒥ 90 ᐅᖓᑖᓂ ᐃᒻᒥᒃᑯᑦ ᐊᒻᒪᓗ ᑲᑎᙵᔪᒃᑯᑦ ᑕᑯᒐᓐᓈᖅᑎᑦᑎᓂᕐᒧᑦ ᐊᒻᒪᓗ ᑕᐃᒪᐅᔪᑦ ᐊᒥᓱᓂᑦ ᑲᑎᖅᓱᖅᑕᐅᓯᒪᔪᓂᑦ ᐃᓚᒋᓗᒍ ᕕᓂᐲᒃ ᓴᓇᙳᐊᒐᐃᑦ ᑕᑯᒐᓐᓈᒐᖃᕐᕕᒃ ᒫᓂᑐᐸᒥ, ᑲᓇᑕᒥ ᑕᑯᒐᓐᓈᒐᖃᕐᕕᒃ ᐃᑦᑕᕐᓂᑕᐃᑦ ᒐᑎᓅ, ᑯᐱᒃᒥ, ᑲᓇᑕᒥ ᑕᑯᒐᓐᓈᒐᖃᕐᕕᒃ ᐋᑐᕙ, ᐋᓐᑎᐅᕆᔫ, ᐊᒻᒪᓗ ᑕᑯᒐᓐᓈᒐᖃᕐᕕᒃ ᐃᓕᖅᑯᓯᓕᕆᓂᕐᒧᑦ ᕚᓐᑐᕗ, ᐳᕆᑎᔅ ᑲᓚᒻᐱᐊᒥ.
ᓴᓇᙳᐊᖅᑎᑦ ᑭᓇᐅᓂᖏᓐᓄᑦ ᑎᑎᕋᖅᓯᒪᔪᑦ ᑐᓂᔭᐅᓯᒪᔪᑦ ᐊᖏᖅᑕᐅᓯᒪᓪᓗᑎᒃ ᐃᓄᐃᑦ ᓴᓇᙳᐊᖅᑎᓕᕆᔨᒃᑯᑦ ᑐᙵᕝᕕᒃ. ᑕᒪᕐᒥᒃ ᐱᔪᓐᓇᐅᑎᑦ ᒪᓕᒐᖅᑎᒍᑦ.
ᐅᖃᐅᑎᖃᒃᑐᖅ (about)
ᔫᑕᔅ ᐅᓪᓗᓚᖅ ᓴᓇᓚᐅᖅᓯᒪᓐᓂᕐᒪᑦ ᑕᐅᑦᑐᖃᑎᓪᓗᐊᓕᐊᕆᔭᒥᓂᒃ ᓴᓇᓪᓗᓂᐅᒃ ᕿᑎᕐᒥᐅᑦ ᐊᕕᒃᑐᖅᓯᒪᓂᖓᓂ ᑕᐃᔅᓱᒪᓂ 1980-ᖏᓐᓂᒃ ᑎᑭᓪᓗᒍ ᑐᖁᓂᖓᓄᑦ 1999-ᒧᑦ. ᑕᖅᓴᐅᔪᓕᐊᕆᓯᒪᓪᓗᓂᒋᑦ ᓴᓇᓯᒪᔭᖏᑦ ᐃᓕᖅᑯᓯᖃᓕᖅᑎᑕᐅᒻᒪᑕ ᑕᑯᓐᓇᓪᓗᐊᓂᖏᑦ, ᐱᐅᓯᑎᓯᒪᓪᓗᑎᒃ ᐃᔨᖏᑦ, ᒪᒃᐱᖓᓪᓗᑎᒃ ᓱᕐᓗᖏᑦ, ᐊᒻᒪᓗ ᑲᓂᒃᑭᐋᓗᓗᑎᒃ. ᑕᒪᕐᒥᓕᒫᖅ ᑕᒪᒃᑯᐊ ᐃᓕᖅᑯᓯᓕᐅᖅᑕᐅᓂᖏᑦ ᑕᑯᔭᐅᒍᓐᓇᕐᒪᑕ ᐊᕐᓇᖅ ᐃᖃᓪᓕᐊᖅᑎᒥ, ᑕᓐᓇᓗ ᓴᖅᑭᔮᖅᑎᑦᑎᓪᓗᓂ ᓴᙱᔫᓪᓗᓂ ᐊᒻᒪᓗ ᑐᑭᓯᓇᖅᑎᑦᑎᓪᓗᓂ ᐃᒃᐱᓐᓂᐋᓂᖓᓂᒃ. ᑖᓐᓇ ᓴᓇᓯᒪᓂᖓ ᑕᐃᒪᐃᓕᖅᑎᑕᐅᒻᒪᑦ ᓴᓇᑦᑎᐊᒃᑳᓗᓂᖓᓄᑦ ᖃᖏᐊᖓ ᑲᕉ ᐊᓯᕙᒃ.
