ᑖᓐᓇ ᐊᐃᑉᐹᓂ ᓴᓇᙳᐊᒐᕆᒻᒪᒍ ᑖᒪᔅᓯᐊᐱᒃ ᓯᕗᐊᕋᐱᐅᑉ ᐋᖅᑭᒃᓯᓚᐅᒻᒪᑦ ᓴᓇᙳᐊᖅᓯᒪᓂᖓᓂᒃ ᐅᓂᒃᑳᖑᔪᑉ ᐊᒪᕈᕉᙳᐊᖅᑐᒥᒃ, ᐊᕐᓇᖅ ᐊᒪᕈᕈᖅᑐᒥᓂᕐᒥᒃ. ᑖᓐᓇ ᐅᓂᒃᑳᖅ ᑐᑭᓯᓇᖅᓯᑎᑕᐅᒋᐊᕐᖓᓚᐅᕐᒪᑦ ᓴᓇᙳᐊᒐᒃᑯᑦ ᓴᓇᔭᐅᓯᒪᔪᒧᑦ ᓴᓇᙳᐊᖅᑎᐅᑉ ᐊᑖᑕᖓᓄᑦ, ᓵᓕ ᓯᕗᐊᕋᐱᒃᒧᑦ. ᑕᒪᒃᑭᖏᓐᓂ ᓴᓇᙳᐊᒑᓐᓂ, ᓯᕗᐊᕋᐱᒃ ᑕᑯᔭᐅᑎᑦᑎᒻᒪᑦ ᐊᕐᓇᖅ ᑲᒥᒃᓯᒪᓪᓗᓂ (ᕘᑦᑎᒃ). ᑖᓐᓇ ᐊᑑᑎᖃᕐᓂᖅᐸᖑᒻᒪᑦ ᐅᓂᒃᑳᖑᔪᒥ, ᑖᔅᓱᒪ ᑐᒥᖏᑦ ᓴᕿᑎᑦᑎᒻᒪᑕ ᐊᒪᕈᕈᓚᐅᕐᓂᖓᓂᒃ. ᐃᓚᖓᓐᓂ ᓴᓇᙳᐊᖅᑕᐅᓯᒪᔪᒥ, ᑕᑯᒃᓴᐅᑎᑕᐅᒻᒪᑦ ᓂᕆᑎᓪᓗᒍ ᐊᐃᑉᐹᓂᒃ ᑲᒥᖓᑕ. ᓯᕗᐊᕋᐱᐅᑉ ᐊᑖᑕᖓ ᑕᑯᒃᓴᐅᑎᑦᑎᒐᔪᓚᐅᕐᒪᑦ ᐊᓯᖏᓐᓂᒃ ᖃᓄᐃᓘᕐᓂᖏᓐᓂ ᐅᓂᒃᑳᖑᔪᑉ.

2006-ᒥ, ᐊᖏᔪᑦ ᓄᐊᑕᐅᓯᒪᔪᑦ 246 ᓴᓇᔭᐅᓯᒪᔪᑦ ᑐᓂᔭᐅᑐᐃᓐᓇᓚᐅᖅᑐᑦ ᑕᑯᔭᒐᖃᕐᕕᒻᒧᑦ ᕚᓐᑰᕗᒥ ᓄᐊᑦᑎᖃᑦᑕᖅᑐᒧᑦ ᓘᑦᑖᖅ ᕼᐃᐅᕆ ᕗᐃᓐᕌᑉ. ᕗᐃᓂᐸᐃᒡᒥᐅᑕᓪᓚᕆᒃ, ᕗᐃᓐᕌᑉ ᓂᐅᕕᖃᑦᑕᕐᓂᑰᒻᒪᑦ ᐃᓄᐃᑦ ᓴᓇᖑᐊᒐᖏᓐᓂᑦ ᐱᒋᐊᖅᑐᓂ 1968. ᐱᔪᒪᓂᖃᒻᒪᕆᓕᓚᐅᖅᑐᖅ ᓄᐊᑦᑎᓂᕐᒥᑦ ᐃᓄᐃᑦ ᓴᓇᐅᒐᖏᓐᓂᑦ 1971-ᒥᑦ, ᐊᒻᒪ ᐱᓕᕆᓪᓗᐊᑕᖃᓕᖅᑐᓂ ᓂᐅᕕᖃᑦᑕᓂᕐᒥᑦ ᓴᓇᔭᐅᓯᒪᔪᓂᑦ ᐆᒪᔪᒥᓂᕐᒦᖔᖅᑐᓂᑦ ᐊᖑᓇᓱᑦᑕᐅᕙᑦᑐᓂᑦ (ᕿᓚᓗᒐᐃᑦ ᓴᐅᓂᖏᑦ, ᐊᐃᕖᑦ ᑑᒑᖏᑦ, ᐊᒻᒪ ᑐᑦᑐᐃᑦ ᓇᔾᔪᖏᑦ). 54 ᓴᓇᔭᐅᓯᒪᔪᑦ ᕗᐃᓐᕌᑉ ᓄᐊᓯᒪᔭᖏᑦ ᓴᓇᔭᐅᓯᒪᔪᑦ ᐆᒪᔪᒥᓂᕐᒦᖔᖅᑐᑦ, ᐊᒻᒪ 36 ᑖᒃᑯᐊᓂᖓ ᕿᓚᓗᒐᐃᑦ ᓴᐅᓂᖏᑦᓐᓂ. ᕗᐃᓐᕌᑉ ᐋᓐᓂᐊᓯᐅᖅᑎᐅᓚᐅᖅᓯᒪᔪᖅ ᐱᔾᔪᑎᒋᔭᖓ ᐱᔪᒪᓂᖃᕐᓂᖓ ᑖᒃᑯᓂᖓ ᐆᒪᔪᒥᓂᕐᒦᖔᖅᑐᓂᑦ. ᑭᓯᐊᓂᓕ, ᐱᔪᒪᓂᕆᓂᖅᓴᖓ ᐱᐅᔫᑎᓅᓚᐅᖅᑐᖅ. ᐱᔪᒪᓂᖃᓗᐊᓚᐅᖅᑐᖅ ᓴᓇᖑᐊᒐᑦᑎᐊᕙᓐᓂᑦ ᓴᓇᔭᐅᓯᒪᔪᑦ ᓇᑦᑎᓕᖕᒥᐅᑦ (ᓇᑦᓯᓕᒃ) ᓴᓇᖑᐊᖅᑏᑦ ᐅᕙᓐᖓᑦ ᑕᓗᕐᔪᐊᖅ, ᐅᖅᓱᖅᑑᖅ, ᐊᒻᒪ ᑰᒑᕐᔪᒃ. ᓴᓇᔭᐅᓯᒪᔪᑦ ᐊᖓᒃᑯᖃᓂᕐᒥᑦ ᐃᓗᓕᓕᓐᓂᑦ ᐱᔪᒪᓂᖁᓗᐊᓪᖑᐊᓚᐅᖅᑐᖅ, ᐱᓗᐊᖅᑐᒥᑦ ᐆᒪᔪᐃᑦ/ᐃᓄᐃᑦ ᐊᓯᔾᔨᖅᑐᓂᑦ. ᓇᓗᓇᐃᖅᓯᓚᐅᖅᑐᖅ ᐅᓴᐅᓚᐅᖏᑦᑐᖅ “ᐱᑕᖃᒐᔪᑦᑐᑦ” ᑭᓯᐊᓂ ᐊᔾᔨᐅᖏᑦᑐᑦ, ᐊᒻᒪᓘᓐᓃᑦ ᖃᓄᐃᓕᖓᕈᓘᔭᖅᑐᒥᑦ ᓴᖏᔪᒥᑦ ᐱᔪᒪᓂᕆᔭᖓᓄᑦ. ᒫᑦᓯᒥ 2008, ᕼᐃᐅᕆ ᕗᐃᓐᕌᑉ ᓄᐊᓯᒪᔭᖏᑦ ᐅᖃᐅᓯᐅᓚᐅᖅᑐᑦ ᕕᓂᐲᒃ ᓴᓇᙳᐊᒐᐃᑦ ᑕᑯᒐᓐᓈᒐᖃᕐᕕᒻᒥ ᑕᑯᔅᓴᐅᑎᑕᐅᔪᓂᑦ ᐊᒻᒪ ᑎᑎᕋᖅᑕᐅᓯᒪᔪᓂᑦ.