Pootoogook, Paulassie

ᐸᐅᓚᓯ ᐳᑐᒍᖅ (1927-2006) ᖃᐅᔨᒪᔭᐅᑦᑎᐊᖅᑐᖅ ᓴᓇᖑᐊᖅᑎ ᐃᒐᓛᓕᖕᒥ, ᓄᓇᕗᑦ. ᐊᑖᑕᖓ, ᐳᑐᒍᖅ (1887-1958), ᓄᓇᓕᖕᓂ ᐊᖓᔪᖅᑳᖑᔪᖅ ᐊᒻᒪᓗ ᑲᔪᖏᖅᓴᐃᑦᑎᐊᓲᖑᓚᐅᖅᑐᖅ ᓴᕿᑕᐅᓂᖓ ᓄᓇᓖᑦ ᑭᓐᖓᐃᑦ, ᓄᓇᕗᑦ, ᐅᓇᓗ ᐃᓚᖏᑦ ᑕᐃᑯᖓ ᓅᓚᐅᖅᑐᑦ. ᐃᓐᓇᑐᖃᐅᓪᓗᓂ ᑎᓴᒪᓂᒃ ᓄᑲᖃᖅᖢᓂ, ᑕᒪᐃᓐᓂᑦ ᖃᐅᔨᒪᔭᐅᑦᑎᐊᖅᑐᖅ ᓴᓇᖑᐊᖅᑎ, ᐸᐅᓚᓯ ᑎᑎᖅᑐᒐᖃᑦᑕᓕᓚᐅᖅᑐᖅ ᑭᓯᐊᓂ ᐃᓕᓴᕆᔭᐅᓯᒪᔪᖅ ᓴᓇᖑᐊᒃᑲᓂᐅᖓᓄᑦ. ᑕᐃᒪᓗ ᐳᑐᒎᑉ ᑭᖑᓂᐊᒍᑦ ᓴᓇᖃᑦᑕᕈᒪᓕᓚᐅᖅᓯᒪᖕᒪᑦ ᐱᐅᓯᑐᖃᕆᓐᖏᑕᒥᓂᒃ, ᐃᒡᓯᕋᕐᔪᐊᓅᖅᑐᓂᒃ, ᐃᓕᓴᕆᔭᐅᓯᒪᔪᖅ ᓴᕿᑎᑦᑎᓯᒪᓂᖓ ᓇᓄᖑᐊᕐᓂᒃ. ᓴᓇᖑᐊᖃᑦᑕᖅᖢᒋᑦ ᕿᓂᖅᑐᖅ ᓴᓇᖑᐊᒐᒃᓴᖅ, ᐅᒃᑯᓯᒃᓴᓕᒃ ᑭᓐᖓᕐᒥᐅᑕᖅ, ᐊᔪᖏᑎᑦᑎᓚᐅᖅᑐᖅ ᐳᑐᒍᖅ ᓴᕿᑎᑦᑎᔪᓐᓇᖅᖢᓂ ᐊᔪᖏᑦᑎᐊᖅᑕᒥᓂᒃ ᓴᓇᔭᒃᓴᓂᒃ, ᑕᐃᒪᓗ ᑎᓯᓂᖅᓴᐅᒍᓂ ᐊᖕᒪᓘᔭᕐᓂᖅᓴᐅᓂᐊᖅᖢᓂ ᐊᒻᒪᓗ ᖃᐃᖃᒃᓯᒪᑦᑎᐊᖅᐸᒃᖢᓂ ᓲᕐᓗ ᑕᕐᕋᖅᑐᕐᓇᖅᑐᑎᑐᑦ [1]. ᖃᑦᑎᒐᓛᖕᓂᖃᓐᖏᑦᑎᐊᖅᑐᖅ ᐅᕝᕙᓘᓐᓃᑦ ᐱᐅᓐᖏᓂᖃᓐᖏᑦᑎᐊᖅᑐᖅ, ᓴᓇᖑᐊᖅᑕᖏᑦ Bears (ᓇᓄᐃᑦ) (1977) ᓴᕿᑎᑦᑎᓯᒪᔪᖅ ᑲᑉᐱᐊᓱᒃᑐᖅ ᐊᑎᒃᑕᖅ ᐊᓈᓇᒥᓄᑦ ᐊᑕᔪᖅ ᖁᖓᓯᐊᓂ. ᐅᖃᖓ ᐊᓂᓯᒪᔪᖅ ᐊᒻᒪᓗ ᑭᒍᑎᖏᑦ ᑕᑯᒃᓴᐅᔪᑦ, ᐊᓈᓇᖓ ᓯᕐᓈᖅᑐᖅ ᐊᑎᒃᑕᖅ ᑲᒪᒋᔭᑑᔪᒪᖕᒪᑦ ᑕᐃᒪᓗ ᐱᓐᖑᐊᖅᓯᒪᔪᑎᑐᑦ ᓴᓇᖑᐊᑦᑎᐊᖅᓯᒪᔪᑦ ᓴᓇᖑᐊᒐᒃᓴᖅ. ᐳᑐᒍᖅ ᓴᓇᔭᖏᑦ ᐊᒻᒪᓗ ᑎᑎᖅᑐᒐᖅᑕᖏᑦ ᓴᕿᔮᖅᑎᑕᐅᖃᑦᑕᖅᓯᒪᔪᑦ ᐊᒥᓱᓂ ᑕᑯᔭᒐᖃᕐᕕᖕᓂ ᑕᒪᐃᓐᓂ ᓄᐊᑦ ᐊᒥᐊᓕᒐ ᐊᒻᒪᓗ ᔫᓚᑉ, ᐃᓚᒋᔭᐅᓪᓗᑎᒃ ᐊᕐᕌᒍᓕᒫᖅ ᐳᓚᕋᐅᔾᔭᐅᓪᓗᑎᒃ Inuit Art (ᐃᓄᐃᑦ ᓴᓇᖑᐊᖅᓯᒪᔭᖏᑦ) (1981-1982) ᑖᒃᑯᓇᓂ ᑲᓇᑕ ᑕᑯᔭᒐᖃᕐᕕᖓ ᐃᑦᑕᕐᓂᑕᓂᒃ ᐋᑐᕚ, ᐋᓐᑎᐅᕆᐅ. ᑎᑎᖅᑐᒐᖅᑕᖏᑦ ᐅᑯᐊᖅᑕᐅᖅ ᐃᓚᓕᐅᑎᓯᒪᔪᑦ ᐱᒋᐊᓕᓵᖅᑎᓪᓗᒋᑦ ᐊᕐᕌᒍᓂ ᑭᓐᖓᓂ ᐊᕐᕌᒍᑕᒫᑦ ᑎᑎᖅᑐᒐᖅᓯᒪᔪᑦ ᓄᐊᓯᒪᔭᖏᓐᓂ. ᐳᑐᒍᖅ ᓴᓇᔭᖏᑦ ᓇᓂᔭᐅᔪᓐᓇᖅᑐᑦ ᑲᓇᑕᒥ ᒐᕙᒪᒃᑯᓂ ᓄᐊᑕᐅᓯᒪᔪᓂ, ᓲᕐᓗ ᐃᓄᐃᑦ ᐱᐅᓯᑐᖃᓕᕆᕕᖓ ᑲᖏᖅᖠᓂᖅ, ᓄᓇᕗᑦ ᐊᒻᒪᓗ ᕕᓂᐲᒃ ᓴᓇᖑᐊᖅᓯᒪᔪᓂ ᑕᑯᔭᒐᖃᕐᕕᒃ ᒫᓂᑑᐸᒥ.