ᑲᕉ ᐊᓯᕙᐅᑉ ᑲᔪᓯᑦᑎᐊᕐᓂᖓ ᐊᒻᒪᓗ ᐊᐅᓚᔾᔭᐃᓂᖓ ᑕᓗᕐᔪᐊᕐᒥ (ᓯᐱᓐᓯ ᐸᐃᒥ), ᐊᒻᒪᓗ ᑕᐃᒫᓪᓗᖃᑎᒋᓪᓗᓂᐅᒃ ᐊᐅᓚᔾᔭᐃᓂᖓ ᐊᒃᑲᖓᑕ ᔫᑕᔅ ᐅᓪᓗᓚᖅ, ᐃᑲᔪᓚᐅᕐᒪᑦ ᓴᖅᑭᑎᑦᑎᑎᓪᓗᒍ ᓄᑖᒥᒃ ᕿᑎᕐᒥᐅᑦ ᐊᕕᒃᑐᖅᓯᒪᓂᖓᓂ ᓴᓇᔾᔪᓯᕆᔭᐅᔪᒥᒃ. ᓘᒃ ᓄᓕᐊᔪᒃ, ᓴᓇᙳᐊᑦᑎᐊᒃᑲᐅᓕᕇᒃᑐᖅ ᐅᖅᓱᖅᑑᕐᒥ ᑕᐅᕙᖓᓂᑦ ᕿᑎᖏᓐᓂ-1960-ᑦ, ᐱᒋᐊᓕᓚᐅᕐᒪᑦ ᐊᑐᖃᑦᑕᓕᕐᓗᓂ ᓴᓇᓯᒪᒍᓂᖃᐅᖅᑐᓂᒃ, ᓲᕐᓗ ᒪᑯᓂᖓ ᑮᓇᕐᓕᖓᙳᐊᖅᑐᓂᒃ ᑮᓇᕐᓂᒃ ᖃᓄᐃᓕᖓᓂᖏᓐᓂ, ᓇᒻᒥᓂᕐ ᓴᓇᔭᖏᓐᓂᒃ. ᓄᓕᐊᔪᒃ ᖃᐅᔨᒪᔭᐅᓚᐅᒻᒥᒻᒪᑦ ᓴᓇᑐᔪᐊᓗᓂᖓᓄᑦ ᓴᓇᙳᐊᖅᑎᐅᖅᐸᓪᓗᓂᒋᑦ ᐱᖅᑯᓯᒃᑯᑦ ᓴᓇᕐᕈᑎᖃᕐᓗᓂ ᐊᒻᒪᓗ ᓴᓇᕐᕈᑎᓂᒃ. ᐅᖓᑖᓄᒃᑲᓐᓂᖅ, ᖃᐅᔨᒪᓚᐅᕐᒪᑦ ᖃᓄᖅ ᐋᖅᑭᒃᓱᐃᑦᑎᐋᕈᓐᓇᕐᒪᖔᕐᒥ ᐃᓄᐃᑦ ᐊᒥᖁᑎᖏᓐᓂᒃ ᐊᒻᒪᓗ ᕿᔪᒻᒥᒃ ᕿᓚᐅᑎᓕᐅᕐᓗᓂ ᐊᒻᒪᓗ ᑕᐃᓐᓇ ᓇᒻᒥᓂᖅ ᕿᓚᐅᔾᔭᖅᑎᐅᓚᐅᕐᒪᑦ ᒧᒥᖅᐸᓪᓗᓂ.

2006-ᒥ, ᐊᖏᔪᑦ ᓄᐊᑕᐅᓯᒪᔪᑦ 246 ᓴᓇᔭᐅᓯᒪᔪᑦ ᑐᓂᔭᐅᑐᐃᓐᓇᓚᐅᖅᑐᑦ ᑕᑯᔭᒐᖃᕐᕕᒻᒧᑦ ᕚᓐᑰᕗᒥ ᓄᐊᑦᑎᖃᑦᑕᖅᑐᒧᑦ ᓘᑦᑖᖅ ᕼᐃᐅᕆ ᕗᐃᓐᕌᑉ. ᕗᐃᓂᐸᐃᒡᒥᐅᑕᓪᓚᕆᒃ, ᕗᐃᓐᕌᑉ ᓂᐅᕕᖃᑦᑕᕐᓂᑰᒻᒪᑦ ᐃᓄᐃᑦ ᓴᓇᖑᐊᒐᖏᓐᓂᑦ ᐱᒋᐊᖅᑐᓂ 1968. ᐱᔪᒪᓂᖃᒻᒪᕆᓕᓚᐅᖅᑐᖅ ᓄᐊᑦᑎᓂᕐᒥᑦ ᐃᓄᐃᑦ ᓴᓇᐅᒐᖏᓐᓂᑦ 1971-ᒥᑦ, ᐊᒻᒪ ᐱᓕᕆᓪᓗᐊᑕᖃᓕᖅᑐᓂ ᓂᐅᕕᖃᑦᑕᓂᕐᒥᑦ ᓴᓇᔭᐅᓯᒪᔪᓂᑦ ᐆᒪᔪᒥᓂᕐᒦᖔᖅᑐᓂᑦ ᐊᖑᓇᓱᑦᑕᐅᕙᑦᑐᓂᑦ (ᕿᓚᓗᒐᐃᑦ ᓴᐅᓂᖏᑦ, ᐊᐃᕖᑦ ᑑᒑᖏᑦ, ᐊᒻᒪ ᑐᑦᑐᐃᑦ ᓇᔾᔪᖏᑦ). 54 ᓴᓇᔭᐅᓯᒪᔪᑦ ᕗᐃᓐᕌᑉ ᓄᐊᓯᒪᔭᖏᑦ ᓴᓇᔭᐅᓯᒪᔪᑦ ᐆᒪᔪᒥᓂᕐᒦᖔᖅᑐᑦ, ᐊᒻᒪ 36 ᑖᒃᑯᐊᓂᖓ ᕿᓚᓗᒐᐃᑦ ᓴᐅᓂᖏᑦᓐᓂ. ᕗᐃᓐᕌᑉ ᐋᓐᓂᐊᓯᐅᖅᑎᐅᓚᐅᖅᓯᒪᔪᖅ ᐱᔾᔪᑎᒋᔭᖓ ᐱᔪᒪᓂᖃᕐᓂᖓ ᑖᒃᑯᓂᖓ ᐆᒪᔪᒥᓂᕐᒦᖔᖅᑐᓂᑦ. ᑭᓯᐊᓂᓕ, ᐱᔪᒪᓂᕆᓂᖅᓴᖓ ᐱᐅᔫᑎᓅᓚᐅᖅᑐᖅ. ᐱᔪᒪᓂᖃᓗᐊᓚᐅᖅᑐᖅ ᓴᓇᖑᐊᒐᑦᑎᐊᕙᓐᓂᑦ ᓴᓇᔭᐅᓯᒪᔪᑦ ᓇᑦᑎᓕᖕᒥᐅᑦ (ᓇᑦᓯᓕᒃ) ᓴᓇᖑᐊᖅᑏᑦ ᐅᕙᓐᖓᑦ ᑕᓗᕐᔪᐊᖅ, ᐅᖅᓱᖅᑑᖅ, ᐊᒻᒪ ᑰᒑᕐᔪᒃ. ᓴᓇᔭᐅᓯᒪᔪᑦ ᐊᖓᒃᑯᖃᓂᕐᒥᑦ ᐃᓗᓕᓕᓐᓂᑦ ᐱᔪᒪᓂᖁᓗᐊᓪᖑᐊᓚᐅᖅᑐᖅ, ᐱᓗᐊᖅᑐᒥᑦ ᐆᒪᔪᐃᑦ/ᐃᓄᐃᑦ ᐊᓯᔾᔨᖅᑐᓂᑦ. ᓇᓗᓇᐃᖅᓯᓚᐅᖅᑐᖅ ᐅᓴᐅᓚᐅᖏᑦᑐᖅ “ᐱᑕᖃᒐᔪᑦᑐᑦ” ᑭᓯᐊᓂ ᐊᔾᔨᐅᖏᑦᑐᑦ, ᐊᒻᒪᓘᓐᓃᑦ ᖃᓄᐃᓕᖓᕈᓘᔭᖅᑐᒥᑦ ᓴᖏᔪᒥᑦ ᐱᔪᒪᓂᕆᔭᖓᓄᑦ. ᒫᑦᓯᒥ 2008, ᕼᐃᐅᕆ ᕗᐃᓐᕌᑉ ᓄᐊᓯᒪᔭᖏᑦ ᐅᖃᐅᓯᐅᓚᐅᖅᑐᑦ ᕕᓂᐲᒃ ᓴᓇᙳᐊᒐᐃᑦ ᑕᑯᒐᓐᓈᒐᖃᕐᕕᒻᒥ ᑕᑯᔅᓴᐅᑎᑕᐅᔪᓂᑦ ᐊᒻᒪ ᑎᑎᕋᖅᑕᐅᓯᒪᔪᓂᑦ.