Muckpa, Qumangapik

(1939–?)

ᖁᒪᖔᐱᒃ ᒪᒃᐸ ᓴᓇᖑᐊᖅᑎᐅᓚᐅᖅᑐᖅ ᐃᒃᐱᐊᕐᔪᐊᒥᑦ (ᑐᓄᓂᕈᓯᖅ), ᓄᓇᕗᑦ. ᒪᒃᐸ ᐊᒻᒪᓗ ᐃᓚᖏᑦ ᓄᓇᖃᓚᐅᖅᑐᑦ ᓄᓇᑐᐃᓐᓇᒥ ᑭᓯᐊᓂ 1966-ᒥ, ᓄᓇᓕᖕᓃᖃᑕᐅᓕᖅᖢᑎᒃ ᐃᓕᓐᓂᐊᕆᐊᖃᕐᒪᑲ ᕿᑐᕐᖓᖏᑦ ᐊᒻᒪᓗ ᖃᓂᑦᑐᒪᓪᓗᑎᒃ ᑐᒃᓯᐊᕐᕕᖕᒧᑦ. ᒪᒃᐸ ᓴᓇᓲᖅ ᓴᐅᓂᕐᓂᒃ ᐊᒻᒪᓗ ᑑᒑᕐᓂᒃ, ᑭᓯᐊᓂ ᓴᓇᖑᐊᕈᒪᓲᖅ ᐅᒃᑯᓯᒃᓴᓕᖕᒥᒃ ᐱᑕᖃᕋᐃᖕᒪᑕ. ᒪᒃᐸᐅᑉ ᐊᓈᓇᖓ, ᐃᓕᓴᐱ ᑲᓇᖕᓇᖅ, ᓴᓇᖑᐊᖅᑎᐅᓚᐅᖅᑐᖅ, ᐊᒻᒪᓗ ᓄᑕᕋᐅᓪᓗᓂ ᖁᖏᐊᖃᑦᑕᖅᖢᓂ ᐊᓈᓇᒥᓂᒃ ᒥᑭᔫᑎᓂᒃ ᓴᓇᔪᖅ ᑭᓱᖑᐊᕐᓂᒃ. ᐃᓕᑦᑎᓚᐅᖅᓯᒪᔪᖅ ᓴᓇᖑᐊᕆᐊᒃᓴᖅ ᓇᖕᒥᓂᖅ ᐊᕐᕌᒍᑦ ᐊᒥᓱᑦ ᐊᓂᒍᖅᓯᒪᓕᖅᑎᓪᓗᒋᑦ, ᑕᐃᒪᓐᓇᐅᒐᓗᐊᖅᑎᓪᓗᒍ, ᒪᒃᐸ ᐱᔭᕆᐅᖅᓴᖃᑦᑕᓚᐅᖅᑐᖅ ᐱᔾᔪᑎᒋᓪᓗᒍ ᐃᓅᕕᒋᔭᖏᑦ ᓄᖃᖓᔪᓐᓇᓚᐅᓐᖏᒻᒪᑕ; ᓴᓇᖑᐊᕈᓐᓇᓚᐅᕐᒥᔪᑦ ᐊᔪᖏᑦᑎᐊᖅᖢᑎᒃ, ᒥᖅᓱᕈᓐᓇᖅᖢᑎᒃ, ᐱᔭᕆᐅᖅᓴᖃᑦᑕᓚᐅᖅᑐᖅ ᐱᔭᒃᓴᑎᒃ ᐱᔭᕇᖅᓯᒪᓕᕌᖓᑕ. ᑖᒃᑯᓇᖓᑦ ᐊᒥᓱᓂᑦ ᓴᓇᔪᓐᓇᖅᑕᒥᓂᒃ ᓂᕈᐊᖅᓯᒪᓲᖅ, ᒪᒃᐸᐅᑉ ᐱᐅᒋᓛᖓ ᓴᓇᖑᐊᖅᖢᓂ ᑑᒑᓕᖕᓂᒃ ᐊᒻᒪᓗ ᐊᖑᑎᖑᐊᓂᒃ ᐊᓯᕙᖅᓯᒪᖑᐊᖅᑐᓂᒃ ᐊᖑᓇᓱᖑᐊᖅᑐᓂᒃ. ᑲᒪᓇᓚᐅᖅᐳᖅ, ᐊᒥᓱᑦ ᐱᐅᒋᔭᐅᓂᖅᐹᑦ ᓴᓇᔭᐅᓯᒪᕗᑦ ᐊᕐᓇᓂᑦ, ᓲᕐᓗ ᓰᖁᖓᔪᖅ ᐊᕐᓇᖅ ᓴᕿᔮᖅᑎᑕᐅᓯᒪᕗᖅ ᔪᐊᔾ ᓱᕕᓐᑕᓐ ᓴᓇᖑᐊᒐᖁᑎᖏᓐᓂᑦ ᐊᒥᓱᓂᑦ ᖃᐅᔨᒪᔭᐅᔪᖅ ᑕᑯᔭᐅᓯᒪᔪᖅ Sculpture of the Inuit (ᐃᓄᖑᐊᖅ) (1972), ᐅᓇᓗ ᒪᒃᐸᐅᒻ ᓯᕗᓪᓕᖅᐹᖅ ᓴᓇᖑᐊᖅᓯᒪᔭᖓ. Standing Mother and Two Children (ᓇᖏᖅᑐᖅ ᐊᓈᓇ ᐊᒻᒪᓗ ᒪᕐᕉᒃ ᓄᑕᕋᖏᒃ) (ᐅᓪᓗᖃᓐᖏᑦᑐᖅ) ᐅᓇᑦᑕᐅᖅ ᐊᕐᓇᖑᐊᖑᔪᖅ, ᓴᓇᓯᒪᔪᑦ ᐱᖓᓱᑦ ᓴᓂᓕᕇᑦ ᓇᖏᖅᑐᑦ. ᐅᓇ ᐊᓈᓇᖓᑕ ᐊᒪᐅᑎᖓ ᑎᑎᖅᑐᖅᓯᒪᔪᖅ ᐃᑎᖅᓯᓯᒪᓪᓗᒋᑦ, ᓇᓗᓇᐃᖅᓯᒪᑦᑎᐊᖅᖢᑎᒃ, ᑕᐃᒪᓗ ᐊᒪᐅᓯᔭᕐᒪᑦ ᓄᑕᕋᖅ, ᖃᐅᔨᓇᖅᐳᖅ ᐊᕐᓇᐅᖕᒪᑦ. ᑕᐃᑲᓂ ᐃᓅᓱᒐᖅᖢᓂ, ᒪᒃᐸ ᓴᓇᓚᐅᖅᑐᖅ ᓄᓇᓕᖕᓂ ᐱᓐᖑᐊᖅᑐᓕᕆᔨᒃᑯᓂ ᐊᒻᒪᓗ ᐋᓐᓂᐊᕕᒃ ᑲᑎᒪᔨᕋᓛᖏᓐᓂ. ᓴᓇᔭᖏᑦ ᓴᕿᔮᖅᑎᑕᐅᓯᒪᔪᑦ Ikpiarjuk: The Sculpture of Arctic Bay (ᐃᒃᐱᐊᕐᔪᒃ: ᐃᓄᖑᐊᑦ ᐃᒃᐱᐊᕐᔪᒥ) (1987) ᑕᐃᑲᓂ ᕕᓂᐲᒃ ᓴᓇᖑᐊᖅᓯᒪᔪᓂ ᑕᑯᔭᒐᖃᕐᕕᒃ, ᐊᒻᒪᓗ ᐃᓚᒋᔭᐅᓪᓗᑎᒃ ᑑᒥ ᓄᐊᓯᒪᔭᖏᑦ ᑕᐃᑲᓂ ᕕᓂᐲᒃ ᓴᓇᖑᐊᖅᓯᒪᔪᓂ ᑕᑯᔭᒐᖃᕐᕕᒃ ᐊᒻᒪᓗ ᕼᐊᑦᓴᓐ ᐸᐃ ᐱᑐᖃᖏᑦ ᓄᐊᓯᒪᔭᖏᑦ ᒫᓂᑑᐸ ᑕᑯᔭᒐᖃᕐᕕᖓᓂ.

ᓴᓇᙳᐊᖅᑎᑦ ᑭᓇᐅᓂᖏᓐᓄᑦ ᑎᑎᕋᖅᓯᒪᔪᑦ ᑐᓂᔭᐅᓯᒪᔪᑦ ᐊᖏᖅᑕᐅᓯᒪᓪᓗᑎᒃ ᐃᓄᐃᑦ ᓴᓇᙳᐊᖅᑎᓕᕆᔨᒃᑯᑦ ᑐᙵᕝᕕᒃ. ᑕᒪᕐᒥᒃ ᐱᔪᓐᓇᐅᑎᑦ ᒪᓕᒐᖅᑎᒍᑦ.

Muckpa, Qumangapik

ᑎᒻᒥᐊᖅ X ᖁᓛᓂ

1966

ᐅᔭᕋᒃ

8.2 x 12.2 x 9.1 cm

Collection of the Winnipeg Art Gallery, Twomey Collection, with appreciation to the Province of Manitoba and Government of Canada

562.71