ᑖᓐᓇ ᑎᕆᒐᓂᐊᖅ ᐊᖓᒃᑯᖅ ᓄᓕᐊᕆᔭᐅᓇᓱᒋᔭᐅᕙᒃᐳᖅ ᕿᕕᐅᖅᒧᑦ, ᑕᐃᓐᓇ ᓄᓕᐊᖃᕈᒪᔪᐊᓘᓚᐅᕐᒪᑦ ᐊᔾᔨᖃᖏᑦᑐᒥᒃ, ᓂᕈᐊᓕᓚᐅᖅᓱᓂ ᓄᓕᐊᒃᓴᒥᓂᒃ ᑎᕆᒐᓂᐊᕐᒥᒃ. ᐅᓂᒃᑯᑦ ᕿᕕᐅᖅ ᐅᑎᕋᒥ ᐊᖑᓇᓱᖕᓂᕐᒥᓂᒃ, ᑕᑯᓚᐅᖅᐳᖅ ᑎᕆᒐᓂᐊᕐᒥᒃ ᐱᐅᔪᐊᓗᖕᒥᒃ ᐊᕐᓇᖑᖅᓯᒪᔪᒥᒃ. ᑖᓐᓇ ᐊᓯᓐᓂᐊᖃᑦᑕᕐᓂᐊᕋᓱᒋᓪᓗᓂᐅᒃ ᑎᕆᒐᓂᐊᖅ/ᓄᓕᐊᓂᒃᑕᓂ, ᐊᓯᐊᓄᑦ ᑕᒪᕐᒥᒃ ᓄᓇᓕᖕᒧᑦ ᓄᒃᑎᓕᓚᐅᖅᐴᒃ. ᑎᕆᒐᓂᐊᖅ ᐱᐅᒃᓴᓚᐅᖏᓚᖅ ᓄᓇᓕᒋᓕᖅᑕᖓᓂᒃ ᕿᒫᓯᓚᐅᖅᐳᖅ ᖃᖃᓄᑦ. ᑭᕕᐅᑉ ᓇᓂᕚ ᕿᑎᕈᓪᓕᕐᒦᓕᖅᑎᓪᓗᒍ, ᐊᖑᑎᕈᖅᓯᒪᔪᒥ. ᑖᒃᑯᐊ ᐅᓇᑕᓕᓚᐅᖅᐴᒃ ᐱᔪᒪᓂᕐᒥᓂᒃ ᑎᕆᒐᓂᐊᕐᒥᒃ, ᑭᕕᐅᖅᓗ ᓵᓚᖃᕋᓗᐊᕋᒥ, ᓄᓕᐊᖃᕈᒪᔪᓐᓃᓚᐅᖅᑐᖅ ᑎᕆᒐᓂᐊᕐᒥᒃ, ᕿᒪᑐᐃᓐᓇᓕᓚᐅᖅᐹ ᑕᐅᕙᓂ.

2006-ᒥ, ᐊᖏᔪᑦ ᓄᐊᑕᐅᓯᒪᔪᑦ 246 ᓴᓇᔭᐅᓯᒪᔪᑦ ᑐᓂᔭᐅᑐᐃᓐᓇᓚᐅᖅᑐᑦ ᑕᑯᔭᒐᖃᕐᕕᒻᒧᑦ ᕚᓐᑰᕗᒥ ᓄᐊᑦᑎᖃᑦᑕᖅᑐᒧᑦ ᓘᑦᑖᖅ ᕼᐃᐅᕆ ᕗᐃᓐᕌᑉ. ᕗᐃᓂᐸᐃᒡᒥᐅᑕᓪᓚᕆᒃ, ᕗᐃᓐᕌᑉ ᓂᐅᕕᖃᑦᑕᕐᓂᑰᒻᒪᑦ ᐃᓄᐃᑦ ᓴᓇᖑᐊᒐᖏᓐᓂᑦ ᐱᒋᐊᖅᑐᓂ 1968. ᐱᔪᒪᓂᖃᒻᒪᕆᓕᓚᐅᖅᑐᖅ ᓄᐊᑦᑎᓂᕐᒥᑦ ᐃᓄᐃᑦ ᓴᓇᐅᒐᖏᓐᓂᑦ 1971-ᒥᑦ, ᐊᒻᒪ ᐱᓕᕆᓪᓗᐊᑕᖃᓕᖅᑐᓂ ᓂᐅᕕᖃᑦᑕᓂᕐᒥᑦ ᓴᓇᔭᐅᓯᒪᔪᓂᑦ ᐆᒪᔪᒥᓂᕐᒦᖔᖅᑐᓂᑦ ᐊᖑᓇᓱᑦᑕᐅᕙᑦᑐᓂᑦ (ᕿᓚᓗᒐᐃᑦ ᓴᐅᓂᖏᑦ, ᐊᐃᕖᑦ ᑑᒑᖏᑦ, ᐊᒻᒪ ᑐᑦᑐᐃᑦ ᓇᔾᔪᖏᑦ). 54 ᓴᓇᔭᐅᓯᒪᔪᑦ ᕗᐃᓐᕌᑉ ᓄᐊᓯᒪᔭᖏᑦ ᓴᓇᔭᐅᓯᒪᔪᑦ ᐆᒪᔪᒥᓂᕐᒦᖔᖅᑐᑦ, ᐊᒻᒪ 36 ᑖᒃᑯᐊᓂᖓ ᕿᓚᓗᒐᐃᑦ ᓴᐅᓂᖏᑦᓐᓂ. ᕗᐃᓐᕌᑉ ᐋᓐᓂᐊᓯᐅᖅᑎᐅᓚᐅᖅᓯᒪᔪᖅ ᐱᔾᔪᑎᒋᔭᖓ ᐱᔪᒪᓂᖃᕐᓂᖓ ᑖᒃᑯᓂᖓ ᐆᒪᔪᒥᓂᕐᒦᖔᖅᑐᓂᑦ. ᑭᓯᐊᓂᓕ, ᐱᔪᒪᓂᕆᓂᖅᓴᖓ ᐱᐅᔫᑎᓅᓚᐅᖅᑐᖅ. ᐱᔪᒪᓂᖃᓗᐊᓚᐅᖅᑐᖅ ᓴᓇᖑᐊᒐᑦᑎᐊᕙᓐᓂᑦ ᓴᓇᔭᐅᓯᒪᔪᑦ ᓇᑦᑎᓕᖕᒥᐅᑦ (ᓇᑦᓯᓕᒃ) ᓴᓇᖑᐊᖅᑏᑦ ᐅᕙᓐᖓᑦ ᑕᓗᕐᔪᐊᖅ, ᐅᖅᓱᖅᑑᖅ, ᐊᒻᒪ ᑰᒑᕐᔪᒃ. ᓴᓇᔭᐅᓯᒪᔪᑦ ᐊᖓᒃᑯᖃᓂᕐᒥᑦ ᐃᓗᓕᓕᓐᓂᑦ ᐱᔪᒪᓂᖁᓗᐊᓪᖑᐊᓚᐅᖅᑐᖅ, ᐱᓗᐊᖅᑐᒥᑦ ᐆᒪᔪᐃᑦ/ᐃᓄᐃᑦ ᐊᓯᔾᔨᖅᑐᓂᑦ. ᓇᓗᓇᐃᖅᓯᓚᐅᖅᑐᖅ ᐅᓴᐅᓚᐅᖏᑦᑐᖅ “ᐱᑕᖃᒐᔪᑦᑐᑦ” ᑭᓯᐊᓂ ᐊᔾᔨᐅᖏᑦᑐᑦ, ᐊᒻᒪᓘᓐᓃᑦ ᖃᓄᐃᓕᖓᕈᓘᔭᖅᑐᒥᑦ ᓴᖏᔪᒥᑦ ᐱᔪᒪᓂᕆᔭᖓᓄᑦ. ᒫᑦᓯᒥ 2008, ᕼᐃᐅᕆ ᕗᐃᓐᕌᑉ ᓄᐊᓯᒪᔭᖏᑦ ᐅᖃᐅᓯᐅᓚᐅᖅᑐᑦ ᕕᓂᐲᒃ ᓴᓇᙳᐊᒐᐃᑦ ᑕᑯᒐᓐᓈᒐᖃᕐᕕᒻᒥ ᑕᑯᔅᓴᐅᑎᑕᐅᔪᓂᑦ ᐊᒻᒪ ᑎᑎᕋᖅᑕᐅᓯᒪᔪᓂᑦ.