Ashoona, Qaqaq
Kinngait (Cape Dorset)
(1928–1996)
Ashoona, Qaqaq
(1928–1996)
ᓴᓇᙳᐊᖅᑎ ᖃᖅᑲᖅ ᐊᓲᓇ ᐊᓯᕙᖅᑎ ᐊᒻᒪᓗ ᐊᖑᓇᓱᒃᑎ ᑭᙵᐃᑦ (ᑮᑉ ᑐᐊᓯᑦ), ᓄᓇᕗᑦ ᖃᐅᔨᒪᔪᒻᒪᕆᐅᓚᐅᖅᑐᖅ ᐅᖁᒪᐃᑦᑐᓂᒃ ᒥᑭᔪᓂᑦ ᓴᓇᓯᒪᔪᑦ ᐊᐅᓚᙳᐊᖅᑐᒃᑯᑦ−ᐊᐅᓚᓂᖃᖅᑐᑦ ᓴᓇᙳᐊᒐᐃᑦ. ᖃᐅᔨᒪᔭᐅᔪᖅ ᓴᓇᙳᐊᒐᖏᑦ ᐊᖓᒃᑯᐊᕿᓂᕐᓄᑦ ᐊᒻᒪᓗ ᐊᓂᕐᓂᖃᖅᑐᓂᒃ ᑕᑯᔅᓴᐅᓂᖏᑦ ᐊᒻᒪᓗ ᖃᓄᐃᙳᐊᖅᑐᓂᒃ ᐊᕐᓇᓂᑦ, ᐃᓚᒋᓗᒍ ᓴᓇᙳᐊᒐᐃᑦ ᐊᓈᓇᐃᑦ ᐊᒻᒪᓗ ᓱᕈᓰᑦ, ᐊᓲᓇᑉ ᐃᓱᒪᒃᓴᖅᓯᐅᕐᓂᖏᑦ ᐊᕐᓇᓄᑦ ᓴᓇᙳᐊᖅᓯᒪᔪᑦ ᐱᐅᔪᒃᑯᑦ ᑕᑯᔅᓴᐅᑦᑎᐊᖅᑐᑎᒃ ᑮᓇᖏᑦ ᐊᒻᒪᓗ ᐊᔾᔨᒌᙱᑦᑐᓂᒃ ᑕᖅᓴᖃᖅᑐᑎᒃ ᓄᔭᙳᐊᓂᑦ ᐊᓐᓄᕌᓄᑦ. ᑕᑯᔅᓴᐅᑦᑎᐊᖅᓯᒪᔪᑦ ᓴᓇᙳᐊᒐᒥ ᑕᓖᓚᔪᖅ ᐊᒻᒪᓗ ᐊᖓᒃᑯᖅ (1962), ᓴᓇᙳᐊᖅᑎ ᑕᑯᑎᑦᑎᔪᖅ ᖃᖓᑦᑕᖅᓯᒪᓂᖓ ᓄᔭᖓ ᐊᒻᒪᓗ ᓴᖑᕙᓪᓕᐊᓂᖓ ᑎᒥᖓ ᓴᙱᔪᐊᓗᒃ ᐊᖓᒃᑯᖅ. ᐊᓲᓇᑉ ᓴᓇᙳᐊᒐ ᑕᑯᒐᓐᓈᖅᑎᑕᐅᓯᒪᔪᖅ ᑲᓇᑕᒥᐊᒻᒪᓗ ᓯᓚᕐᔪᐊᒥ ᐱᒋᐊᖅᑐᒍ 1953. ᐊᐃᕆᓕ 1973−ᖑᑎᓪᓗᒍ, ᑕᑯᒐᓐᓈᖅᑎᑦᑎᓚᐅᖅᑐᖅ ᓯᕗᓪᓕᖅᐹᒥᒃ ᓴᓇᙳᐊᒐᖏᓂᑦ, ᓴᓇᙳᐊᒐᐃᑦ ᑲᑲ ᑭᙵᐃᑦ ᑲᒪᒋᔭᐅᓚᐅᖅᑐᖅ ᑕᑯᒐᓐᓈᒐᖃᕐᕕᒃ ᐅᑭᐅᖅᑕᖅᑐᖅ ᕕᒃᑐᐊᐱᔭ, ᐳᕆᑎᔅ ᑲᓚᒻᐱᐊᒥ. ᓴᓇᙳᐊᒐᖏᑦ ᐱᓯᒪᔭᐅᔪᑦ ᐊᒥᓱᓂᑦ ᑲᑎᖅᓱᖅᑕᐅᓯᒪᔪᓂᑦ, ᐃᓚᒋᓗᒍᒃ ᑲᓇᑕᒥ ᑕᑯᒐᓐᓈᒐᖃᕐᕕᒃ, ᕕᓂᐲᒃ ᓴᓇᙳᐊᒐᐃᑦ ᑕᑯᒐᓐᓈᒐᖃᕐᕕᒃ, ᒪᓐᑐᐱᐋᓪ ᑕᑯᒐᓐᓈᒐᖃᕐᕕᒃ ᓴᓇᙳᐊᒐᐃᑦ ᐊᒻᒪᓗ ᑲᓇᑕᒥ ᑕᑯᒐᓐᓈᒐᖃᕐᕕᒃ ᐃᑦᑕᕐᓂᑕᐃᑦ.
ᓴᓇᙳᐊᖅᑎᑦ ᑭᓇᐅᓂᖏᓐᓄᑦ ᑎᑎᕋᖅᓯᒪᔪᑦ ᑐᓂᔭᐅᓯᒪᔪᑦ ᐊᖏᖅᑕᐅᓯᒪᓪᓗᑎᒃ ᐃᓄᐃᑦ ᓴᓇᙳᐊᖅᑎᓕᕆᔨᒃᑯᑦ ᑐᙵᕝᕕᒃ. ᑕᒪᕐᒥᒃ ᐱᔪᓐᓇᐅᑎᑦ ᒪᓕᒐᖅᑎᒍᑦ.